吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 外傭爭回復工資 $3670

論盡家傭今日: 0|主題: 134005

收藏本版

發帖

返回列表

跳至頁

查看: 7354 | 回覆: 17

外傭爭回復工資 $3670 [複製鏈接]

winnie_sh

子爵府

積分: 10622

醒目開學勳章

1^#

發表於 06-3-6 12:58 |顯示全部帖子

Re: 外傭爭回復工資 $3670

外傭稅唔係你地諗得咁簡單，有好多原因先出現收呢個稅制的，有時你地講好多野一知半解，仲要唔多睇政府D外傭政策點行，我又如何講呢？
其實我都唔係咁開心，因為我舊年來呢度係因為小祖穎，搞完記者會後無la la 對BK D 媽咪好上心，可能係呢度有真心朋友...所以我好緊張對工人呢家野，我請工人都係第一次，仲未到，我個C佬話我咁多事成日搞搞震，我就同佢講：
有時做任何野唔需要回報都可以好開心，問心無愧就得架la，付出少少就幫倒人。
好老實講句，黎緊如果大家唔出黎行一次大遊行，到施政報告決定加到$3670+外傭稅就神仙都扣唔番，因為政策要改就動不動係要幾年的，但有人上街邊個人多就邊個政策改先，你地睇新聞多都知架 la？唔遊行都要靜坐抗議，呢度有好多會員都有經驗，最緊要出席，小咪三四隻係無官員啋你的！

私人傳訊

winnie_sh

子爵府

積分: 10622

醒目開學勳章

2^#

發表於 06-3-6 20:25 |顯示全部帖子

Re: 外傭爭回 _ 工資 $3670

第一編
[太陽報專訊]
香港僱主僱用外籍傭工已有多年的傳統，外籍傭工在港數以十萬計，已經成為香港社會不可缺少的一部分。當然，這些人對香港也有一定的貢獻，然而，有關外傭的劣行時有所聞，有些個案甚至可說是駭人聽聞，驚心動魄。
最近法庭審理的一宗菲傭虐兒案，指控一名二十五歲菲律賓籍女傭，在接獲解僱通知十天後，涉嫌虐待八個月大男少主，其母引述醫生診斷指，左腳骨折應遭人「扭毛巾咁扭斷」。
較早前，亦有外傭懷疑蓄意用滾水燙傷十五個月大的少主，但事後外傭已返國，無法尋獲協助調查。類似事件引起各界關注，要求政府設法改善外傭資歷的監管，以及制訂完善的外傭中介政策。
可以說，雖然香港人僱用外傭已有數十年的歷史，但政府對監管外傭的資歷方面從來沒有認真過，負責外傭來港工作的中介代理公司，並沒有一定的標準要求，而中介公司為了追求較高的利潤，對外傭的資歷、性格及其平時的行為也多不了解，便將其介紹來港工作。更有甚者，有些中介人每介紹一個外傭來港工作，當中抽取相等於五至六個月的薪金作介紹費，令外傭既沒有錢可以匯回家鄉，又要償還欠交的介紹費，加上人生地不熟，沒有朋友可以開解，極容易對社會及僱主的家庭產生仇恨的心理。另一方面，香港僱主聘請外傭，有如盲婚啞嫁，只能碰運氣，看緣分，有人形容，能請得一個好的外傭，有如中了一條彩票，但萬一請了一個有問題的外傭，則如引狼入室，後患無窮。
今日香港的外傭已不是少數人的問題，他們的存在和表現足以影響整個社會，所以，政府加強管理外傭的引入是無可避免的，否則出了問題，政府實在責無旁貸。以我們所見，大部分外傭都是忠心、勤勞的人，為非作歹的只有極少數。而且，大多數問題是由於不能適應新的工作，及與僱主相處出現問題，影響了他們的心理及形成報復心，他們未必一定會有前科。所以，光憑加強資歷的審查，也未必能將有問題的人過濾出來。要預防外傭造成不幸事件，政府和僱主都同樣有責任。
在政府方面，他們應該以發牌制度監管外傭代理公司，並有必要制訂統一的收費標準，並要求他們負責對外傭作僱用前的培訓，讓他們多了解來港後的生活，以及學會和僱主的相處。此外，政府對聘請外傭的家庭也應有一定的要求，比如對外傭的住宿及飲食條件作出基本規定，若如某些案情所透露，來港外傭須住在廁所，那不但違反人權，而且也有損本港的名譽。
在僱主方面，他們應該學會尊重外傭及有慈悲之心，應該將他們視如自己家庭的一分子，善待他們，不能動不動以主人自居。在外傭方面，則要求他們首重忠誠，勤懇服務，惟有通過真誠相待，才可達成彼此間的信任和共識。
家庭傭工和普通外勞有所不同，因為，家庭傭工會直接介入僱主的家庭生活，成為他們家庭中的一部分，所以，僱主和外傭的問題不應當成勞資糾紛，而應視作社會問題處理。除了要對外傭的資歷作出過濾，更需要改善僱主與外傭之間的關係。
此外，由於外傭不是本港居民，萬一出了問題便難以追究，所以，他們的護照應由政府統一保管，以防萬一。特區政府不能假仁假義，將原屬於外傭的責任全算在僱主頭上，既要公平，也要認真，這才算得上是強政勵治！

