吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 俾你地揀多次會開刀定順產?

懷孕前後今日: 0|主題: 329964

收藏本版

發帖

返回列表

跳至頁

樓主: Lowina

俾你地揀多次會開刀定順產? [複製鏈接]

123

cececeliawong

男爵府

積分: 6833

21^#

發表於 11-2-25 22:12 |只看該作者

我第一胎係順產既,,,我作動先,穿左水,,,,陣痛左十幾個鐘(唔係好痛,係小小咁痛),,,,生唔到,,,跟住催生,,催左8個鐘生左,,,,,,,,傷口痛左幾日,之後己經唔係好痛,,,,,,,我又冇覺得鬆左喎,,,,況且生bb係要犠牲下,,,,冇理由淨係諗自己.....你講果d其實都係小問題

至於餵人奶,我個囡全人奶,食到兩歲幾,,,,順產係易d既,,,,,,,因為開刀會傷口痛嘛,,,,,,,,其實產後第一次餵,最好係生後一小時內,因為呢個時間bb係最清醒,,,,早d學吸啜會對bb有幫助,,,,,,,同埋吸啜呢個動作係俾信息媽媽身體,,快d造奶,,,,但我都係生完4個鐘,,,姑娘先俾我餵,,,,,因為生完怕我好倦,,,所以餵左一餐奶粉,,,,,,,,但之後我bb一肚餓就我餵,,,,,密密餵之下,,,,好好彩,,,,bb未出院我d奶己夠佢食

我雖然順產,,,但我第3日先落到床,,,,,,,我一落床就見暈,,,,,我諗如果我開刀,都唔知會點
我黎緊7月會生第二胎,,,,,,,都好想可以順產~~

私人傳訊

ta__ta

大宅

積分: 1568

22^#

發表於 11-2-25 22:33 |只看該作者

我揀開刀, 再比我揀都係開刀.
而家做女人比以前幸福, 連點生個b出黎都可以揀. 既然有得揀, 我會揀返個自己覺得最合適的方法.

我覺得開刀有預算d, 冇咁大心理壓力. 我估自己如果揀順產, 作動時會好怕個 b 出唔到黎, 心跳慢左, 胎水變綠 etc. etc. 太多野擔心.

我半麻開刀, 都唔駛30mins 就可以見到bb. 跟住好安心咁瞓一大覺, 第二朝起身就可以去餵奶房見 bb 同餵人奶. (不過我唔夠奶, 只能做到 70% 人奶. 我唔知如果揀順產會唔會做到全人奶)

私人傳訊

sppchocho

男爵府

積分: 9674

23^#

發表於 11-2-25 23:48 |只看該作者

第一胎原本想順產,不過最終唔想催生又有啲心急所以開刀,其實我都復原得ok,開刀於我而言無咩side effect,老實講句快靚正添,不過可以o既下名我都係想順產,其實順產係好自然不過o既事

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

24^#

發表於 11-2-26 02:02 |只看該作者

樓主你咁多個理由都係想去開刀o者, 咁你有bb 時咪去開刀囉, 最緊要係自己覺得ok.

開刀同順產各有優缺點. 我揀順產, 再揀都係順產.

老公要出去滾既, 點都會去滾, 自己衰格時就會有大把理由去醃飾, 賴女人鬆左不如認佢自己老左條j 唔夠硬.

另外, 如果你係唔鍾意小朋友, 你同你它公要計劃清楚, 唔好話"為老公" 而生bb. 有小朋友唔代表冇事業, 不過你性格係唔鍾意湊, 生完你都可能掛住做野唔理個仔咁多 (我朋友係咁事業心太強, 個仔病左自己都唔理, 寧願去做野, 平時會買靚既俾個仔又成日把口話錫個仔, 但個仔既表現show 晒出黎係佢好孤單)... 要你自己湊bb 變左會好辛苦, 做父母果份責任真係唔細, 況且有人包你生左bb 後, 老公對你既支援有幾多 (唔係話你老公唔好, 只係見有好多人生左bb, 個老公依然唔理小朋友又唔幫手做dd 家務等等, 變左個媽媽日夜都要湊bb, 咁好辛苦).... 我有朋友又係唔鍾意生, 老公都超鍾意, 但佢都企硬話唔生.

