論盡家傭今日: 0|主題: 134085

收藏本版

發帖

返回列表

跳至頁

查看: 598 | 回覆: 8

新工人做得唔好, 打去僱傭公司講解, 俾agent話返我太緊張 [複製鏈接]

ka091011

男爵府

積分: 5874

1^#

發表於 12-9-27 13:36 |只看該作者 |倒序瀏覽 |打印

本帖最後由 ka091011 於 12-9-27 13:50 編輯

新印姐姐雖然返左幾日, 但做野極懶散, 以為屋企冇人勁hea, 一日10個鐘自己係屋企, 我係cam唔見佢9個半鐘, 屋企有裝cam(廳/廚房), 打親俾佢都話你厠所抹野, 我返到屋企厠所根本冇清潔, 做野唔夠好我可以再教, 但你懶, 話你冇做仲要駁咀話有, 我接受唔到, 琴日仲偷我d信抄我地址, 我問佢, 又死撐話只係想知自己係邊..........(太多太多), 岩岩打去agent, 叫佢搵翻譯幫我解釋返俾姐姐我要求, 點知agent仲要話返我"大肚係咁情緒", 會太緊張, 我咁樣對姐姐, 邊個同我做野都死, 我仲嬲, 我間新屋, 第一次請姐姐, 緊張自己屋企好正常啫 (你而家偷我野喎) ! 下個月呀b出世, 以佢既工作態度我點可以放心俾佢自己一個人對住呀b, 我有錯嗎 ????

我同agent第一日請姐姐要求都係話我屋企得2個人, 冇咩特別野要佢做, 餸我買, 飯我煮, 唔會郁d一隻杯, 一隻碗, 都叫姐姐洗, 只係要求係我地返左工既時候將屋企清潔好, 返黎食完飯洗下碗就可以瞓, 咁都話我要求高, 邊個幫我做野都死 ! 我條氣唔順囉 !

我自己同我身邊既人都冇話我情緒有問題囉 !! 仲話而家有姐姐就叫佢做, 自己做小d啦 ! 我都冇聽, 姐姐所有自己野, 佢冇咩衫, 我俾你, 冇鞋, 我買俾你, 牙膏牙刷面巾大毛巾衛生巾, 你唔食豬, 牛, 我買哂所有唔同牌子公仔麵, 腸仔, 丸, 餅乾俾你, 只係想你用心幫我做野, 我咁叫對佢唔好 !!????!!!