Baby Kingdom - 親子王國 香港 討論區 › 首頁 › 夫婦情感› 想揾人傾下。。。

夫婦情感

收藏本版
發帖
返回列表
跳至頁
想揾人傾下。。。 [複製鏈接]

首頁
12

尾頁
   0
mikikit0815


大宅

積分: 1089


1#
發表於 13-11-14 04:06 |只看該作者
我同我c6拍左拖3年，結左婚年幾，有個9個月既bb，拍拖時已經同居過2年半啦，所以都好清楚佢既壞習慣（e.g：冇手尾、冇記性、求其...)。其實以前拍拖時都會成日因小事嗌交，每次都會哄番我既，但覺得自從結婚後，生左bb後，嗌交既次數比以前多左，而且好多時都唔哄我，由我自己嬲完就當冇事發生，我都知佢為左頭家番工好辛苦，我唔應該成日同佢嘈，但係有時有d問題真係忍唔到就燥晒，我都有同佢傾過，佢都承認佢自己番工番到好攰，控制唔到自己，但我覺得係藉口，點會控制唔到先得嫁，我自己係ftm，我湊b湊到好攰我都唔會發佢爛渣啦。
嗌交嗌得太多，我覺得我同c6好似好陌生，有好多野比以前得過且過就算，好似以前c6收工都會同我講佢收工，直至有一次因為佢同佢老細收工後去食宵夜食到凌晨2-3點都未食完我發脾氣（因為果晚收10點，平時晚晚都O.T到12點幾，難得收咁早當然想佢早d番家陪下個b又陪下我啦），佢就話我管得太緊，又話自己唔係守緊規矩果d，自此之後我都唔再理佢收幾點，收工去邊，我都講明唔需要再同我講收工，收幾點都唔關我事。
又好似湊b咁，c6一星期放一日假，平時每日收工都好夜，番到家都凌晨，我當然唔會要求佢湊b啦，但一星期放一日假，我當然想佢果日湊下b，餵下奶，沖下涼，洗下奶樽啦，每次都要我叫，每次都要3催4請先做，直至而家我都費事叫佢做，有時叫一聲，做就做，唔做我都唔想再叫。
有時我會諗其實我係咪揀錯人，點解同c6會咁，婚後會冇晒所有甜蜜野，好似結婚結左10幾年咁，好悶，1d情趣都冇，我唔係要日日都有驚喜，間唔中一次半次都好丫，但係事實冇，有時會覺得好心淡，係到諗如果當初冇揀到c6，我下一個遇到既會唔會更好更適合自己呢？但又諗，當年為左同c6一齊，不惜屋企人反對，離家出走，到而家失去左一d失去一世既野，個男人係自己揀既，當初覺得唔會後悔，點解而家會後悔呢。。。。
私人傳訊

CCelia


大宅

積分: 3773


2#
發表於 13-11-14 04:46 |只看該作者

引用：我同我c6拍左拖3年，結左婚年幾，有個9個月

原帖由 mikikit0815 於 13-11-14 發表
我同我c6拍左拖3年，結左婚年幾，有個9個月既bb，拍拖時已經同居過2年半啦，所以都好清楚佢既壞習慣（e.g： ...
有細路係唔同啦，不過唔好展望佢有改變，如可以嘅話，請工人或鐘點幫下，咁樣無咁辛苦呀！
私人傳訊

babyhowie


水晶宮

積分: 65679

HiPP勳章(2) HiPP勳章(1) 2018復活節勳章 育兒性格勳章 好媽媽勳章 畀面勳章 BK Milk勳章


3#
發表於 13-11-14 07:17 |只看該作者

RE: 想揾人傾下。。。

mikikit0815 發表於 13-11-14 04:06
其實以前拍拖時都會成日因小事嗌交，每次都會哄番我既，但覺得自從結婚後，生左bb後，嗌交既次數比以前多左，而且好多時都唔哄我，由我自己嬲完就當冇事發生
呢樣exactly同我情況一模一樣！