[ 本帖最後由 bosch 於 11-2-26 02:13 編輯 ]

私人傳訊

ta__ta

大宅

積分: 1568

25^#

發表於 11-2-26 11:12 |只看該作者

我都覺得樓主而家唔係要諗點樣生.
而係自己唔鍾意小朋友, 重應唔應該生 & 生完之後點照顧.

私人傳訊

Wendy1017

子爵府

積分: 10581

15週年勳章親子王國15週年勳章

26^#

發表於 11-2-26 12:02 |只看該作者

我係順產ge, 下一胎都會揀順產：

1. 順產後 gap gap 變大 – 我唔覺得有呢個問題，生完後老公一樣咁愛我，重會成日request。同埋佢陪產時見到我為佢生bb咁辛苦，重更加錫我添，而家成日都主動做家務同幫手臭BB。如果個男人用呢個原因離婚，真係唔使恨，同埋佢唔係真心愛你囉。

2. 怕生仔既痛 – 我都怕痛，但我覺得ok，為左bb同自己身體好，痛都係值得。我同自己講：個個女人都係咁生，人地做到ge我都做到。

3. D人話要有呢個順產過程先會覺得 "做母親既偉大" 之類既說法 – 係！當我見到BB出黎果刻真係超感動！我用自己ge力量生佢出黎，我覺得自己好叻，好有滿足感。

4. 順產好得快 d ? 中醫話開刀會”洩左道氣”，講真好人好者比人劏肚喎，我覺得重恐怖過順產，試諗下一個人比人劏過肚，就算之後點調理，始終會差D。重有成世人流流長，都唔知之後有冇機會做大手術，如果之前已經開過刀，咪會少左quota law. 影響可能唔係幾個月，係成世架。So far 我順產recover 得好快，差唔多1week下面個傷口已經ok了。

5. 順產都會有肚紋 -- 我覺得關遺傳多d, 我3X生都冇咩肚紋(我冇搽過肚紋膏，因為4個月時搽左兩次個肚D皮膚敏感，之後一直冇搽喇)。但我識得有人20頭生，個肚都成個地圖咁。

6. 有人話要經過順產既 "迫壓過程" 先會令小朋友聰明 d? 之前睇過一個產房助產士 ge blog，佢自己都係順產，亦好鼓勵人順產，重好憎d無故叫人開刀ge醫生。佢話觀察過開刀都順產ge BB，順產ge真係反應快d，開刀ge可能佢地出世時跟本唔知自己要出黎，未有準備就咁比人攞左出黎，所以要d時適應law。

[ 本帖最後由 Wendy1017 於 11-2-26 12:04 編輯 ]

私人傳訊

Horace_b

男爵府

積分: 8341

好媽媽勳章

27^#

發表於 11-2-26 12:27 |只看該作者

我都超支持順產, 果種經歷, 係一世難忘. 唔係話開刀既媽媽唔錫BB, 而係自己生過, 就會更感受到同BB既BONDING, 而且有醫學根據係對BB同對媽媽既產後復原會好D.

我都係痛左三日, 醫生建議吊催生藥之後人工穿水再順產, 我知痛幾日果種辛苦係點, 同埋吊催生後果種十級痛係點. 老實講, 我之前都好驚, 不過生完後, 十個有十個媽媽已經立即唔再CARE之前果種痛, 而且會再選擇下次順產, 我黎緊第二個九月會出世, 可以既話我都會再順產. 其實到生果陣, 真正「肉除「針」板上」, 你最終都會生到個B, 唔駛諗咁多.

至於下面鬆既問題, 我生左一件, 我自己同我老公一D都唔覺有呢個情況, 我估以前阿婆果代生十個八個就會.

