興趣嗜好 今日: 0 | 主題: 123905

積分: 126156

2024年龍年勳章畀面勳章 BK Milk勳章

61^#

發表於 12-5-10 09:50 |只看該作者

chocolate9592 發表於 12-5-10 09:15
我咪係其中一個囉....我仲要買咗唔少添....

我見書局有好多呀,不過又好似又覺冇咩用,因為屋企人會幫我,所以我最後都放棄冇買...

咁你覺得d書睇完對你有冇幫助呀???

私人傳訊

積分: 126156

2024年龍年勳章畀面勳章 BK Milk勳章

62^#

發表於 12-5-10 09:52 |只看該作者

chocolate9592 發表於 12-5-10 09:16
真係怕小氣 ??

唔係,怕周圍同人講係仔.....佢地係潮州人,好要面架...

私人傳訊

積分: 39774

63^#

發表於 12-5-10 09:57 |只看該作者

fanny3315 發表於 12-5-10 09:52
唔係,怕周圍同人講係仔.....佢地係潮州人,好要面架...

係仔唔係應該更加周圍講咩 ? 唔通佢地信唔過醫生, 怕出咗黎係女 ??

私人傳訊

積分: 39774

64^#

發表於 12-5-10 09:58 |只看該作者

fanny3315 發表於 12-5-10 09:50
我見書局有好多呀,不過又好似又覺冇咩用,因為屋企人會幫我,所以我最後都放棄冇買...

咁你覺得d書睇完對你 ...

我都有阿媽幫, 不過唔睇書我唔安樂姐.....D書真係好有用, 因為有咩同阿媽99唔同意見時, 我就會掉本書出黎, 話專家都係咁講....佢地即刻收聲......

私人傳訊

積分: 126156

2024年龍年勳章畀面勳章 BK Milk勳章

65^#

發表於 12-5-10 10:02 |只看該作者

chocolate9592 發表於 12-5-10 09:57
係仔唔係應該更加周圍講咩 ? 唔通佢地信唔過醫生, 怕出咗黎係女 ?? ...

但我個個係女呢..
之前有個以為自己個個係仔...點知到尾先知係女....瘀到爆..
而且佢地係會一傳十,十傳百

仲有就係今年幾個生b,係得我一個係女....雖然係冇咩所謂,但係一定要生多個囉.....

私人傳訊

積分: 126156

2024年龍年勳章畀面勳章 BK Milk勳章

66^#

發表於 12-5-10 10:04 |只看該作者

chocolate9592 發表於 12-5-10 09:58
我都有阿媽幫, 不過唔睇書我唔安樂姐.....D書真係好有用, 因為有咩同阿媽99唔同意見時, 我就會掉本書出黎, ...

不過早幾年我阿哥生b阿媽都有幫手,所以都唔會太擔心阿媽唔識湊既\
99就真係唔好搞

佢可以同我講半歲就可以俾佢食粥仔,唔洗食奶

mouth:

私人傳訊

積分: 39774

67^#

發表於 12-5-10 10:05 |只看該作者

本帖最後由 chocolate9592 於 12-5-10 10:06 編輯

fanny3315 發表於 12-5-10 10:02
但我個個係女呢..
之前有個以為自己個個係仔...點知到尾先知係女....瘀到爆..
而且佢地係會一傳十,十傳百: ...

哦.....唔怪之得喇......追仔.....辛苦你喇......加油呀 !! 生多D仔, 生多D仔, 生多D仔 !!

生到成隊球隊咁, 佢地一定好高興 !!

私人傳訊

積分: 39774

68^#

發表於 12-5-10 10:08 |只看該作者

fanny3315 發表於 12-5-10 10:04
不過早幾年我阿哥生b阿媽都有幫手,所以都唔會太擔心阿媽唔識湊既\
99就真係唔好搞佢可以 ...

所以我寧願信本書都唔信佢地個套, 尤其係教仔呀 !!

俾佢地教, 仲唔變超級港孩咩 !!

私人傳訊

積分: 39774

69^#

發表於 12-5-10 10:10 |只看該作者

懷孕經歷5

本帖最後由 chocolate9592 於 12-5-10 10:11 編輯

懷孕經歷5

08年8月27日, 再去到威爾斯, 今次唔係去2樓婦產科, 而係上七樓病房, 係七樓病房既另一個房間係照超聲波, 當我去到既時候, 因為我準時到, 唔係早到, 唔知病房d人做咩而攪錯, 佢地以為我係剛剛去完二樓而轉介上去, 所以將我安排係最後, 我足足係上面等咗2個鐘, 一路見幾個遲過我到既人入完去出番黎, 仲走埋都未到我, 我開始按奈不住開始嬲, 一入到去我直頭喊咗出黎, 一路係出面等既時間我一路係度諗個bb既事, 本來我唔洗等咁耐受咁耐精神折磨, 結果....

d醫生同姑娘梗係即刻say哂sorry, 同我講話佢地唔知呀....不過我都要做超聲波架, 咁我咪拿拿聲上床等照囉...今日照同尋日一樣, 個醫生有解釋, 個心既光點可能係未完全發育所致, 亦有可能係唐氏, 而個腎邊大邊細就有四個可能性 :
1 / 我既荷爾蒙影響佢, 因為佢係仔, 我唔係
2 / 佢有腎管閉塞, 不過塞咗又唔會脹得咁少
3 / 尿液倒流, 有d bb要出咗世之後做手術就ok, 有d就出咗世之後會自己好番
4 / 唐氏....

個醫生話我可以再做多次oscar, 不過今次係抽羊水, 即係係個肚度插支針入去抽d羊水出黎驗, 而結果就會下個星期知, 不過知道結果既時候想做人工流產就已經太遲, 過咗香港法例規定既週數, 所以做咗都係得個 "知" 字, 咩都做唔到, 加上我上次已經做過一次, o個次我係低風險, 今次如果抽羊水會有1000分之一機會流產, 即係話, 我做, 流產機會率比起有唐氏綜合症高, 同埋如果做就要即刻決定, 因為佢地要收工......

我即刻打咗俾老公同佢傾, 結果係 :
1/ 唐氏一早驗過, 再驗就無謂
2/ 流產機會高過唐氏, 咁我博黎做咩
3/ 我無預備$1600再驗
4/ 就算真係有問題又唔落得, 叫我以後點過d陀仔既日子呀 !

所以最終我咩都唔做, 因為個醫生聽到我咁樣分析, 佢都話我個bb有唐氏既機會係唔高, 反而其他的可能性會高dd, 加上醫院已經有我既record, bb一出世就會去兒科度觀察, 如果有需要醫院係會跟進, 叫我唔駛太擔心, 所以我都唔再擔心呢個問題, 因為起碼醫院會做野, 如果我係剩番既日子太擔心反而唔好, 加上我離開醫院之後有托其他朋友向佢地既兒科醫生問過, 醫生既建議都係應該無太大問題, 因為如果問題大, 第一醫院唔會咁輕易放過我, 第二個bb腎唔會脹咁少......

呢個問題纏繞到今日都仲未知點解, 不過就無惡化既情況, 只係未知點解, 又可能根本無得解, 只係佢個腎比正常既大咗啫...........

我既日記雖然只係記錄到懷孕8個月, 但一路都無咩野發生, 除咗我本來打算放前2後6, 不過到我陀到第9個月既時候, 我已經行步路都好攰好辛苦, 所以係第9個月我已經放棄, 決定放假.......

私人傳訊