吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒食譜› 6-9個月粥仔心得交流

嬰兒食譜今日: 0|主題: 27294

收藏本版

發帖

返回列表

跳至頁

查看: 74518 | 回覆: 61

6-9個月粥仔心得交流

12 3 4

積分: 71772

1^#

發表於 15-7-19 15:45 |顯示全部帖子 |倒序瀏覽 |打印

其實都想有個粥仔交流post

我b 6個月先開始轉食糊仔, 而家7個月,米糊只食過三餐,
6個月時b唔肯食,只飲奶,因為飲奶快飽和好味。

每餐的中午我都好花時間去預備佢的一餐,
不過bb一知要食粥或糊仔仔喊到拆天,
和99一齊住的我,一到中午非常有陰影,
好似虐待佢個孫咁。

試過南瓜瘦肉粥,番薯瘦肉粥,合掌瓜瘦肉粥, 番茄紅衫魚.............全部唔食

到第三個星期有好轉了,當大人都覺得難食的粥,bb都有味覺的,將粥仔再變得再好味d。
於是佢肯食了,由餐餐吐粥變成坐定定食粥。

bb的調味冰粒......大人煮飯都會有各重的調味料,試吓有一餐你不放任何的糖和鹽你係絶對食唔落的。
bb的調味唔可重味,唔放糠同鹽都可以有變化的調味的。
將紅衫魚,番茄,薯仔用細的bb電飯煲仔5碗水煮到濃縮的一碗, 其間你只需要按鍵,唔駛睇火的大約煮三個鐘左右就完成,倒入冰格制成冰粒就完成調味冰粒。
冰粒有好重要的魚油,奧米加,魚油有具有抑制發炎前驅物的形成，降低發炎反應效果,最重要的小小魚油能驅充蔬菜中的寒氣,菜唔放油係會削胃同味道會寡。你話會唔會好鬼油?唔會的幾乎你睇唔到油。

買一個電飯煲仔專煲阿B的粥好方便的, B的一餐,飯同水的比例,半湯匙的米加6安的清水就能煮出不太杰和不太希的粥。一湯匙的米可以煮到2餐的粥。

善用呢D工具,咁每餐的質量都好穏定架LA

當煲粥仔時就放一,二粒落去咁煲粥就會有魚,番茄,薯仔,當日的瓜類,和瘦肉,
己好夠營養了。瓜類和粥放入去一齊煮,到煮完後撈起隔渣磨成溶。因瓜類含大量的
水份和粥仔混在一起剛好不杰不稀的。所之前的米和水不能放多是這原因。

大人每餐不可能單食單一的食物,BB一樣,唔夠營養的。

開始煲粥:

1星期一: 合掌瓜,南瓜瘦肉粥
2星期二:節瓜,番薯魚粥
3星期三:冬瓜,鴨腎粥
4星期四:薯仔,番茄魚粥
5星期五:瑤柱,毛瓜,粟米瘦肉粥
6星期六:合掌瓜,節瓜雞肉粥
7星期日:粟米,冬瓜魚肉粥
8星期一:毛瓜瑤柱南瓜粥
9星期二:薯仔,番茄魚粥
10星期三:甜豆,合掌瓜雞肉粥
11星期四:紅蘿白,節瓜魚肉粥
12星期五:南瓜,冬瓜瘦肉粥
13星期六:粟米,合掌瓜魚肉粥
14星期日:冬瓜,榣柱魚肉粥
15星期一:合掌瓜,南瓜瘦肉粥
16星期二:薯仔,番茄魚粥
17星期三:甜豆,合掌瓜雞肉粥
18星期四:冬瓜,鴨腎粥
19星期五:紅蘿白,節瓜魚肉粥
20星期六:毛瓜瑤柱南瓜瘦肉粥
21星期日:甜豆,合掌瓜魚肉粥
22星期一:合掌瓜,節瓜雞肉粥
23星期二:冬瓜,南瓜魚肉粥
24星期三:西蘭花瘦肉粥
25星期四:波菜,節瓜瘦肉粥
26星期五:番茄,甜豆魚肉粥
27星期六:冬瓜,榣柱魚肉粥
28星期日:紅蘿白,節瓜魚肉粥
29星期一:西蘭花鴨腎粥
30星期二:薯仔,番茄魚粥