不過點講都好, 最緊要過到自己, 樓主其實一早已經答晒D答案, 而家大把人開刀, 揀開刀亦無可厚非, 自己安心就得. 我回應, 都係想抒發一下, 同埋見到咁多媽媽支持順產, 多口答幾句者~

私人傳訊

Jessicaj

別墅

積分: 850

好媽媽勳章

28^#

發表於 11-2-26 12:29 |只看該作者

我會揀順產

私人傳訊

幸福謝師奶

珍珠宮

積分: 39685

畀面勳章貢獻勳章環保接龍勳章

29^#

發表於 11-2-26 16:17 |只看該作者

我都好支持順產呀,雖然大痛真係好痛下,不過生時都唔會點痛,剪果下都冇感覺! 阿b 出世果一刻,你聽到佢既喊聲,姑娘仲會拎起個bb 比你睇,叫你攪住佢一陣,果刻真係好warm ga

上到房又可以即刻食野, 坐起度都得.....等幾個鐘後又行得~ 我見隔離床好多媽媽都係開刀 ,佢地見到我都話順產咁好既,生完好似冇生過咁, 相反佢地就2-3日先落得床,又話個肚好痛~

私人傳訊

Lowina

大宅

積分: 2648

30^#

發表於 11-2-26 18:58 |只看該作者

多謝大家分享，而家我想開刀嘅決心已經由90%跌到落60%喇，開始十五十六了。
老公話到真正大肚時再去問醫生意見，睇下我嘅身體狀況再作決定，而家我只好不斷 research 下。
大家放心啦，我已經發現自己點解唔鐘意小朋友喇，其實係同自己與阿媽廿幾年來關係惡劣影響，潛意識害怕自己會變成佢咁嘅阿媽，然後同自己將來嘅仔女都關係惡劣...
而家知道原因後加上老公支持我先開始慢慢接受要生兒育女嘅命運，第一步就係上 BK 做 research, 到我 ready 生仔時一定會好好愛鍚佢，唔會重複我阿媽嘅錯誤架喇！

私人傳訊

Wendy1017

子爵府

積分: 10581

15週年勳章親子王國15週年勳章

31^#

發表於 11-2-26 19:07 |只看該作者

原帖由 Lowina 於 11-2-26 18:58 發表
多謝大家分享，而家我想開刀嘅決心已經由90%跌到落60%喇，開始十五十六了。
老公話到真正大肚時再去問醫生意見，睇下我嘅身體狀況再作決定，而家我只好不斷 research 下。
大家放心啦，我已經發現自己點解唔鐘意小朋友喇，其實係 ...

恭喜你搵到問題所在, 放心啦, 母愛係天性黎, 當你見到bb對住你笑時, 就會好心甜。你重會更加明白做父母ge心腸添, 到時你可能會更了解你媽咪, 同佢ge關係亦會更好。 (我生左bb後, 真係更錫我媽咪)
其實順產都唔係咁可怕, 最緊要有決心, 同自己講：為左bb一定做到。無論你最後選擇順產或開刀, 祝福你生個健康活潑ge bb。

私人傳訊

glorialip

禁止訪問

積分: 3212

好媽媽勳章

32^#

發表於 11-2-26 21:45 |只看該作者

提示: 作者被禁止或刪除內容自動屏蔽

私人傳訊

apple~y

公爵府

積分: 28170

33^#

發表於 11-2-26 21:53 |只看該作者

我原本第一胎都諗住係公立醫院順產
點知最後仔仔無轉頭,頭仔係上面
所以最後就開刀生,生完復完都算快
係第一個星期傷口有些痛,但可以接受到
之後問題不大
所以開刀,順產都要睇好多因素

私人傳訊

ppsfung

伯爵府

積分: 15961

34^#

發表於 11-2-26 22:07 |只看該作者

原來因為你與媽媽關係不好以致你不敢生bb.

放心啦!我和媽媽都感情淡,因佢重男輕女,再加上我自細都不及我細佬咁聰明可愛,引致我媽媽對我諸多不滿...問心嗰句,我自細都覺得我阿媽好煩,我見到佢就驚,見唔到佢反而平靜.... 我初初生咗小朋友時唔敢同佢玩咁多,因我驚佢第日會謙棄我多嘢講煩住佢阻住佢.... 不過小朋友慢慢長大佢feel到我好鍚佢,所以佢都好鍚我好關心我.我個女依家讀P.1,我地好似朋友咁,佢成日想同我傾計.

所以父母和子女感情好不好是在於溝通,體諒和包容,無遺傳成份.... 你可以以你和媽媽的事件作為反面教材,警戒自己唔好再犯同棣錯誤.

