婆媳關係 今日: 0 | 主題: 27775

積分: 268

1^#

發表於 13-1-9 11:57 |只看該作者 |倒序瀏覽 |打印

我由有左到現在六個月, 我阿媽都無理過我. 或者我交代少少家庭背景.

我有一個妹, 講真我妹份人好自我中心, 亦睇得D錢好緊, 佢係做生意的. 成日要我地D屋企人做義工(裝修搞活動各樣), 做得唔好仲要俾佢鬧. 呢幾年我妹生意做得愈來愈好, 脾氣亦愈來愈差. 成日亂咁鬧人. 我以前諗住一家人無所謂, 但隨著佢脾氣愈來愈臭. 我頂佢唔順好多時都話唔得閒就算. 好少見.

我以前返娘家, 有時我會同我媽講起呢個問題, 我希望我媽作為母親可以同佢講下, 叫佢唔好成日拎人黎發脾氣. 大家一家人, 我真係希望我地互相幫忙互愛互助. 但我媽成日開聲埋聲就話佢無辦法, 佢管唔到我個妹, 我好幾次我真係好唔開心, 因為成日無端端俾個妹拎黎做出氣袋. 呻下我媽就嫌我煩, 甚至趕我走, 叫我以後唔好返去. 唔好煩佢.

事實是我媽好縱佢, 我妹生意做得很好, 但仍要我媽幫佢去舖頭洗廁所因為唔想請人, 我媽都心甘命抵. 其實我媽都成日俾我妹鬧, 但唔知點解好似中左咒咁. 另外, 我妹個老公亦很痛錫我個妹, 處處維護佢. 令佢脾氣愈來愈大.

其實本身我同我媽關係是OK的, 但就因為好多時我媽幫住我個妹, 甚至同我講:「你個妹壓力大, 俾佢發洩下, 做家姐唔好咁計較」. 令我覺得我媽根本無理過我感受. 我想講我都係人, 而且本身我對我妹好好, 成日幫佢, 我覺得我唔應該得到咁既對待. 就算我媽唔話佢, 最少亦應同情一下我. 我都係佢個女, 點解要我俾佢個細女「糟質」.

ANYWAY, 就係因為我成日俾我妹鬧, 我得唔到我媽的同情及主持公道, 好多時連我老公都睇唔過眼(我老公都有份幫我妹手做義工), 我老公心痛我在外家俾人咁對待. 唔想我返去咁多. 慢慢我就少左返去. 到我有左, 我媽從來不聞不問, 我只返過去食一次飯, 仲係我自己要求. 我媽從來無打黎問候我, 亦無話煮野我食. 有次我忍唔住打去問佢, 可唔可以煮飯我食(因為我唔信我媽真係咁對我), 佢竟然話佢好累, 唔想煮. 咁我就叫佢黎我個邊, 話一齊出去食. 佢亦嫌遠. 唔想來(其實我地屋企只係30分鐘車程). 自此亦無打過俾我.

憑良心講, 我對我父母過得去. 我嫁左之後我層樓留俾佢地住, 不租不賣, 我繼續供, 另外每個月再俾家用佢. 每年母親節, 父親節, 生日, 過節都係我搞(好多時錢都係我出). 我妹講明佢無時間, 參與就OK, 要搞佢就寧願唔黎. 究竟我係咪對我媽太好, 佢唔識珍惜? 我明白做人, 對人好唔好希望人地對你好, 但這是我媽, 我真的很傷心.

0 0 0

私人傳訊

luckybaby2011

水晶宮

積分: 72641

2^#

發表於 13-1-9 12:08 |只看該作者

我老公係大仔，佢都係只有付出不會有收穫那種。父母偏心，最錫既未必係最乖果個。
我講唔掂我老公...不過想勸你睇開D...佢咁對你都唔係今時今日既事，既然自己有小朋友...有老公..不如多花心思時間在自己頭家..

你有能力..俾屋俾家用就算...已經好好做足子女本分..
搞咩活動...做義工不如出去幫街外人..起碼有句感謝..

可能你同我老公一樣..都係慣左.....我成日話佢自取其辱...咁講係難聽D..但真係事實囉.....如果自己都覺頂唔順...就唔好再做..'
點可以因為佢忙佢叻就發洩係你身上...
你心痛阿媽都冇用...但佢自願的..
你想想...你老公也會心痛你...你又何苦自己攞苦黎辛....

私人傳訊

積分: 268

3^#

發表於 13-1-9 12:15 |只看該作者

謝謝你的回覆LUCKYBABY. 你講得岩. 可能係因為最大, 所以慣左. 其實之前我未有BB, 都唔覺得我媽對我兩姊妹係咁大分別. (可能第一胎, 希望有人關心下, 但結果無) 自問對父母過得去, 我媽就成日拎飯拎湯俾我個妹, 但就話我遠唔得閒一陣又話累. 我真的很心淡.