完成, 一個月的粥單完成LA

當我嗰日唔知煮咩,就會參考來煮。調味粒可買三文魚骨,雞,豬肉都得。

仲有咩煮意交流吓

點評

JoyceHoHo

發表於 16-11-7 12:11

ckawromnegn

發表於 16-2-13 13:47

happy2115

發表於 15-11-18 17:48

happyjoey

發表於 15-9-7 22:56

powerlady

發表於 15-9-5 23:48

Siuyee_chee

發表於 15-8-26 14:32

likida

發表於 15-8-2 09:45

0 1 0

私人傳訊

spikenard

水晶宮

積分: 71772

2^#

發表於 15-7-20 16:42 |顯示全部帖子

rachel_tim 發表於 15-7-20 16:32
利害....

我都學咗整冰粒..

有幾個情況BB先會用利仔頂個口
1.佢仲未熟怎吞食
2.佢飽或唔想食

私人傳訊

spikenard

水晶宮

積分: 71772

3^#

發表於 15-7-20 16:56 |顯示全部帖子

今天去左百佳買左15蚊四條三文骨煲粥仔

魚骨和魚肉富含優質蛋白，易消化吸收，脂肪含量低，還含有鈣、磷、鉀、碘、鋅、硒等無機鹽，以及維生素A、維生素D及B族維生素等。魚骨確實有補鈣的效果,阿B仲未出牙仔,所以要好努力的幫佢補一補。

將四塊三文魚骨放油煎香,最熱鍋時放半碗水理煮一陣,湯就奶白色,
轉入電飯煲仔,放蕃茄和魚骨和那些湯再加少許水按煲湯的程序,
完成後隔油隔渣放入生米再煮成粥, 好味的蕃茄三文魚粥完成。

私人傳訊

spikenard

水晶宮

積分: 71772

4^#

發表於 15-7-21 20:51 |顯示全部帖子

今天粥仔,雞殼蔬菜粥

材料
雞殼
紅蘿白
椰菜

雞殼和紅蘿白先放,最後的15分鐘才放椰菜隔渣,淨湯放米煲粥。
這個粥很鮮甜的。

雞殼和所有的骨類,煲到唔一定的火候係會有腥味,之後就越煲越香,
骨膠原,膠原旦白就會走晒出嚟。

椰菜不可太早放, 太早放,煲得太耐會有菜的苦味,除左羅宋湯的整法,
因為蕃茄蓋了苦味

用電飯煲仔煲係好重要,湯要煲幾個鐘但水的份量唔多,如果用明火煲好易
乾水同唔記得睇火。

私人傳訊

spikenard

水晶宮

積分: 71772

5^#

發表於 15-7-21 22:03 |顯示全部帖子

carrie_baby 發表於 15-7-21 21:47
回覆 spikenard 的帖子

請問你個煲係咩樣,在哪裡買架?

粉紅色的那個, 給阿B專用,街邊PROMOTE 平好用。

私人傳訊

spikenard

水晶宮

積分: 71772

6^#

發表於 15-7-22 13:30 |顯示全部帖子

carrie_baby 發表於 15-7-22 11:02
回覆 spikenard 的帖子

咁可煲幾多？

電飯煲仔可煲6碗水

私人傳訊

spikenard

水晶宮

積分: 71772

7^#

發表於 15-7-22 13:47 |顯示全部帖子

yukilai_1214 發表於 15-7-22 12:13
整冰粒，D紅衫魚要起骨嗎？蕃茄，薯仔是否切粒？

紅衫魚唔駛起骨,先整條紅衫攞去煎稍變金黃後才小許水,湯就會變白。
蕃茄,薯仔切粒。湯,魚,蕃茄,薯仔放入電飯煲仔繼續煲。

完成後全部材料放入下面的工具隔渣磨蓉,蕃茄,薯仔唔磨D汁出嚟,湯唔香的。
渣唔要,太多魚骨。隔完的湯,要隔多2次先放心的,怕有魚刺,別忘記。

要買雙重鐵網的濾網,隔魚刺先安心的。

私人傳訊

spikenard

水晶宮

積分: 71772

8^#

發表於 15-7-22 13:50 |顯示全部帖子

happymori 發表於 15-7-22 13:18
我重懶，去壽司店買15-20蚊三文魚，煲粥時電飯煲上層蒸熟，跟住整碎d魚就放入粥，粥魚既魚油就會落左個粥度 ...

