國家地區媽媽會 今日: 0 | 主題: 20261

積分: 681

1^#

發表於 13-1-7 14:13 |只看該作者 |倒序瀏覽 |打印

Hi, 本人家住費城，女兒已6歲，現在讀緊幼稚園。好想送她回香港讀書，可以學好中文。但又唔知這安排對嗎？究竟香港教育好還是美國好？
我女兒有香港出世紙。

Thanks!

0 0 0

私人傳訊

hikiko999

大宅

積分: 4335

2^#

發表於 13-1-7 20:07 |只看該作者

本帖最後由 hikiko999 於 13-1-7 20:09 編輯

我未有BB，但我有個好朋友最近就真係送左兩個仔仔返香港讀小一，係上年八月份嘅事，佢係移左民多倫多，佢兩個仔仔都係多倫多出世，基本上唔識講中文，佢因為想兩個仔仔學好中文，所以決心一家人回流返香港，不過亦因為佢兩個仔仔中文程度問題，好似搵學校都搵左好耐先搵到學校收佢地，我自已都有諗過如果將來有BB，我都想比佢返香港讀小學，始終中國人唔識中文好奇怪，我有幾個表姐都係住費城，佢地啲仔女講真而家都唔多願講中文，再大啲我相信佢地直頭唔會講，就好似大部份ABC咁，其實我覺得好浪費左小朋友，始終係美國讀書佢地將來點都會識英文，如果再利用中國人家庭呢個優勢，識講/睇/寫埋中文就好好喇。

私人傳訊

積分: 681

3^#

發表於 13-1-7 23:58 |只看該作者

回覆 hikiko999 的帖子

首先多謝你的意見。正如你所講，他們已不太願意講中文。我每天也會教大女寫生字，但她不太喜歡。所以好大機會送她們回港讀完小學才作打算。

私人傳訊

pippo7389

伯爵府

積分: 16399

4^#

發表於 13-1-8 02:13 |只看該作者

回覆：有冇人送小朋友返香港讀小一？

咁重會唔會返美國先，定係回流返香港定居？如果只係暫時性，又會喺香港讀幾耐書? 返香港讀書啲中文係會好，不過相反英文就一定冇美國咁好嘞! 我自己就從來冇諗過比細路返去讀書，因為驚佢返到嚟追唔上依度嘅課程，我平時會自己教中文，學得幾多得幾多，始終有得必有失，睇下你覺得邊樣重要啲!

點評

bosch agree. 發表於 13-1-8 04:45

私人傳訊

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

5^#

發表於 13-1-8 07:45 |只看該作者

pippo7389 發表於 13-1-8 02:13
咁重會唔會返美國先，定係回流返香港定居？如果只係暫時性，又會喺香港讀幾耐書? 返香港讀書啲中文係會好， ...

同意, 特別係"有得必有失" 同埋打後果句.

要返香港長住幾年至可以幫小朋友打好中文基礎, 聽人講1,2就追得番. 講到英文,雖然之後可以追得番, 但係我覺得追到既只係grammar, 大個果陣至學人地既口音/發音, 硬係會差d, 除非樓主老公真係有一回美國口音又肯花時間去糾正小朋友既發音.

香港同外國教育各有優缺點, 大家都心知肚明, 邊個好d 真係睇你想要乜. 我覺得響香港讀書, 迫得個小朋友緊都可能係中游位置, 響外國要達到同一個level 會輕鬆得多. 如果要做中上以至最top 果班人既話, 我覺得 (當然以我住既地方咁計) 響外國讀書難度高好多.

我都係一個人教中文, 我個大仔仲細 (就黎5歲), 都有d 懶講中文, 又講到有d 甩咳又錯grammar, 我都趁佢未識反抗就儘量俾機會去講中文同埋我會儘量教多d. 同埋我唔容許佢用中文以外既語文同我溝通, 我識聽都會扮唔明, 叫佢再講過. 寫字方面, 我打算等佢過左5歲至開始教, 都係教得幾多得幾多, 同埋要諗d 佢唔覺得悶既方法去教.

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

6^#

發表於 13-1-8 15:46 |只看該作者

引用：+本帖最後由+hikiko999+於+13-1-7+20:09+編

原帖由 hikiko999 於 13-01-07 發表
本帖最後由 hikiko999 於 13-1-7 20:09 編輯

我未有BB，但我有個好朋友最近就真係送左兩個仔仔返香港讀 ...

我有個abc 朋友，佢只敢向我講中文，因為佢其他朋友會笑佢中文講得怪

佢父母意外早逝，佢話講中文係佢懷念父母既方法。

私人傳訊

mugtaitai

公爵府

積分: 28235

7^#

發表於 13-1-8 16:50 |只看該作者

happy*mum 發表於 13-1-7 23:58
回覆 hikiko999 的帖子

首先多謝你的意見。正如你所講，他們已不太願意講中文。我每天也會教大女寫生字， ...

