吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 女兒唔返學又憂鬱症

少年成長今日: 0|主題: 16011

收藏本版

回覆發帖

返回列表

跳至頁

查看: 81999 | 回覆: 28

女兒唔返學又憂鬱症 [複製鏈接]

eilwong555

複式洋房

積分: 264

1^#

發表於 24-9-28 17:00 |只看該作者 |倒序瀏覽 |打印

各位媽媽
個女今年讀中三，·成日唔想返學，話返學好辛苦好有壓力，已有社工跟成年了，佢有憂鬱病，個人好自我，一唔開心又介手，又成日沉迷手機，成日人好廢，又唔願起床，又成日唔理人唔溝通，
可以点算，我好大壓力，唔知点溝通，有無D家長仔女係咁? 教到我好沮喪了。

希望找到同行嘅人找点支持~

0 0 0

私人傳訊回覆引用

yiszwa

大宅

積分: 4477

2^#

發表於 24-9-29 08:50 |只看該作者

係咪細個嗰陣係工人湊?

私人傳訊回覆引用

PTMCYS

子爵府

積分: 13686

3^#

發表於 24-9-30 11:30 |只看該作者

本帖最後由 PTMCYS 於 24-9-30 13:14 編輯

eilwong555 發表於 24-9-28 17:00
各位媽媽
個女今年讀中三，·成日唔想返學，話返學好辛苦好有壓力，已有社工跟成年了，佢有憂鬱病，個人好 ...

你好, 我嘗試分享一下, 看看能否幫到尋找一些方向 :

成日唔想返學，話返學好辛苦好有壓力 --> 唔想返學都有很多原因, 嘗試了解一下, 我仔之前無心機讀, 想放棄, 但他都說喜歡學校, 他說唔知讀黎為咩, 好大壓力(即使我有跟他解釋, 但未開竅就係唔明白), 話老師教得唔好等. 所以要知究竟她是否本來已不喜歡這學校, 又或同學欺凌, 夾不到老師的教法等, 要找出原因後再按每個原因中, 看看怎樣幫她.

佢有憂鬱病 --> 當初是因為什麼原因導致, 讀書壓力太大? 朋輩原因? 甩拖?

一唔開心又介手 --> 一般出現這個習慣, 好多時因為受太大打擊而覺得自己no body, 沉痛, 覺得自己蠢, 最多因為感情問題導致; 如果 Hea 住做人正常都唔會有這過個習慣, 除非壓力大到崩潰, 咁她的壓力又為何這麼大呢.

又成日唔理人唔溝通 --> 我仔一樣, 他們有抗拒, 所以好敏感, 真/扮黑面唔想你理她, 我們要盡量擴大話題, 表現輕鬆幽默, 投其所好, 降低目標, 提升他們自信, 帶她去一些她喜歡的地方, 把她的視線帶遠些, 打機唔可以一下子戒或減的. 當然說出來容易, 要他們有正面的反應好難, 但唔好放棄, 要堅持對她表現出有無條件的愛和關心, 她會聽在心, 幾年後她會長大和成熟, 慢慢會明白和開竅的, 繼續讀到書就最好, 讀唔到都要正面做人, 要對自己及家人負責任; 盡量唔好有激烈吵架影響關係, 維持溝通和信任, 如果他們的行為不對, 堅定的說一聲(提一聲)就行, 唔好說出太負面的說話, 如果唔係大事大非, 其他事情都只是次要; 因為當他們開竅後, 會自己發力追的, 當然也會有人一世都不開竅, 但怎樣也好, 吵架和自己都沉在負面上, 不是一個解決的好辦法.

