少年成長今日: 7|主題: 16081

收藏本版

回覆發帖

返回列表

跳至頁

查看: 1130 | 回覆: 0

節日儀式感 [複製鏈接]

csir3290

子爵府

積分: 12371

1^#

發表於 3 天前 |只看該作者 |倒序瀏覽 |打印

啱啱過咗聖誕就嚟又除夕新年，咁多假期當然要諗下同啲細路去邊度玩呀！啲過節儀式感即刻返曬出嚟！我之前都講過我老婆係一個冇乜儀式感嘅人，所以拍拖同結婚初期乜嘢生日，週年紀念，結婚紀念等等，其實都冇乜特別慶祝，但係自從有咗對仔女之後，慢慢開始覺得啲儀式感應該要返返曬出嚟！即係要諗下點樣過生日，點樣過節點樣過啲週年紀念日等！講嚟講去其實都係想搵啲機會多啲同啲仔女一齊慶祝。
可能有啲人會覺得日日都見住啲仔女，需唔需要特登搵啲藉口同佢哋一齊慶祝呢？但係我自己就覺得好多嘢都係生活習慣，當仔女一路長大嘅時候，可能有啲父母都會發覺仔女越嚟越少跟自己出街，但係如果父母趁仔女仲細，仲肯跟自己一齊出去慶祝嘅時候，早啲同佢哋安排呢啲儀式感嘅嘢，等佢哋成為生活習慣，慢慢到佢哋一路長大，其實自自然然去到呢啲特別嘅日子都會全家一齊慶祝！如果到仔女開始長大，先至發覺少咗機會同佢哋溝通，然之後又想去到呢啲日子同佢哋一齊慶祝嘅話，到時先至要擔心仔女會唔會得閒，或者會唔會想同自己一齊，出聲又好似唔係幾好意思咁！與其係咁不如早啲開始，由仔女細個開始，做父母就花多啲心思同佢哋製造多啲儀式感，就算簡簡單單逢過時過節，週年紀念日或者乜嘢慶祝都好，出街食餐飯都係一個藉口，到習慣咗之後，過時過節嘅時候大家就唔使出聲自自然然就會全家人一齊去慶祝！呢啲都係父母要花嘅心思，亦都係要趁仔女仲細個嘅時候盡早開始做，咁先至可以成為生活習慣！細個同仔女唔重視呢啲儀式感，咁自自然然到啲仔女大個亦都唔會重視呢啲儀式感，所以我而家都好記得㗎！逢過時過節乜嘢慶祝乜嘢週年紀念，全部到時到候我就會同老婆講點樣慶祝同去邊度慶祝！希望到啲仔女將來再大啲，有自己嘅能力嘅時候，佢哋會調返轉頭問我哋想點樣慶祝啦！