母乳餵哺 今日: 0 | 主題: 85707

積分: 248

1^#

發表於 13-5-9 13:10 |只看該作者 |倒序瀏覽 |打印

我一路都覺得自己係一個窮媽，生左到依家6wk，一直都好介意自己o既奶量，每日就係周圍爬文睇資料，搵下有咩方法令自己多奶，希望可以好似某些富媽媽咁儲到成雪櫃奶做儲備。直到呢幾日，我睇左呢篇日文文章，我舒懷左好多，所以特別翻譯左幾段講得好好o既部分，希望可以幫到其他認為自己唔夠奶o既媽媽更正面咁面對。

原文: http://plaza.rakuten.co.jp/yokubarimama/002020/

要先了解母乳和奶粉的餵食節奏是完全不一樣的東西。奶粉是人造的東西，一般需3小時左右消化，太頻繁餵哺會對bb的胃做成負担，所以才會有相隔"3小時餵食"這餵食節奏出現。但這節奏只適用於奶粉的情況，所以先不要認為母乳也要3小時一次才正常，即使相隔2小時、1小時便餵食也不代表母乳不足。如要像奶粉一樣，定時3小時一次，那大部分人都會不足夠而要添加奶粉了。所以一定要先理解和接受"母乳是每次少量而需頻繁餵哺"這事實。

另外，母乳每次的量亦因認時間而有不同，例如作者的情況，早上每次大概有100ml，到了下午約60~80ml，黃昏奶量較低只有20~40ml，食過晚飯沖涼後可能又會回復到40~60ml。很多人會認為 "20ml? 40ml? 完全不夠bb吃啊!!"，但母乳餵哺正是這樣。母乳餵哺的話根本沒必要跟奶粉的情況比較，沒有一定的分量一定的節奏。取以代之，bb想吃的時候便吃，除了為飽肚外，有時bb可能只當甜品喝一點，有時是靠吸啜來安睡，有時媽媽用來安撫bb情緒。所以，尤其是初生嬰兒，即使只有10ml也沒有關係，每次相隔多久也不用介懷，讓bb吸啜吧! 母乳就是bb需要時時便提供，不足夠的話只要讓bb吸啜胸部便會製造的東西!

0 3 0

私人傳訊回覆引用

積分: 248

2^#

發表於 13-5-9 13:18 |只看該作者

日本係一個母乳餵哺率算高o既國家，但原來不少日本媽媽都跟我地一樣有相同o既煩惱，除了知道這是十分常見的情況(不要再覺得自己唔正常了!)，亦可想而知現代社會被奶粉商洗腦，因而改變了想法的情況有多嚴重。

新手媽媽們，我地唔好再俾bb每轉瞓唔到3小時，泵出o黎唔夠一餐3安等，飲奶粉才適用的想法影響自己啦，一齊享受同bb密密埋食o既樂趣啦~~

私人傳訊回覆引用

frb

別墅

積分: 970

3^#

發表於 13-5-9 13:39 |只看該作者

回覆：給所有認為自己唔夠奶o既媽媽

多謝分享！真的看完心情也輕鬆了！
但若是要工作的媽媽就不能隨時餵哺了，這位作者有沒有建議？我正煩惱遲些復工後如何安排！

私人傳訊回覆引用

積分: 248

4^#

發表於 13-5-9 14:02 |只看該作者

本帖最後由 BBmushroomBB 於 13-5-9 14:16 編輯

回覆 frb 的帖子

作者提議沒法埋身的媽媽用泵奶的方法來餵哺。
http://plaza.rakuten.co.jp/yokubarimama/002023/
奶量未穩定的話，同樣用少量多次的做法來刺激身體。

另外，文章有提到，到了3個月左右，bb同媽媽o既身體會開始適應，隨著月歲，餵哺o既次數和間隔都會穩定下來。

私人傳訊回覆引用

noella

積分: 4359

5^#

發表於 13-5-9 14:05 |只看該作者

多謝分享，雖則如此，但訓覺時間唔夠奶，BB眼光光點餵都唔訓（唔夠奶），我都頂唔順會補返一餐奶粉。

私人傳訊回覆引用

積分: 248

6^#

發表於 13-5-9 14:12 |只看該作者

另外亦有關於泵奶奶量o既文章

原文: http://plaza.rakuten.co.jp/yokubarimama/002022/

主要指出bb吸啜是靠上下顎及舌頭等物理性地吸出母乳，而非像泵機般只靠吸力。
泵奶的話，胸部要儲了一定程度的奶、有一定程度漲起，才可以順利吸出，而有時甚至只靠吸力亦無法泵出奶來。
反之，即使胸部沒有谷，其實bb都可以吸出母乳。

私人傳訊回覆引用

積分: 248

7^#

發表於 13-5-9 14:27 |只看該作者

[ 本帖最後由 BBmushroomBB 於 13-5-9 14:28 編輯 ]

我認同奶粉唔係洪水猛獸，始終人人情況不同，唔需要一定迫自己唔可以補粉。我都怕夜晚bb喊得太密，自己瞓唔到製造唔到奶，又嘈到家人/鄰居，所以夜晚會泵出o黎用樽俾bb食一定o既量，等佢瞓耐少少。有時泵出o黎唔夠，都會用奶粉替代。我有次去健康院時聽到姑娘同一個喊住話冇奶o既媽媽講， "餵奶粉o既媽媽就唔係好媽媽咩? 早年多數餵奶粉，咁你阿媽係唔係就係一個衰媽媽? 唔知餵奶，其實養大一個小朋友冇得話做到perfect，只要盡左力就已經得。"

點評

WinnieKitHei 其實養大一個小朋友冇得話做到perfect，只要盡左力就已經得。

發表於 13-5-11 03:56

私人傳訊回覆引用

smiley7x24

男爵府

積分: 6767

8^#

發表於 13-5-9 15:44 |只看該作者

大家加油呀~!!!