個女今年讀中三 --> 如果可以, 把自己和她的目標降為完成中學, 甚至只能夠升班及唔好最尾個幾個為目標, 她提出的問題看看怎樣幫她處理, 功課上追不上就找補習老師幫她(如果自己教太認真及有太火花就交比人教), 即使只感覺補習老師只幫她做功課, 最緊要既過到關又不致於給她太大壓力, 看看能否關關難過關關過, 如果捱到高中或中六, 他們會再成熟點, 即使再升不到學都多一些技能的科目選擇

點評

hksarhksar

發表於 24-11-9 08:05

私人傳訊回覆引用

Adrio77

男爵府

積分: 9434

4^#

發表於 24-9-30 15:07 |只看該作者

回覆 yiszwa 的帖子

找社工幫手，可見教育心理專家

私人傳訊回覆引用

eilwong555

複式洋房

積分: 264

5^#

發表於 24-9-30 21:26 |只看該作者

回覆 PTMCYS 的帖子

PTMCYS
非常多謝你的意見!
尋日收到學校通知，阿女在學校介手，今日下午見班主任社工同訓道，學校建議阿女10月返下午，因為佢好多時食咗抗抑鬱藥，起床難，又驚恐返學，拖到好晏先返，學校索性減輕佢壓力，10月返下午。我地都好唔想佢再介手，咁樣傷害自己，我同老師都心痛。我同爸爸都有同阿女講，真心唔想見到佢摧殘自己。

而且我已降低目標，希望佢情緒健康為先，為有找出面私家精神科及心理學校再跟進，因為我覺得政府精神科幫唔到阿女，我信天主，依家成日祈禱，希望天主感動佢，令佢明白我地爱佢，希望佢人生有盼望，唔好成日咁灰~

私人傳訊回覆引用

Cat7135

別墅

積分: 955

6^#

發表於 24-10-1 16:27 |只看該作者

政府個D精神科OR學校社工幫助有限
在學校介手-->MAYBE係釋出signal係學校好痛苦,要抽絲剝繭了解成因.
自傷行為好難一下子就解決,你可以做到既就只有接受佢暫時會有呢種行為,如何阻止OR減輕傷害,就睇你地點處理面對。
呢個moment要令呀女相信你地會接受佢不堪既一面,陪佢一齊喊都可以架(抒發情緒)

私人傳訊回覆引用

PTMCYS

子爵府

積分: 13686

7^#

發表於 24-10-1 18:04 |只看該作者

本帖最後由 PTMCYS 於 24-10-2 14:12 編輯

eilwong555 發表於 24-9-30 21:26
回覆 PTMCYS 的帖子

不用多謝，希望幫到你。

學校索性減輕佢壓力，10月返下午 --> 感覺上學校對她都不錯喎, 但八掛一下, 學校是全日制的嗎? 如全日制只返下午未好多科/堂都上唔到, 還是有特別安排呢?

唔想佢再介手，咁樣傷害自己 --> 少少題外話, 早幾日係街, 見到有一家四口的年輕家庭迎面行過, 見到做太太的胸前孭住個BB, 有一隻手紋了身, 紋身標誌下有幾條介手的疤痕, 老公在旁都拖住一件, 第一個感覺好痛, 第二個感覺"何必呢?", 現在看似她有一個很好的家庭, 我見到介手的人, 總是想跟她們說 : 要保護自己的身體來留給現在及將來愛錫你的人, 而唔係為了一些不值得的事和人來傷害身體, 只要放得低, 唔好既事情一定會過去的.....

而且我已降低目標 --> 無咩重要過一家人齊齊整整和健康, 小朋友都有她們的天命, 如果跌倒走不上去, 一定先治療好, 唔洗同人地比較, 也不用跟人交代, 先把她帶向正面走.

令佢明白我地爱佢 --> 令她感受到愛, 但都唔好比佢覺得是你們的焦點, 讓她減輕壓力, 父母要留意她但也要自己放鬆, 見到好的失敗例子或自己失敗了/做錯了事, 可在她面前笑笑口說, 唔緊要, 衰左咪衰左, 怕咩...都盡了力, 之類, 讓她也向你學習處理失敗.

加油

私人傳訊回覆引用

yiszwa

大宅

積分: 4477

8^#

發表於 24-10-1 18:58 |只看該作者

回覆 Adrio77 的帖子

你回覆我做乜? 唔係我個女有問題

私人傳訊回覆引用

卡卡娜

大宅

積分: 2718

9^#

發表於 24-10-1 21:51 |只看該作者

我認為先醫好抑鬱症先，多數抑鬱藥食左真的會好眼瞓，有時藥效係可以由朝訓到天黑個種，或者嘗試同佢去下長旅行都有幫助抑鬱症

私人傳訊回覆引用

Adrio77

男爵府

積分: 9434

10^#

發表於 24-10-2 09:25 |只看該作者

回覆 eilwong555 的帖子

見倒你說的裝况真也心痛。我老闆女兒之前也-樣。国際当校，兩公婆也放了半年假，倍住女兒。爸媽才是她最好屏障。有学校作特別安排，復錯了另-位是抱歉。香港学生壓力來源，你可参加賽馬会有抗壓溝通zoom痤，直要兩个人-起實驗.