[winnie_sh]say:
有D寫大咗,大部位OK,{但事後外傭已返國}呢樣就搞笑D,點回呢?個PK保釋緊都回唔倒啦!!我昨天受訪問講得好清楚係[gremlins唔知工人保釋後去向]
嗱!BK媽咪要學識睇報纸啦!

唔好乜都信呀!
05-11-07 11:30

第二編
05-Nov-05
引導性錄口供屈大女倒瀉水印傭滾水淥嬰案警多次拒受理
11月 4日星期五 03:00 更新
【太陽報專訊】本報上月揭發印傭以滾水燙傷僅十五個月大女嬰的事件，再揭發令人憤怒的內幕。女嬰慘遭印傭以滾水淥傷後，警方竟多次不願受理報案及調查，女嬰母親更先後被自稱警員的人士勸止向傳媒透露真相，為討回公道，她已向特首辦、律政司及投訴警察課申訴，更質疑警方嚴重犯錯，甚至涉嫌妨礙司法公正。

本報獨家報道的滾水淥嬰案發生於九月尾，一名有虐打女嬰前科的印傭，疑不滿清晨被僱主吵醒餵奶，將滾水倒向女嬰，令女嬰要切除右邊乳頭，需植皮留醫十多日，上半身留下疤痕。

受傷女嬰的母親何小姐表示，案發後與丈夫匆匆駕車送女兒到北區醫院求醫，女兒送入急症室搶救期間，心急如焚的二人想第一時間在急症室警崗報案，當值警員則以「只處理緊急與突發事件」為理由，叫她返回上水警署報案。

人事關係才能落案

到達上水警署，何小姐與丈夫向報案室警員講述事件後，心不在焉的警員表示，二人只能備案而不能報案，甚麼手續也沒辦就叫他們離開。何小姐提出質疑，另一名較高級的警員才介入，示意「幫佢做啦」，該名懶懶散散的警員才正式為他們備案。

何小姐將遭遇告訴社工，社工認為事態嚴重，表示會聯絡警界朋友。其後一名西區重案組的探員致電她，了解案情後表示她可返回上水警署，並已安排警員為她落案。何小姐氣憤表示：「市民報警都要講人事關係，呢個係咩世界。」

負責警長態度輕佻[/quote]