算啦！好似樓上話齋，唔好期望佢會改變，
亦唔好諗返轉頭盞自己愈諗愈唔開心！

我都係ftm, 我精神寄托全落係仔女身上，
容忍佢都只係為左d仔女，唔想屋企家嘈屋閉！
私人傳訊

Kokoling


禁止訪問

積分: 1179


4#
發表於 13-11-14 09:04 |只看該作者

回覆：想揾人傾下。。。

提示: 作者被禁止或刪除 內容自動屏蔽
私人傳訊

joannejccy


複式洋房

積分: 273


5#
發表於 13-11-14 16:18 |只看該作者

回覆：想揾人傾下。。。

你老公會否壓力大唔識處理？
分享吓
我生咗之後我老公好極力去做好老公好爸爸，但問題慢慢出現。脾氣越來越大。佢係好努力去做家務，但一路做一路發脾氣。成日黑臉，成日好累，成日發脾氣。我忍咗好多次，好多時哄佢都成效不大。慢慢連自己都積壓了點情緒，亦察覺再係咁落去唔掂。有一次，我襯佢發脾氣我又小小發脾氣，言談間佢話佢知自己成日發脾氣，我仲到第二日都唔係好睬佢（其實當時差唔多瞓覺，第二日一早又返工，只是叫做有時間冷靜落嚟，但我仍扮嬲）佢忍唔住出聲，我就話佢知我感受。佢即勁發脾氣仲揼傷自己隻手，佢話我知佢好大壓力。其實佢知自己發脾氣唔啱，但佢唔識控制，亦無力控制。我們兩個都勁喊，我話佢知我一直點樣努力想幫佢（因為我知佢壓力大），話佢知我幾愛佢，話佢知我做幾多野都係想關心佢，話佢知佢的壓力其實係自己俾自己，認同佢的努力，叫佢慢慢努力改，我等緊佢。佢的壓力都釋放到出來了。之後真係改咗好多。
男人好多時唔識得釋放，壓力只會越來越大，有時會想逃，有時會想發脾氣，如果你可以幫佢正視吓，認同吓佢，大家都好。人地話成功的男人背後總有女人支持，唔理個男人成唔成功，女人對男人的支持係好重要。
好似有點離題。點都好，努力呀！唔好怕做蝕扺果個，蝕扺完分分鐘有美好的收穫。
私人傳訊

minniepangpang


複式洋房

積分: 141


6#
發表於 13-11-14 16:30 |只看該作者
點解成日都要女人顧男人感受, 點解唔可以調轉,我地女人仲辛苦,又要返工,回家又要理大小事務,教仔女,勞氣,他們一句壓力大,便可以完全唔理,甚至走了去,太不負責任了!!!
私人傳訊

maymay220hk


水晶宮

積分: 51730

馬年勳章 2024年龍年勳章 好媽媽勳章 醒目開學勳章 畀面勳章


7#
發表於 13-11-14 16:37 |只看該作者
minniepangpang 發表於 13-11-14 16:30
點解成日都要女人顧男人感受, 點解唔可以調轉,我地女人仲辛苦,又要返工,回家又要理大小事務,教仔女,勞氣,他 ...

呢個世界太多不負債任的男人了.........

