吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 請問有無小朋友返緊九龍塘根德園幼稚園? ...

香港18區媽媽會今日: 2|主題: 156906

收藏本版

發帖

返回列表

跳至頁

樓主: 豬仔媽媽

[荃灣區] 請問有無小朋友返緊九龍塘根德園幼稚園? [複製鏈接]

3 456 7...20

kuyu0905

大宅

積分: 1139

81^#

發表於 08-1-3 15:45 |顯示全部帖子

豬仔媽媽:

咁咪好囉, 囡囡似您, 食極都唔肥, 我囡囡都係, 其實我都唔想佢太肥, 而家小朋友好早就話要減肥

呢排天氣涷, 好多小朋友都唔願起床, 好在放了咁多日假, 囡囡都無話唔想返學, 仲認得隔離班的同學仔, 所以返學都幾開心, 但諗起第日返九龍塘要早咁多起身, 又覺得都幾辛苦

私人傳訊

kuyu0905

大宅

積分: 1139

82^#

發表於 08-1-3 16:30 |顯示全部帖子

stliu,

好多謝您的意見, 正如您所說, 對女仔來說, 好多好的小學都是靠派位, 如Marynoll, 我們又沒有兄弟姊妹就讀, 我們又不在那兒教書, 又沒有相關宗教, 機會真的非常非常渺茫, 除非學您話事, 搬去九龍城區住, 機會就高很多, 但就不是個個可以 afford 得起...

至於私校, 除了dbs/dgs後, 我見有些私立名校e.g. SFA (聖方濟各)其實都有不少人說程度一般一般, 也並不見得比津校好, 如荃灣區的官立小學 (始終可以升往荃灣官中的機會大), 所以我覺得可以選擇的範圍其實也不多 ?-(

不過論基礎打得好, 就以根德園莫屬, 只是欠缺某程度上的透明度...

(P.S. 請問 SPCC 是那間小學的簡寫?

)

私人傳訊

kuyu0905

大宅

積分: 1139

83^#

發表於 08-1-7 12:12 |顯示全部帖子

Dear All,

睇返之前的留言都花了好些時間

豬仔媽媽提到有人為了入名校而入教會, 我見到其他 topic 都有人講, 甚至叫菲庸去外地為小朋友取領冼紙, 家長為求取得5分而不是真正入教會, 對我們這些沒有分的家長實在很不公平, 將分數拉高了, 像 wasyinyin 一樣, 要我用手段去達到目的, 就真的做唔出 :cry:

wasyinyin,

您仔仔識得講好多野, 仲識得套用您的說話, 好叻叻

講開模仿, 昨天去沙田 shopping, 食野時見到個小朋友(還坐在BB車上, 大約2歲幾)在隔離桌, 他初初不耐煩地大叫, 他爸爸便帶出個煙盒給他玩, 我見到都已經好

後來再望下個小朋友, 居然將煙盒支煙取出, 含在口裏扮大人食煙, 但他爸爸並沒有覺得不妥, 任由他玩, 當時我真的很憂心, 日後那個小朋友的成長路會如何... :cry:

現在想一想, 其實校風都很緊要, 小朋友多跟誰接觸就會像誰, 壞習慣形成了, 要改好就難了!

私人傳訊

kuyu0905

大宅

積分: 1139

84^#

發表於 08-1-7 14:16 |顯示全部帖子

stliu,

如果讓我找倒一間風氣純樸,唔係超級名校都好丫, 不過唔知實際有冇呢種學校呢?

您講呢句, 令我第一時間諗起荃灣浸信會, 上次去參考她們的簡介會, 感覺那些小朋友很純品

唔經唔覺又就快到農曆新年, 這幾個月囡囡幼兒園都相繼有很多假期, 剛剛開學現在又要籌備放假日子怎過, 您們要去旅行的今年都會很旺, 要一早報名呀 :idea:

農曆假期公司也會後幾天(放長一點)才上班, 今年還未公佈實際時間, stliu, 您呢? 今年新年會放幾多天假?