回覆Mrs.So有關做專訪一事：

呢編文章係07Nov-05太陽社論，其實係05Nov-05個記者唔肯收番一編報導【第二編】(因我地比了獨家相片比太陽報)，令倒小祖穎單Case結果有變數存在。
06Nov-05我地係立法局門外開記者會後，警方重新收集証據及錄取口供同物証，最後律政處不肯起訴個工人仲放人[疑點歸於被告]，好老實講，我地一班媽咪搵過一D部門幫手，但結果係：
羅乜水叫我地入o左會先幫倒我地($200個)，通常告邊個會賠償幾多(但係我地無講過要賠錢喎)，我地問多兩句就走人兼失蹤......幾個大粒議員收到信後回覆問有乜幫倒你？有政府部門收到信當睇唔倒、最後只有一個好人肯無條件幫我地呢班C9....梁耀宗議員。
如果民建聯係幫，之前都幫o左la，我地當時唔係淨係小祖穎單Case先開記者會架！

私人傳訊

winnie_sh

子爵府

積分: 10622

醒目開學勳章

3^#

發表於 06-3-6 20:46 |顯示全部帖子

Re: 外傭爭回 _ 工資 $3670

[size=x-large]一群關注外傭政策的家長
就現時外傭政策所提出的要求和建議
完善外傭政策，保障聘請外傭家庭的權益

我們是一群無助的家長，亦是一群努力工作，希望為社會和家庭出一分力的社會生力軍。為了生活，我們不情願地放下我們最寶貴的孩子，交予給一個與我們素未謀面、語言和文化背景都截然不同的外藉女傭代為照顧。對於我們的心肝寶貝來說，這是爸爸媽媽的一個無奈和唯一的選擇。

孩子迫不得已地要在這種環境下成長，但更可怕的，我們的孩子往往成為某些品德低劣的外傭的出氣袋或報復對象，作為家長的，根本難以防範，我們對於無法保護自己的孩子而感到無盡的內疚和心痛，但亦同時對於現時未盡完善的外傭政策感到悲憤。

近日就發生了一宗極之令人不安的新聞。十五個月大的女嬰，周祖穎，懷疑被來港只有數周的外傭故意或因疏忽照顧，以滾水嚴重灼傷，最後更要進行手術，這懷疑是蓄意的事件，為小祖穎帶來了一生的烙印。這事件經流傳後，我們一班家長決定組織起來，向政府提出訴求，並表達心聲，我們期望特首曾蔭權先生，貫徹他在施政報告出提出要「建設和階社會，和階家庭」的施政方針，正視現時不完善的外傭政策，保障香港廿多萬聘請外傭家庭的權益。

就此，我們提出以下訴求，希望政府積極考慮和研究。

1. 加強外傭代理公司的監管

現時並無法例監管外傭代理，不法的代理為求取利，經常誤導那些不熟悉勞工法例的僱主誤入法網，令他們無辜承受法律責任和金錢的損失，這些事件屢見不鮮。

私人傳訊

winnie_sh

子爵府

積分: 10622

醒目開學勳章

4^#

發表於 06-3-6 21:00 |顯示全部帖子

Re: 外傭爭回復工資 $3670

elainehopl 寫道:
我地要唔要註冊個"x籍x庭xx僱xxx". 有冇人有時間一齊攪遊行先? 要政府做d咩?

