PS: 分享部分照片, 因BK唔俾POST LINK,
如需要BLOG LINK 參考更多內容, 可直接PM告之
(留言要LINK的一律不會回覆, 因為純分享資訊, 唔想俾版主封帖呀!) ~~~
UPDATE:
8月份周日入住情況: CLICK # 223 & # 224
~~ 租房網址 ~~
CTRIP, www.hotelmr.com, 淘寶, 永東, 美麗華等地方找過同一日入住的池畔房價錢, (周末純房RMB1700),
有家庭套票, 但唔同網價錢有微微偏差, 要自行格價!
淨房剛問過朋友, 搵香港辦事處訂都唔會好貴, 可以打去問下!!
我地BOOK 池畔親水房, 一張大床6*6尺, 旁邊有張「貴妃椅」, 結果細女就訓「貴妃椅」, 剛剛好好似小朋友床咁! 我兩公婆加大女就訓大床, 無咁迫~~~
親水房無雙床房, 一家四口入住亦唔洗加錢, 好似無BB床可以加.....
BOOK左8人座架 (皇崗-三正半山酒店 - RMB250/程, 車程50分鐘)
呢間包車公司用左幾次, 可靠又方便 (因為可以用QQ溝通, 最近佢加左WHATSAPP)
WEBSITE: http://www.517free.cn/
網站有WHATSAPP / QQ號 / 電話可以查詢
如果深圳灣口岸就RMB300/程, 車程60-70分鐘
其實建議大家要看看邊個關口方便~
好似屯門元朗天水圍, 去深圳灣口岸15-20分鐘, 車費又平, 如果坐小巴去皇崗(屯門), 仲要俾黃巴錢 ($8/位大小同價), 實則價錢同平左o個RMB50 係差不多, 但時間都O係返度啦!!!
另一個司機係BK大熱既, 上年收RMB180, 加到今年RMB220, 3日前問佢都係RMB220, 點知3日後諗住confirm (同一地點上車) 竟然加到RMB300, 仲要話全行都要呢個價錢先去到, 既然咁唔憂做, 都唔會搵佢囉, 免得當日上車時又坐地起價!! 
~~ 池畔親水房 (POOL-ACCESS) ~~
今次獲安排住C2136房,
最近"兒童設施"係B區,
C區就遠少少, O係水行2分鐘都行到去!
朋友住A區, 再遠少少, 但O個邊就靜O的囉!
房間冷氣係「自動感應」, 如果你開左露台門, 佢就會熄冷氣, 要關實個露台門先會著返冷氣, 唔怕冷親又環保o的, 不過朋友間房個感應夜晚壞左, 冷氣唔著, 最後搞左好耐先著得返, 無陰功呀!!!!
~~ 水上設施 ~~
第一日check-in左就玩水, 淨係o係室外玩~~
兒童水上樂園話大唔大話細唔細 (官網用左廣角鏡好似好大, 其實唔係), 但夠曬小朋友玩! 我地星期六入住人算多但唔迫, 小朋友都無話多人到有危險~~ 但入面既水滑梯有幾條都壞左無開, 我地小朋友細, 就無咩所謂...
附近有個小賣亭, 有香腸, 飲品, 好似rmb10左右, 玩到餓可以買少少當下午茶~ 我地準備左零食就返房攞, 然後坐埋一邊食完再玩過!
"水上樂園"有個位有條長既水滑梯 (黃色), 可以由半山房sir落黎玩, 小朋友勁鍾意, 但旺時會排長龍, 等好耐~~~ (玩左幾次人開始多, 等10分鐘都滑唔到一次就叫小朋友唔好再玩咯!)
沿住「漂流河」會去到人造沙灘 (大約O係水慢行10分鐘左右), 人造沙灘普通大細, 但小朋友見到泳池忽然有個沙灘就好興奮! 呢度既水深去到1.6米, 要留意!! 然後又會再淺返水... 所謂既無邊際泳池, 其實少少流, 都係望下山望下湖咁, 一O的都唔寫意, 下午時間仲幾熱, 因為西斜!!!
~~ 午餐 + 晚餐 ~~
午餐O係中菜廳食, 6月尾去時用AE / BOC信用咭有9折, 聞說上年有JM話o的野又貴又難食, 但今次去, 有驚喜!
我地淨係叫炒粉粉同埋包點, 埋單9折左人均RMB65左右,
味道唔算好差, 正正常常, 份量都好OK, 唔會"酒店份量偏小"
晚餐o係酒店call車出左去市中心食, 司機介紹帶路去左間食「湘菜」既餐廳, 真係大件夾抵食! 叫左1x個小菜同炒粉麵, 人均消費RMB60!!! 平到笑~~~
夜晚返到房有水果送左入房, 食埋飯後果就可以訓咯!
~~ 酒店包車出市中心 ~~
去到前檯同酒店職員講想call車出去食飯, 佢地會安排,
可以call5人車 (rmb30/程), 或call 8人車 (rmb60/程),
見到司機問佢攞電話或者咭片, 食完飯行完街可以call返佢接返你, 價錢一樣!
我地call左2架8人車, 司機直情o係飯店門口等我地食完再車我地返酒店~~
第二日活動: 自助早餐 + 室內泳池 + 遊戲室 + 包車返關口 ----
PS: 分享部分照片, 因BK唔俾POST LINK,
如需要BLOG LINK 參考更多內容, 可直接PM告之
(留言要LINK的一律不會回覆, 因為純分享資訊, 唔想俾版主封帖呀!) ~~~
發表於 
謝謝! 我今個星期去。
玩得開心O的呀!
返回列表
