論盡家傭 今日: 0 | 主題: 134007

積分: 6994

1^#

發表於 07-2-27 12:47 |只看該作者

我們的菲姐......

接連試了四個印姐之后,我俾佢地0既心腸嚇親,轉咗請菲姐了.

我同菲姐同居咗4個半月,加上印姐俾我的心靈創傷,引至我對工人總是有所保留.

但某一方面睇,我的菲姐心地真係幾好.好似禽晚,仔女覺覺豬啦,我係屋企整埋文件,菲姐就問我:"太太呀,聽日煮咩好呀?"我話:"不如開邊蒸虾.虾買咗個幾星期啦."跟住菲姐就話:"得,太太,不如,我整甜酸虾俾你呀."跟住就同我講咗點整0既過程.我話:"得!你中意.你話事呀!3Q!"我仲同菲姐講:"因為囡囡好8厭,4圍搞嘢,所以,煮D簡單0既嘢,就得啦.我驚你煮飯時,囡囡要你抱抱,你辛苦呀."

跟住菲姐答:"3Q,太太.唔會啦.遲些我煮甜酸雞,甜酸豬俾你呀,好好味0架. 我仲識整豉油雞,白切雞,炸子雞,唔使好多功夫,唔麻煩0架."

當時我真係好多謝佢,笑住講:"3Q你呀,廚師LA LA ." 菲姐名字叫MILA. 我地一家有時叫佢:MIMI,有時叫佢LA LA .係暱稱.

LA LA都好開心咁,拿住一扎嘢,去沖涼啦.

LA LA 沖涼,我幫囡囡剪指甲.就係張床度,我執咗一大扎頭髮.一大扎呀. 有幾多? 要用拳頭渣住.跟住,我就開始係屋企執頭髮.廚房,房,廳地下,執咗好多.清理干凈之后.我就等LA LA.

真係多謝佢煮嘢食好叻,又好細心咁照顧我地一家. 但係偏偏有樣嘢,就係佢污濁D. 污濁程度,我實在真係點唔順時,就會捉住佢講吓,咁菲姐態度又好好噃.每次都畢恭畢敬地回答:"YES ! MUM."

每次講完,就好D.跟住過一排,就要我再執過.

請問大家,有冇咩好建議,幫我改善吓呢樣嘢.3Q.

快樂的甜芋快樂的甜芋

私人傳訊

積分: 48288

2^#

發表於 07-2-27 13:04 |只看該作者

Re: 我的菲姐......

甜芋：

你菲姐好似我個姐姐，佢又係好鍾意煮野食，好愛我地一家。我地眼中好難整既野，佢都話好Easy，我地常常都會分享烹飪心得。
人無完美。如果你菲姐態度好，你又有潔癖的話（我有無記錯？），惟有不停的同佢講，set個timetable，每日要抺地、吸塵等等。
甚或你打個表係雪櫃處，做左邊樣清潔，等佢剔，咁應該污穢極都有限。
係度恭喜你，有個有heart&快樂既工人，會帶俾一家人快樂。
唔知你有無睇過一套舊片《濃情朱古力》，講廚師能透過烹調食物傳達感情，雖然片中用了魔幻主義表達，會誇張左少少，但我都好相信好既食物，能令食既人快樂。

私人傳訊

積分: 6994

3^#

發表於 07-2-27 13:21 |只看該作者

Re: 我的菲姐......

哈囉 ! Froggy_joe . 多謝你咁快覆我. 我唔係潔癖,我係整齊癖. 就係屋企無論乜嘢, 都係擺放得好整齊 . 比如,我睇過0既書,唔會有折角.我係公司0既文件,訂到似字典.

但係呢樣嘢,凈係FOR我自己啫,我唔會咁樣要求人.

折被,我就唔滿意啦.好求其咁折埋一齊,就黎棟唔起,需要靠住一邊先得.如果係咁,你會介意嗎?

因為我想知,係唔係我"奄尖".

快樂的甜芋快樂的甜芋

私人傳訊

積分: 48288

4^#

發表於 07-2-27 13:35 |只看該作者

Re: 我的菲姐......

其實我份人無乜所謂，整齊故然好，但唔整齊，只要不太亂都可以accpet。
摺被應該佢地係菲律賓的training centre有教，我bun姐可以執床鋪執到好似人地酒店咁，好平滑，無痕。摺衫都好整齊。
人人要求都唔同，你菲姐作為打工仔，都有義務去了解下僱主既要求既~~
你不如試下好似我咁，用bonus制，去鼓勵菲姐做得更好啦。
不過呢套唔係個個僱主都贊成。

私人傳訊

積分: 6994

5^#

發表於 07-2-27 13:47 |只看該作者

Re: 我的菲姐......

