Baby Kingdom - 親子王國 香港 討論區 › 首頁 › 醫護健康 › 婦女醫護› 痔瘡肛裂手術

婦女醫護

收藏本版
發帖
返回列表
跳至頁

首頁
1234

尾頁
   20
Sadsadpig


別墅

積分: 665


21#
發表於 19-10-6 09:44 |顯示全部帖子
回覆 Mandybilly 的帖子

好多謝你嘅分享， 聽落你個手術好成功 ，祝你早日康復
其實我都有嚴重痔瘡問題+肛裂， 請問你介唔介意解答下我以下嘅問題？感激

1 如果我唔使照腸鏡嘅話， 係唔係可以唔使飲瀉水， 直接做痔瘡切除手術就可以？ 定係就算唔照腸鏡 ，都要手術前放一次大便？

2 我見你話肛裂足足半年先好返， 有得好返即係代表 越嚟越冇咁痛 ，你話做完手術之後大便嘅痛冇肛裂咁痛， 咁但係肛裂嘅痛都有程度之分 ，請問 可唔可以講下做完手術去大便嘅痛係等於肛裂乜嘢程度嘅痛？
我肛裂最初發生嘅時候， 我覺得簡直係撕裂咁痛 ，有八至九粒星星咁痛 ，但係而家有食消炎藥同埋搽藥膏， 而家係五至六粒星星，好驚做完手術去大便嘅痛會去返七至八粒星星

3 你做手術之前肛裂已經好返 ，你係做內痔， 即係傷口喺入面， 請問大便嘅時候， 條大便經過內壁嘅傷口， 咁內壁係咪會感覺到痛，而唔係肛門嘅痛？

4 啲藥係感覺上好想作嘔定真係會嘔埋出嚟？

你精神許可嘅時候 ，希望你願意解答我， 因為我而家有肛裂同埋三期痔瘡，我個痔瘡 有半隻雞蛋咁大， 每日大便都好辛苦好痛好唔開心

見到你手術成功， 手術後大便冇之前肛裂咁痛 ，而家大便完又唔使推翻個痔瘡上去， 好戥你開心， 亦都好佩服你 ，你好叻好勇敢

其實我仲未完全鼓起勇氣去做手術，每次大便嘅時候都覺得好痛好辛苦， 就想不如做手術切咗佢一了百了 ，但係去完大便嘅時候 ，上網爬文 會見到有啲人做手術失敗 ，我就好驚
私人傳訊

Sadsadpig


別墅

積分: 665


22#
發表於 19-10-6 17:13 |顯示全部帖子
本帖最後由 Sadsadpig 於 19-10-6 17:14 編輯

回覆 Mandybilly 的帖子

多謝你啱啱做完手術都願意花時間打咁多字答我嘅問題，感激
咁有冇得同醫生講我已經知道自己嘅痔瘡好大嚿，淨係靠形容畀佢聽，要求嗰刻唔做肛鏡檢查， 直接同醫生講我想做傳統手術，然後等飲完瀉水，打曬麻醉藥之後先用腸鏡照痔瘡，跟住順便手術？ 因為我真係好驚喺冇麻醉嘅情況之下做肛鏡檢查


其實我個痔瘡好大嚿， 摸落有半個至三分二個雞蛋咁大， 如果要飲瀉水， 咁唔好彩要屙十幾次嘅話，返唔返上去都唔知點算 ，因為每次屙完每次推都係好難推 ，更何況仲要屙十幾次

你形容得好清楚，見到你咁講我都放心啲做手術，但係啲便便經過內壁傷口， 咁啲便便咪黐住個傷口 ，永遠唔會清潔到，咁咪有好多細菌 ，個傷口好難好？？

好彩啲藥都只係想作嘔，冇嘔出嚟，雖然係辛苦 ，但都唔及肛裂+痔瘡痛咁辛苦
私人傳訊

Sadsadpig


別墅

積分: 665


23#
發表於 19-10-6 17:17 |顯示全部帖子
回覆 Mandybilly 的帖子

我都覺得呢個病折磨得我好緊要， 之前一直好怕做手術 ，但係見到你個分享 ，好似終於得到解脫咁，我都好想做，做完一了百了， 唔使每次大便完都要推返個痔瘡上去
我見到你最尾嗰幾句，我喊咗出嚟，好滾動，多謝你嘅鼓勵
私人傳訊