私人傳訊回覆引用

kaman06

男爵府

積分: 7144

11^#

發表於 24-10-2 10:19 |只看該作者

本帖最後由 kaman06 於 24-10-2 10:22 編輯

eilwong555 發表於 24-9-30 21:26
回覆 PTMCYS 的帖子

我覺得要揾社工同心理學家係你同c6，唔係阿女。可能有d難聽，但係點解阿女會突然變成咁？如果係，有咩原因呢？定係一直都有問題，只係某件事引爆左？

當然，我哋習慣邊度有問題就解決邊度，正如頭痛醫頭，腳痛醫腳，絕大部分仔女問題都係家庭問題，我見唔少家長自己講粗口，就話小朋友講粗口，又或者會唔會一直大家關係唔好，所以有問題都無溝通？
我希望你哋可以由你哋身份開始先，做好自己，亦解決自己問題，亦有朋友因自己原生家庭問題，所以對待小朋友出錯，一個成熟成人檢視左自己先，當睇完自己後，再了解返小朋友問題

私人傳訊回覆引用

枝枝

大宅

積分: 3550

12^#

發表於 24-10-7 14:52 |只看該作者

本帖最後由枝枝於 24-10-7 14:53 編輯

eilwong555 發表於 24-9-28 17:00
各位媽媽
個女今年讀中三，·成日唔想返學，話返學好辛苦好有壓力，已有社工跟成年了，佢有憂鬱病，個人好 ...

我此刻也感到沮喪，所以你並不是孤軍作戰，加油! 我也信天父上帝，故我會為你們祈禱!

我囡也是中三，近半年她也開始意識到自己情緒有點不妥，(當然學校一年前做過的調查已發現，而我只能陪伴在她身邊，盡量開解、忍耐和包容)。經過她堅定的提出，昨天我終於和她找專家幫忙，最後醫生開了血清素給她，先試一星期。我也擔心她不適應，會放棄。放棄咗又可以點樣繼續行呢? 實在非常忐忑不安

知道你囡的情況，真的很心痛，幸好你和丈夫都接受她，支持她，同時，學校也作出相應的配合，只要繼續唔放棄讓阿囡接受身心靈的治療，相信阿囡終有一天能被天父醫治，從抑鬱中走出來...而你也要保重，好好照顧自己，才能有心力去照顧家人，共勉之

私人傳訊回覆引用

eilwong555

複式洋房

積分: 264

13^#

發表於 24-10-9 21:59 |只看該作者

枝枝:

多謝你呢位同路人代禱告。我看到我女兒的情况，有時都好鬱結，成日問我自己，係咪自己管教方式令佢變成咁，好自責，而家由社工轉介，做緊家庭治療，專家發覺阿女同我之問溝通有問题，發覺自己情緒低落，我希望上主為我找到出路~

佢而家返下午學(由全日轉返下午)，學校盡量比少D功課佢，而佢似乎唔咁關心D學業，唔想理，無計，佢情緒病處理為先，為有一步一步咁行。

希望找到好私家精神科醫生，轉下藥，盼望幫到佢，我地父母要同佢一齊行，希望上主幫助我地~真心想阿女有快樂人生。

私人傳訊回覆引用

枝枝

大宅

積分: 3550

14^#

發表於 24-10-10 16:17 |只看該作者

本帖最後由枝枝於 24-10-10 17:16 編輯

eilwong555 發表於 24-10-9 21:59
枝枝:

多謝你呢位同路人代禱告。我看到我女兒的情况，有時都好鬱結，成日問我自己，係咪自己管教方式令佢 ...