私人傳訊

kuyu0905

大宅

積分: 1139

85^#

發表於 08-1-7 14:34 |顯示全部帖子

wasyinyin,

呢排見到d新聞, 都令人咋舌

可以好細個就販毒做案, 點叫人唔擔心青少年問題呀! 以前我們讀書的年代, 所謂"壞", 可能只係講幾句操口, 但現在的"壞"是難以想像的 :tongue:

所以有時話學校歧視唔收xx學生, 又好難講間學校對或錯, 好似培正咁, 唔單止要家長提供職業, 連父母的學歷都要睇, 或多或少校方都會考慮到"家教"這一環, 若家庭背景好, 可以培養到品德+學術都比較好的學生也相對會容易一些, 不是說新移民當中沒有好學生/叻學生, 每年會考放榜總有幾個新移民狀元, 但此類人就真的少之又少...

私人傳訊

kuyu0905

大宅

積分: 1139

86^#

發表於 08-1-7 14:52 |顯示全部帖子

wasyinyin,

市面真係有好多兒歌碟, 您個隻 "九因歌" 是 vcd / dvd? 可以pm資料給我嗎?

豬仔媽媽:

真係要好好休息下, 會快d好~ (不過話時話, 我都有少少作感冒咁)

您那兩set 是那兒出版的, 也可以pm資料給我嗎?

私人傳訊

kuyu0905

大宅

積分: 1139

87^#

發表於 08-1-7 16:28 |顯示全部帖子

嘩, 今年d野好似好貴, 連面粉都話加價, 第日真係柴米油鹽都加 :tongue:

您地要唔要去辦年貨? 我比較幸運, 好少自己去做, 多數由我媽媽一手包辦, 而我媽媽亦是一個非常非常傳統的女人, 樣樣喜歡親力親為, 過年過節這些大節日, 都會弄很多很多東西, 尤其是年廿八至年三十那幾晚, 她可以弄幾至三更半夜不眠不休地製作過年食品, 又要去超市搜購很多很多用品回家, 她說要 "常滿" 喎, 所以即使未用的都會買多一點點回家放著過年, 意思是新的一年都滿足...

私人傳訊

kuyu0905

大宅

積分: 1139

88^#

發表於 08-1-7 18:59 |顯示全部帖子

stliu,

嘩, 您連瓜子鉗都有, 真係好誇張, 可以稱得上 "瓜子王后" 啦

(但係用鉗食, 會唔會慢d架 :lol: )

我媽媽做菜是挺好的, 她喜歡煮, 也希望我們愛吃, 我們個個都肥肥白白, 不吃她會不高興, 以前她上班沒有多時間做太多, 這兩年為我帶小朋友後就反而有多些時間弄食物, 她很會做蘿蔔糕, 年糕也很好吃, 日後有機會請您們嘗一嘗...

您好像是北方人, 家人會弄些什麼特色的食物過年嗎? 您媽媽是否跟囝囝說普通話的?

而家的東西真係好貴呀, 面包加了價, 又點會降呀, 錢都入了袋, 梗係唔會攞返出來啦 :tongue:

係呀, 而家真係要諗定換幾多錢利市, 幸好我有個朋友做銀行, 可以幫我換, 您公司會唔會幫您地換錢?

私人傳訊

kuyu0905

大宅

積分: 1139

89^#

發表於 08-1-8 11:42 |顯示全部帖子

All,

我地都無您地咁有系統, 用了幾多都唔係好記得, 可能唔係由我管數, 什麼都老公做, 所以好少理, 有錢封利事就算

以前都有幫囡囡將她的利事錢存入自己的戶口, 但後來見無乜用, 港元又貶值, 利息又少, 最後就撥返入我們的戶口, 父母既錢, 將來咪又係佢既錢

豬仔媽媽:

其實您都唔係好嚴厲啫, 相信我們這一班媽咪個個都好鍚小朋友的, 但不是縱容, 明知糖/零食對小朋友無益, 唔通都任由小朋友食咩, 我都唔會比囡囡食咁多, 好似雪糕/糖/瓜子等, 瓜子除了難消化外, 亦擔心會有色素, 有些又太咸, 真的不宜給小朋友吃太多。

哈哈, 您屋企咁多親戚, 時間會比較充實, 又可同帶囡囡同其他親戚的小朋友玩, 都幾好呀, 香港地唔係過年過節好少機會可以聚下, 畢竟平時大家都忙。

stliu,

若您媽媽是講普通話的, 那您的普通話應該唔錯呀, 或者您有時都可以同仔仔講下普通話喎~

好似您咁, 我地好多親戚都在外地, 所以新年都比較清閒, 只係去我媽媽及奶奶處拜年, 其他時間都是約朋友聚會, 所以每年都要四圍去搵節目...