Sadsadpig


別墅

積分: 665


24#
發表於 19-10-6 19:12 |顯示全部帖子
回覆 Mandybilly 的帖子

咁如果用咗肛鏡檢查痔瘡， 可唔可以唔使照腸鏡再檢查多一次痔瘡？
你肛裂好返之後，用肛鏡檢查嘅時候痛唔痛？我上網search過肛鏡，見到就覺得好驚，好大碌，而且放咗入肛門之後仲要再撐大

你之前個痔瘡講到好嚴重咁， 有冇半個雞蛋咁大？因為我而家有咁大

私人傳訊

Sadsadpig


別墅

積分: 665


25#
發表於 19-10-6 23:48 |顯示全部帖子
Mandybilly 發表於 19-10-6 21:28
嗰次醫生用指診檢查話好翻再用肛鏡檢查，唔痛啊!致於照腸鏡係我自己要求，如果要做手術的話真係要問下醫生 ...

乜用肛鏡檢查真係完全唔痛㗎咩？！ 我見個肛鏡好粗好大碌，放入肛門之後仲要撐開， 見到都覺得痛，我真係好驚

你話你每次去完大便都會用水沖， 請問你係推翻舊痔瘡上去之後先沖，定係未推舊痔瘡嘅時候沖？

可唔可以介紹你嗰隻中藥痔瘡膏畀我呀？？ 謝謝
點樣用手指搽入肛門內？ 成隻手指插入去然後撩？？

想請教你點樣調節飲食，點先可以控製到每日淨係朝早屙一次大便？ 我而家一日屙兩次大便，搞到個肛裂好難好
私人傳訊

Sadsadpig


別墅

積分: 665


26#
發表於 19-10-6 23:50 |顯示全部帖子
Mandybilly 發表於 19-10-6 21:35
其實我覺得花士令幫左我好多，排便前搽d花士令入肛門內d便通過時冇咁痛，加上搽左有層保護，冇咁易再撐傷， ...

花士令係咪淨係搽肛門表面就得？？

我確保唔到每日嘅大便都係容易去，如果遇上硬大便，嗰刻痾唔到，我可以點？
私人傳訊

Sadsadpig


別墅

積分: 665


27#
發表於 19-10-7 11:07 |顯示全部帖子
本帖最後由 Sadsadpig 於 19-10-7 11:08 編輯
Mandybilly 發表於 19-10-7 08:34
我嗰時肛鏡檢查可能肛裂好翻，所以唔覺痛，係驚驚啊!
便便完推翻入去，用暖水沖，印乾之後搽花士令同痔瘡膏 ...

明白， 咁即係目前我最緊要個肛裂好返先 ，咁就檢查嘅時候就唔會痛

大便完，個痔瘡未推番上去之前， 使唔使用紙巾濕水清潔乾淨痔瘡上面嘅血同埋便漬先推返上去？ 因為我每次大便完，都會用紙巾濕水輕輕力清潔好個痔瘡先推上去，我驚日日咁樣清潔法，反而磨擦得多個痔瘡會更加難好

馬x龍痔瘡膏你係唔係keep住搽足半年呀？ 呢隻我之前都有買嚟用過， 說明書上面話用三、四日冇改善， 就要睇醫生， 個說明書講到咁，好似暗示唔可以長期用咁mg:" />

知道，我會多啲食蔬菜、生果、飲多啲水，使唔使食低渣食物， 等唔使屙咁多便便，唔使咁痛？ 定係要食多啲粗糧？
我而家一日屙兩次大便，好痛，我想每日淨係屙一次，等個肛門可以多啲時間休息，咁先可以好得快啲

