吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我的02經歷。。。

自由講場今日: 884|主題: 1305868

收藏本版

發帖

返回列表

跳至頁

樓主: 小bie豬

我的02經歷。。。

123 4

積分: 24189

好媽媽勳章畀面勳章環保接龍勳章 BK Milk勳章

21^#

發表於 13-6-6 15:18 |顯示全部帖子

dream100 發表於 13-6-6 14:40
樓主，好似前post過？

巴士果個可能以前POST過,但鬼屋就應該冇POST過,
因為我而家上左樓冇再住村屋先敢講

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

22^#

發表於 13-6-6 15:51 |顯示全部帖子

住係鬼屋時有一日我病左,下午食左藥就入左房訓,訓訓下忍約聽到細路仔笑聲,
咁我以為係我大女,就講 "BB(大女)唔好係度玩啦,媽咪唔舒服,你出廳玩,比我訓陣啦",
但隔左陣,又聽到好嘈,咁我就話 "BB你同妹妹出廳玩,唔好係度玩啦",
但轉頭又聽到聲,今次仲係跑黎跑去又跳上床,咁我開眼睇下啦,見到2個細路女嘻嘻哈哈跑黎跑去,
我有幾百度近視,睇得唔清楚,以為一個係我大女,另一個係附近住嘅鄰居個妹,以為佢上左黎玩,
咁我話"你2個出去玩啦,唔好再嘈啦",但好似話極都唔聽咁越玩越嘈,我超嬲,但又好唔舒服,
於是用盡氣力好大聲咁大嗌 "你地唔好再嘈啦,如果唔係我趕你2個走架..."我講完仲尖叫左幾下,
終於靜晒,咁我就繼續訓啦...

當我訓到黃昏6點半左右我醒左,行出房見到得我老公同2個女,
我開口話我老公 "明知我訓緊就唔好比佢地玩到咁嘈啦,呀B(鄰居個妹)呢?咁早走左?"
點知老公話佢冇黎過,我話明明見到佢同家姐跑黎跑去周圍跳,仲嘈到比我鬧,
跟住老公話我訓左之後佢同2個女睇電視,聽見我嗌嘈,較細聲左電視,轉頭我都話嘈,
所以佢同2個女落左公園玩,佢地都係返左屋企一陣.....

即係我感覺有人跑黎跑去時屋企係冇人,
我最初都以為C6可能整蠱我,所以我走去問呀B家姐,佢都話呀B係佢呀媽屋企冇黎過....

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

23^#

發表於 13-6-7 00:08 |顯示全部帖子

呢個經歷唔係係鬼屋發生，之前本來係"地鐵荒廢車站?"個post度講過,
早幾日有個post提過結界我都有講呢件事，等我係度又再講一次啦...

早幾年一個晚上,我要搭地鐵去上環搵朋友,落車時掛住打機無意中誤闖一個空置嘅月台,想走但搵左5,6分鐘一直搵唔到出口,情急之下打電話報警,由於我都唔知係邊層,只係同報案中心話係上環嘅空置月台,等左陣警察打番電話比我話同一個地鐵職員搵唔到我,但我一直都係 i 住路軌d欄桿企,無可能佢地見唔到我....我果時驚到想喊咁滯,跟住警察叫我冷靜d留係原地唔好行開,佢地就去搵站長幫忙.....
跟住唔知等左幾耐,終於見到2個黎察同2個地鐵職員,其中一個警察問我:呢度頭先落過黎2次但都唔見你,仲以為報假案,你頭先行左去邊??我話我一直都冇行開過,由報警果一刻我已經企係呢個位...
佢地帶我行番出去時我就問地鐵職員點解頭先我行暈成個月台10幾次,都搵唔到呢個出入口,跟住佢答我:其實間唔中就會有人好似你咁,落左黎話搵唔到出口,出唔番去,有人會同我一樣報警,不過多數會打去地鐵公司or直接打去上環站.....但佢就冇講點解搵唔到出口...

