噩夢始於10月2日以480大元的價錢賣了粒紫旦給劣客開始，以下的pm對話足有3千幾字，請留心觀賞:
siuso13-10-2 20:39 返到屋企, 滿心歡喜影張相俾我朋友睇,點知俾佢
本來諗住圍兩圈石, 都夠睇頭la, 想送俾一位長輩, 俾佢話一放大少少就見到暇痴la, 點送人呀, 攪到我而家都唔知送唔送好。
simplylife13-10-2 21:32 咁你咪换另一粒，反正而家未有客留，但要星期五，同様時間。明天我要返學。
simplylife13-10-2 21:54 但希望你明白，一分錢一分貨，始終大家係面交，你ok才付銭，So far冇客有要求，我也不可能滿足埋你的朋友眼光吧，始终人人囗味不同。希望你体諒。
賣家註:一粒480大元的紫旦。面交，叫佢自己2選1，佢話唔知點揀，我比advice佢叫佢選粒深色d，面交數小時後，佢話佢個朋友唔鐘意，我好錯!錯在做好心比佢換!是我活該!
siuso 6 天前 今晚530 紅磡站見
另想問你有冇新貨, 53MM 左右既紫青鐲, 如有, 可否帶埋給我睇...謝謝.... <===重點!劣客自己要求53mm手鐲，但面交時，帶左2隻去，因有係身通常會比客睇埋，日後才知這也是死罪，一隻就係2600的53mm，另一隻較大56mm但平d，2000元!當時亦有講明二者價錢及質數分別，另，請各位望望間呎3mm的差別有幾"大"!
不幸地，我們面交完成，劣客用自己的cream帶入53mm，數小時後，劣客又pm 我了。。。。。
siuso 5 天前 再有細隻d, 再通知我la
大得仔, “浪”黎“浪”去, 唔方便 頭先唔使搽cream, 都輕易帶入
siuso 5 天前 而家冇得戴唔開心, 頭先諗住戴出街, 但實在太浪了, 所以都係除左冇戴
好啦，你講到又唔開心又咁又咁，反正有隻51mm，比你試啦!我真活該，同樣錯誤又犯一次，人地梗係覺得我好洽啦!其實我真係怕左d煩人!
simplylife5 天前 如果你信我，（雖然我知幾難）其實笫一次果隻你帶到，會貼手D，但要忍一下，色係冇你果隻咁出，但地幼細D，最多我俾你自己試帶多次喇，反正兩隻價錢差不多。你考慮喇。
siuso 4 天前 請問是否我戴得入就可以同我對換, 補返個差價就得呢?
simplylife 5 天前 最快星期一收工後。講明先，色係你隻出D，質就另一隻幼黠D，價差不多，我唔想你陣間以為我呃你，純粹為左満足你手吋問題。
星期一，5:30 面交again and again ，今次我有帶舒x膚lotion試鐲，叫劣客看清看楚，再試清楚，佢滿意唔浪先比差價，100大元!
30分鐘後，原來佢派出佢同事向我問價，當時的post 只餘一隻紫青，是2000元56mm那隻。
我手快快覆左佢2000，原來佢係問51mm，即係劣客帶住果隻。這就是她們所講的疑點了!
Sovinbb 3 天前 Could you please let me know the price of the following:
1. 51mm 紫羅蘭鐲 and
2. 52mm 花青種鐲.
Many thanks
simplylife3 天前 51mm紫罗蘭，2000.- 花青鐲已售
數小時後，劣客又pm 我了。。。。。隻刮甩佢d皮皮呀，陰公!但果時佢帶左幾個鐘，隻鐲無裂無盛。。。。。
siuso 3 天前 用SOAP 都洗唔走....鞋十十架.....