私人傳訊

積分: 268

4^#

發表於 13-1-9 12:19 |只看該作者

同埋, 我真係好想問, 要父母主持公道, 真係咁難嗎? 我一直以為作為父母最基本的就是照顧好每個子女, 同令佢地覺得公平. 可能我太天真. 我唔想相信父母真的會這樣偏心同做到咁出面...

私人傳訊

kyria

男爵府

積分: 5565

5^#

發表於 13-1-9 12:25 |只看該作者

回覆：yanyan1013 的帖子

做親戚都要講緣分，佢太偏心，自己唔開心咪少D見囉!唔好難過!

私人傳訊

積分: 268

6^#

發表於 13-1-9 12:34 |只看該作者

謝謝你KYRIA. 我都明白唔開心就少D見, 但始終是我自己媽媽. 自己阿媽咁對自己真係好難受. 我老公都成日話我, 叫我當我媽唔理我走左佬唔好掛住佢得唔得..但我始終放不下...我仍努力接受事實中...
講開生BB, 我未有BB之前, 我媽成日周圍同人講, "唔好話佢對我唔好, 如果我有左, 佢一定黎幫我湊B", 但上一次見佢時, 當時我有左3個月, 我問佢, 不如我在我家附近租多個單位, 佢搬黎我附近住, 因為我第一胎, 如果有咩唔識要人幫手, 有個照應.
佢即刻轉哂口風, 話現在人老左(其實佢都好後生55歲) 真係無能力湊. 仲不停叫我出錢請我個老表姐(50歲左右)湊, 咁佢就唔洗黎.

私人傳訊

KIMBERLEY0902

積分: 3108

7^#

發表於 13-1-9 12:34 |只看該作者

回覆：kyria 的帖子

我都覺得你媽咪好偏心，但可以睇下之後如果你呀妹會大肚，甘你媽咪又會唔會煮好野俾她食就知啦。

不過你都唔好唔開心，有老公錫就得啦

私人傳訊

積分: 268

8^#

發表於 13-1-9 12:38 |只看該作者

謝謝你KIMBERLEY, 我妹就算現在無BB, 佢都成日叫佢返去食飯, 唔返都成日拎湯拎飯俾佢. 我真係唔想知第時佢會對我個妹幾好, 因為我會傷心到想死.

私人傳訊

matthewconnielo

伯爵府

積分: 15922

BK Milk勳章

9^#

發表於 13-1-9 12:40 |只看該作者

yanyan1013 發表於 13-1-9 12:19
同埋, 我真係好想問, 要父母主持公道, 真係咁難嗎? 我一直以為作為父母最基本的就是照顧好每個子女, 同令佢 ...

樓主你陀緊BB 就唔好咁唔開心喇,

有時, 作為仔女係唔會明白父母諗乜野,

但求做足自己本份就算,

父母緣呢樣野, 無人可以解釋到.

更何況世界上真係無公平架,

兩個仔女, 一定會有偏心一個. 無可能做到兩個都平均/公平.

既然同媽咪傾都係無答案, 就唔好再為細妹態度問題去叫老人家出頭,

你都識話媽咪都有受細妹氣, 即係媽咪都係有苦自己知.

少D見, 就少D受氣! 安心養胎, 將多D 關愛比老公同BB!

認真就輸了!

私人傳訊

Manwah

子爵府

積分: 13893

2021可愛聖誕B勳章牛年勳章

10^#

發表於 13-1-9 12:47 |只看該作者

回覆 yanyan1013 的帖子

其實我情況同你都不遑多樣, 直頭係如有雷同的. 我可能有某些方面仲差過你, 我有好多兄弟姊妹, 家用方面相對地比得唔少, 但可以得到的回報就少之又少.

父母如是, 其他兄弟姊妹如是(因為她們都會相對地對父母重視的那一個好一些, 而我又是不被重視的一個), 好攰的只有付出沒有回報.