唔知我算唔算入左結界

點評

waisuet1122 上環好邪呀發表於 13-7-11 17:33

shoppingbaby 巧驚呀! 發表於 13-6-18 16:31

smallfish4 真係成日都聽到上環站出事

發表於 13-6-13 15:38

fwsaefong 臨兵鬥者皆陣列在前…破發表於 13-6-12 02:26

Minor 好離奇呀

發表於 13-6-10 18:45

mimi88 上環地鐵站好嘢好多事幹架發表於 13-6-9 20:43

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

24^#

發表於 13-6-7 00:33 |顯示全部帖子

cici_19900606 發表於 13-6-6 23:17
我返工搭車都經過個到，得閒留意下先，不過好奇怪，個條路每次我同啲男朋友行過，好快就會分手，如果無行過 ...

講起分手，我第一次搬去國瑞路果帶村屋係我大女2，3歲時，住果間屋時冇靈異嘅事發生，不過我地2公婆就成日嘈交，感情好差，住左唔夠半年，終於嘈到要分開，由於大家要返工，
呀女比我媽湊，我去朋友屋企暫住，老公就搵屋搬，係老公搬出呢間屋之後，我就返去執埋自己d野，
同清埋間屋退返比業主，就係我執緊野時，留下個女人上黎8掛，佢問點解咁快搬，同埋好似好耐冇見我，
咁我老實同佢講話我同老公分開左，跟住佢同我講佢係度住左12年，見住呢個單位住過5手人，
有情侶，有夫妻，有一家大細，我係第6手，頭5手都係分手，離婚收場，估唔到連我地都係咁。。。

我地正式搬出呢間屋之後，反而關係又好左，一年之後我地就復合，無幾耐就有左妹妹，
之後又係國瑞路搵屋，就係咁樣搬左去鬼屋。。。

點評

smallfish4 咁邪發表於 13-6-13 15:41

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

25^#

發表於 13-6-7 12:35 |顯示全部帖子

蕃茄薯仔湯發表於 13-6-7 11:59
咁即係果頭風水本身都非常麻麻喎

但我搬離鬼屋之後間屋都係國瑞路,呢間屋又冇野喎,住左之後好好野都順返,
雖然唔係風山水起果種,但起碼唔會好似之前頭頭碰著黑,同埋成日病,
第一間同鬼屋都係近晉庭山果邊,之後果間就好近地鐵站,
所以我覺得住近地鐵站果邊係OK的,不過....
3間屋都係好潮濕,成日地下有水,第3間仲要濕到我住3年換左4個衣櫃....

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

26^#

發表於 13-6-7 15:32 |顯示全部帖子

sfmeow 發表於 13-6-7 13:16
我好少過海，第一次去上環站，同ex bf 搭扶手電梯見到一個月台兩邊都圍晒板既，唔知係唔係你講既 ...

fwsaefong 一路都有，留畀西港島線嘛，只會係上環入閘撘車先經，出閘唔經發表於 1 小時前

我果次係去上環搵朋友,上大堂出閘時邊行邊打機,唔知點樣去左果層架

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

27^#

發表於 13-6-7 16:58 |顯示全部帖子

住係鬼屋期間,有一日請左幾個大女嘅同學仔黎玩,
因為個廳係客飯廳2合為1,所以都幾大,我地係客飯廳中間放左個廳櫃黎做分隔,
當時大人係客廳傾計,細路係飯廳玩,開始冇耐其中一個媽咪"C太"已經暗示想走,
但冇人理佢,之後佢成日有意冇意都提住話走,幾點走,玩到幾點,
另一媽媽曾經問佢係咪唔舒服,點解咁早想走,但佢又話冇野,咁就一直繼續啦,

我地由中午12點幾一直玩到傍晚6點幾,好啦終於曲終人散啦,大家各自歸家,
幾個媽咪住嘅地方都唔同,當中只有"A太"同C太同路,
就係送佢地出門口之後一分鐘左右,我接到A太電話,佢打黎問我最近公廁係邊,
我就話你地啱啱走,不如返上黎去啦,如果唔係要行10分鐘左右去到地鐵站附近先有,
但A太話佢都有叫過C太上我屋企去但C太唔肯,可能去唔慣人地廁所...

到左夜晚A太又再打比我,佢同我講話C太係走嘅途中同佢講,
話已後都唔會再去我屋企,話我屋企有污糟野,佢驚到全程唔敢去廁所,
叫走又冇人理佢,果陣係冬2,但A太話C太走時不停標冷汗....