我地應承o左大臣唔出名架，會令BK俾人片皮鴨架

快D洗禁D字，乖la你

私人傳訊

winnie_sh

子爵府

積分: 10622

醒目開學勳章

5^#

發表於 06-3-6 23:58 |顯示全部帖子

Re: 外傭爭回復工資 $3670

如果政府英明第二D而白痴呢一D咁樣既政策，咁我希望佢搵D實際數據睇下依家有咩收入既家庭請緊外傭，大佬，唔係全部都中產架，個個要付出好多家庭開資架！
供樓、差晌、管理費、水、煤、電、子女學費、電話費、食物用品、返工車費、午飯、晚飯、日用品...仲有好多...所以通常兩公婆都會出去打工搵多份供樓同請個外傭做家務同睇小朋友，你估食飽飯無Cx請個工人返黎嘆世界架？？？
打工既出糧都係想搵多少少咋，仲有呀呢個死人政府仲要賣廣告話【用人為材，不分老幼】，究竟佢知唔知每一行都內定請咩年紀架，唔趁後生搵多幾年錢，老o左搵鬼請呀？
如果呢個政府再係咁，我諗我會申請綜援，橫掂佢地都唔想香港經濟繁榮...因為我唔想子女要俾工人"o下"、我想養少兩個(工人咁貴，一個頂兩個)我唔會再生，生黎都無錢養，橫掂中國咁多人口，咪等過o左五十年不變後自動過數囉？
上一次先有討論人口老化呢個咁爛既問題點解決，果頭曾先生就叫人生三個，生o左出黎呀拎綜援囉，橫掂我交o左咁多年稅！
佢地除了$3320仲要包食包住包大肚包乜包物，每月平均$5500，無lala俾佢告果D僱主唔止添呀，唉！
我地見過上等人同我地嘈佢個工人係佢度十八年，無要求同好上心喎，我同呀fa即知點解D官員會諗係香港人衰所以偏幫外傭，大佬，佢個工人點敢出聲or"o下"上等人呢？
佢要佢生就生死就死，你估個工人傻？唔識分邊個好"o下"？
我呢次係好打橫黎講架，鬼叫無能官員話檢討失業同經濟係點先決定，大佬，你都識講la ，失業果D關請外傭果D乜事？失業果D有大部份係中年以上，有D用緊外傭稅係度學住有錢拎，我識幾個呀C9都係報讀"再陪訓"搵下part time仔過日晨...唔係la，諗諗下都有得做個喎，唔使返工去學野有錢收，仲可以收平D幫人湊細路，咦？有兩條路行喎？邊條好呢？有無人識得高級官員，幫我問下佢意見oY唔該！

私人傳訊

winnie_sh

子爵府

積分: 10622

醒目開學勳章

6^#

發表於 06-3-7 00:21 |顯示全部帖子

Re: 外傭爭回 _ 工資 $3670

elainehopl 寫道:
修改下(當然內容要winnie&大家同意)，再email send to everyone in your address book. 點睇？

呢編野唔係我寫架，係呢度一位唔想出名既媽咪寫俾我地去開會架！內容就一齊諗佢再加減。

私人傳訊

winnie_sh

子爵府

積分: 10622

醒目開學勳章

7^#

發表於 06-3-7 00:31 |顯示全部帖子

Re: 外傭爭回復工資 $3670

elainehopl 寫道:
其實政府手上有冇投訴外傭或agent既數據，邊個部門做投訴處理？如果冇要佢成立一個。要政府公開統計，我地迫佢做野！

哈！我上一次都有講呢個題目....
投訴外傭=呢D係勞資問題>勞工處
(請勿高興，一般而言勞工處係唔想你煩佢，叫你快D俾錢個工人算數！)
agent=消委會
(亦唔好高興住，消委會只係建議外傭代理和解/賠償，但無法律效應喎，所以代理啋你都傻)
總之你有一個外傭問題佢地可以叫你搵幾個部門問，幫唔幫倒？唔知，因為每個部門都係龜仙人，搵到個二打六都搵唔倒話事人。

私人傳訊

winnie_sh

子爵府

積分: 10622

醒目開學勳章

8^#

發表於 06-3-7 00:50 |顯示全部帖子

Re: 外傭爭回復工資 $3670

因為上次梁議員幫我地手討論呢D POINT政府會唔會聽，佢就係咁答我，仲話排期約立法局傾都要幾個月，叫我地唔好放棄，通常排排下就無件事，因為你急政府唔急，到你時可能已經.... :cry:

