呢排好多人講移民, 講香港
分享下..
背景: 兩公婆未移民前(其實係回流)向香港有車有樓有工人亦有几好的收入(公營機構中層), 小朋友們於不錯的主流學校就讀, 朋友知我決定放棄以上一切時, 有一萬個為什麼... 從來都政治泠感但黃雨傘運動郤上街坐了兩日..
回流兩年, 一切重新起步. 彷彿由天堂跌左入地獄
頭兩年既日子好艱辛, 好難過, 每次一聽 "高山低谷"都會喊..
交通-
香港: 有得揀, 你可以揀的士, 小巴, 巴士, 地鐵, 或者自己架車
加拿大: 你基本上只會用自己車, 無車無腳無朋友. 好處係, 感覺乾淨D. 但無論你放工几攰, 你都要頂住打開對眼, 小心楂車..
學習:
香港: 好大壓力但至少教埋你德行, 禮義廉恥. 實行專科專斆(即中英數唔同老師)
加拿大:
一個老師跟足一日, 除左MUSIC同GYM之外, 有青任既老師需要好多既時間去備課..(如果你遇到的話, 真係會好開心)
PUBLIC學校輕鬆,但難聽D講係你死你賤, 遇到D不負責任的老師可以請足8個月假, 然後你既小朋友就係由代課老師教, 但代課通常冇HEART..
禮義廉恥? 請你自己向屋企教, 而家仲要話你知.. 父母二人, 可以係由男女, 由女女或者由男男組成, 係無問題
我周邊比較有學識有要求既本地父母, 好多係比錢讀私立學校
生活:
AFTER SCHOOL CARE, 比個地方你由3點几放學後留到6點, 每一個小朋友收港幣3000.
屋企既所有家頭細務都係自己做, 剪草剷雪洗地掃地洗碗煮飯上上下下都係自己黎.
電視PLAN, 手提電話PLAN, 必需要的保險比起香港..都貴好多
治安:
香港係自己地頭, 基本上你唔去埋D "三山五岳"既地方,都好安全
加拿大: 咩人種都有,好雜, 不時唔知邊度就有人開槍或者用刀隊死人, 仲未計好興爆入屋打刧..
住屋:
地方好大,好多空間, 但樓價一樣好瘋癲. 唔好忘記, 住得大洗得大, 所有野都係錢.
政府:
政府話咩就咩, 几時到你嘈. 嘈都冇人會理你. 大痳己通過合法化還有同性婚姻..用立稅人既錢去收容難民, 補貼營運有問題的公營機構等等等..
可以好似香港咁道理向自己度就理直氣壯或者咩都投訴得一餐, sorry, 外國係無道理講既.. 唔係你有道理就講得通. 你只有硬食.
唯一係我覺得外國比較好小小既只有.. 食物質素
~~此帖純屬個人分享, 唔好挑機問我.. 咁你番香港囉, 移左民仲向到囇等等~~
我真心問, 唔係撩交嗌, 冇冒犯既意思
你言語間都唔太buy加拿大既教育政府民生, 覺得香港好, 點解返去?
->其實我唔係完全唔buy加拿大既教育, 只係大前提係你要個年遇到個比較盡責既老師先得,因為老師既質素好參差. 好似我對小朋友今年好好彩, 兩個CLASS TEACHER都十分之好, 我直頭係感激佢地做得好用心. 但真人真事, 有D老師會BLACK FRIDAY請兩日假,個個家長都覺得佢係去SHOPPING RATHER THAN真係有事請假,(佢有前科), 同一個老師明明教錯數, 堅持自己啱, 又用F WORD鬧D小朋友.. 仲有好多好多例子..
然後, PUBLIC SCHOOL開始教小朋友, 父母可以由唔同性別組成,呢D"父母"係可以有下一代, 方法係領養,我接受唔到 個制度容許調亂最機本的自然生育系統, 難度有一日佢地話父母可以係人同狗合成的都得?
但我路已行,就繼續行落去啦。
至於民生,我只係一名蟻民。管好自己個家先啦。反正今時今日,向邊度都係無謂反抗。
你一定要覺得一個地方好你先想下一代響個度成長。 我堅持錢都唔搵要返去因為我buy加拿大教育(我唔知而家係咪變得好差啦,我啲女未入學)
->其實我只係想比佢地將來多一個選擇. 到時佢有得揀向香港發展定留向加拿大發展. 我認為只要努力, 向加拿大用十分力, 將來可以有9分回報. 但香港競爭力太大, 比10分力都未必有7分回報
你係公民, 子女已經係加藉, 咁點解唔等佢地大個先送過去讀?或者大個佢地自己決定要唔要響個邊發展呢?
->從前眼見太多例子令到好多家庭家不成家。我身邊亦有個同學以前父母向香港佢一個人黎讀書,親戚管唔到咁多最後因為意外死左。送佢最後一程個日,佢父母係如何心碎既樣,我仍然歷歷在目,所以我一定唔會行呢D方法,仔女係要自己教自己管。