夫婦情感 今日: 10 | 主題: 42742

積分: 1288

1^#

發表於 13-8-10 13:08 |只看該作者 |倒序瀏覽 |打印

本帖最後由小肥bbb 於 13-8-10 13:10 編輯

以前從來都唔會入嚟呢個版,因為覺得不會發生在我身上,但原來幾咁恩愛都好,都會發生,唔同好似我D FD所講係必經階段....

一直以來,覺得C6好鍚我,成日話愛我,由拍拖到結婚成9年幾,一直也相安無事,也很少鬧交,從來對佢也很信任,不會CHECK佢,因為我成日覺得個人個心唔係度,CHECK來都無用,就係上星期日,佢手機鬧鐘響,我幫佢關掉,你知啦,IPHONE一掃開就會出返之前auto lock前的畫面,我震驚地見到佢之前一晚趁我瞓咗用LINE用個女同事互SAY我愛你,其他內容已經嬲到睇唔入眼,可能你地會話message啫,又無做D乜,但我知我C6唔係周圍flirt人的,那刻我也很冷靜,因為怕是我誤會,隔了幾個鐘,趁佢唔為意的我再CHECK多次,但我發覺已DEL,我即刻覺得如果無嘢洗咩DEL,我忍不住嚎哭,佢第一句跟我說的是對不起,我多麼多麼想他說是我誤會了....

佢不停send msg叫我原諒佢,話乜都無對佢做過,是一時諗歪,第二晚佢話對我坦白,只跟她吃過一次晚飯睇過一場戲,但我都仲好嬲唔肯同佢講嘢同成日喊,第三日我send msg問佢,同佢有無拖過手KISS過上過床,佢話只係拖過手,乜都無做過,我最興既係我問多D先滲多D,我真係無辦法想像佢有幾多嘢呃我,佢話講晒我知,話msg講乜都無得,但我唔知點再信佢,亦覺得2夫妻失去咗信任,以後的我又可能少少嘢都會懷疑一大餐,咁一齊做有乜意思,但佢求我唔好分開....

嗰幾日好迷失,成日覺得如果唔係比我發現咗,佢地可能會繼續發展下去,個C6仲想我地有BB,如果有埋細佬咁仲死,佢話已經解決咗,話同個小三講明連朋友都無得做,但佢地一間公司GA,個小三又青春,得21歲,日對夜對我點安心...

朋友叫我寬恕,坦白,但我真係唔識點寬恕佢,走去書局找書睇,又走嚟呢度搵類似CASE,得出結論係比多次機會大家,始終人誰無錯,我同佢講肯比多次幾會,但呢刻我無法做到原諒,因為心裡仍好痛好痛,佢好開心,但其實我心裡仍充滿懷疑,呢2日佢攬住我,我係有D抗拒,亦無拖過佢,因為一拖佢,我就諗起佢拖住個小三,個心好矛盾,覺得好似只係表面好番,有冇JM可以開解下我,支持下我,教下我點做? 有冇過來人可以分享下,係咪呢條刺永遠都係度,去唔返以前咁?

0 0 0

私人傳訊

kalonice

伯爵府

積分: 18300

2^#

發表於 13-8-10 14:35 |只看該作者

引用：以前從來都唔會入嚟呢個版,因為覺得不會發

原帖由 小肥bbb 於 13-08-10 發表
本帖最後由小肥bbb 於 13-8-10 13:10 編輯

以前從來都唔會入嚟呢個版,因為覺得不會發生在我身上,但原來 ...

我唔係過來人, 但係我覺得妳真係可俾次機會佢.
老實講, 我覺得妳C6既反應似係first-timer. 即刻認錯之餘又冇賴妳, 仲即時同小三斬纜~
至於份工，可唔可以轉工丫? 如果唔可以既, 咪check緊d, 甚至間唔中去接佢放工, 帶埋囝囡一齊出席公司活動, etc. 等個小三知難而退!

私人傳訊

soso1227

珍珠宮

積分: 37354

醒目開學勳章畀面勳章

3^#

發表於 13-8-10 14:59 |只看該作者

趁你C6知錯，有內疚感，快d要佢守行為，返到公司丶午飯丶放工call你，收工放假留在你身邊交人，交出電話丶電腦PW，你唔check都好，目的要佢知道你可以check到佢

邊個主動，有冇問你C6，點解會開始，你C6用乜野時間見個賤人，再預防

幸好你及早發現，天意，你同C6緣份未盡，加油

私人傳訊

cheers1226

積分: 743

4^#

發表於 13-8-10 15:02 |只看該作者

回覆：小肥bbb 的帖子

通常女人都會原諒。你首要問清楚你老公有否愛上別人。要感受下。好多jm說知少好過。但我選問過清楚。是什麼原因出軌。如不開心或好奇。老公出軌有機會是有unfulfilled needs，eg sex, 新鮮感，被忽略等。試找出是什麼！

私人傳訊

晴朗家家

積分: 8044

5^#

發表於 13-8-10 15:19 |只看該作者

soso1227 發表於 13-8-10 14:59
趁你C6知錯，有內疚感，快d要佢守行為，返到公司丶午飯丶放工call你，收工放假留在你身邊交人，交出電話丶 ...

講真, 如果真係咁做, 我相信佢老公只會有一日會頂唔順, 再走過..
我曾經係一個迷失的人, 我想返番自己屋企
(但我乜都無做過, 只係個心有一部分放了在另一個人身上)
但我既先生就係用呢啲方法對我.
於是, 我依家其實更想走.....哪個人我都不想要.
check得住一個人, 唔代表check得住佢既心.
迫得愈緊, 只會令對方更想離開.