如果小朋友要返香港讀書，咁即係你要全家搬返來，除左小朋友讀書嘅考慮，仲有大人工作同住屋嘅考慮，如果全部都已經諗過，並且安排得來，應該係可行嘅。
樓上有 jm 提出香港讀書壓力大，呢個係真嘅，而且你小朋友已經 6 歲，返來就要入小學，完全唔識中文，入讀傳統小學會好辛苦，要有心理準備。

我見過幾個回流個案，可以分享一下佢地小朋友返學嘅情形，你可以參考一下：

1. 我細仔而家小三，有個同學仔一年班時從加拿大回流，返到來入唔到國際學校，只好跟政府派位暫時讀津小，中文追得好辛苦，而且唔慣咁多功課，日日喊住要返加拿大，二年班轉左而家呢間私校，功課冇咁緊，又稍微適應左香港嘅生活，情形先至好返少少，但喺班裡面，佢成績都係喺下游

2. 同事兩個女兒讀幼稚園時返來（佢兩個女相差只有一年），佢堅持要比佢地讀傳統名校，因為想佢地學好 d 中文。大女十分抗拒，覺得自己係美國人，完全冇必要學中文，整個小學六年，佢嘅中文都係唔合格嘅，請過不知幾多個補習都冇進展，只係因為同事係舊生，又一直大手捐款比學校（同事夫家頗富有），佢先至冇被“勸諭離校”，但原校升中就冇可能了，結果中學都係要轉國際學校。細女好少少，冇家姐咁硬頸，但都係對中文冇興趣，不至於唔合格，但同家姐一樣，中學都係因為中文成績唔夠好而升唔返自己中學，要轉國際學校。

從佢地嘅經驗睇來，如果小朋友回流，讀國際學校會容易適應 d，但中文程度會較差，呢個係 trade off，冇辦法，當然你可能會覺得勞師動眾全家搬返來都係為左小朋友讀中文，如果學校嘅中文唔惦，豈不是失左整個意義？某方面睇，呢個的確係，如果你小朋友係比較文靜肯讀書嘅，或者可以試下比佢讀傳統學校，睇下是否適應得來，唔得再考慮轉國際學校

私人傳訊

積分: 681

8^#

發表於 13-1-8 23:28 |只看該作者

多謝大家的分享：

其實於2012年我已托香港的家人幫我大女申請小一自動派位，成功地派到第一志願，可惜老公不太讚成，所以最後暑假放棄回港。

由於我們只是低層家庭，老公打份唐人工，我一直是家庭主婦（移民後），之前在香港有份寫字樓工。過來這邊後一直找不到理想的工作，所謂高不成低不就。所以一直也不太投入這邊的生活，再加上想念香港的父母，明白樹欲靜風不息，子要孝親不在。所以才想回港（多方面原因），所以才再有回港的念頭。

不過大女的中文確實不是太好，在家可溝通。但如果問她在學校的事，很多她已翻譯不到中文，因佢跟本唔知果d中文叫乜。

如果返香港我沒打算讀國際學校，因無意思。我會安排讀津小，有更多機會接觸中文。

我們會住在娘家先（西環）。不過老公依然不太想返

私人傳訊

積分: 681

9^#

發表於 13-1-8 23:33 |只看該作者

我打算俾大女讀完小學睇下d成績點先，如果都唔錯就繼續升中學。否則就再返來。不過到時佢會唔會追得好辛苦呢？

私人傳訊

pippo7389

伯爵府

積分: 16399

10^#

發表於 13-1-9 02:11 |只看該作者

引用：多謝大家的分享：其實於2012年我已托香港的

原帖由 happy*mum 於 13-01-08 發表
多謝大家的分享：

其實於2012年我已托香港的家人幫我大女申請小一自動派位，成功地派到第一志願，可惜老公 ...

你喺屋企同女講中文嗎？你英文 ok 嗎？你可以叫佢用英文講你知學校嘅嘢，你再慢慢解釋返中文比佢知，佢可學到更多中文。我女就嚟5歲，中文完全冇問題，因為喺屋企我多數同佢講中文，佢就中英文夾雜同我講，不過佢完全明白我講乜嫁!
至於喺美國揾唔返香港做緊嘅工，依個問題我諗你決定移民嗰陣都預咗啦 .... 多口問句，點解樓主當初會選擇移民呢?

私人傳訊

積分: 681

11^#

發表於 13-1-9 05:37 |只看該作者

回覆 pippo7389 的帖子

我在家是與女兒講中文，她也完全明白。但在學校所學到的她已不懂用中文講出來，當然有時我也會用中文解釋給她聽，但她每日學這麼多，我總不夠全部解釋。
至於我點解會移民，長話短說。我和我老公是小學同學，他是我初戀。到中二那年他全家移民。之後我們就一直過著異地戀。我在香港畢業後工作左幾年，之後結婚申請移民。咁就來左美國。可能我所有家人、朋友都在香港，所以導致我想返港的念頭又多d.

