吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台› 其實有無人係支持國民教育科的? (支持請入) ...

時政擂台今日: 1|主題: 60259

收藏本版

發帖

返回列表

跳至頁

查看: 6757 | 回覆: 11

其實有無人係支持國民教育科的? (支持請入)

[複製鏈接]

莎莎莉莉

伯爵府

積分: 17389

好媽媽勳章

1^#

發表於 12-9-1 20:48 |顯示全部帖子

1. 成日鬧教材內容洗腦, 查實, 有乜教材內容呢? 依家一本國教科的教科書都未有, 只得一些很散的教材, 教才偏頗的指控, 其實有幾多成係真?

2. 仲有好多學校有中史科, 點解成日誤導話依家取消了中史科? 不列必修不代表取消, 咁簡單的事實都要歪曲! 香港好多科目都唔係必修, 但唔代表無學校開架?

3. 過往好多科目已有認同中華文化、國家的元素, 唔明點解依家先來講, 仲要愈來愈過份, 連欣賞運動員成就都變成洗腦, 咁樣, 我唔識編教材了, 矯枉過正!

私人傳訊

莎莎莉莉

伯爵府

積分: 17389

好媽媽勳章

2^#

發表於 12-9-1 20:54 |顯示全部帖子

如果我係教呢科, 俾份<l中國模式>我教, 我都一樣有辦法!
因為, 做老師應該係識得引導學生分析教材係咪有偏頗
我以前讀中史, 讀文學史, 你估偏頗內容的書少嗎?
陳勝吳廣係暴民定係英雄?
李自成係英雄定狗雄?
你睇唔同地方出的史書就係有唔同.
我想現在讀中史的學生都有機會去讀到,
這是香港的好處, 左中右三種意見都可以睇到.
話洗腦, 根本係D好簡單幼稚的想法,

我老豆六十年代就話洗腦, 因為無電視無收音機.
現在點洗? 我六歲個仔已能從youtube睇到六四!

中史教科書從來六四只得十數字.
但點解每年六四又強調多年青人去?
佢地點識得歷史真相?
既然係咁, 單從書就能洗腦, 學生為甚麼沒有被洗腦?

私人傳訊

莎莎莉莉

伯爵府

積分: 17389

好媽媽勳章

3^#

發表於 12-9-1 21:01 |顯示全部帖子

naysayer 發表於 12-9-1 20:05
我係一個選修中史既中學生啦..不過我發覺其他同學都同我一樣...
中史知得愈多,就愈難愛國
...

愛國唔代表認同佢既政權

我讀中國近代史, 讀到好暗然,
因為人民生活太慘了.
你去看龍應台的"大江大海一九一四"
張戎寫的"鴻"
甚至乎一本愛情故事"山楂樹之戀"
你都會睇到近代中國人的苦難,
同情國人, 不也是一種愛國心嗎?

孫中山當年也是反對派, 但佢係愛國的, 因為, 佢係想人民好, 所以才會謀求推番滿清, 才會肯俾袁世凱做總統.

愛國心係源於對人的愛.

點評

BonnieChou

發表於 12-9-4 23:39

WChan

發表於 12-9-3 11:40

私人傳訊

莎莎莉莉

伯爵府

積分: 17389

好媽媽勳章

4^#

發表於 12-9-1 21:03 |顯示全部帖子

cassie0025 發表於 12-9-1 20:54
我不支持因為內容夠中肯，同埋應中學先開始推行,小學生未有足夠分析能力

...

但問題依家D人去到連教欣賞中國太空成就都視為洗腦, 你又同意嗎?

點評

love822rita 好同意你既論點,我會話俾自己小朋友知,凡事都有好同唔好既一面. 發表於 12-9-3 23:34

私人傳訊

莎莎莉莉

伯爵府

積分: 17389

好媽媽勳章

5^#

發表於 12-9-1 21:13 |顯示全部帖子

OKmom 發表於 12-9-1 21:06
回覆莎莎莉莉的帖子

咦，你都認同學生能從現有的書本及多方面媒體吸收中國歷史和文化，為何一定要増加國 ...

我從來都唔覺得一定要增設呢科, 但如果呢科可以做到課程統整, 我又覺得未嘗不可,
所以我支持搵胡紅玉來做諮詢, 大家再傾,
但反對派除了要撤就乜的討論空間都無, 試問邊有有理性討論的結果?

仲有呢科係叫德育及國民教育,
國民教育只係佔其中一部分.

大家知唔知, 有學校除了開常識, 仲有開德育及公民教育?
點解仲要開多科? 就係因為想更突出相關內容.
正如有學校既有常識科, 也開科學科一樣
中國歷史可以教歷史, 這是縱向的認識,
但要橫向的認識呢? 現在根本沒有一科可以有效做到.
常識的課程很廣, 講很多中國內容都很皮毛,
另立一科, 可以更深入地認識.
未嘗不可.

我編過中史教材, 也編過常識教材, 我只想用我的經驗和知識來分析問題.

私人傳訊

莎莎莉莉

伯爵府

積分: 17389

好媽媽勳章

6^#

發表於 12-9-1 21:14 |顯示全部帖子

naysayer 發表於 12-9-1 21:12
讀過中史既都好容易發現到...中華民族既咁多代政權,都會重複番前幾代既錯誤...
同埋依加大陸D官根本就用古 ...

你講得啱, 所以我覺得現在的反對派絕對有民國時期未掌權的共產黨的影子, 走著相同的路.