我想除出黎時, 仲俾果D 鞋十十括到D皮皮..., 除唔到...
simplylife 3 天前 唔好介意，隻鈪我當時交俾你驗左，我亦好肯定冇問題，因前一天才面交过一次，鞋到刮手真係冇乜可能！！我要呃你唔需要俾你換咁多次，我对其他客也沒有這麼换來换去，如果係咁，最後一次，你換返之前一隻，最後一次，我想周大叔也不可這様換吧！！
siuso 3 天前 UM...首先我沒有指摘説你的鈪刮甩我D皮, 我只是如實報告咋...頭先我真係唔好意思, 因為隻鐲又唔係貴, 只係二千多, 只是你叫我信你這些是CREAM, 我惟有信....我真的覺得你好人架...係我冇要求既情況下, 自動提出俾我換....其實我真的只係想話你知果D鞋十十既唔係CREAM
係cream加老泥刮甩人地d皮皮呀，天呀，咁問我做乜？我無痴d老泥落隻鐲度。
你同我"報導"，如果唔係想換野又係為乜？
simplylife 3 天前 坦白講，我地每次都係面交，我唔明點解次次當時也沒問題，数小時後又有問題？！今次我真係好無奈，枉作好人，講明呎寸不合不做成退換理据，卻破例了，卻换來你的指摘説我的鈪刮甩你D皮？！天呀，面交还有意義嗎？？我在BK的客人從未有咁様，難道对客人好会换來這收埸？！
simplylife 3 天前 街鋪咁换也8折收回，我從没這様要求過，似乎太好人終歸是啞子吃黄蓮！
simplylife 前天 09:36 公道話是:
1.我比你看，講明:質這隻好，色之前果隻出d，你說你都唔識，好啦唯有咁試下帶唔帶得落。點解講到我二話不說套比你咁？!
2. 第1隻是你叫我找的53mm，跟本你同我講太大唔開心也與我無關，我可以唔負責，但你又話浪到帶唔到，好啦，咁費事你帶唔到同你換，咁梗係換細，51mm。你竟然話我隻刮甩你手皮？!
3.作為網上買賣，我已經平過街鋪，提供的服務也超過一般的玉鋪，街鋪也不會十足收回退換吧。
公道d，我最後提供2個options比你:
1.行家規矩8折收回
2.你換返隻53mm請你今天5時前覆我。<<<請看看我提供的方案，太不合理吧!跟本任何一間玉鋪也不會再啋佢!
siuso 前天 09:52 Um...說真的我真的不懂看, 只有信你...我只是把昨晚既情形覆述一次, 但每每你的反應都咁大, 由我第一次問你粒紫蛋咁平是否A貨開始....
我沒有說你二話不說就幫我戴, 我知因為是我戴不下, 你才幫我戴, 但真的係戴之前是未看隻鐲的, 戴左你就教我看...而你教我用指甲輕輕摸鐲表面, 咁我咪又自己順便摸下裏面...
而且我說了兩次覺得鞋十十, 你都有摸的...我相信你都摸到這些鞋鞋地既...
我再重申, 是你好人自動給我退換, 我買大左是我自己的問題, 雖然我買當日, 戴左隻鐲都有徵詢你意見, 是否太大...你說我接受不到細果隻, 即51MM...
而事實上真的是那些鞋鞋的括到少少我的皮...我只是告訴罷了...
我真的覺得你服務是好的, 否則不會買了紫蛋後再向你買鐲...
siuso 前天 10:04 隻鐲尋晚我忍痛再慢慢轉出, 發現所謂鞋鞋的, 我估是一些污漕物, 乾左....:scary, 真的不明一隻所謂的新鐲為何會有這些污垢...亦證明我是被這些括到我的皮...
而我亦在燈下看過鐲的裏面確實有花痕 (用你教我的方法, 用指甲推摸), 但就冇裂紋...
我除隻鐲只有兩個原因, 一是想看看究竟這些鞋鞋是什麼, 二是要拎去出證書.
siuso 前天 10:11 我不需要換...
