論盡家傭今日: 0|主題: 134048

收藏本版

發帖

返回列表

跳至頁

查看: 448 | 回覆: 2

希望keep住...... [複製鏈接]

helenyoo

別墅

積分: 908

1^#

發表於 13-5-2 16:04 |只看該作者 |倒序瀏覽 |打印

上一個瘟神走咗一個月，新印姐終於在4月27日到咗。

新印姐28歲，係屋企孻女，在新加坡做過四年同一僱主（所以英文好好），在香港做咗三年幾，第一份工做到完約，第二份工話因為亞mam轉做全職家庭主婦，所以完約前四個月唔用佢，兩份工都係照顧小朋友為主。咁我interview佢時佢極好笑容，同埋好乖，即時已經話好想黎我度做（我之前見過幾個都好揀工，聽到我有兩個小朋友都話要考慮），不過要問下父母意見先。當晚佢打電話同父母傾完就好有交帶打俾agent覆實，第二日一早簽約。

今日係佢到咗我屋企第六日，做野勤快，話頭醒尾，清潔得好乾淨！煮野食都ｏｋ（好過之前果件），有禮貌、有規矩，做野自動波，食野唔揀擇。最主要係我個細仔第一日已肯跟佢，相處得唔錯。呢個姐姐係一個好開心嘅人，有點兒大癲大肺，成日哈哈笑，都多野講，但你係會被佢嘅笑聲感染到！

佢黎到第一日我同佢講話唔知點解呢幾晚去廁所都見到有小強，佢仲話我知係因為Ｄ去水窿（渠），仲話要不時倒少少漂白水落去清潔先得，果然之後再冇見到小強。之前Ｄ人話印傭清潔衛生冇咁好，咁我真係好好彩！

仲有係我第一時間同佢講唔准開工時玩手機同SEND短訊(因之前個工人係咁)，佢叫我放心，佢要省錢，唔會用智能手機，只有一部好舊的黑白mon手機。咁我見佢都係晚上做完晒野，細路都訓晒，先至會自己係床度send下短訊睇下書, 我就冇干涉。

總之暫時非常滿意, 希望一直keep住! 唔好愈做愈大食懶兼學壞就得喇!