少年成長今日: 2|主題: 16076

收藏本版

回覆發帖

返回列表

跳至頁

查看: 2797 | 回覆: 1

共同興趣 [複製鏈接]

csir3290

子爵府

積分: 12352

1^#

發表於 25-12-14 11:55 |只看該作者 |倒序瀏覽 |打印

琴晚又同阿仔一齊坐喺度睇波，一路睇波一路都好多嘢講。所以我成日都講要同啲仔女維持住良好嘅溝通關係最緊要就係要同佢哋配藥相同嘅興趣。有陣時家長可能會混淆咗自己嘅角色，覺得家長就係要教導細路仔，所以好多時說話嘅時候都含有好多批判嘅成分，例如要話畀佢哋聽乜嘢係啱乜嘢係錯，乜嘢可以做乜嘢唔可以做。但係當細路仔一路長大嘅時候，佢哋有自己嘅睇法難免對父母嘅批判會有抗拒。自然磨擦就會增加。我自己就覺得父母除咗係一個教導者之外更重要嘅就係一個陪伴者嘅角色，即係陪伴細路仔一路成長，要陪伴住細路仔成長就要維持同佢哋有一個緊密嘅關係，都維持同佢哋有一個緊買關係其中學覺得好重要嘅就係能夠同佢哋有共同嘅話題。好似阿仔而家已經中學功課越嚟越忙我自己亦都要工作好多時都係各自喺屋企做嘢，但係大家都會抽時間一齊睇下波透過睇波大家嘅話題自然就會多咗。要培養大家嘅關係最重要係大家乜嘢都要傾，重點唔係傾啲乜嘢，我自己覺得最重要反而係要成日傾啲無謂嘢，家長要學識同仔女傾無謂嘢乜嘢都講，例如成家人坐埋一齊食飯嘅時候再大家傾無謂嘢嘅時間。另外就係要同仔女搵到共同嘅話題，好似我同阿仔一齊睇波咁唔需要諗啲乜嘢自自然現在會有好多嘢傾，除咗睇波之外我同阿仔都鍾意砌模型又係另外一個可以傾好多嘢嘅話題。止於阿女方面雖然佢唔睇波，但係佢就鍾意同我哋一齊睇電影所以透過睇戲大家亦都可以有唔同嘅話題去傾。另外我覺得父母都要學下睇下佢哋而家時興嘅社交媒體，講真我哋呢個年紀嘅父母就算係想社交平台通常都只係facebook，但係而家呢一代嘅後生仔其實已經唔再睇facebook，連ig都開始有啲落後，所以又要學下睇下Thread，起碼知道下而家熱門嘅話題有多啲嘢可以同佢哋傾。總之要同仔女保持一個良好嘅掛好通關係父母就唔可以吝嗇時間亦都唔好下下諗住要有乜嘢話題先至特別去傾，總之越傾得多無謂嘢大家嘅關係就會越緊密！