我今朝便便有用你教嘅方法，搽啲凡士林先至去

咁嗰刻如果屙唔到， 有硬大便 ，之後飲多啲暖水、蜜糖水、 食乳果糖， 可唔可以令到個硬大便變番軟大便？ 定係佢只會繼續硬？ 好擔心嗰刻屙嗰到出嚟，下次只會更難屙

多謝你詳細嘅回覆
私人傳訊

Sadsadpig


別墅

積分: 665


28#
發表於 19-10-7 11:13 |顯示全部帖子
BlactCat_FB 發表於 19-10-7 10:44
回覆 Mandybilly 的帖子

每日肛裂痛到想死，我原本都有一百零幾磅，因為肛裂令我得返九十幾磅。唉～每日都 ...
我都每日肛裂痛到死，而家仲要一日屙兩次
你屙完之後仲會唔會痛？定淨係屙嗰刻痛？我除咗屙嗰刻痛，之後要痛幾個鐘先慢慢唔痛，所以一日屙兩次嘅話就幾乎全日都係痛
私人傳訊

Sadsadpig


別墅

積分: 665


29#
發表於 19-10-7 15:54 |顯示全部帖子
回覆 BlactCat_FB 的帖子

咁你有冇痛到咩都做唔到？我痛到要喺張床度典嚟典去，完全影響日常生活要做嘅嘢
我每朝大便完，痛到跳舞咁快快脆脆食塊包，然後食藥， 啲藥係前一晚執定出嚟 ，因為每朝大便完，會痛到即刻想瞓上床休息， 唔想續包續包藥拎一粒出嚟，企多一陣都好折磨
私人傳訊

Sadsadpig


別墅

積分: 665


30#
發表於 19-10-7 15:55 |顯示全部帖子
回覆 Annabeth 的帖子

我以前都有試過呢隻牌子嘅濕紙巾， 但係可能唔啱我， 我用完個肛門會好痕
私人傳訊

Sadsadpig


別墅

積分: 665


31#
發表於 19-10-7 16:00 |顯示全部帖子
Mandybilly 發表於 19-10-7 13:31
馬x龍痔瘡膏我用左好耐，冇停過去完便可以用濕紙巾印乾淨千其唔好擦，推翻痔瘡入肛門之後沖溫水，再搽花土 ...

我唔係搽3、4日見唔到效果就放棄，而係個說明書上面寫用咗三、四日都冇效就要睇醫生， 我以為佢個意思係隻藥膏唔可以長期用， 所以我查咗幾日就冇搽， 原來可以長期用


我每日都飲好多水，有食菜同生果， 但係個份量唔多， 痛到冇胃口，食唔落咁多嘢， 至於煎炸嘢我就已經冇食，完全唔敢食
私人傳訊

Sadsadpig


別墅

積分: 665


32#
發表於 19-10-7 16:02 |顯示全部帖子
Mandybilly 發表於 19-10-7 13:40
我嗰時食得好清淡，早上唐x包，下午粟米，蕃薯晚上菜同魚囉，記得唔好食花生果仁同朱古力，食左第二日便便 ...
多謝你嘅提醒 ，你叫唔好食嘅嘢， 我一啲都唔會再食， 但係你話朱古力食完之後啲便便會好黏 ，我就好嬲自己， 因為我痔瘡發作 前嗰排， 我狂食好多朱古力， 係好瘋狂咁食 ，然後搞到便秘 ，最終變成而家咁樣
私人傳訊

Sadsadpig


別墅

積分: 665


33#
發表於 19-10-7 18:28 |顯示全部帖子
BlactCat_FB 發表於 19-10-7 18:02
回覆 Sadsadpig 的帖子

平時得我一個人喺屋企，我痛到咪瞓喺梳化度，痛到咩都唔想做架! ...
同我一樣，我都係平時得我一個人喺屋企，其實好想有人喺屋企照顧下我，但要紅日放假先屋企有人
私人傳訊

Sadsadpig


別墅

積分: 665


34#
發表於 19-10-7 18:32 |顯示全部帖子
BlactCat_FB 發表於 19-10-7 18:07
我平時食麥皮，生果，菜，少少肉加飲好多水，大便軟都痾到痛，唔知係咪裂得深，傷口好難好呢～ ...