但您星期日早上不是要上教會嗎? 或者星期六下午/星期日下午都可以。

私人傳訊

kuyu0905

大宅

積分: 1139

90^#

發表於 08-1-9 11:31 |顯示全部帖子

Dear All,

就決定20號上午10:00啦~

聽您地咁講, 三字經、九因歌都幾有用喎, 得閒去望下先...

講開睇電視, 我都好擔心小朋友睇太多電視, 囡囡只會看新聞, 因為她很喜歡聽"國歌", 一路睇一路唱, 唱完之後就唔睇玩自己野, 佢可能知道我唔鍾意人睇電視, 有時婆婆開電視, 都會走來同我講 "婆婆睇電視喎, 哈哈" , 所以暫時都算好, 好在我地兩公婆都唔鍾意睇電視, 有時間不如聽下音樂仲好, 有時囡囡都會講 "daddy, 開音樂啦, 我要訓覺啦!", 睡覺時聽音樂已經成為了習慣...

stliu,

以前囡囡細個時, 我都好怕她會語言混淆, 現在應該唔會啦, 她嫲嫲(我奶奶)也是普通話人, 經常和囡囡講普通話, 好細個時, 她聽都其他人講普通話, 就話他們講緊 "嫲嫲話", 有時同佢讀拼音(我之前讀過普通話班), 原來迦南都有學拼音, 會 bo, po, mo, fo... 咁讀 (雖然讀得唔係好正, 大概知道係), 所以我覺得您都可以用普通話跟仔仔說話, 他們現在會懂得分辨, 不用擔心。

wasyinyin,

您老公都鍾意打機, 我老公都係! 只係生了囡囡之後, 生活習慣真的改變了很多, 現在已很久沒有在電視打機了, 買了部 PSP 都沒有時間玩, 放在一旁 :cry:

豬仔媽媽:

e.. 您囡囡星期日上音樂班, 是您之前說通利那一個班嗎? 在荃灣上?

您囡囡都好叻, 肯講咁多學校的事您聽, 我囡囡都係講d唔講d, 有時都唔知係真定假 ?-(

私人傳訊

kuyu0905

大宅

積分: 1139

91^#

發表於 08-1-9 12:20 |顯示全部帖子

stliu,

不過我其實星期日都唔知趕唔趕得切, 因為我地慣左星期日早上去荃灣吉野家食早餐, 所以最好搵有野食的地方等, 可以一邊食早餐一等等, 我怕遲到唔好意思

佢地應該識分, 有時囡囡會話"呢個叫乜名?" , 用廣東話講完, 又叫我 "咁英文呢?" , 您家姐姐都否用英文跟仔仔溝通? 還是用廣東話?

私人傳訊

kuyu0905

大宅

積分: 1139

92^#

發表於 08-1-9 18:07 |顯示全部帖子

OK! (我會叫我老公一齊來, 同小朋友一齊玩都好呀)

愉城都有好多野玩, 我地或者可以約埋係通利/某間店門口等, 大家留意 pm 啦

stliu,

您仔仔唔知會唔會鬧情緒呢? 又或者係楊老師話其他同學, 佢以為話緊佢, 所以唔開心?

不過您仔仔真係算講得多, 男仔講野無女仔咁叻, 佢可以表逹到您講, 都算唔錯

wasyinyin,

您地收得好好, 咁耐個仔都未發現到部遊戲機, 男仔都機特別有興趣, 好似中毒咁, 會沈迷, 所以真係要好好睇住, 玩都唔好俾仔仔見到。

豬仔媽媽:

您形容得好搞笑, 咁多件 "二奶" "三奶", 好在正室都仲係您 :lol

都唔明點解佢地咁好精力, 可以三更半夜都對住部機, 一日咪訓好少? 我成日都覺得, 有時間不如同小朋友玩下啦, 多點親子時間。

我老公其實都唔算好鍾意打機個隻, 但就好鍾意聽音樂, 每個月都會去買 HI-FI 雜誌睇, 我們的機全部放在 HI-FI 架上, 全部"表露無遺", 囡囡真係識得將dvd放入dvd機入面(只係有時反轉左), 她知道爸爸的, 有時囡囡就借d二扮搞d 音響器材, 爸爸就一定會好緊張咁制止佢, 咁佢就會好開心, 覺得佢整古到我地 ...

