爸爸專區 今日: 0 | 主題: 16416

積分: 66

1^#

發表於 13-5-24 15:06 |只看該作者 |倒序瀏覽 |打印

(最近見到有人實現夢想，自己想在此訴訴男人心事)

身為男人，從前有句「四仔主義」，很榮幸，於兩年前已經完成「老婆仔」的階段，還有屋仔、車仔、生bb仔有待努力。像一般打工仔一樣，坐在寫字樓中，過著打字、打電話、打電腦的生活，工作環境算是比較舒適。社會轉變，經濟轉型，已經達到一個矛盾狀態。通脹高、樓價貴、現金已不再保值。雖然很難概括而論，但是，懂得發揮財技及投資的人，往往在社會中出人頭地，帶動本港百萬富翁人數再創新高。究竟，他們的錢從何來?

另一方面，賺取每月人工而又能夠給予足夠家用、水電煤、住屋(不論供或租)、供養父母......仍然還有多餘錢，間中出國旅行、換智能手機，已足以稱為較富裕舒適的生活。而能夠再負擔一輛私家車及其後的養車開支，實在令人羨慕。即使只是一輛日本4人小房車也好，能夠成為車主已令人興奮不已。

目標往往是遙遠及需要有良好的基礎，就好像蘇樺偉、李慧詩等，人們會頌讚他們的成功，會祝賀他們達到目標。就算9A巴士司機也好，他亦是完成了20多年的夢想，雖然大眾不見得一致認同。

豬仔錢箱已於結婚時打爆了，現時積蓄夠去香駕學車，之後便餘下3個月家用buffer的穀種，一切要重頭儲過。能夠養妻活兒，擁有理想家居，以至有能力讓家人舒服以私家車代步，出外購物觀光遊玩，實是羨煞旁人。

月月清，沒餘錢，怎做丈夫，怎做爸爸。

0 0 0

私人傳訊

dt22

積分: 1327

2^#

發表於 13-5-24 18:22 |只看該作者

回覆：(篇幅長) 月光男人窮忙坊

很多人所謂的夢想，大多是物質，其實最終又是滿足生活所需。

作為丈夫爸爸，最重要還是一家人平安，關係好，其東西都係綠葉。可有可冇。

私人傳訊

OliCash

積分: 1180

3^#

發表於 13-5-24 18:46 |只看該作者

引用：(最近見到有人實現夢想，自己想在此訴訴男

原帖由 wwkit 於 13-05-24 發表
(最近見到有人實現夢想，自己想在此訴訴男人心事)

你想有乜夢想先？

私人傳訊

ry0625

別墅

積分: 879

畀面勳章

4^#

發表於 13-5-24 20:59 |只看該作者

引用：很多人所謂的夢想，大多是物質，其實最終又

原帖由 dt22 於 13-05-24 發表
很多人所謂的夢想，大多是物質，其實最終又是滿足生活所需。

作為丈夫爸爸，最重要還是一家人平安，關係好 ...

其實，人在不同時候，有不同所需, 唯有一家整整齊齊才是可遇而不可求！

私人傳訊

積分: 66

5^#

發表於 13-5-25 00:02 |只看該作者

最起碼生小朋友也需要個起動資金吧......孕婦用品、家居設備添置、BB用品、醫療費(負擔不起私家醫院套餐)。對於窮忙的家庭來說，是勒緊褲頭過日子。

私人傳訊

kalaso2047

複式洋房

積分: 429

6^#

發表於 13-5-25 00:28 |只看該作者

爸爸，加油啊！物質是重要，但遠不及一家人的愛呀！

私人傳訊

dt22

積分: 1327

7^#

發表於 13-5-25 02:10 |只看該作者

引用：最起碼生小朋友也需要個起動資金吧......孕

原帖由 wwkit 於 13-05-25 發表
最起碼生小朋友也需要個起動資金吧......孕婦用品、家居設備添置、BB用品、醫療費(負擔不起私家醫院套餐)。 ...

不用與人比較，人有我有，降低要求，一切皆簡單得多。
我常想，為何我們早一兩代人可以一家人生10個8個，但那時生活條件比現在差很多。

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

8^#

發表於 13-5-25 02:56 |只看該作者

wwkit 發表於 13-5-24 15:06
(最近見到有人實現夢想，自己想在此訴訴男人心事)

唔一定有車有樓,先係男人,先係好老公,先係好爸爸,呢d唔係標準,亦唔應該以呢d作為目標.
家人要你愛佢,錫佢,唔係在乎物質,你目標應該好好親近子女,好好教育下一代,等佢做個價值觀正確既人.

好多小朋友長大左,回憶返細個時爸爸媽媽點錫佢,童年時幾開心幾好玩,其實佢細個只係住木屋窮到.......

朋友,我明白既,做爸爸肩上擔子係好重,不過唔好比咁大壓力自己.你冇車代步bb唔會嬲你,你住板間房bb都唔會嬲你,但係你日日唔陪bb佢大個就一定唔認得你,理得你揸法拉利,又如何.

私人傳訊

嫣爸爸

積分: 1582

畀面勳章

9^#

發表於 13-5-25 07:23 |只看該作者

回覆 kandyb 的帖子

大有大忙,細有細忙.窮有窮忙,富有富忙.

以上四仔,我全做到了.有囝有囡.