Froggy_joe : 我菲姐已經好耐冇受過訓練啦.佢係新加坡8年幾,都係一家人屋企人做嘢.間屋好大間,可能就係因為呢樣嘢,屋大,又係得佢一個人,快得黎就會求其.但係佢做咩,都好快手.特別係煮飯,好有條理.偏偏就係用唔到係清潔0固度.

我第3任印姐,摺被摺到好似豆腐咁,但係精神狀態唔好,同我講,係我屋企想跳樓.好彩我住一樓啫.嚇到我半條命都冇埋.

BONUS你點俾佢呀? 呢樣嘢我冇所謂0架,做得好,出雙糧都得.過年時,我已經俾咗佢唔少錢啦. 我諗佢開心0挂. 見佢對我0既態度,望住我時0既眼神同笑到去耳仔度0既嘴型,我可以感覺到囉.

快樂的甜芋快樂的甜芋

私人傳訊

積分: 48288

6^#

發表於 07-2-27 14:10 |只看該作者

Re: 我的菲姐......

Bonus制可以係咁既：
你同佢講，由呢個月開始，每個月（或每兩個月），會有Bonus，係用黎獎勵你出色既表現，唔一定有，無唔代表你做得差，有即係你ｏ個個月做得好好。做份內事就有糧出，做得超乎工作要求，就有得獎，一切解釋權當然係僱主度啦，其實錢係少事，最重要係對員工既肯定。
做得好$100
做得好好$200
做得非常好$300
你可以同佢講，點樣先可以

私人傳訊

積分: 6994

7^#

發表於 07-2-27 14:50 |只看該作者

Re: 我的菲姐......

你幾時俾佢BONUS呀?我同佢同居得4個半月.到完約時,我要俾佢幾多,佢先滿意呀?我怕佢唔滿足

快樂的甜芋快樂的甜芋

私人傳訊

積分: 48288

8^#

發表於 07-2-27 14:56 |只看該作者

Re: 我的菲姐......

呢個係個個月出糧既時候俾。
如果係兩個月俾一次，咪隔個月出糧既時候俾。
或者你可以簡單一d，講明一個實數，如$100or$200。

無得唔滿足架，呢個額外的獎賞，由day 1開始已經講明。我都同佢講，阿mum無錢，隨時無架

私人傳訊

積分: 48288

9^#

發表於 07-2-27 14:57 |只看該作者

Re: 我的菲姐......

我呢個建議係每個月既小Bonus，如果你滿意佢整體表現，可以過年再俾大Bonus。

私人傳訊

歌莉亞

伯爵府

積分: 17647

10^#

發表於 07-2-27 15:30 |只看該作者

Re: 我的菲姐......

甜芋
我都係用過4個印，現在請了菲，佢比我既感覺跟以往的真的很不同，我地好滿意，但佢來了只是兩個星期，真是很想跟你分享一下以往那一些印同今次菲的長短處，不過現在沒空，遲一些跟你傾。 :-P

私人傳訊

積分: 6994

11^#

發表於 07-2-27 15:43 |只看該作者

Re: 我的菲姐......

哈囉 ! 歌莉亞 . 我印姐0既故事,我D朋友話,可以出短篇小說啦. 話第3個要跳樓的印姐, 嚇得我一晚冇瞓過,陪住佢係沙發度,好似媽媽咁鍚咗佢一晚,送返俾AGENT時,心入邊從來都未試過咁輕松. 清醒過后,又覺得暫時冇工人都係唔得,結果又請咗一個.

依家0既菲姐,你睇我講,幾好呀.但係偏偏有D嘢,佢踩正我要害.我覺得佢好時,簡直覺得俾佢4000蚊都得.但係見到一床頭髮時,心里面就會覺得不是味.

快樂的甜芋快樂的甜芋

私人傳訊

gogOBABY

別墅

積分: 848

12^#

發表於 07-2-27 16:07 |只看該作者

Re: 我的菲姐......

甜芋

你囡囡大個左同靚左咁多既!一定菲姐對佢好好呢?(我係09/05媽媽呀!)

我現時用的都係印姐, 但係佢年紀太細, 又好心野, 佢以前未黎過香港, 初時都好乖, 依家越變越衰

佢唔識煮飯, 勁難食, 我個仔都唔食, (對我來說好, 因為我越來越瘦), 做家務又唔得手腳好慢, 每日洗

私人傳訊

積分: 6994

13^#

發表於 07-2-27 16:23 |只看該作者

Re: 我的菲姐......

哈囉呀! gogOBABY ,好耐冇見啦.

我記得呀,0固時我地仲講我第4任印姐,你都有同我講你0固印姐啱啱到,好乖女.

我覺得印姐就係堅持唔到.過咗蜜月期,哇!變咗另一個人.

依家菲姐就好有愛心,煮飯勁好味.我唔係講要煮鮑參翅肚,就係好普通0既炒菜,都好有心機.

我菲姐第一次黎香港,我有佢之前PASSPORT作證.

就係間唔中一床頭髮,睇黎D頭髮,我要執硬啦.人無完人嘛.

快樂的甜芋快樂的甜芋

私人傳訊

winnie_sh

子爵府

積分: 10622

醒目開學勳章

14^#

發表於 07-2-27 18:20 |只看該作者

Re: 我的菲姐......

甜芋,

o拿！我當你係朋友先有果句講果句咋，唔好嬲啞~^^~

之前聽o左呀Fa同我件好賓兩個工人比你廚師姐姐的評語：

我會建議你好好好認真捉佢坐底傾一次，同佢講你因為頭髮同整齊問題而煩惱緊，最重要你要比佢知你好唔開心呢樣要求佢做唔到，同佢講一D感激佢做得好的地方，跟手拎埋老公出來話邊D唔滿意佢...

我諗你唔好用利誘佢會好D，因為佢似乎幾貪小便宜，如果再用呢招，有機會令佢變得貪婪，日後只會一踢一郁，有排你煩！因為佢會覺得係你臉前先做好D，其他時間會做得更求其。

唔好介意我咁講，係因為廚師賓係教會已經"聲名狼藉"，我個人意見係佢做得好，多D口頭讚佢就夠，最多係過時過節買禮物/利是仔就夠，每月俾獎金，對佢呢種性格應該會壞處多過好處。

私人傳訊

積分: 48288

15^#

發表於 07-2-27 22:43 |只看該作者

Re: 我的菲姐......

甜芋:
原來Winnie_sh&FA工人識你工人架?如果好似winnie咁講，你都係唔好利誘佢lu，一陣攪到工人變壞仲衰。
因為我工人本性ok，雖然佢打工係為錢，但佢份人個性格都唔係好緊張錢，所以我用獎金呢招，純粹係鼓勵下我姐姐，佢so far都好OK，我地越獎佢，佢越做越同我地無計，我個心好感動。
但如果工人本性貪小便宜，咁就唔好lu

私人傳訊

winnie_sh

子爵府

積分: 10622

醒目開學勳章

16^#

發表於 07-2-27 23:00 |只看該作者

Re: 我的菲姐......

Froggy_joe,

其實呀Fa個工人無講咩，只係講了一句：好煩！

我件陽光賓都只係講佢係教會聽到佢週圍問菲姐借錢(幾十都借)，不過因為成班菲姐都知道廚師賓係新加入，所以一早講哂點喊點叫都唔會借俾佢，同埋覺得佢唔係個個星期返教會，唔係好神心喎！

甜芋,
我諗係佢本身理財好有問題，你千萬唔好諗住幫佢，最好鎖起私人財物。

貪婪+機會=偷硬

唔好俾呢個機會發生，建議你同佢講下你個要求先，財不可以露眼。

私人傳訊

060228

積分: 5817

17^#

發表於 07-2-27 23:04 |只看該作者

Re: 我的菲姐......

吓,衰乜呀?

winnie_sh 寫道:
唔好介意我咁講，係因為廚師賓係教會已經"聲名狼藉"，

執著帶來痛苦、學習放下煩惱

私人傳訊

060228

積分: 5817

18^#

發表於 07-2-27 23:06 |只看該作者

Re: 我的菲姐......

i see...

執著帶來痛苦、學習放下煩惱

私人傳訊

winnie_sh

子爵府

積分: 10622

醒目開學勳章

19^#

發表於 07-2-27 23:17 |只看該作者

Re: 我的菲姐......

228,

佢唔係衰呀！我覺得佢做得唔錯添，不過建議同佢相處唔好涉及錢咪得囉！

只係教會內班菲姐有規矩平平地夾錢整野食，佢表現到唔係好滿意個個星期
一式一樣咁過，陽光賓話佢講野有時會幾高傲(我諗係心頭高果類)
但係就會成日問人借野，所以成班夾埋唔會借任何野俾佢囉！(唏！我得閒同陽光賓八下係教會D野，佢講o左的咁多之嘛！)

私人傳訊