但請問你賣給我的鐲是否你在二手POST 的那隻51MM紫鐲? 麻煩你回答...
simplylife 前天 10:29 係，即係第一隻，新返未鋪出來已比你試果隻。
另，請問你是否不會換之前53MM 那隻？如是，我會放出來。
希望你明白小本經營，大家也不容易。
simplylife 前天 11:51 没可能吧，那是另一隻紫青，2千元，不要再猜度我了，看清楚二手的post的相吧，那隻还在。夠了，thx
我弄不清，貨是我的，我什麼時候放出來，訂什麼價位，點解要同你交代？你作為客是要找一隻合帶的手鐲，面交清錯，貨銀兩訖，我已經好聲好氣，退錢，唔制，換貨，唔得，我要你交代，我要據理力爭，我要你聲明，我要。。。。。。。文革嗎？我寫自我檢討給你好嗎？力曾也要有目標吧，錢有唔係，貨又唔係，咁你爭乜？你連要乜都唔清唔楚，你想點？
simplylife 前天 13:09 3. 特惠紫青手鐲
唐吋1吋43，約56mm，豆種，地幼沒裂，全陽光下攝也沒見光死，特優惠價出售，恕不送証，但可代辦 ==呢隻$2000
我也有比過你睇架，記得嗎？
你同事琴日同你交收完之後pm我，我當然係報隻未賣既價。
唔通報你帶住果隻個價比佢？
幼豆種淡紫羅蘭圓鐲(已售，謝謝)==我賣左比你close file又有乜問題呢？點解你cap我呢句？
siuso 前天 13:33 HAHA...你好勁, 你又知係我同事既...
佢咪同我講, 佢地覺得兩者極相似, 無論色與呎寸, 咪八下LOR...
1. 我是問你揾53MM, 何估你會俾隻56MM我看喎...我記得交收當日你的確俾了兩隻鐲我看, 第一隻既色冇第二隻既色靚, 所以我即刻話要第二隻了, 我不知兩隻鐲既實際呎寸, 我問你, 你說合我尺吋, 只是1MM 的差別...
2. 我同事話由頭到尾都係問你51MM 喎, 不是問你56MM 喎...
3. 至於你賣左CLOSE FILE 當然冇問題, 只是你叫我去睇相麻, 我咪去LOR, 但我只見呢句, 我咪就咁COPY 呢句咋...沒有什麼意思...因我地由頭到尾都是講51MM 麻...
佢地只是怕我豬, 叫我問清楚而已......
大家睇下，係佢同事叫佢據理力曾，即係，一隻2600大元既玉鐲，既要滿足買家啦，買家的同事啦!佢其實應該去蘇x比，點解要來bk？!
siuso 前天 15:17 我當然體諒LA..人誰無錯..
我只係夾在中間, 佢地話實在太多疑點LA...你又係二手打左一大堆紅字, 說實話我只是幫襯二千多元貨仔，包埋ｃｈｅｃｋ貨， 排隊唱散紙，都只是數分鐘而己，完全是信你， 真係冇驗屍咁驗。。。再加上我尋日真的問了你兩次再加你都有摸過隻鐲兩次。。。你都堅持是ｃｒｅａｍ，告知你事實真相，反說我好話你括到我ｄ皮講到全是我錯咁, 令佢地緊加叫我要據理力爭喎...
而確實隻鐲是有花的...
1. 我果日見你俾我睇, 即我唔選果隻, 根本就唔係果隻, 因為我唔選既理由係一望就係綠多過紫, 而你post 果張係好紫的...
2. 你話你換左俾我果隻係新返, 未post上二手，但無論色與綿， 紋都好似你ｐｏｓｔ係二手果隻, 跟住又咁啱俾bk 人買左..
simplylife 前天 15:39 好一個據理力爭，
第一隻53mm沒問題，是我錯，明明寫著，貴客請先確定手吋，因大小不合恕不退換，也心軟換比你，因你話唔開心，無得帶。我沒守原則致今天煩惱自招。
我已經唔明你地想據理力爭d乜，我話8折同你收回，你話唔係咁意思，之前話比你換返53mm，你話唔係，咁重要爭論乜野？
我寫字係自己post就係要避免重蹈覆轍，又有有乜問題？
好了，連我寫幾隻字係自己post，叫人唔好衝動買，買家也要管，大家自己評下邊個有問題？
siuso 前天 16:11 你誤會了, 我從來沒有話隻53MM有錯..仲同佢地講你好好人兩次主動話換俾我...