私人傳訊

莎莎莉莉

伯爵府

積分: 17389

好媽媽勳章

7^#

發表於 12-9-1 21:27 |顯示全部帖子

我都想好好再讀番下1911年到1949之間一段歷史.
中共在1921年成立, 如何獲取民心, 係好值得研究.
現在我們一味鬧佢衰, 但的確, 當年佢係"先進"組織.
等於現在的泛民
他們可以揮低國民黨, 箇然值得去研究.
但我更想大家睇清楚, 盲目讓一個反對派上去到執政地位,
一樣係會造就獨裁的出現.
昨天的中共, 隨時係今天的泛民的寫照.
歷史總是吊詭地重複著.

私人傳訊

莎莎莉莉

伯爵府

積分: 17389

好媽媽勳章

8^#

發表於 12-9-3 09:52 |顯示全部帖子

引用：Quote:tinlong22+發表於+12-9-2+12:46+我支

原帖由 smf 於 12-09-02 發表
若我冇記錯，羅范於今次選特首期間有巿民算番佢當年被批教改惡行，羅范當時講話實行前都有咨詢張文光同意， ...

識人做教科書果行
佢地話教科書風波中
張文光一味跟大隊鬧書商
從沒想過書價問題佢班選民——老師係有責任
也從沒有在傳媒面前闡釋教改頻繁對教科書的影響

佢身爲教育界，但就跟李慧瓊等一般見識
從未做過做議員應該客觀分析問題，實事求是去解決問題的精神

聽其言，觀其行，佢地講嘢講得幾堂隍都好，骨子裡根本只係為選票，甚至乎容許漠視事實真相。所以國教呢個問我，我不會再信足佢地講嘅嘢。

你以為政府不可信?這班人同樣不可信!

私人傳訊

莎莎莉莉

伯爵府

積分: 17389

好媽媽勳章

9^#

發表於 12-9-5 08:28 |顯示全部帖子

BonnieChou 發表於 12-9-5 00:03
共產黨當年不是揮低國民黨，是國民黨在保護國家正與日本打戰，但共產黨在後面抽水。共產黨真獲取民心，又為 ...

我想你把國共的關係看得太過簡單化了
二十年代開始, 中共成立, 其實果個年代係有頗多"進步"人士傾左的
文學界有左翼作家盟, 魯迅更加係左翼作家的代表
所以以前讀書時, 老師已講過台灣圖書館係無魯迅的書的, 現在就不知道了

如果想側面一點理解, 介紹你看張戎好多年前寫的<鴻>這本書, 寫三代中國女人的故事
入面張戎寫自己媽媽在民國年代係共產黨員, 他們係為左救國的理想而加入中共的
當然, 她的父母在文革時期仍不免被批鬥, 但起碼張戎如實寫番當時的情況出來, 沒有刻意美化或醜化

我都係果句. 假如大家係咁堅持理性討論, 獨立思考係咁重要的,
請自己也先多看書, 多讀歷史

還有, 小朋友唔該學好中文字, 唔好連 "愛中國"個"愛"字都寫錯!!!

私人傳訊

莎莎莉莉

伯爵府

積分: 17389

好媽媽勳章

10^#

發表於 12-9-5 08:30 |顯示全部帖子

CA612 發表於 12-9-4 22:55
香港現在容不下所有小數聲音的，全個facebook反對，你支持就比人羣起插爆，好恐怖

...

無錯, 搞到我都唔想講了, 根本依家已係政治事件, 唔係為討論而討論
如果我的小朋友咁被佢地洗腦, 我好痛心
佢地用實際行為展示左甚麼叫洗腦了!

點評

Sugarbabegirl Agree! 發表於 12-9-5 18:26

BabyAndre

發表於 12-9-5 13:14

私人傳訊

莎莎莉莉

伯爵府

積分: 17389

好媽媽勳章

11^#

發表於 12-9-5 12:01 |顯示全部帖子

BonnieChou 發表於 12-9-5 11:40
你的回答都避重就輕，真正的問題又不答，台灣一早就有魯迅的書，而中國又是否容得下台灣這方面的書？
而且 ...

首先, 告訴我台灣圖書館沒有魯迅書的, 是我大學的老師, 我已補充一句, 我不知現在有沒有.
老師在六七十年代求學, 那年代台灣還是很封閉的, 老師只以個人經驗告訴我, 有甚麼問題呢?
他還感概, 台灣沒左翼的書, 大陸無左翼以外的書, 唯香港是最齊, 但香港人就是不看書!

你回應說共產當得勢係因為國民黨要抗日
我只係憑我讀過的歷史資料告訴各位, 中共在二十年代到四十年代也不是死的, 佢有佢的支持者
(就正如現在泛民一樣, 大家都打著民主自由解放的旗號來獲取人心, 但係, 事情發展居然係咁, 由一個"進步"黨變成獨裁, 我不敢說泛民都係咁, 只想講, 歷史可鑑)

我最後一句係真心想果班小朋友學好中文, 連一個"愛"字的繁體字都寫得不明不白, 難道不能批評? 原來係咁, 係錯的都不容指出? 這就是這班小朋友的寫照?

還有, 你說張戎的<鴻>是左派書, 我真係覺得好好好好笑, 你究竟有無睇過呀?
http://www.inmediahk.net/node/35378

我不怕別人看回覆, 就我們的回覆, 究竟誰是有理, 誰是有理, 各人定有定奪