unicornson 寫道:
Venusbaby,
我都有你以上既問題，我住近海，驚2月會好凍。
我問過住我附近既mami，佢地建議我：
如果日頭唔開暖氣： 俾呀b著一件薄既和尚袍，一條薄既褲仔，外面一件羊毛和尚袍，同羊毛褲。 可以係腰既位置包多一氣毛巾。 要同佢帶手襪，同著襪仔。
又或者，一件薄既和尚袍，外加一件厚身d棉質既夾衣，外面再加一件薄既夾棉背心仔。 要同佢帶手襪，如果夾衣唔連腳套，就要同佢著襪仔。
因為初生，所以可以用包被成日包住佢，等佢有安全感d，又可以保暖。
如果超級凍，就要係外面加一件厚身既夾衣，或者用bb睡袋包著佢。 (我係出口店買咗一件好似太空褸既夾衣，以備不時之需，但係後來發覺其實bb睡袋有用d，因為大概1歲到，可以將個睡袋當晨褸著。)
夜晚就多d用大毛巾或者包被包著佢，再蓋上薄被 (一般床圍set都有架啦，唔駛分開買)。
如果開暖氣，基本上，一件厚身d棉質既和尚袍；又或者一件薄既和尚袍+一件厚身既夾衣都ok啦。
係屋企反而唔駛太擔心bb凍，但抱佢去健康院時就要留意了。 包被又或者睡袋一定唔少得。 我呀媽教落，初生b出門幾時都要預備多一條大毛巾，有好無壞！
發表於 
返回列表