我有個朋友,佢和父母感情很差(1年只見2-3次面),因佢父母對佢不好...不過佢因得不到父母的愛而識得珍惜她和個女間的感情,佢個女現在20,但母女感情像知心朋友一樣好.佢話最緊要唔好因為自己係阿媽而以為自己乜都啱晒,要聽仔女意見,有時要當番自己係小朋友咁以佢地的角度去諒解佢,不要只怪佢地無知.

原帖由 Lowina 於 11-2-26 18:58 發表
多謝大家分享，而家我想開刀嘅決心已經由90%跌到落60%喇，開始十五十六了。
老公話到真正大肚時再去問醫生意見，睇下我嘅身體狀況再作決定，而家我只好不斷 research 下。
大家放心啦，我已經發現自己點解唔鐘意小朋友喇，其實係 ...

私人傳訊

小B雞

大宅

積分: 1147

35^#

發表於 11-2-27 13:15 |只看該作者

其實有好多因素的~\
兩樣都有兩樣既好...

我會揀開刀..因為真係唔痛..
之後都唔覺得好痛...
到依家阿B滿月我都唔係好覺自己生過BB...

我本身好信風水命理的,
因為之前睇過好準,所以我好信的
舊年批過, 話我虎年點都會有大手術做,
我聽到,諗到冇諗就BOOK開刀...
我怕自己係生唔出最後要開刀...

至於紋..
我都係21歲,
我妊娠紋勁深..
超過40條橙皮紋/...
但我又唔算係肥左好多..
所以係關自己皮膚同遺傳事的!無得避!
陰功, 我連bikini都未著過就冇呢個機會了..

[img]http://www.baby-gaga.com/]

私人傳訊

Lowina

大宅

積分: 2648

36^#

發表於 11-2-27 15:46 |只看該作者

原帖由 小B雞 於 11-2-27 13:15 發表
至於紋..
我都係21歲,
我妊娠紋勁深..
超過40條橙皮紋/...
但我又唔算係肥左好多..
所以係關自己皮膚同遺傳事的!無得避!
陰功, 我連bikini都未著過就冇呢個機會了.. ...

嘩你 21 歲就生仔好後生啊！

Bikini 就..

私人傳訊

Lowina

大宅

積分: 2648

37^#

發表於 11-2-27 15:55 |只看該作者

原帖由 ppsfung 於 11-2-26 22:07 發表
原來因為你與媽媽關係不好以致你不敢生bb.

放心啦!我和媽媽都感情淡,因佢重男輕女,再加上我自細都不及我細佬咁聰明可愛,引致我媽媽對我諸多不滿...問心嗰句,我自細都覺得我阿媽好煩,我見到佢就驚,見唔到佢反而平靜. ...

多謝你明白我呀，我老公都話應該當我阿媽為反面教材，既然而家知道打打鬧鬧／偏心大細超／唔講道理獨裁者政策係會令子女反感的話，咁我就警惕自己日後唔好咁做喇。

你個女 p1 同你好似朋友咁真係好，佢一定好可愛呢？
諗番起我同阿妹自細就怕左阿媽，印象中我地從來冇同佢 friend 過，自小都係愛死阿爸，成日痴實爸爸，諗落阿媽都幾慘。

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

38^#

發表於 11-2-28 09:44 |只看該作者

原帖由 Lowina 於 11-2-26 18:58 發表
多謝大家分享，而家我想開刀嘅決心已經由90%跌到落60%喇，開始十五十六了。
老公話到真正大肚時再去問醫生意見，睇下我嘅身體狀況再作決定，而家我只好不斷 research 下。
大家放心啦，我已經發現自己點解唔鐘意小朋友喇，其實係 ...

你知道唔想生既原因, 可以作為反面教材. 不過終歸都要睇你既性格囉...

你老公係外國人, 佢可能會主張你去試下順產多d? 你而家係咪響澳洲住? 澳洲果邊唔知點, 我住歐洲, 除非係有問題在先, 否則大部份case 係要先試順產, 唔掂至開刀, 去聽醫院講座亦冇提到開刀生bb 既野. 可能大家冇得揀之下, 個個女人都唔會自己話要去開刀, 亦對陀10個月bb 照得2-3次u/s 係冇問題. 有時侯, 冇自由有冇自由既好, 至少唔會令自己咁迷惘.

私人傳訊