私人傳訊

winnie_sh

子爵府

積分: 10622

醒目開學勳章

9^#

發表於 06-3-7 13:03 |顯示全部帖子

Re: 外傭爭回復工資 $3670

06/03/2006
外傭促提高最低工資
另外，亞洲移居人士聯盟（ AMCB ）亦發起大遊行，爭取增加最低工資及取消外傭稅。約八百名在港工作的菲律賓及印尼傭工，由遮打花園遊行至政府總部，沿途高叫「 Stop modern slavery ！（停止現代奴隸制！）」及「 Wage increase now ！（即時增加工資！）」，要求政府將外傭最低工資水平回復至原本的三千六百七十元，反對政府 ○ 三年起向聘用外傭的僱主徵收四百元用以培訓本地工人的外傭稅，及要求政府關注外傭被僱主虐待問題。

外傭團體認為最低工資提高50元太少
2005-06-08
外籍傭工團體表示，政府將外傭的法定最低工資提高五十元太少，要求政府將工資調高至三千六百七十元。亞洲移居人士聯盟表示，政府於零三年將外傭的最低薪酬減少四百元，至三千二百七十元後，到上個月只是將他們的最低工資輕微調高五十元。他們認為，這樣少的增幅，對他們有如侮辱，他們將於七月一日發起遊行，希望政府將外傭的最低工資調高，並取消向外傭僱主徵收每月四百元的外傭稅。

就係呢個團體經常幫外傭搞遊行，下下都過千，5/3 都有800人...

私人傳訊

winnie_sh

子爵府

積分: 10622

醒目開學勳章

10^#

發表於 06-3-7 17:49 |顯示全部帖子

Re: 外傭爭回復工資 $3670

講得十分好

不過你試下問有無人肯企出黎幫手oY？
我地上次就得五條C9搞掂(仲要係出錢出力，一個星期內完成所有文件及口號牌仔)事後用兩個月時間消化o左D手尾。
有五百幾個簽名....最後有四十個出席(連小孩BB)
如果搞得成，我一定出席，你要咩資料？我話你聽！[quote]elainehopl 寫道:
[size=large]點解我地唔成立團體反抗???[quote]

私人傳訊

winnie_sh

子爵府

積分: 10622

醒目開學勳章

11^#

發表於 06-3-8 01:07 |顯示全部帖子

Re: 外傭爭回復工資 $3670

芷殷媽媽,

你的論點正確。
香港人普遍怕事及睇人地做唔做！
"針唔拮到肉就唔知痛"係形容得好好的，上次好老實講真係拎個同情心出黎搞記者會，成績大家見到，要上報紙有報紙，要上網頁有網頁，要上電視有電視，要上官府有官府...最後我比一位好朋友問候我：關我事咩？浪費咁多心機做o左D咩？你又無請工人，又唔係你個囡有事？個工人依家咪又係返歸？！(我到依家都無見果位朋友，因為我仲嬲緊)
我忍o左好耐無係BK呻出黎係我明白"針唔拮到肉就唔知痛"呢個道理，我預期加硬人工，因為"各家自掃門前雪"因為我知道一D道理：
1.唔係淨得BK一個網頁既會員搞遊行就夠，講緊香港廿幾萬有外傭既僱主，用一家三口平均法計算，只要有三成人肯行呢步路同政府傾，都有八萬五千人...不過自從上次之後，多o左人上BK網，有D安慰。
2.有的怕事、有的怕老公、有的要返工、有的唔敢叫人去覺得唔知點、有的生得(呢個係真架，上次真係有媽咪生BB唔黎得)、有的怕上電視、有的覺得有人去o左少自己一個無所謂...仲有好多不知明原因，我上次上哂電視比前老闆打黎問我係咪搞工會，問我係咪好得閒？我都費事啋佢，道不同不相為謀。(你估我想架？無媽咪敢上，好彩果日有出席既會員猛叫我唔好緊張，佢地仲叫哂口號唱衰政府)
3.因為實在太少人參與，連立法局議員、區議員、media等都覺得無價值報導(呢D情景，係上次立法局門口聽住幾個記者講完乜咁少人咋？就執野走，淨得幾間留底，最頂癮係警察都俾封浪費警力信件俾梁耀宗話人少...)
其實仲有好多野呻，不過呀FA8866話過我唔好要支持既媽咪失望，但係我份人太直，為了呢件事我喊了很多眼淚，我覺得我無做錯到，幫人係唔應該有原因，就算唔關我事我都問心無愧，只要人人肯行多幾步，就唔會俾外人蝦我地...