私人傳訊

kuyu0905

大宅

積分: 1139

93^#

發表於 08-1-10 14:40 |顯示全部帖子

豬仔媽媽:

而家真係無乜時間做自己野, 除了返工, 放工就立即返屋企睇囡囡, 囡囡一見到我就要黏住我, 根本唔可以走得開, 爸爸反而仲有少少時間睇下雜誌, 我地做媽媽的就真係好唔得閒

所以聚會時有些爸爸一起來, 會好好多, 自己可以無咁多壓力, 一個人對住隻 monkey, 會好大壓力, 所以呼籲 stliu & wasyinyin 也叫埋爸爸一齊出來啦, 請爸爸們也可以多一些親子活動時間麻!

唔好意思, 鼻塞真係唔知點好, 我呢幾日都好似您咁, 又係鼻塞, 不過我暫時無理佢, 只係成日帶住包紙巾, 應該係感冒, 再嚴重的話我就要去睇醫生, 始終怕傳染俾囡囡

wasyinyin,

係呀, 我都好贊成老公聽音樂, 我地都有份聽, 總好過打機, 只係自己係度玩, 又唔知玩緊乜…

哈哈, 如果係咁, 我地再約過第二個地點等啦, 或者快餐店門口都得, 睇下邊度方便d..

stliu,

睇來您仔仔無事啦, 小朋友好快就唔記得d唔開心的事..

己回覆 pm, 留意下…

您話個家庭營真係似 “抵” 喎, 有無條 link 睇下呀, 我都好有興趣去玩玩, 當去旅行都幾好呀

私人傳訊

kuyu0905

大宅

積分: 1139

94^#

發表於 08-1-10 17:11 |顯示全部帖子

為了縮窄範圍, 不如等愉城的 wasyinyin 及豬仔媽媽決定啦, 您地見面機會比較多, 我邊度都無所謂, 最緊要通知我就得啦~ :idea:

私人傳訊

kuyu0905

大宅

積分: 1139

95^#

發表於 08-1-11 11:23 |顯示全部帖子

呢排d天氣忽冷忽熱咁, 真係好容易中招, 大家都要注意。

我諗住今晚去睇下醫生穩陣d, 但今晚要去聽荃灣浸信會的講座, 又未必就到時間。

如果去 PIZZA HUT 食野, 最好有 PIZZA CARD, 可以有九折, 比較抵嘛

您地有無人有?

私人傳訊

kuyu0905

大宅

積分: 1139

96^#

發表於 08-1-11 15:30 |顯示全部帖子

唔該哂 stliu 幫我地 update 哂所有資料

係囉, 呢排d衫洗左好耐都唔乾, 心諗乜今年年都未過就回南, 天氣真係有d反常 ?-(

好在而家仲有時間, 我會睇下有無朋友有, 有就可以借張 PIZZA CARD 來用一用

私人傳訊

kuyu0905

大宅

積分: 1139

97^#

發表於 08-1-11 17:26 |顯示全部帖子

wasyinyin,

究竟發生乜事呀?

我覺得您最好問下仔仔點解, 有時小朋友一時間激動, 未必表達得好好, 加上有時老師講的都未必一定係對的, 始終一個老師要睇住咁多個小朋友, 所以最好了解清楚先下判斷...

私人傳訊

kuyu0905

大宅

積分: 1139

98^#

發表於 08-1-14 14:26 |顯示全部帖子

All,

我未病好, 囡囡就病左啦, 星期六開始不斷打噴嚏流鼻水, 要即刻同佢去睇醫生, 原本下午約了朋友去 Royal Pacific 吃自助餐, 見囡囡病已經唔係好想去, 但見約左咁耐, 唔去又唔好意思, 所以搞到遲左成大半個鍾先到。

話說 Royal 的自助餐都ok, 我都係第一次去, 埋單約$150/位, 款式都幾多, 大家有時間都可以去試下...

另外, 除了 Pizza Hut 之外, 還有沒有其他選擇? 我怕囡囡岩岩病好食Pizza會好熱氣, 如果去食日本野, e.g. 百人一X 又如何? 有無其他建議?

私人傳訊