私人傳訊

晴朗家家

積分: 8044

6^#

發表於 13-8-10 15:23 |只看該作者

cheers1226 發表於 13-8-10 15:02
通常女人都會原諒。你首要問清楚你老公有否愛上別人。要感受下。好多jm說知少好過。但我選問過清楚。是什麼 ...

對, 知少啲有時仲好, 尤其你仲想同佢一齊既時候.
唔好成日覺得乜都要坦白.
坦白, 其實係殺死一段關係的元兇.
愈知得多, 愈難返轉頭.
唔止你難返, 對方也難返.

私人傳訊

cheers1226

積分: 743

7^#

發表於 13-8-10 15:32 |只看該作者

回覆：晴朗家家的帖子

我問清楚是讓自己𧗽量是否應該一起而非秋後算帳。如上過床，上了一次跟十次都一樣。要知的是他愛上別人? 我有不足的地方？不是委屈而是愛情沒法強求。亦不想作無謂的等待。

私人傳訊

soso1227

珍珠宮

積分: 37354

醒目開學勳章畀面勳章

8^#

發表於 13-8-10 15:42 |只看該作者

晴朗家家發表於 13-8-10 15:19
講真, 如果真係咁做, 我相信佢老公只會有一日會頂唔順, 再走過..
我曾經係一個迷失的人, 我想返番自己屋企
...

我都同意無事無幹不能管得太厲害，但佢老公犯左事，點都要做d野令另一半安心卦

結左婚，一定係冇咁自由，
之前信佢丶唔管佢，結果佢個心走得太遠，
我相信總有一天，重建信心，
就不用check 來check去

晴朗家家，希望你明白你C6只是缺乏安全感。

私人傳訊

reatrice

積分: 1108

9^#

發表於 13-8-10 16:01 |只看該作者

小肥bbb 發表於 13-8-10 13:08
以前從來都唔會入嚟呢個版,因為覺得不會發生在我身上,但原來幾咁恩愛都好,都會發生,唔同好似我D FD所講係必 ...

又係同事... 老公有小三, 就算佢地唔係去到床上呢步, 我覺得心中始終會有條刺 (可能我小器), 發生過就係發生過, 除非你失憶。至於你要點樣去面對呢條刺, 反而係最重要。我都搵左好多書去令自己釋懷。重點係--你永遠無可能改變C6, 無論係check緊D, 唔比錢佢洗, 或者要佢承諾乜野都好。

私人傳訊

hyb

複式洋房

積分: 221

10^#

發表於 13-8-10 16:02 |只看該作者

回覆：老公有小三,係咪一世都有條刺

我係過來人
你無真憑實據喺手,個男人一定唔會要做過啲咩
我以前都係每搵一樣證據,佢就認小小
最後,我知佢地有去酒店,有去長洲

之後我都選擇原諒, 但結果又係點呢?
佢知我原諒得佢一次後就有第二次,第三次

最後
直到自己開始心淡,我先肯令自己放手

私人傳訊

cheers1226

積分: 743

11^#

發表於 13-8-10 16:06 |只看該作者

回覆：hyb 的帖子

所以要assess點解個男人去滾。

私人傳訊

pochaccco

禁止訪問

積分: 1006

12^#

發表於 13-8-10 18:11 |只看該作者

提示: 作者被禁止或刪除內容自動屏蔽

私人傳訊

Esther625

積分: 532

13^#

發表於 13-8-10 18:53 |只看該作者

回覆：老公有小三,係咪一世都有條刺

我同你一樣，以為自己好幸福，但原來我係最蠢果個！由發現佢有小三至今巳有兩年，個小三係佢同事，每天接返工放工，當然仲有更加激嘅事啦！需然口說原諒，但條刺係會跟一世。而家我會做些开心事，讓自己唔好咁辛苦！

私人傳訊

littlegoldfish

積分: 7672

BK Milk勳章

14^#

發表於 13-8-10 18:54 |只看該作者

回覆：老公有小三,係咪一世都有條刺?有冇過來人分享下?

每個人底線唔同，有啲人記一世，雖然原諒咗同埋冇分開，但其實一世都唔開心咪自己辛苦。

私人傳訊

boise

積分: 8322

15^#

發表於 13-8-10 23:48 |只看該作者

回覆：Esther625 的帖子

你現在不需要去諗如何拔走心中的剌，你先再觀察他是否真的和小三分手。

我是過來人，case也跟你相似。第一次發現我老公既解釋同你老公有九成相同。我很天真以為只是吃過二餐飯而已。他也說和她講清楚以後只談公事，但不夠二星期又給我發現，我覺得自己十分愚笨。。。。。

私人傳訊

yildiz

積分: 3357

16^#

發表於 13-8-11 00:14 |只看該作者

回覆：老公有小三,係咪一世都有條刺

我自己選擇放手，放生自己！以前既我好天真地以為老公吾會偷食！但比我無意中發現（佢將手機D相入晒部家用電腦）呢D米叫天意！所以我揀分開短暫的痛，好過無時無刻腦海閃出來！既然有得第一次，一定再有！仲有當你拆出了，下次他的大話更高明.當糸lee板浸得越耐，你會發現D男人來來去去都用同一種大話或籍口，換個角度如果選擇原諒，你就要包容，或繼續成承傷害！有一位jm講得岩，吾需要坦白吾需要真相！女人直覺好勁，有feel到糸....就糸！

私人傳訊

小肥bbb