點評

yukyuk1124  同意  發表於 13-11-14 23:08
私人傳訊

AJIM


男爵府

積分: 6402


8#
發表於 13-11-14 16:45 |只看該作者
mikikit0815 發表於 13-11-14 04:06
我同我c6拍左拖3年，結左婚年幾，有個9個月既bb，拍拖時已經同居過2年半啦，所以都好清楚佢既壞習慣（e.g： ...
睇到妳地咁樣, 真係會為妳地擔心, 擔心慢慢會因為不斷的嗌交而消磨晒大家的感情.....
我諗其中一樣嘢要處理的壞習慣係, 妳地面對問題的時候, 係仲未搵到一套溝通的方式, 要不就係嗌交發洩, 要不就係迫令對方跟自己的要求做事。
此外, 妳哋各自其中一樣可能都要改改的習慣就係, 當發現一d 嘢未如理想的時間, 好多時就會用發脾氣的方式去嚇到對方去修正, 以前感情仲好果陣, 仲會因為怕對方發脾氣而跟對方果套, 而家感情冇咁好了, 都唔怕發脾氣了, 就更加唔會哄返對方了。
其中一個例子係, 佢收工同老細去食宵夜, 其實妳可以有好多方式去處理, 例如話擔心佢辛苦, 放工都仲要俾老細捉咗去, 又可以話叫佢輕鬆下, 一日半日好喇, 唔好晚晚都係咁, 又可以嗲下佢話好掛住佢, 想佢快d 返屋企陪自己陪阿仔.......好多好多方法, 妳就選擇用了一種大家都唔開心的模式去面對, 結果事情就係雙方都唔開心之餘, 佢之後亦都唔會想早返屋企。

明白好多時人都係有情緒的, 但係有負面情緒的時間, 講和做的事大部份都係對事情冇幫助的, 為自己, 為老公, 為BB著想, 真係要諗方式去處理一下自己的情緒, 當可以淡定面對到唔同的困難的時候, 就可以容易D 諗到雙方都開心的方式去解決問題。

最後, 妳話同老公冇晒情趣, 我諗情趣呢D 嘢係雙方的, 亦都冇話邊個有責任要做先.....其實甜蜜嘢都可以由妳開始發起, 未必好似以前咁多數由佢去做。
私人傳訊

mikikit0815


大宅

積分: 1089


9#
發表於 13-11-14 17:46 |只看該作者

引用：Quote:mikikit0815+發表於+13-11-14+04:06+

原帖由 babyhowie 於 13-11-14 發表
呢樣exactly同我情況一模一樣！
其實我而家都唔會點期望啦，冇期望就冇失望
私人傳訊

mikikit0815


大宅

積分: 1089


10#
發表於 13-11-14 17:47 |只看該作者

引用：Quote:mikikit0815+發表於+13-11-14+04:06+

原帖由 AJIM 於 13-11-14 發表
睇到妳地咁樣, 真係會為妳地擔心, 擔心慢慢會因為不斷的嗌交而消磨晒大家的感情.....
我諗其中一樣嘢要處理 ...
就算以前好多時都係我為佢製造驚喜的
私人傳訊

AJIM


男爵府

積分: 6402


11#
發表於 13-11-14 17:51 |只看該作者
mikikit0815 發表於 13-11-14 17:47
就算以前好多時都係我為佢製造驚喜的
嗯, 我估呢d 嘢都係女人叻d .....
咁而家係咪妳自己都少咗呢d 甜蜜心思?
私人傳訊

sleepchuchu


大宅

積分: 4859


12#
發表於 13-11-14 17:59 |只看該作者

回覆：想揾人傾下。。。

我諗你老公係壓力大，你地有個b 你又係ftm ，你諗吓得佢一個揹起成頭家，點唔壓力大先？
私人傳訊

mikikit0815


大宅

積分: 1089


13#
發表於 13-11-14 18:37 |只看該作者

引用：Quote:mikikit0815+發表於+13-11-14+17:47+

原帖由 AJIM 於 13-11-14 發表
嗯, 我估呢d 嘢都係女人叻d .....
咁而家係咪妳自己都少咗呢d 甜蜜心思?
其實都係，以前多數係我製造，佢都有小小，但而家成日都嗌交，點會有心機製造...
私人傳訊

mikikit0815


大宅

積分: 1089


14#
發表於 13-11-14 18:38 |只看該作者

引用：我諗你老公係壓力大，你地有個b+你又係ftm+

原帖由 sleepchuchu 於 13-11-14 發表
我諗你老公係壓力大，你地有個b 你又係ftm ，你諗吓得佢一個揹起成頭家，點唔壓力大先？

...
我知佢壓力大，但都唔可以咁嫁
私人傳訊

cherry-0527


大宅

積分: 2105


15#
發表於 13-11-14 18:51 |只看該作者
睇到咁我都5知點講，我知你5開心，學我老公講，既然結左婚，都諗住對一世，5好為D小事嗌交傷感情，邊個嬲都好是但一個氹返對方先5係代表佢認錯，而係重視對方5想佢5開心，佢放假咪當比佢真係休息下淨係同BB玩咪算law，其他野自己做返law，比D心機改善下,btw我仲學緊
私人傳訊