咁我再打多次:
只係一. 隻鐲與你講的有出入, 你所指既CREAM, 根本不是, 而你亦摸過. 你說冇花冇裂, 但是有花仲有結左鞋十十既污垢..
二. 你說隻鐲沒有POST 去二手....但真係很相似.....又咁啱佢問完冇耐就話巳售...
三. 你果日俾我睇果隻都唔係你所講POST左係二手果隻 56MM...
四. 佢地話我豬...怕我用2600元買左隻只係2000元既鐲啫.....
好頭痛...好攰...
simplylife 前天 16:32 算啦，講結論啦，現階段我只能提供:退款，8折收回
其他你同事果part唔好講喇，我頭就裂啦。
因為報錯size而攪出咁多野，係我活該。
講到尾你都係以為我賣貴600蚊比你，就算係你當時也肯買，又有什麼問題，何況我澄清左好多次係寫錯size。
再退一萬步講，貨主係我，定價係我，平貴也不用同任何人交待。到底你明唔明？
如果無結論，那請高抬貴手不要再給我pm了，我真的好勞累，也很怕和人爭論，很傷神，因為我連你同事口中的據理力爭要爭乜也不知道。
siuso 昨天 00:04 我都講明不做退款, 亦不換鐲...只求問過清楚而已..
我已返覆問了數次, 你還是有些問題沒有回答, 不知可解..我都很頭痛...你真的差不多把全部責任或錯都推在我身上..
如得到合理解釋, 便不會再爭論下去..
又要打多次以下既問題
隻鐲與你講的有出入, 你所指既CREAM, 根本不是, 而你亦摸過. 你說冇花冇裂, 但是有花痕仲有結左鞋十十既污垢..而這些污垢不是一洗就沒有, 要洗多次才沒有...不知是什麼,
二. 你說隻鐲沒有POST 去二手....但真係很相似.....又咁啱佢問完冇耐就話巳售....有證據證明有買家買左咪不用再爭辯....
三. 你果日俾我睇果隻根本都唔係你所講POST左係二手果隻 56MM..., 因為果隻是綠色多
四. 我之所以買係你說這隻是你第一次俾我睇的那隻, 即2600, 如真的如我同事般說, 你是拿了一隻2000元當2600元買給我又唔同講法 (因我冇留意你post 二手果隻51mm)...你係貨住..你訂幾多, 當然是沒問題, 只要真係用2600買2600既鐲..呢點係誠信既問題..我同事原來已拍下你放在二手的51mm相, 可與我的鐲作對比....
往後我已經block 了劣客的pm了，因為我諗唔到還有什麼可以爭，說到尾就是劣客以為自己多付了600元，然後講一大堆野，軟硬兼施希望我會比600元佢，打死狗講價莫過至此!
成件事我有無錯？當然有啦，
1.錯，錯在衰心軟，怕煩，比劣客換完呢樣換果樣，以為自己真係真理!ok，我發誓以後唔會咁好人，往後的客人要怪就怪呢d劣客啦。
2.錯，報錯價比佢同事，等佢真係以為自己真理。但話說回來，我係貨主，報幾多錢，點解要同人解釋呢？周大叔也有熟客vip價啦，點解你唔去嘈人呢？我開個價，你肯比錢咁仲嘈乜？
大家成年人，次次都係面交，次次要換，一唔順你意，你就pm 炸我，pm都唔睇你，你就開post嘈，有時面係人比，架係自己刁架!
你要嘈要盛隨便你，我只講呢次，熟我既客知我為人，劣客既最好以後唔好問我野!
yanchi2 發表於 13-10-10 14:56
太多字...
發表於 
好多字, 刨下先~
得閑再睇
block得好！
我都覺得樓主好黑仔.....
好多字...不過好過之前分一段段..
返回列表