洋蔥我好少放,本身自己唔食得,但放左洋蔥之後的味道好香的

私人傳訊

spikenard

水晶宮

積分: 71772

9^#

發表於 15-7-22 15:25 |顯示全部帖子

本帖最後由 spikenard 於 15-7-22 15:26 編輯

candyaust 發表於 15-7-20 07:21
Thanks for sharing. 我仔11個月但仲有食粥。我用蒸搞機做冰粒，15分鐘整好，唔知會唔會話因為快左而流失左 ...

這個問題我有想過,冰制之後營養會流失嗎? 但之前我是喂人奶,有整冰奶的,根據世界衛生組織指引,擠出的母乳如果放冰格可貯存到六個月,放在普通的雪櫃可放5到8日,唔放雪櫃6-8小時,
咁就係人奶咁難保存都可以到6個月,那普通的冰制食品更加沒問題。

急速的冷凍可以使食物中的變化時間完全停止。而且並不受時間的影響,但一旦解凍過就不可以了。

私人傳訊

spikenard

水晶宮

積分: 71772

10^#

發表於 15-7-22 23:46 |顯示全部帖子

今天的主題買鮮肉

早上由小朋友爭開眼睛開始就非常忙,
忙喂奶,換片,煮她的第一餐
為求新鮮,寶寶煲粥的材料若是當天早上才買的話,
你的時間永不夠用,時間也常趕不上,寶寶起床前去買餸,
趕及她醒來前喂奶換片,所買的份量最少也很多,因為寶寶每餐
所需要的材料不多的。菜類也不難處理, 買可以放長時間的瓜類就可解決,
那肉類呢?

無論全職媽媽或在職媽媽除非你有工人幫手,不然你的生活別太花太多時間在廚房裡,你有沒有試過忙這樣忙那樣時,沒錯,給寶寶最好的, 但,當你忙完的時候,你累得一點也不想動,和寶寶的說話和玩的動力也消耗了。
我見過有一個媽媽每天為了給寶寶最好的每一餐,天天去市塲買最新鮮的材料,
用心機的喂寶寶但小寶寶到了差不多三歲才懂得說單字,為什麼?
媽媽太累,整日都沒心機和小寶寶說話三年的日子也是如此日日這樣過。

肉類買一星期的份量沒問題的, 既然上幾層樓說了冰鮮的原理後,只要
你所買的肉別解凍後再冰就沒問題。

制作冰肉:

豬肉,魚肉雞肉唔可以買急凍給小寶寶,因為你唔知佢地幾時屠宰,冰鮮幾耐不是重點,重點是涉汲運送的時間這才重要, 溫度的變差會使細菌生長。

魚要買游水, 豬肉要買新鮮,雞肉要買新鮮,回家後即清洗,魚要一條一條用保鮮紙或密實袋包好,豬肉和雞肉切開每天的份量然後用保鮮紙或密實袋包好,別懒若不一份份包好,到你用時分不開然後用水解凍那.......那冰肉就可以報廢。

計算好份量不用買太多,一星期好了。3天魚,3天豬肉1天雞肉就好了
雞肉若是女B不要食多,除非本地。

私人傳訊

spikenard

水晶宮

積分: 71772

11^#

發表於 15-7-27 22:11 |顯示全部帖子

有JM 貼過整冰粒蔬果,例如蕃茄,瓜類全清洗去皮後用刀切碎放入冰格制成冰粒,
非常好的提議如果心水清的你就會問,日日買新鮮咪得,買左放雪櫃下格就可以,為何要整冰粒?

其中的原因,有d媽媽要返工時間不許可日日去買餸,有d媽媽好似我咁同其他人一齊住,廚房共用不能佔用太多時間,蔬果最少你不能去街市買一粒蕃茄,一粒薯仔等,
但你買得多日後幾天寶寶也要吃同類的蔬果,放了第三天後下格雪櫃的蔬果開始收水了,你也不想用了,冰粒蔬果就能解決這個問題。