至於究竟C太見到咩,佢死都唔肯同A太講,仲叫A太千萬唔好同我講,
因為我仲住緊,佢話唔想嚇親我,不過可惜A太係一名8太,
即晚已經話晒比我知,但佢地2個更加估唔到嘅係我一早知間屋有野,
但冇同佢地講,而A太同我講C太經歷時,我只係扮驚.....

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

28^#

發表於 13-6-7 17:14 |顯示全部帖子

cherylloveu 發表於 13-6-7 17:08
回覆小bie豬的帖子

佢見到咩...?

A太之後問過幾次,C太都唔肯講,我唔方便問,因為C太叫A太唔好同返我講件事...
亦唔知間屋點解有

點評

fwsaefong 你依家冇係度住，咪叫佢講番你聽囉，咪

吊我地癮啦… 發表於 13-6-7 17:32

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

29^#

發表於 13-6-7 22:41 |顯示全部帖子

Jsnoopy 發表於 13-6-7 17:22
其實我好好奇，你明知間屋有嘢，老公唔信，但自己次次都嚇死，個女又係感覺上覺得你唔驚囖，基本上留言嘅都 ...

咪因為錢囉，果度包晒傢俬電器，我搬的話全部都要買過，我果時等緊公屋，想留返d錢上樓時用，而且講真見到果下真係驚架，但之後又ok冇咩野，
係之後搞到我果女我地先決意搬。。。

另外如果之前有同我傾開公屋上樓或者有留意過我post嘅JM都應該知或者有印象我曾經想係特快公屋度揀兇宅，
所以我諗我應該真係唔係好驚呢d...

點評

fwsaefong 唔好制，畀

嚇事小，影響家人健康同運程事大。發表於 13-6-10 11:31

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

30^#

發表於 13-6-7 22:47 |顯示全部帖子

lam133 發表於 13-6-7 19:27
現在仲有發生？

搬走左之後都有遇過，但冇之前咁嚴重。。。

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

31^#

發表於 13-6-8 02:45 |顯示全部帖子

joyceyeung715 發表於 13-6-8 02:29
以前都係住個邊，士多個邊數落去第幾間？

士多再向晉庭山行前d會有條樓梯，上左樓梯果排。。。

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

32^#

發表於 13-6-9 02:18 |顯示全部帖子

本帖最後由小bie豬於 13-6-9 02:22 編輯

而家講呢個係我經歷咁多古怪事入面覺得最恐怖嘅一個，而且牽涉到一條人命。。。
那年因為中三成績唔好，派位去左長洲一中學讀中四，果年唔知點解有好多學生派去長洲，
每日搭船返學放學時同學們都會傾計，睇書，訓覺，追逐玩耍咁打發呢一個鐘船程。。。

某日放學如常搭船返中環，我和另一女同學坐係船的最下層，機房出面第一行，坐位面對機房，
旁邊係小賣部，我和同學坐低之後就一直傾計，到開船無幾耐我發現一個呀伯企係機房隔離嘅通道，
面向海睇風景（通道係船邊同坐位之間比人行果度），由於伯伯老得黎有d古怪，我唔識得點形容，
所以我間中都會望下佢。。。。

船開左大約15分鐘，突然有個男人拎住個背心膠袋，急步咁係我地坐位前跑過，
咁我順住佢跑嘅方向望過去，我見到佢就係個老伯前面跨過左船邊跳左落海，係我見佢跨過船邊時，
我就跳起身大叫＂拉住佢＂，見住佢跳左落去我即刻跑過去同個伯伯講＂佢跳海呀，你做咩唔拉住佢？＂
個呀伯就只係係度笑，笑我好奸，笑得好陰森咁同我講＂你唔好咁多事＂。。。

正當我望住呀伯笑時，同學拍我問我做咩，我先回一回神，然後我就發晒狂咁跑去邊大叫＂有人跳海＂
邊跑去小賣部同水手講有人跳海，由於我以前好伯厭，船上大部份水手都識我，都同我係有傾有講，
有時會大家整蠱下大家咁，個水手以為我係度玩，就話＂唔好玩啦，做緊野＂＂唔好攞呢d黎玩＂
我見佢唔信我，我拉佢去船邊不停話＂真係有人跳海架，你唔信就問下伯伯啦＂點知伯伯兇啤住我，
眼都唔眨，塊面黑晒。。。