私人傳訊回覆引用

sasa0516

侯爵府

積分: 24874

瞓得好勳章

9^#

發表於 13-5-9 17:09 |只看該作者

回覆：給所有認為自己唔夠奶o既媽媽

睇完一身都鬆唔少我b每次啜得十分鐘但餵前都有硬硬地有時啜五分鐘佢就放口我成日都驚唔夠奶佢雖然食五分鐘咁少但都訓到兩個幾鐘咁我諗佢都飽啦咁有時想比佢食左再揼揼但揼極都無1安成日都擔心佢唔夠食睇完呢篇野心都定d

私人傳訊回覆引用

qinqinyan

伯爵府

積分: 16214

BB防敏心得分享勳章

10^#

發表於 13-5-9 17:33 |只看該作者

引用：我一路都覺得自己係一個窮媽，生左到依家6w

原帖由 BBmushroomBB 於 13-05-09 發表
我一路都覺得自己係一個窮媽，生左到依家6wk，一直都好介意自己o既奶量，每日就係周圍爬文睇資料，搵下有咩 ...

我覺得真係唔可以計較泵出來一次有幾多，我仔宜家四個幾月，我每次都衹可以泵到三安幾，次次都要食曬我兩邊胸既奶。我唯有餵密d，仔夠屎片夠重就得啦，我雪櫃奶都儲唔多，留d為咗以防萬一。今日去健康院磅重,有16.6磅，超開心，醫生都話唔好俾佢太肥。

私人傳訊回覆引用

debby仔

積分: 307

11^#

發表於 13-5-9 17:44 |只看該作者

回覆：BBmushroomBB 的帖子

超級多謝您哋嘅分享⋯我成日都覺得自己唔夠奶，亞B體重又未達標上軌道，雖然每星期都Keep住有上升⋯但成日問自己點解追極都未追到，好depress⋯已經好努力咁密密餵，但無奈佢每次食到10~15分鐘就開始瞓，點整都唔醒⋯有時勉強都餵到30分鐘，但未夠兩個鐘又要食⋯
我有試過用電泵pump，但係pump唔出，1安都冇⋯用手擠都有咁嘅量，但要好耐，所以放棄用電泵喇⋯番工都唔知點算？！
今日去完健康院，聽醫生話都係重得慢，好唔開心，始終都係要補少少奶粉，等我同亞B都有得休息，平衡番作息，睇下會唔會有改善喇！

私人傳訊回覆引用

baby_rabbit

積分: 3205

12^#

發表於 13-5-9 22:04 |只看該作者

女女4個月, 仲係2-3hr 就要食, 每次食少少 1~5min. 逼唔到佢食耐d
其實都好擔心佢食得咁少, 4個月磅我都嚇一跳 15磅幾, 如果佢食得多就不得了

好多媽媽餵到3,4個月 bb已經可以隔4hr 先食, 甚至可以一覺訓天光~~睇完之後個心都舒服少少, 只怪我女唔鍾意一次食咁多

FTM 全埋身
囡囡出世 3.61kg; 第5日出院 3.66 kg; 第19日 3.96 kg
1個月2日 4.50 kg; 1個月14日 5.26 kg
2個月3日 5.46 Kg (57.5 cm)
4個月 7.02 kg (64.5 cm)
6個月 8 kg (68.5 cm)
1歲 10.5kg (78 cm)

私人傳訊回覆引用

katkatyy

積分: 2017

13^#

發表於 13-5-10 00:58 |只看該作者

本帖最後由 katkatyy 於 13-5-9 09:01 編輯

debby仔發表於 13-5-9 01:44
超級多謝您哋嘅分享⋯我成日都覺得自己唔夠奶，亞B體重又未達標上軌道，雖然每星期都Keep住有上升⋯但成日 ...

你唔好咁擔心啦，只要有上升就正常了。

我個仔宜家五個月，頭兩個月佢係生長線的3％。但醫生同我講，只要佢有keep住重就可以了。仲不斷讚我的奶好，因為佢有重。去到宜家，佢也只不過是25％。（當然，睇你去咩醫生最重要，我個醫生應該係好鼓勵人奶，所以佢比我好多安慰）。

所以你不用強求去達標，更不用補粉。你睇你個bb如果正正常常，無乜特別痛苦，就ok了。

我個仔頭兩個月好多時一個多小時就要食，我一日就係坐係度喂奶，真的，非人生活。晚上佢有時連續幾個小時要不停的食，不斷的啜，我都經歷過。

宜家捱過了，自已覺得好大成功感。我一d奶粉都無補過。

加油呀！

私人傳訊回覆引用

katkatyy