和冰粒蔬果同樣原理,洗淨後將一天的份量的蔬果直接放進最小SIZE 的蜜實袋,不用切碎非常方便。

私人傳訊

spikenard

水晶宮

積分: 71772

12^#

發表於 15-7-29 21:34 |顯示全部帖子

回覆 edhe 的帖子

街邊買的, 國美或小店鋪的電器鋪,日X城等多款點,不要買內膽是瓦的,
那個專煲粥,但功能太少,寶寶再大少少就不合用。

這個款類似我家的,找這一類合用點
https://hk.f1.page.auctions.yahoo.com/hk/auction/b31703736?actsrch=srp3

除了寶寶的粥,我也這個飯煲來煲寶寶的湯粒, 自己的調補湯水,烚旦,烚蕃薯,烚南瓜,做旦糕,
煲糖水等........總知物盡其用, 生完寶寶後記憶力下降,常忘記關火,所以能用飯煲煮的東西就盡量不開明火,免意外。

私人傳訊

spikenard

水晶宮

積分: 71772

13^#

發表於 15-8-2 11:47 |顯示全部帖子

回覆 ironjm 的帖子

不用打開蓋的, 佢有個漏斗白色的小配件,放係係排氣孔就唔會漏

私人傳訊

spikenard

水晶宮

積分: 71772

14^#

發表於 15-8-3 11:42 |顯示全部帖子

老人家問我,寶寶單食粥唔養的,於是會想將湯水,大人食的食物比佢食。

要點樣的粥先夠營養?

我的寶寶每一餐都包含穀物,蔬菜,魚肉,瘦肉,間中有雞旦營養好足夠,可以代替一餐奶,不而補奶粉。

當爺爺問寶寶今天的粥有什麼材料呀? 我答爺爺有蕃茄,薯仔,紅衫魚,瘦肉,四份一的節瓜等再加一片合掌瓜.....之後老人家就不會再問粥仔夠唔夠營養了。

點評

MavisNg

發表於 15-8-4 10:52

私人傳訊

spikenard

水晶宮

積分: 71772

15^#

發表於 15-8-3 22:05 |顯示全部帖子

回覆 YY526 的帖子

其實我將紅衫魚,蕃茄,薯仔整成濃冰湯粒,每次煲粥只放一粒所以份量是不會過量的,
寶寶當天主要食到的是瓜菜類和粥, 瘦肉可放,可唔放,但肉只會出味後不食的。

私人傳訊

spikenard

水晶宮

積分: 71772

16^#

發表於 15-8-3 22:12 |顯示全部帖子

LJB 發表於 15-8-3 17:25
想問下各位媽媽，你地的冰粒直接放雪櫃定會搵野封住？

整好的冰粒一定要放入密實盒或密實袋。一來唔用密實袋,冰粒會吸到其它味,二來,冰箱不只單獨存放冰粒,好多時會有其它冰鮮生的肉例如,魚,雞翼,牛扒......若不小心佔到冰粒,就不可以用了。

私人傳訊

spikenard

水晶宮

積分: 71772

17^#

發表於 15-8-3 23:05 |顯示全部帖子

bettybettylyp 發表於 15-8-3 20:22
請問整冰粒容器咩樣，邊度買?

一款是夕膠做,一款是硬膠做
夕膠最大好處是取出冰粒時很容易,因為是軟膠

在普通的家品店有售

私人傳訊

spikenard

水晶宮

積分: 71772

18^#

發表於 15-8-6 14:02 |顯示全部帖子

本帖最後由 spikenard 於 15-8-6 14:50 編輯

寶寶仲未有小荳牙,不過都可以食到剁碎的菜同肉類的,
要寶寶直接進食己攪碎的肉類可以更加吸收多更多肉類中的營養。
若是單從用肉煮成的湯汁是不夠的。

要比寶寶慣性食粗韌的食物,若只食糊仔或果蓉的食物,日後就比較造成偏食的習慣。

豬肉碎
將新鮮買回來的瘦肉剁碎制成冰粒,每天肉類的份量都差不多,每餐一粒(每粒大約一湯匙)。
這個份量夠的,不要多。蔬果可以多,肉類就要一湯匙一餐就可以。

魚肉碎
魚肉對於我這個新手媽媽是很喂懼的, 因怕有魚刺,就算只起肉也不放心,蒸起的魚肉我也花時間挑
很久看清楚才給寶寶。不過去買做刺身的三文魚肉就免去這個問題。一.做刺身的魚是海魚,比淡水的魚鮮味點,二,用得做刺身的魚是新鮮的,三做刺身的魚肉只有肉沒刺的。
在X康買的,一盒有10片,今天買$79蚊。一日只需要2片,這可以食到5日了,除開都是15蚊。
這一定要在早上買,下午的不要。