tsangv


別墅

積分: 879


16#
發表於 13-11-14 19:39 |只看該作者
同友人談下, 輕鬆的,可以的話, 找一下婚姻輔導
私人傳訊

wife


子爵府

積分: 14859


17#
發表於 13-11-14 20:51 |只看該作者

回覆：想揾人傾下。。。

男人只會用壓力做藉口，佢哋無諗過點樣解決已出現嘅問題，更加吾會諗老婆仲辛苦過佢，我以前都成日諗，嫁咗ex之後，係我人生最唔開心嘅日子；如果可以，請工人自己出去做嘢，可能你會開心d。
私人傳訊

yanyuenbb


大宅

積分: 2082


18#
發表於 13-11-14 22:33 |只看該作者

回覆：想揾人傾下。。。

我作為過來人，只可以同你分享一些見解。
男人思維同女人唔同，佢地乜都簡單化，女人愛複雜化。例如我地會徘徊某個問題同事上，佢地轉頭以為已經解決。
男女冇可能講公平，公道！因為我地係阿媽！母性令我地每事抓狂！突顯阿爸好似冇進步過。。。其實佢地只能靠估做阿爸。。。因為佢地冇經歷過陣痛！身心變化唔係靠賀爾蒙，係靠老婆鬧！
我地其實大家都攰，自然對對方忍耐力減低。。。有時自問下，你又有冇好似以前咁，關心佢，嗲佢？佢地其實都被忽略，由老公變咗工人。
兩公婆，集中下大家為個家嘅付出。唔好計邊個多少。有個冇小三嘅老公，健康嘅小朋友，已經煩少好多！
咁諗，好快又捱過！！小朋友大啲就會好啲啦！加油！
私人傳訊

stepzbabi


大宅

積分: 1655


19#
發表於 13-11-14 23:03 |只看該作者

回覆：想揾人傾下。。。

不如你換個角度諗，我都係ftm, 由仔仔出世第一個月開始我就好似你咁成日諗點解c6放假唔幫手湊仔呢？但第二個月我已經諗通左，c6 要返工賺錢擔起頭家壓力好大，又要受老細面色，放假當然想休息下，因為要迎接下個星期又努力為我們打拼，工作就係佢嘅事業，而我呢？照顧bb打理好頭家就係我嘅事業，咁c6唔會話好攰你可唔可以幫我返工架嘛？相對地，我哋亦唔應該叫佢幫我哋湊仔，屋企每人有個角色，喺自己嘅領域盡責就可以了，湊仔佢想做自然會做，無必要逼。
私人傳訊

AJIM


男爵府

積分: 6402


20#
發表於 13-11-15 11:24 |只看該作者
mikikit0815 發表於 13-11-14 18:37
其實都係，以前多數係我製造，佢都有小小，但而家成日都嗌交，點會有心機製造...

...
對呀, 成日嗌交真係會令到大家都唔想為對方做嘢......其實我諗妳老公一樣都係咁諗

讚賞先係令對方為自己做嘢的方法：試試有一日, 佢返來同妳講欣賞妳一直咁用心為頭家, 打理得頭家頭頭是道, 我諗妳再辛苦都會為佢做；相反, 可能佢都等梗妳同佢講, 感謝佢返工咁辛苦, 做到咁夜都仲要同老細應酬都頂硬上, 辛苦佢的付出......

有時對方唔係唔想做, 而可能係曾經為對方做過, 結果對方冇感謝不特止, 仲鬧人做得點唔好點差, 結果之後就梗係唔想再做啦, 搏鬧咩......
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy