問題係7年後返去香港，你仲有冇屋住？會唔會要搵工定會退休？
我細佬好多年前移民時只有17歲，過到嚟美國讀大學，最初移民前同後佢都話畢業後會返香港，幾年後到佢畢業，佢反而唔想返去，佢話喺呢度搵到工，OT有人工，放假揸車去玩兩三日都好多選擇，唔駛下下搭飛機，而且慣咗美國節奏比香港慢，好多工都可以有work life balance，星期六日放假就係放假，最後佢都冇回流。
我嚟咗廿年有多，一來家已經喺呢度，二來好多生活配套嘢慣咗，返到香港反而唔太習慣。我老公係本地土生土長，冇可能同我返香港住，所以回流對我嚟講係唔會發生。
花旗太太生活在花旗國，留意時差，你問我未必即時答到。
發表於 
返回列表