其實由我一見到有人跳海跑去小食部大叫有人跳海時已經好觸目，吸引左好多人圍觀同係船邊望落海，
有D同學又係傍邊問我咩事，情況好亂，連呀伯幾時行開左，去左邊我都唔知，淨係知好亂，
耳邊好嘈，水手又話我玩到冇野玩，係咁鬧我。。。

正當我個人係又驚又亂嘅情況下，船尾有人大嗌＂浮左上黎呀，真係有人跳海呀＂，
果一刻所有圍住我嘅人，乘客，水手，同學全部跑晒去船尾，得返我一個人跌坐在地上呆左，
呢一刻見到對腳係面前，抬頭望係呀伯，佢好嬲，啤實我不停重覆同我講＂點解你要咁多事＂。。。。

點評

smallfish4

發表於 13-6-13 17:51

Minor 好恐怖呀

發表於 13-6-10 19:03

BabyJayden 嘩…好恐怖呀

發表於 13-6-10 13:26

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

33^#

發表於 13-6-9 02:19 |顯示全部帖子

唔知點解越打越頭痛

抖一抖，轉頭繼續

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

34^#

發表於 13-6-9 14:11 |顯示全部帖子

emimi 發表於 13-6-9 08:33
正常有空置月台地鐵一定會封住，點會有入口入去？咁易入去d職員好唔得閒，你可能入左唔知邊度，好驚呀

...

無封架，你上yahoo打上環空置月台，大把人去過，仲有人影埋相，呢度都有JM留言話去過，只係我果次唔知點解硬係搵唔到路出去

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

35^#

發表於 13-6-9 15:20 |顯示全部帖子

ckcskh 發表於 13-6-9 14:29
個過咗身嘅大伯都好搞笑，佢弟弟個老婆都想搞ge...

其實我都唔係好明佢內容講咩

mouth:

點評

BabyJayden 唔明too 發表於 13-6-10 13:34

mimi88 我睇咗２次都唔明。。。發表於 13-6-9 21:00

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

36^#

發表於 13-6-9 19:04 |顯示全部帖子

引用：楼主，阿伯下集呢

原帖由 CreamyWen 於 13-06-09 發表
楼主，阿伯下集呢

頭先打左，但唔知點解送唔出又冇左，而家去左做節，食完飯返屋企繼續

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

37^#

發表於 13-6-10 04:54 |顯示全部帖子

小bie豬發表於 13-6-9 02:18
而家講呢個係我經歷咁多古怪事入面覺得最恐怖嘅一個，而且牽涉到一條人命。。。
那年因為中三成績唔好，派 ...

就係呀伯不停同我講＂點解你要咁多事＂嘅時候，船已經停左，我坐係地下個人好迷惘，好驚，完全唔知自己應該點好，呢個時候有個男同學走黎拍我，一邊扶起我一邊問我
＂咩事呀？佢地話你見到人跳海喎。。。＂係男同學拍我果刻我先回返神，而呀伯就唔知係幾時走開左，
果一刻我見到個男同學我覺得就好似有個可以依靠嘅人，我唔知腳軟定驚到撲左埋佢心口，
攬住佢不停喊住同佢講我好驚，點知男同學竟然同我講＂跳海啫，冇野嘅，有咩好驚，等我帶你去船尾，
睇下佢比人救返上黎，你就唔驚架啦＂然後佢攬住我半推半抱咁將我帶到船尾。。。。

去到船尾有好多人圍觀，但唔知點解我覺得周圍好靜，聽出黎嘅野係冇晒背景聲，
我個人當時思想係好清晰的，但好飄，果種感覺我唔識形容，感覺如果唔係個男同學一路扶住我膊頭的話，我應該會飄走。。。