家家有本難唸的經

我們的成長何嘗沒有傷痕? 求主親自醫治我們!

況且我們應該忘記背後，努力面前，你們嘗試接受家庭治療，非常好呀

阿囡的前路，真係要你陪著她一步一步慢慢走出來的，要記著「你若能信，在信的人，凡事都能」...共勉之

我個私家醫生係個成熟男人，上次佢試過聽唔明阿囡d潮語，阿囡當時都反咗下眼，但我暫時又唔想咁快轉，亦唔想出市區睇(我們住新界)，求主讓你可以找到合適的醫生。繼續代禱記念!

私人傳訊回覆引用

hksarhksar

侯爵府

積分: 22062

15^#

發表於 24-11-9 08:13 |只看該作者

eilwong555 發表於 24-10-9 21:59
枝枝:

多謝你呢位同路人代禱告。我看到我女兒的情况，有時都好鬱結，成日問我自己，係咪自己管教方式令佢 ...

私家未必好，好多醫生同是生意人，反而在醫院有心理學家，社康護士，治療師，更有幫助。
青年新領域，在沙田，專幫青年康復者，亦有分區精神病社區中心，都可個別社工跟進，但如想一星期見一次輔導，就找私家輔導員

私人傳訊回覆引用

Augesttime

大宅

積分: 2228

16^#

發表於 24-11-18 17:18 |只看該作者

eilwong555 發表於 24-10-9 21:59
枝枝:

多謝你呢位同路人代禱告。我看到我女兒的情况，有時都好鬱結，成日問我自己，係咪自己管教方式令佢 ...

樓主，你講的家庭治療是自己搵，還是轉介？你們3個也去？還是你和老公先去？

我家也遇到相同問題，也是14 15歲開始爆發，完全變另一個人兼極不尊重我們，唔想返學唔讀書，態度惡劣。有睇精神科都無用。

私人傳訊回覆引用

0f7ac960e77342

大宅

積分: 1844

17^#

發表於 24-12-19 00:54 |只看該作者

佢有無咩興趣

私人傳訊回覆引用

poonsun

翡翠宮

積分: 86410

2025勳章 2025勳章蛇年勳章 2024年龍年勳章減齡達人勳章開心吸收勳章認識瑞士牛牛第一回陪月勳章

18^#

發表於 25-1-10 11:51 |只看該作者

同路人路過，共勉之！

私人傳訊回覆引用

ddyy

大宅

積分: 1744

19^#

發表於 25-1-11 19:36 |只看該作者

同路人，我個女都係中三左右情緒大爆發，在校在家爆喊，同佢講什麼都不願聽，行行街會突然發脾氣走左，有試過界手，半夜起身喊等等，個一年真係好難過。當時已即與學校社工溝通，亦找了私家食藥加睇私家心理醫生，之後申請停學一年，停學後有返回學校，學校特別安排細心班主任跟進，之後大致順利，雖現仍要食藥，但情緒穩定很多，現已入讀大學繼續讀書。

回頭看，真係可講苦盡甘來，首先，你同你老公要互相扶持，要有極大的耐性，他們可以完成無理由發脾，用難聽說話傷害你們，話你們不明白他們，雖然你們已經就晒他們，所以，極強烈說明這是家長同小朋友長期鬥爭，兩夫妻要互相體諒開解，當忍無可忍時，記住記住不要講晦氣說話，她的反應後果，你們是承擔不起，由愛人應付她，不要她未倒，你們先倒下。

同她們相處時有耐性細心，不時早、午、晚攬下她，錫下她，用行動告知你們很在乎她，當她自我嫌棄時，要不繼鼓勵她，我阿女話最記得我講句就係：「媽咪，爹地知你現不小心跌左深坑，很傍徨，不過不要緊，我同爹地已經落黎陪住你，你只要伸隻手拖住我地，我地就會拉你上去」，意思大約這些，總之用說話鼓勵她，讓她知道無論她變成點，你們都支持她。

而停學期間，幫她補她有興趣的班學下，當時，阿女學左法文，又獨自去了英國兩個月讀外語團，讓她見識世界，擴闊眼光。

文章太長了，

如你有問題，可聯系我，曾經我行既路，希望能幫到你。