吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 家事百科› 救命！臭蟲（床蝨）係我屋企到！有經驗者請進分享下！ ...

家事百科今日: 0|主題: 39323

收藏本版

發帖

返回列表

跳至頁

查看: 166244 | 回覆: 371

救命！臭蟲（床蝨）係我屋企到！有經驗者請進分享下！

[複製鏈接]

12 3 4 5...19

Shirleyng428

伯爵府

積分: 15212

1^#

發表於 13-6-6 06:02 |只看該作者 |倒序瀏覽 |打印

救命！早兩三星期發現佐佢出現，開頭以為比蚊咬，但之後唔對路，因為我都有比野咬，平時企係訓係老公隔離，d蚊淨係咬佢，但以家發現自己都有就開始搵佢地出黎，一搵發現係係床隔離靠牆上有兩粒芝麻咁大粒野，比我“禁“死佐，發現有血係裡面，即係佢地係元兇

係第二個禮拜即刻買炸彈，買佐三個，屋企750呎，三房，求其炸，因為真係以為好似賣廣告咁，我地走就得！返到黎發現姐姐房有幾隻死屍，但我就開始驚，即係好多地方都有

開始上網搵資料，原來係臭蟲，隔兩日再炸多次，又係三個，但另一個牌子，今次好dd，打開哂d櫃門走人，返黎又係得幾隻死屍

我開始搵滅蟲公司問佐兩間，一萬蚊以上包三次，放棄！

太貴，唔信自己唔得！再隔兩日又炸彈，今次係五個，每房一個，我張我張床推出黎噴殺蟲水，張所有床下底ge野拎出黎清潔再噴！床鋪全部拎走，張阿囝bb床拎出廳清潔，發現阿囝張床架有幾隻，再噴

姐姐張床重災，有大有細，一家幾口，幾隻以上

（（（源頭懷疑姐姐，點解？因為上網搵到話好多印尼姐姐係果到帶過黎，但我姐姐已經做埋今個月10號完約，何解我仲懷疑佢，佢近呢幾個星期成日返宿舍拎d野返黎準備返印尼，佢呢個宿舍有好多印印儲存自己野，每個月十蚊，又有人住，污糟到不得了！呢個係個人觀點，不喜勿插）））第三間房衣帽間都兩隻死屍，姐姐訓書房！到我執好再用de粉噴所有有佢地蹤影地方！！每次炸完個晚都好好訓，但第二晚又黎，因為佢地夜晚出未，早上我ok!!進入第三星期全屋大掃除，亦再搵滅蟲公司，上bk有jm介紹佐一間，價錢公道，亦好有耐性咁講解，傾佐半個鐘頭電話問佐好多野！

亦叫我執好哂所有野，扔緊d無用ge野，約佐5號，即係尋日整！！！！佢地過黎首先用蒸氣清潔機蒸床，梳化個d，佢地都話姐姐床係最多，最恐怖係佢蒸緊姐姐個床架時，有d一滴一滴啡色水滴出黎，佢話係臭蟲排泄物，因為遇到水變成啡色水！

之後再噴蟲水，整個過程1.15hr最後又係煙霧焗屋！下次上黎整係17號

兩個鐘後番黎執屋清潔，竟然有幾隻未死

咁即係點呢？？？？我以家半夜起佐身，見到阿囝係咁R,我又感覺到有野咬！我仲要見到佢係張床到行，即開燈殺死佢！

有冇jm搵過滅蟲公司？？？係咪整完應該無？？？係咪真係一分錢一分貨搵d過萬蚊呢？？？

求救

0 0 0

私人傳訊

believechiu

用戶要求終止服務

積分: 1375

2^#

發表於 13-6-6 07:03 |只看該作者

我由農曆新年開始發現睡房有。用大家都提議既方法都試過。除左搵公司上門因為太貴。我個仔仲懷疑因為床蝨咬起左引致濕疹。(皮膚過敏)。
最後掉左張床。一天光晒。

私人傳訊

Shirleyng428

伯爵府

積分: 15212

3^#

發表於 13-6-6 12:01 |只看該作者

引用：我由農曆新年開始發現睡房有。用大家都提議

原帖由 believechiu 於 13-06-06 發表
我由農曆新年開始發現睡房有。用大家都提議既方法都試過。除左搵公司上門因為太貴。我個仔仲懷疑因為床蝨咬 ...

