想生BB 今日: 0 | 主題: 109542

積分: 66

1^#

發表於 25-9-12 17:51 |只看該作者 |倒序瀏覽 |打印

我本身係有多囊，早排睇醫生食排卵藥，試第一個月就中左，本身好開心，但keep住用試紙check 開頭好淺色，到之後都開始深色但一直都深唔過對照線。中間覺得左邊下腹有啲唔舒服，但唔係痛。但訓教成個子宮我覺得唔知係拉扯緊定漲住一訓低就唔舒服咁…跟住驗到大約7日後就突然見紅…但第二日已經變啡，流多兩日啡都無埋. 個肚唔舒服既感覺都無埋…
因為一出血有去急症，佢安排左早孕科比我檢查，
我前後照左3次陰超咩都無，驗血報告隔日由5xx 跌到去4xx,
醫生話雖然跌但唔係一個好既跌幅，因為自然流產應該跌超過40%，但我得2X %

有冇人可以話比我知係自然流產定宮外孕機會大啲？
我已經接受左流產但我真係好擔心好怕係宮外孕…😭

0 0 0

私人傳訊回覆引用

天空寶貝

積分: 84

2^#

發表於 25-9-12 18:28 |只看該作者

1. 你描述嘅情況

驗孕紙線淺：一般反映 hCG 水平偏低或升幅唔理想。

陰超 3 次都無見到胚囊：代表 hCG 仲未去到可以明顯見到孕囊嘅水平，或者確實無妊娠物。

血 hCG 由 500 幾跌到 400 幾：有跌幅，但唔係大幅度。醫生講得啱，如果係自然流產，hCG 多數會明顯下跌；而宮外孕可能會有咁樣「唔跌清楚」嘅情況。

你出血後肚唔舒服嘅感覺消失：有機會係流產過程完成咗，但暫時都未可以 100% 排除宮外孕。

2. 醫學上判斷方法

自然流產：典型情況係 hCG 明顯下跌（通常 48 小時內跌幅 >40-50%），再加上陰超確認子宮內無孕囊。

宮外孕：hCG 升幅或跌幅唔符合預期（可能緩慢上升或緩慢下跌），陰超見唔到宮內孕囊，但又可能喺輸卵管或者卵巢附近見到異常包塊。不過，有時要去到 hCG 高啲先見得到。

3. 你最需要做嘅

⚠️ 依家最重要嘅係繼續監察 hCG 嘅走勢：

如果係自然流產，hCG 應該會持續明顯下降，直至清零。

如果 hCG 卡住唔跌、或者升返，醫生就要高度懷疑宮外孕，可能要再做超聲波或者抽血檢查。

4. 建議你可以咁做

定期驗血：照醫生建議，隔 2 日或隔幾日再驗 hCG。

注意警號：如果出現持續或加劇嘅腹痛、單側劇痛、暈眩、出冷汗、甚至休克，要立刻去急症，因為宮外孕破裂有生命危險。

保持溝通：你依家已經喺早孕科跟進，繼續同主診醫生跟進就好，唔好自行停追蹤。

✅ 簡單嚟講：
依家狀況自然流產嘅可能性比較大（因為有出血 + 症狀消退 + hCG 有跌），但宮外孕未能完全排除。
你做得啱，已經去咗急症，亦喺醫生監察之下。下一步就係照住醫生指示，定期抽血 + 超聲波追蹤，直到 hCG 回落到安全水平。

私人傳訊回覆引用

積分: 98

3^#

發表於 25-9-13 08:48 |只看該作者

Movingggg123 發表於 25-9-12 17:51
我本身係有多囊，早排睇醫生食排卵藥，試第一個月就中左，本身好開心，但keep住用試紙check 開頭好淺色 ...

我剛剛先經歷完同一件事。

不過可以話你知，呢件事至到你處理左之後你都唔會知實情係點。

hcg指數起馬要1000先有可能照得到，
所以根本冇可能肯定到係唔係宮外。

你而家要做嘅就係keep住抽血，如果指數有一直跌，而跳至0就可以。

但如果反反覆覆又跌又升就要快啲決定入醫院打mtx.