但自己的人生目標沒因而停下來.我想做好......做埋囝囡那份.大樹好遮蔭.直至自己倒下為止.相信每一個父母也是這樣是吧!

弄兒為樂......應能盡蓋生活上的壓力.

私人傳訊

積分: 66

10^#

發表於 13-5-25 09:48 |只看該作者

謝謝好言，不論是物質的，是感性的層面，都應該知足。

正如"dt22"所說，上一代真的不知怎樣便可以養大一個大家庭，我阿婆的確有8個仔女。我原生家庭亦有3兄弟。但到了今時今日的香港，根據家計會早幾日公布的調查，香港很多都是1孩家庭，問題是甚麼? 想到底，還是錢從何來.....

我同意"嫣爸爸"所說「樹大好遮蔭」，其實正是「養兒100歲長憂99」的理念。

私人傳訊

wanyarolan

複式洋房

積分: 293

11^#

發表於 13-5-25 11:34 |只看該作者

dt22 發表於 13-5-24 18:22
很多人所謂的夢想，大多是物質，其實最終又是滿足生活所需。

作為丈夫爸爸，最重要還是一家人平安，關係好 ...

Ching 呢句最岩 "一家人平平安安, 齊齊整整"

私人傳訊

dadhk

積分: 4765

12^#

發表於 13-5-25 11:59 |只看該作者

dt22 發表於 13-5-25 02:10
不用與人比較，人有我有，降低要求，一切皆簡單得多。
我常想，為何我們早一兩代人可以一家人生10個8個，但 ...

最後想問吓版主做野幾年，如果認為冇$，又想做爸爸，何解仲去諗考車、養車呢？想邊樣多D呢？什麼是需要，什麼是想要？

定係唔好諗上面點spend $, 諗下拎D$去做一D令你將來搵多D$的事做。

私人傳訊

dadhk

積分: 4765

13^#

發表於 13-5-25 12:03 |只看該作者

dt22 發表於 13-5-25 02:10
不用與人比較，人有我有，降低要求，一切皆簡單得多。
我常想，為何我們早一兩代人可以一家人生10個8個，但 ...

今朝經過舊屋村，回想小時在走廊踩滑板好開心喔，好過而家個仔浦機鋪一陣二手煙味，至少無咁易變壞同健康D… 好多野，改變唔到環境就應該改變自己想法。好多野其實冇你諗咁灰。

我可以負擔養名車，但我都係搭小巴多。每次我話買車，我大人都提我邊個邊個親戚比我搵多好多，但佢地都係出入的士咋，香港地養車貴，拍車煩…，如是者都十幾年啦，ok 喎，香港公共交通都唔太差。

私人傳訊

積分: 66

14^#

發表於 13-5-25 14:45 |只看該作者

我都唔明點解以前D一屋之主搵得萬令蚊一個月，而D阿媽通常又只係家庭主婦，打理家頭細務，都可以湊大一屋人。但係而家，雙職父母出去搵錢，都只係小家庭，置業更是遙不可及。又無居屋、夾屋，公屋又over左，新界私人樓平均200幾萬，一路租樓就一路儲唔到錢。

成個BK的「爸爸專區」都好似「車主討論區」咁，一時又話買賣車輛，一時又話泊車入油......好少會講到一D同家庭生活類似的小分享。爸爸生活就是這樣嗎? (開po討論就是相信男人也需要發洩的時候)

私人傳訊

wanyarolan

複式洋房

積分: 293

15^#

發表於 13-5-25 23:39 |只看該作者

引用：Quote:dt22+發表於+13-5-25+02:10+不用與人

原帖由 dadhk 於 13-05-25 發表
最後想問吓版主做野幾年，如果認為冇$，又想做爸爸，何解仲去諗考車、養車呢？想邊樣多D呢？什麼是需要， ...

同意Ching所講，投資同增值自己係必需:lol

私人傳訊

dadhk

積分: 4765

16^#

發表於 13-5-26 00:11 |只看該作者

wwkit 發表於 13-5-25 14:45
我都唔明點解以前D一屋之主搵得萬令蚊一個月，而D阿媽通常又只係家庭主婦，打理家頭細務，都可以湊大一屋人 ...

以前我同d同事都做兩份工，放假係用來考試，最遠都係去澳門，冇$唔會諗買車，冇買貴電話…… 有個仲趁放長假一個月時見咗份長工做！

往事係用來回味，唔係用來比較，因太多野唔同時間係冇得比。同樣，唔好同人比，因不同人都有太多野唔同，係冇得比。

努力工作幾年，打好工作及人脈基礎，再諗都唔會太遲吧。加油！熱血！

私人傳訊

dt22

積分: 1327

17^#

發表於 13-5-27 10:20 |只看該作者

wwkit 發表於 13-5-25 14:45
我都唔明點解以前D一屋之主搵得萬令蚊一個月，而D阿媽通常又只係家庭主婦，打理家頭細務，都可以湊大一屋人 ...

建議wwkit搵下身邊有家庭兒女的朋友,多見砷,交流一下. 我在教會中定期與10個8個相識多年的朋友, 一同分享分擔, 一方面各人面對的困難不同,另一方面又感謝自己情況又不太差, 各看各好. 這裡爸爸專區不是不好, 只是難以互動, 即時回應, 各人的情況又不盡相同, 只能傾訴, 難以分擔.

加油呀! wwkit….

私人傳訊

RayEE