對唔住，突然呻得咁大聲添，希望大家明白我既心情，並非想搵交嘈，如果有好既方法一齊諗下點處理oY，我都想摑醒政府唔好再咁軟弱！

私人傳訊

winnie_sh

子爵府

積分: 10622

醒目開學勳章

12^#

發表於 06-3-8 15:55 |顯示全部帖子

Re: 外傭爭回復工資 $3670

昨晚呻完今日好d la，其實有幾個難題的：
1.無政黨照住實無人'蘇'，因為無新聞價值，香港有個僱主協會又廢廢地，自己申請係好容易但要運作就有好多難題，例如：經驗、經費、人手、法律知識、宣傳、人事、最重要係邊個肯抽時間做？
2.係上次經驗話俾我地聽時間預備不足，一股傻勁搞，好彩有貴人相助咋，我地無諗倒原來要有好多濕碎野要做，連新聞稿都係度了一日(即之前post政府要求)通o左幾晚宵，又出友情牌半夜三點要做banner第二日就送埋貨黎，要搬兩箱水同預備椅去俾D會員，真係要多謝埋幫手既另一半，無D大隻佬點整？！
3.用咩方法亦要認真諗的：
-遊行，係好直接，但有部份人士唔方便行，最短路線可行半小時。
-靜坐，坐幾耐？太陽哂住，聽得好辛苦(上次就係咁，聽了我講20分鐘等如成身濕哂，大人BB細路都好辛苦)
-晚會，更難，有政黨帶可能好d。
4.責任問題最頭痛，包括保險、意外、暴動、人身安全。
5.傳媒聯絡，呢樣最簡單，fax完新聞稿等佢黎，但要知有無其他大事相同時間，有就唔會有記者黎。
6.亦係最難部份，就係同官開會...好難用文字寫出黎話你知，果種想走埋去摑佢既心情但又要好正經兼直接同唔可以有脾氣同晦氣咁表達訴求，開完會唔知結果得個等字，唔知自己下次開會抽唔抽倒時間(返工/湊細路)
7.呢步我就處理得唔好，就係同屋企人關係，老公怕我都有說話俾我聽，因為成日走o左去放底個女係呀媽度，果時又連續幾晚通宵搞作，又失眠等等，其他家人勁笑我做埋D多x餘野，好彩不嬲我都大大聲唔理佢地，所以搞手都要諗定點安排。

以上暫時諗到咁多，諗倒再分享，重申一次，我極力支持要搞遊行既會員。

私人傳訊

winnie_sh

子爵府

積分: 10622

醒目開學勳章

13^#

發表於 06-3-8 16:15 |顯示全部帖子

Re: 外傭爭回復工資 $3670

mylulu007 寫道:
其實我唔係好明, 7.1遊行都預計唔到有幾多人出席, 咁點買保險?
有一種叫公眾保險，必須的，可以睇番申請條件！
要搵負責人, 做負責人要有乜條件?
要先結社，做負責人就係有乜事都關你事，包括活動期間有人搞事/受傷同向警方申報路線人數，無人數唔俾行，佢地要安排警察保護(我地上次報150黎40，所以收到浪費警力信)
每年開支會有什麼項目呢?
任何有關搞活動都要經費，就簡單講保險費一年都幾千蚊，仲有頭先講個D水、椅、banner、大聲公、橫額、係有限數但都係要錢(我地上次用o左約二千蚊、保險係梁議員比的)
建議每半年定時搞遊行, update我地要求政府點修改外傭政策.
咁就要有人肯企出黎長期負責先做倒。