但如果咁樣，我屋企大把要扔

私人傳訊

yinyeah

別墅

積分: 957

4^#

發表於 13-6-6 13:00 |只看該作者

回覆：Shirleyng428 的帖子

上次屋企有，先反起床褥大開殺界(冇得淆底)，再用蒸氣全張床褥辣一次，再閂窗閂門燒艾條焗(門罅封好)，再用滅蚤噴霧，一次收佢皮。

私人傳訊

哈哈媽咪

伯爵府

積分: 17113

5^#

發表於 13-6-6 13:28 |只看該作者

Shirleyng428 發表於 13-6-6 06:02
救命！早兩三星期發現佐佢出現，開頭以為比蚊咬，但之後唔對路，因為我都有比野咬，平時企係訓係老公隔離， ...

就算過萬都要上幾次滅架。。冇話一次就得如果唔係都唔會咁煩啦！。其他用過滅蟲公司都係慢慢會小D不過都係比DE粉快。都係最主要蒸完第一次既野肯定冇蝨既就搵膠袋之類密實佢。

私人傳訊

哈哈媽咪

伯爵府

積分: 17113

6^#

發表於 13-6-6 13:32 |只看該作者

believechiu 發表於 13-6-6 07:03
我由農曆新年開始發現睡房有。用大家都提議既方法都試過。除左搵公司上門因為太貴。我個仔仲懷疑因為床蝨咬 ...

係架佢地集中響個竇度初其如果搵到個竇未擴散開去就掉左件宿主物品真係得架。所以發覺到有木蝨掉野一定要決心。唔好左留右留

私人傳訊

哈哈媽咪

伯爵府

積分: 17113

7^#

發表於 13-6-6 13:32 |只看該作者

yinyeah 發表於 13-6-6 13:00
上次屋企有，先反起床褥大開殺界(冇得淆底)，再用蒸氣全張床褥辣一次，再閂窗閂門燒艾條焗(門罅封好)，再用 ...

私人傳訊

believechiu

用戶要求終止服務

積分: 1375

8^#

發表於 13-6-6 15:08 |只看該作者

我都好赤架掉左張床三千幾蚊用左一年。但係當你用晒方法都攪唔掂仲洗左幾千睇醫生。咁真係冇計……你留意下d傢俱既螺絲位啦。佢地鐘意係入面寄居同生旦。同埋所有未上油既木面都岩佢地生存。

私人傳訊

Shirleyng428

伯爵府

積分: 15212

9^#

發表於 13-6-6 19:17 |只看該作者

believechiu 發表於 13-6-6 15:08
我都好赤架掉左張床三千幾蚊用左一年。但係當你用晒方法都攪唔掂仲洗左幾千睇醫生。咁真係冇計……你留意下 ...

我完全唔捨得，屋企張床兩萬幾,訓佐幾年

私人傳訊

Shirleyng428

伯爵府

積分: 15212

10^#

發表於 13-6-6 19:19 |只看該作者

yinyeah 發表於 13-6-6 13:00
上次屋企有，先反起床褥大開殺界(冇得淆底)，再用蒸氣全張床褥辣一次，再閂窗閂門燒艾條焗(門罅封好)，再用 ...

厲害！我唔淆底,但難揾佢地

私人傳訊

fionfu

子爵府

積分: 11780

11^#

發表於 13-6-6 20:21 |只看該作者

本帖最後由 fionfu 於 13-6-7 15:50 編輯

我都掉左兩張床三張床褥((一張碌架床),皮梳化噴完殺虱水用傢俬保鮮紙包住坐左兩個月.點知拆開保鮮紙係後係見到梳化幾隻虱屍,但索晒殺虱水味,勁臭

抺極都有,頂唔順,掉埋.跟住全屋油油

想當日,日日放工不停又洗又焗床舖,衣衫,而家想返仲想喊

超慘,超淒涼

私人傳訊

Feimuichai

大宅

積分: 3363

12^#

發表於 13-6-6 22:44 |只看該作者

本帖最後由 Feimuichai 於 13-6-6 22:46 編輯

我家上年同呢隻嘢戰鬥過，最後發現只能以高溫方式滅絕佢哋，其他方法一概唔得，因為佢哋的卵基本上百毒𣎴侵，而且肉眼好難發現得唒，所以問人借個會噴蒸氣的直立燙斗（之後又買咗個二百蚊的蒸氣噴槍），隔兩、三日就全房蒸一次，大約兩個月內就消失洒。d衫同毛公仔就用最熱的水浸過頂，20分鐘，如果有蟲或有卵的話會浮面，即係死咗；然後先再洗d衫&公仔。
我和c6上個夏季就咁戰勝了!

而我朋友屋企又係同一時間有呢味野，佢就用咗差唔多八千蚊請滅蟲公司搞，好似都OK。不過我唔捨得駛咁多$，所以自己上網搵方法，一樣搞得掂，係辛苦d囉。