但後多來跟朋友溝通, 人總有偏啫又無得勉強的. 正如有两套衣服都是自己買的, 但總有套是較為喜歡, 而不被重視的那套衫從來沒做錯, 只是欠了一些些, 又或者是緣份了. 我開始不再為家人團團轉, 因為只有我傷心同失望, 跟本父母及其他兄弟姊妹沒半點在乎了. 所以我只有嚐試放開自己放手吧了. (叫做放過自己)

某天舊同學跟我分享了一事, 她以前讀書經常穿長袖衫, 原因是給她媽媽打到體無完膚, 又穿頭, 又刀砍, 又上差館, 又縫針. 她的媽媽好狠心呢! 但她現在還供養她那狠心的媽媽, 為的是做好榜樣給她的兒子. (註:她媽媽年紀不是很大，才剛六十出頭。。。她媽媽曾被告虐兒）

放手。。。。放過自己！不要在意了。　傷心是必然有的。

以馬內利, 神與我們同在! :-D :-D

私人傳訊

積分: 268

11^#

發表於 13-1-9 12:48 |只看該作者

謝謝你matthewconnielo. 其實我都明白做子女都係講緣份. 其實我媽對我妹有幾好我真係唔介意. 只要我媽肯分少少時間理下我. 但佢完全唔想理我. 可能自己有左想人關心下, 我每隔一排就會諗, 點解我媽都唔打俾我, 之後就忍唔住打俾佢. 但次次佢都答我, 你唔好返黎啦, 我好累, 唔得閒. 唔想煮. 叫佢過黎一齊出去食佢又話唔想黎. 有時話返大陸做按摩個D, 又話唔得閒..我D朋友D媽媽好似都會照顧下佢地, 但我媽一D都唔想理我. 所以有少少唔開心

私人傳訊

bighead234

積分: 1710

12^#

發表於 13-1-9 12:51 |只看該作者

回覆：我究竟係咪我媽個女

有啲父母真係做唔到子女公平架，正所謂十隻手指有長短，樓主你唔好唔開心啦，我覺得你做好女兒本份就夠了，你越諗，只會越唔開心，同家人感情其實都好睇緣份架。我亞爸仲好笑呀，對街外人好過對自己仔女，但錢就識問我地拎喎，我意外之後行動唔方便，所有親戚見到我都問候下，佢竟然可以見唔到架喎，你話係咪好可笑?
你自己有個家庭，不如將全副心機放在你同老公頭家，外家個邊唔好諗咁多，你陀住bb，你唔開心bb feel到架。{:1_1:}

私人傳訊

積分: 268

13^#

發表於 13-1-9 12:54 |只看該作者

謝謝你MANWAH, 我覺得你說得很對.
>>>我開始不再為家人團團轉, 因為只有我傷心同失望, 跟本父母及其他兄弟姊妹沒半點在乎了. 所以我只有嚐試放開自己放手吧了. (叫做放過自己)

我老公都係咁同我講, 佢叫我當我媽走左佬唔好諗唔好傷心. 唔係我唔想對我媽好, 而係再咁落去簡直是自虐. 因為做人點都一定有少少期望, 佢叫我做唔到完全無期望就唔好再付出. 因為佢都睇到我媽我妹係完全不在乎我的. 我做唔到佢唔想我再自討苦吃.

好想GIVE YOU A BIG HUG! 我們要加油, 創造自己的幸福的家...

私人傳訊

積分: 268

14^#

發表於 13-1-9 12:59 |只看該作者

BIGHEAD, 謝謝你的回覆. 咁你現在康復了嗎? 其實我老豆都同你老豆不枉多樣. 在街是義氣仔女, 成世人都只有朋友. 對屋企好少理. 這亦是我變得很重視媽媽的原因. 但到頭來, 我媽都一樣不在乎我.

私人傳訊

monmonchau

積分: 1444

15^#

發表於 13-1-9 13:03 |只看該作者

回覆 yanyan1013 的帖子

你唔好傷心la, 你好好安心安胎我都是大女，好明白，永遠付出比細路妹多.但有事係黎，就是冇人理，最緊要自己爱自己，你都快有bb 錫，這不是最好的回報嗎

私人傳訊

newroom

積分: 1857

16^#

發表於 13-1-9 13:07 |只看該作者

我媽都係咁, 最錫細果個, 唉.
以前一家人屋企食飯, 果晚好餸,就將好味果碟,成碟放去自己碗邊, 亞爸睇唔過眼, 出聲話佢,亞媽都護住哂,"由得佢啦, 佢想食痳". 果陣亞妹廿幾lu.
本日屋企霸道就梗架喇, 屋企買左D 左咩新野,都一定唔見,因為比佢"立"哂入佢房.
仲要我自己比錢買既新衫,洗完一次就無左,因為晾衫時,比佢見到,又"立"埋.

依家我嫁左,都有比家用. 不過你又比家用,又供樓,實在唔洗咁多.
都嫁左人,你專心多D自己頭家好過.
你亞媽無心,唔想見你, 你都唔好約佢咁多, 佢又要揾藉口推你, 都好辛苦.

你有心佢無意, 何苦呢.

私人傳訊

tingtsang

積分: 4963

17^#

發表於 13-1-9 13:11 |只看該作者

回覆：我究竟係咪我媽個女

通常最顧家果個～都唔會係最錫果個～最PK果D就咩都留曬比佢!

Make a pregnancy ticker

私人傳訊