我同你食嘅嘢有啲似，不過我仲會食麥方包，因為每逢食藥都要食啲嘢先，冇咁好心力整嘢食，我食塊包就食藥

我今日大便唔硬都覺得痾到好痛，我係內痔，而且仲要好大舊，我覺得係因為每次痾嗰陣都會必舊內痔出嚟，所以搞到肛裂好難好
私人傳訊

Sadsadpig


別墅

積分: 665


35#
發表於 19-10-7 18:34 |顯示全部帖子
樓主今日精神好嗎？傷口有冇好返啲，冇咁痛？食藥仲係咪好辛苦？休息多啲，祝你早日康復
私人傳訊

Sadsadpig


別墅

積分: 665


36#
發表於 19-10-7 20:31 |顯示全部帖子
BlactCat_FB 發表於 19-10-7 19:19
回覆 Sadsadpig 的帖子

我都有食麥包，好多嘢唔敢食，所以個人瘦左好多，你有冇瘦呀？我都想屋企人陪我， ...
我都係好多嘢唔敢食，但我暫時未有瘦，因為我呢個狀況維持咗兩個星期左右，可能未咁快瘦，但我本身90磅，如果再瘦多十磅我驚營養不良

我都係痛到冇心情出街，自從有咗呢個病之後我都冇再出過街 ，日日都喺屋企，淨係出去睇醫生嘅時候先至出一出門

我而家仲有流血，連自己都聞到啲血味，同埋聽到啲血滴落馬桶嘅聲
私人傳訊

Sadsadpig


別墅

積分: 665


37#
發表於 19-10-7 20:33 |顯示全部帖子
BlactCat_FB 發表於 19-10-7 19:31
回覆 Sadsadpig 的帖子

我冇痛到跳舞，只係痾大大feel到裂開時，就想暈
我痾嗰陣裂開好痛，痾完之後都好痛，痛到成個人要旭嚟旭去，企定唔到， 同埋要自己按摩個patpat舒緩返
私人傳訊

Sadsadpig


別墅

積分: 665


38#
發表於 19-10-7 20:37 |顯示全部帖子
Mandybilly 發表於 19-10-7 19:56
肛裂去便便係超超痛，比d恆心，清潔肛門搽花士令加藥膏，我相信比d時間會有好轉，大家加油!
我今日排便比昨 ...
好驚肛裂一直唔好返，會變慢性肛裂，到時更加難醫

你治療肛裂期間，有冇食消炎藥？

你今日便便比琴日痛，係稍為痛咗少少，定係明顯痛咗好多？
你使唔使返去覆診？
私人傳訊

Sadsadpig


別墅

積分: 665


39#
發表於 19-10-8 14:39 |顯示全部帖子
Mandybilly 發表於 19-10-8 13:24
冇食消炎藥啊，今日便便明顯痛左，月中去覆診
好似一日比一日痛咁嘅
今日明顯痛咗但仍可忍得到嗎？
希望你快啲好返

你有冇覺得做完手術之後有肛門收窄嘅問題呀？同埋你係唔係 將啲痔瘡切得好乾淨？
我上網見人哋分享話如果切得太乾淨就會有肛門收窄呢個問題，好驚

吖，仲有呢...... 請問你可唔可以介紹幫你做手術嗰位醫生畀我呀？ 感謝
私人傳訊

Sadsadpig


別墅

積分: 665


40#
發表於 19-10-8 23:39 |顯示全部帖子
Mandybilly 發表於 19-10-8 20:30
我做完手術未排到便時都勁擔心肛門收窄，第一次排便係關建時刻，好在排到好多，重係正常粗便冇幼到，呢機日 ...
咁係唔係只要唔割曬痔瘡嘅話，就唔會有肛門收窄呢個問題？基本上都係安全？因為我都好擔心做痔瘡手術會肛門收窄

做完手術後，醫生有冇叫你食纖維粉幫助排便？定係如常飲食就可以？

我收到你個pm喇，多謝曬你
請問你嗰位醫生係點樣搵返嚟㗎？ 點解你會咁相信佢嘅？ 我收到你pm之後有search下你個醫生， 但係除咗最基本醫生資料之外，就搵唔到有人討論關於佢做痔瘡手術嘅嘢
當初點解你咁放心將自己交畀佢？


謝謝回覆
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見