點評

drm And my childs school teach japenese. 發表於 13-7-20 02:10

drm I am not sure your area. But in my place, some school teach chinese, Japenese ga. (public school). 發表於 13-7-20 02:10

私人傳訊

pippo7389

伯爵府

積分: 16399

12^#

發表於 13-1-9 06:06 |只看該作者

回覆：happy*mum 的帖子

我都好明白你掛住屋企人／朋友，其實我都好掛住香港，未有細路前都重可以週圍去，有咗小朋友真係邊度都唔去得，我C6都好鍾意香港，所以退休後可能會返香港，不過家下為咗小朋友就唔會了 ...

私人傳訊

judith07

大宅

積分: 1127

13^#

發表於 13-1-9 07:00 |只看該作者

回覆：pippo7389 的帖子

本帖最後由 judith07 於 13-1-9 08:02 編輯

我係路過既。我住加拿大。
我都有諗過比小朋友返香港學中文。但都係放棄了。其一，係因為香港學校既中文程度很深，如果不是k2
(即最遲4歲左右開始)，根本追不上。如返港後讀完小學才回來。英文，特別係Spoken English, 一定比其他人差。所以係行唔通的。
不過我覺得小朋友學中文學得如何，好睇父毋肯花多少時間教佢地。我仔今年五歲，自去年起，我每日花20-30mins教佢中文。風雨不改。現在他己能辦認400多個中文字。可自己看最簡單既中文故事書。對學中文亦很有興趣。加上家中，全中文對話，及只看中文電視。雖然佢返學係全英文，但返到屋企，佢會自己轉返講中文的。雖然我唔肯定佢係唔係會繼續學得咁好﹔但我會盡力的。起碼做左自己可做的。
所以,如果純為學中文，我自己覺得返香港末必是最好的安排。
但樓主似乎係有其他考慮，例如，不適應美國生活及掛念在港父母。那便是另—個問題了。

judith07

私人傳訊

mugtaitai

公爵府

積分: 28235

14^#

發表於 13-1-9 09:15 |只看該作者

happy*mum 發表於 13-1-8 23:33
我打算俾大女讀完小學睇下d成績點先，如果都唔錯就繼續升中學。否則就再返來。不過到時佢會唔會追得好辛苦 ...

如果小朋友喺香港讀得上去，再返來美國讀應該唔難。我當年讀中文中學，grade 11 過來美國，英文係要加把勁，但其他科簡直如執豆，我可以將大部份時間放喺英文上，問題並唔係太大。後來大學畢業，都喺美國做過幾年嘢，英文口語上的確係唔及得上自細喺度長大嘅人（有d俗語會唔識，或者有d笑話唔識笑），但溝通完全冇問題。

私人傳訊

rose-mag

王國長老

積分: 174135

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

15^#

發表於 13-1-9 16:05 |只看該作者

其實香港而家讀書真係壓力好大，我剛返完香港，同好多朋友傾過，
有D唔想谷都要谷，唔係第時入唔到好中學，有D朋友就好似中咗咒語咁，
電兔上身教你點樣報學校，但問題係小朋友有冇讀書天份呢？
你見過K3要學寫龜字未？K2英文生字10個，大人都未識晒，
小朋友就要背同串，小學要學一種樂器，鋼琴係唔計架，
因為太普通，要入所謂名校要講香港排名，即係你代表學校參加田徑係唔夠架，
學界第一冇用，要香港第一。可以獨善其身嘅就係去讀國際學校，
但咁又同原意想學好中文唔配合。香港讀書唔只小朋友辛苦，
大人仲苦，我自問做唔到，我想我對仔女讀書開心，有動力學習，
我唔要佢地死背爛背，明明小一學小三嘢，除咗讀書成績，
小朋友品行做人處世都好重要。我朋友個仔平均分87，我話幾好喎，
佢個仔又有禮貌又有愛心，平時跟父母去做義工探訪老人，
但我朋友話佢個仔係全班最後果3名，因為有十幾廿個90幾分排前面，
可想而知有幾大壓力，小朋友都有失敗感。
我都算懶，以前都係我同對仔女講中文，但上咗小學後，
佢地都係英文多過中文，雖然學校有中文學，但程度點都比唔上香港大陸，
我唔要求佢地識好多，但最少簡單字要識寫識認，口語中文一定要明要識講，
但因為我老公唔識中文，而家我都係盡人事，教得幾多得幾多，
唔想太逼佢地搞到佢地怕咗就前功盡癈。

花旗太太生活在花旗國，留意時差，你問我未必即時答到。

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

16^#

發表於 13-1-10 06:35 |只看該作者

mugtaitai 發表於 13-1-8 16:50
如果小朋友要返香港讀書，咁即係你要全家搬返來，除左小朋友讀書嘅考慮，仲有大人工作同住屋嘅考慮，如果全 ...

睇你咁講法, 不如搬去三藩市讀d 有中文既小學仲好.

私人傳訊

積分: 49423

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

17^#

發表於 13-1-10 06:37 |只看該作者

happy*mum 發表於 13-1-9 05:37
回覆 pippo7389 的帖子

我在家是與女兒講中文，她也完全明白。但在學校所學到的她已不懂用中文講出來，當 ...

好浪漫

私人傳訊