突然人群散開左一條路，2個水手上前拉起在海中的2個水手同跳海的那個男人，
當我見到那個男人我個心即刻實晒，好似唔識跳咁，我見到個男人上身衫被扯起，露出一個黑色胸圍，
下身褲子沒有了，但卻穿上了黑色的魚網絲襪，他面色灰灰黑黑，又好像紫紫的，口不停在嘔白泡。。。

點評

Minor 好神奇…點解個跳海男人會咁既？發表於 13-6-10 19:11

fwsaefong 個男同學係咪你C6？

發表於 13-6-10 11:41

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

38^#

發表於 13-6-10 05:13 |顯示全部帖子

小bie豬發表於 13-6-10 04:54
就係呀伯不停同我講＂點解你要咁多事＂嘅時候，船已經停左，我坐係地下個人好迷惘，好驚，完全唔知自己應該 ...

之後我諗我應該係暈左，到我有返意識時我已經係船嘅第二層最尾幾行嘅椅上訓左係度，上半身攬住我嘅係我中文科老師，周圍仲見到其他都師都係我身邊，當時我覺得自己係好清晰，我只係好虛脫，全身冇晒力，好飄同好攰咁，
但我係好清楚身邊每一件事同每一個人講過d咩，不過事後其他同學口中得知當時嘅我並唔係咁，而家先講我自己嘅感覺，
到最後我先講返我從同學口中得知我當時嘅情況。。。

唔好意思，我要訓啦，訓醒繼續。。。

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

39^#

發表於 13-6-10 18:09 |顯示全部帖子

引用：Quote:小bie豬+發表於+13-6-10+04:54+就係

原帖由 小bie豬 於 13-06-10 發表
之後我諗我應該係暈左，到我有返意識時我已經係船嘅第二層最尾幾行嘅椅上訓左係度，上半身攬住我嘅係我中文 ...

當我有返意識時，好多老師同同學圍左係我身邊，我對身邊一切都好清楚，我知中文老師攪住我，有幾個女同學係我附近喊緊，我聽到船長廣播話船隻要將傷者送院，由於離長洲只有20分鐘船程，所以渡輪會啟航回長洲。。。

而我一直以為自己係清醒而且有意識的，我只係好攰，攰到有好似虛脫咁，冇晒力，仲覺得好飄，我知中文老師不繼係我耳邊說話，但我聽唔清楚佢講咩，果刻我只係聞到佢d頭髮好香，好香。。。

我知途中有個休班醫生黎睇過我，我聽到佢話我血壓好低，一定要送院，我好想同佢講我冇事，但攰到開唔到聲，講唔到。。。

然後我知教佛學的老師坐到中文老師身旁，捉起我隻手不停唸佛經，果刻覺得好嘈，嘈得令人討厭，我好想同老師講我唔信佛教，好想叫佢唔好再唸，可惜我依然攰到連話也不能說。。。

私人傳訊

小bie豬

侯爵府

積分: 24189

好媽媽勳章畀面勳章環保接龍勳章 BK Milk勳章

40^#

發表於 13-6-10 18:43 |顯示全部帖子

引用：Quote:原帖由+小bie豬+於+13-06-10+發表之

原帖由 小bie豬 於 13-06-10 發表
當我有返意識時，好多老師同同學圍左係我身邊，我對身邊一切都好清楚，我知中文老師攪住我，有幾個女同學係 ...

一直到船泊岸，係教佛學嘅miss抱起我行去落船果個位，途中消防員接手抱我落船，落左船之後，因為當年全長就只有一架救傷車，已經車左跳海的人，所以消防員抱住我跑去長洲醫院，之後去到唔知邊條街，有消防員推左醫院嘅擔架床，我就係咁比佢地推左去長洲醫院。。。

入醫院果刻，我見到之前果呀伯坐左係急症室門口，果刻我以為佢其實係跳海的那個人嘅親人，但我實在攰到冇辦法再去諗其他野，只能乖乖訓係床度。。。

之後我知醫生黎過，同我打左粒豆係手，又打左幾支針，比氧氣我聞，手指夾左個夾，唔知係唔係心電圖，聽到部機不停bb聲，見到爸爸黎左，佢同醫生企係床邊講左好耐野，聽唔到，唔知講咩，可能我實在太攰，終於訓著左。。。

私人傳訊