私人傳訊回覆引用

積分: 98

4^#

發表於 25-9-13 08:54 |只看該作者

Jolin_C.Lau 發表於 25-9-13 08:48
我剛剛先經歷完同一件事。

不過可以話你知，呢件事至到你處理左之後你都唔會知實情係點。

當時我同你一樣日日上網爬文，亦見過2個醫生。
係冇可能照得到（hcg太低嘅情況下）
唔會有人肯定得到。

hcg太低=照唔到=所有都係懷疑。
hcg高=照到=如果係宮外已經好危險。

私人傳訊回覆引用

積分: 66

5^#

發表於 25-9-13 09:24 |只看該作者

回覆 Jolin_C.Lau 的帖子

你好Jolin，想請問下你最後指數係有慢慢跌定要入院打針？如果照唔到打針其實最後係味都唔知宮外孕個位置係邊？
你有冇睇私家醫生攞多個意見？

因為我而家無流血又無肚痛，同我認知既自然流產好似唔一樣咁

政府醫生又無講啲咩.. 次次睇完都唔知結果咁

好擔心

私人傳訊回覆引用

積分: 98

6^#

發表於 25-9-13 09:50 |只看該作者

Movingggg123 發表於 25-9-13 09:24
回覆 Jolin_C.Lau 的帖子

你好Jolin，想請問下你最後指數係有慢慢跌定要入院打針？如果照唔到打針其實最 ...

我有左4W知道，然後5W開始流血，入左急証，當時太細照唔到排左急期睇專科（排左2日後）。

去到急症都係照唔到，但照到右邊有影，話懷疑係宮外。然後一路要抽血驗hcg。

抽完2次血hcg下降（由19x-15x)，醫生話流產。再要keep住抽，因為要睇住一定要到0先安全。

再抽2次指數又升到：2xx 同 3xx, 醫生再懷疑右邊陰影就係宮外，要我即日入院。
當時我同你一樣覺得流產唔緊要，但好擔心宮外。
於是我同醫講我今日之內會入，但我要先處理其他野，實質我就去左仁安。
醫生比我抽多最後1次血，就話咁你處理完你嘅野，今日內入啦，就放我走。

去到仁安，醫生照完好肯定話右邊陰影係懷孕時會漲大嘅一啲水泡，絕對唔係宮外。

總之以我理解，我係流產左，但流產唔乾淨，仲有啲組織係入面生長緊，但到低個啲組織係邊？冇人知，因為hcg太低照唔到。
係呢個情況下，就算最頂尖嘅醫生都答唔到你係咪宮外。總之係子宮入面照唔到一概都‘懷疑宮外’，會以宮外孕手法處理。

可能你會問，咁有冇可能其實bb仲係肚？
我答：就算係，佢都唔係一個完整／健康嘅bb, 因為hcg指數又跌又升／升得唔好。

所以，最後我都係乖乖地入院。
我最後hcg指數係5xx，可以接受mtx針。就唔需要開刀。
但都唔係100%一針攪掂，可能要再補針，（打完要keep住抽血hcg到0先叫close file), 如果真係唔得，有機會要手術。

我剛剛打完第3日，目前情況良好。

我明白你擔心嘅野係咩，我曾經同你一樣。
亦都日日上好多網睇資料，但其實唔會有你想要嘅答案的。

你而家剛剛跌hcg, 我估計你仲要抽多2次血，目的係睇指數會唔會一直跌，如果會就可以等佢自然流失。

私人傳訊回覆引用

積分: 98

7^#

發表於 25-9-13 09:59 |只看該作者

Jolin_C.Lau 發表於 25-9-13 09:50
我有左4W知道，然後5W開始流血，入左急証，當時太細照唔到排左急期睇專科（排左2日後）。

去到急症都係照 ...

答番你問題先：

你好Jolin，想請問下你最後指數係有慢慢跌定要入院打針？
我先跌後升，最後入院打mtx針。

如果照唔到打針其實最後係味都唔知宮外孕個位置係邊？
係，除非你hcg指數已經達到照得到嘅水平。否則呢世都唔知係咪真係宮外／位置係邊。如果你有照出陰影，可以手術拎個陰影去驗，睇下係咪胎囊。如果你hcg指數照得到，除非已經肯定照到係胎囊，但到個陣已經太遲，係一定要做手術。