買回來後每2塊,2塊的用保鮮袋包好,用時就好方便了。

魚肉和豬肉最好和粥分開蒸,蒸熟後再攪碎後才加入粥仔。因為肉碎熟了後會痴埋一舊舊比較大粒,散在粥仔裡比較難處理。倒不如一開始分開蒸,處理好才加入粥仔。蒸魚肉時加調味湯粒,去腥。

什麼魚比較啱寶寶吃?
1.三文魚
2.紅衫魚
3.大眼雞
4.沙甸魚
5.龍脷柳
這類魚含較多的DHA 能有助神經系統和視力的發展。

有咩魚唔多啱寶寶吃?
1.鯊魚
2.劍魚
3.旗魚
4.吞拿魚
5.大王馬鮫魚
6 金目鯛

這類魚因含甲基汞比較高, 那甲基汞又是什麼?

甲基汞是一種具有較強神經毒性的污染物質。

甲基汞暴露對於人類的風險在於它的生物致畸作用、免疫毒性，最重要的，是它的神經毒性效應。因此，甲基汞特別容易富積在捕食動物體內。

美國健康部門同歐盟一齊發佈了一系列關於孕婦及在孕齡的婦女不得食用鯊魚肉的警告。短時期內高劑量比長時期低劑量會引起更嚴重的問題，有時甚至是對人體器官不可逆轉的損害。
據美國國家科學院估計，僅美國每年就有60000多新生兒帶有由於母親懷孕期間甲基汞引起的神經損害。
事實上，用於甲基汞引起的變異、癌症和神經系統的損害不僅對於兒童，對於成人的影響也得到了證實。在1998年，科學家迪克曼博士和梁博士發現食用的鯊魚肉中的甲基汞是引起男性生殖缺陷的主要原因。這一結果在2002年被威爾士親王醫院的約博士科學家團隊和中國的大學證實。

私人傳訊

spikenard

水晶宮

積分: 71772

19^#

發表於 15-8-26 09:59 |顯示全部帖子

bbg9 發表於 15-8-26 08:35
想問吓如果魚湯㷛魚粥比7個月bb, 大家會唔會煎咗條魚先? 唔煎咪好腥? 煎咗用油會唔會對bb唔好?

...

煲湯的魚我都會煎的, 要視乎咩魚和魚的新鮮的程度,唔同魚佢的腥味濃度都有所不同。

寶寶都要需要有油的烹調,可參考健康院的書仔6至24個月嬰兒健康飲食第二冊的第8頁有講。
原因和益處有解釋的。

-烹調寶寶的食物時,宜加入適量的植物油

-植物油不但能提供熱量,更有助寶寶吸收脂溶性的維生素

-植物油中的多元不飽和脂肪酸有人體心需要的脂肪酸,供腦部發展和身體生長

這是健康院的建議

而魚油的主要有效成分叫Omega-3，一種多元不飽和脂肪酸。
只要不過多是OK的。

基本就算唔煎的魚,加薯仔和蕃茄煲到一定時間係唔會腥仲會好香的。
相反時間唔夠會好腥。

若果你覺得好油時,可以用隔油篩,隔完油後湯好清的。

私人傳訊

spikenard

水晶宮

積分: 71772

20^#

發表於 15-8-26 13:59 |顯示全部帖子

本帖最後由 spikenard 於 15-11-18 14:04 編輯

題外話:寶寶的電飯煲仔好好用的

因為坐月時,傷口發炎,身體弄得差了,湊著小寶寶又訓得差,
想弄補品也要有精神,時間,和胃口。湊著小寶寶若果沒精神,
大人的食物也會好簡單,什致是買外賣便算了更別說弄補品補身體。

買了小寶寶的煲仔後,早上便給寶寶煲粥先, 煲好了我便會煲其它的東西,每天不同。

最常弄的是當歸,黨參,紅棗紅糖, 糖水一星期二次
隔天是南瓜糖水

這二款糖水輪著煲很有益的, 對寒底的女士好補

果效會係二星期後比效明顯出現,
面色紅潤D,
M會好D,
面油會少D,