心聲留言今日: 1|主題: 17505

收藏本版

回覆發帖

返回列表

跳至頁

查看: 265 | 回覆: 0

姑姐疑患躁狂症對其女長期精神虐待 [複製鏈接]

VenusA

別墅

積分: 693

1^#

發表於前天 23:26 |只看該作者 |倒序瀏覽 |打印

剛才表妹打電話嚟，喊住話俾佢阿媽一嘢用指甲抓傷塊面，影咗張相嚟，好大個指甲痕，個傷口甩晒皮，表妹話個傷口成晚好桔痛。
姑姐情緒好暴躁，仲要係因為好小事就發表妹脾氣，表妹因為有潔癖（姑姐都有），事緣表妹攞外賣整污糟咗隻手，所以無捉好門抦，用手面輕輕力推嚟關度門，但最尾嗰吓有d風就搞到大力咗少少，之後姑姐就發晒脾氣，閙表妹早死早著，遲死無著落，表妹有鼻敏感頭先戴住口罩嘅，姑姐一手抓佢口罩，就抓到成個抓痕甩晒皮。

又話表妹應間唔好話度門爆呀又乜呀，但其實話驚度門爆，一直都係姑姐講過，表妹好耐之前只講過話對面屋幾次大力關門後，屋企度門就成日一大風就搖到有聲，若加埋對面屋一大力關，屋企門就搖到好響，而且從來只有姑姐發脾氣就大力關門，佢就真係整爆度門啦。

表妹由細到大都俾姑姐虐打，6歲嗰時左邊面已經摑抓傷3個指甲痕留咗少少疤，無做錯事，又無端被關入無著燈嘅廁所，16歲就因為唔小心整嘢嘈醒佢阿媽瞓午覺就被亂棍打歪個鼻，連表妺送俾佢嘅生日禮物即刻掟爛埋。表妹嗰時細唔識嘢，隨便自己排睇街症之後等成個禮拜去醫院照個鼻，去到醫院照嗰個師傳話份報告寫係照腦，表妹有講返係照鼻喎，唔知個師傅有無幫佢更正返，之後街症個醫生話幅圖無嘢就算，但表妹個鼻一眼就望到係歪咗，個鼻樑真係打歪咗，但唔明點解影到會無嘢。依家佢大咗查返先知，嗰時應該即刻去急症睇，原來即刻睇得切
嘅話，醫生可移返鼻骨。
到依家姑姐都話唔覺表妹個鼻歪咗，但又要話佢戴口罩時，戴到眼下面高低級，其實個鼻歪咗後，表妹左右眼頭都搞到高低唔一致。當年表妹成個鼻樑紅晒歪了一邊，姑姐冷血到一眼都無理過。

兩年前又因小事打傷表妹，抓到頸傷晒心口撞黑咗，表妹忍唔住報警，但警員嚟到後，表妹又心軟，完全無講過佢阿媽唔啱，就咁完咗件事。但佢阿媽事後重要同d熟人講，話個女報警拉佢，博同情，表妹好慘，明明係受害者，仲要被冤枉不孝。

表妹話佢好想逃離呢個恐怖，偏心大女又唔承認；長期貶低，發脾氣就虐打人嘅母親。