你有冇睇私家醫生攞多個意見？
有，臨入院前去仁安。

因為我而家無流血又無肚痛，同我認知既自然流產好似唔一樣咁

每個人情況都不一樣，但相信數字。
你可以去私家抽血驗下hcg。
不過要快唔好拖了，hcg一旦太高有機會打針攪唔掂。

政府醫生又無講啲咩.. 次次睇完都唔知結果咁

好擔心
因為冇醫生可以現階段肯定話你知情況係點。唔係佢地唔想講，而係佢地真係唔知。

私人傳訊回覆引用

積分: 98

8^#

發表於 25-9-13 10:19 |只看該作者

Jolin_C.Lau 發表於 25-9-13 09:59
答番你問題先：

你好Jolin，想請問下你最後指數係有慢慢跌定要入院打針？

補充下，

你而家可以做嘅係：
1. keep抽血睇下hcg會唔會落番0，close file。

2.入院打mtx針，但你入到院，又一大堆要觀察幾日，嘜嘜嘜咁，你唔好比佢拖，要求馬上處理！我當時指數咁，入到院醫生仲話要觀察2日，我就問佢：其實我指數都係唔正常，無論如何都係要處理。仲有觀察嘅需要？如果你而家話我知我仲有希望，bb可能冇事，我願意觀察。但觀察完最後都要處理就唔好晒大家時間。
（因為我最後hcg 5xx, 等下等下2日翻個倍就係1xxx, 指數越大越唔安全）
後遺症：枝針係抗癌藥物，最好半年唔可以有bb.打完會小肚痛，小出血，嘔心，胃痛，每個人唔同。
一針唔得要補針。

3. 手術但不切輸卵管，話就話係輸卵管拎個胎出黎，但你個case最後都唔知係唔係又照唔到，應該唔適用。
但都講埋：後遺症係做完之後輸卵管會有疤痕，會大大影響下次懷孕，增加宮外孕可能。

4. 手術切輸卵管，呢個係照得到胎囊已經係輸卵管，唔想術後有疤痕，肯定另1條輸卵管健康適用。
後遺症：冇左條輸卵管。

私人傳訊回覆引用

siubobobo

別墅

積分: 527

9^#

發表於 25-9-29 15:24 |只看該作者

我都試過宮外, 都係照唔到架, 但HCG升到去好似3000-4000, 不斷好慢咁升, 好彩最後比我打到針
個時我都好傷心, 問有冇機會唔係宮外, 而家未照到的BB, 佢話唔會, 打針個刻口同心入面叫BB返來搵我

私人傳訊回覆引用

積分: 66

10^#

發表於 25-10-4 12:55 |只看該作者

回覆 siubobobo 的帖子

Hello 你好，我最後都入左院打左針，因為原本一直話咩都照唔到，跟住我去私家檢查私家醫生話似係卵巢有個似宮外孕既物體叫我入院，然後入到醫生醫生再照就話覺得似係卵巢隔離輸卵管個啲位

想問下你打完針出左血幾耐用左幾耐時間close file, 同埋你有冇咩副作用，我覺得我副作用唔多但覺得到而家都覺得下腹好似脹住唔知係味啲腸氣搞到有啲唔聚財咁…. 同埋介唔介意想問下你幾時打針你開始翻備孕味？

私人傳訊回覆引用

小胖yo

積分: 32

11^#

發表於 25-10-4 16:10 |只看該作者

本帖最後由小胖yo 於 25-10-4 16:11 編輯

回覆 Movingggg123 的帖子

我之前都曾經係政府醫院到打過針，我果時hcg 去到2千幾，打完針流血流咗近2個星期。打完針果2日個人超攰，訓極都好似唔夠咁。同埋可能我對隻藥既反應有啲大，我仲會作嘔肚瀉頭暈搞到冇曬胃口乜都唔想食。希望你唔會好似我咁啦。
打完針之後第3日, 第5日, 第13日返醫院抽血，睇下hcg下跌成點。我果時跌幅ok, 醫院就冇call 過我, 直接去到覆診先再見醫生。

私人傳訊回覆引用

siubobobo

別墅

積分: 527

12^#

發表於 25-10-14 14:21 |只看該作者

回覆 Movingggg123 的帖子

打左針後半年內要避孕唔係有機會生畸胎
我完全無咩副作用呀, 不過我後來去照原來我宮外個邊的輸卵管塞左
之後我直接IVF, 第一次就成功啦, BB都差唔多1歲啦

私人傳訊回覆引用

積分: 66

13^#

發表於 6 天前 |只看該作者

回覆小胖yo 的帖子

我都流左2星期就無血了..同埋感覺副作用唔強，但好似樣樣都有啲咁..不過都唔知關唔關事…但好感恩我覆第二次診就清0了🥹 抽血期間好驚收到醫院電話，好彩都叫順順利利完左件事🥲

私人傳訊回覆引用