少年成長今日: 3|主題: 16128

收藏本版

回覆發帖

返回列表

跳至頁

查看: 21779 | 回覆: 1

續談高中選科策略 [複製鏈接]

csir3290

子爵府

積分: 12764

1^#

發表於 26-2-1 13:10 |只看該作者 |倒序瀏覽 |打印

上次講咗利用「選科策略表」選科嘅時候，最易揀科嘅情況，即係能力高又有興趣嘅科目多過三科，又或者係全部嘅科目都係能力唔高嘅情況之下選科嘅策略。但係相對比較麻煩嘅情況係如果㨂三個選科，喺個表入面只能夠揀到一科能力相對比較高又有興趣，咁淨低嗰兩個點揀呢，咁我就覺得揀能力相對比較好啲嘅科目先，就算唔合格嘅都有好啲同冇咁好嘅科目，因為始終香港都係考試主導，你幾有興趣但係應付唔到考試，始終都係影響咗出路。如果科科能力都差唔多，咁就跟住係邊科興趣大啲咁樣去揀，最後如果科科都冇興趣又能力唔高嘅，咁就唯有睇埋出路，呢個出路當然唔係只睇將來搵幾多錢嘅出路，而係可以再升學揀到嘅出路。

另外，有啲學校仲會再細分啲，即係話第一個選科只可以有邊幾科嘅選擇，而第二個選科又只可以由邊幾科嘅選擇，咁樣去組合揀科，如果係咁樣嘅話，就要每一個組合嘅科目用頭先嘅方法分開能力、興趣同出路先分析咗，然之後再從中去選擇。

其實我覺得出路都重要，但係講到尾都係要個細路仔先能夠應付到嗰科，同埋有冇興趣去讀先至係最重要，因為就算嗰科出路幾好都好，佢都要有能力有興趣入到嗰科先至可以選擇，所以有啲家長成日話叫啲仔女讀醫、讀法律、讀工程以為出路好好，搵好多錢，但係其實講到尾如果唔考慮自己細路仔嘅能力同興趣，根本就係不切實際嘅諗法。另外，講到出路，做家長唔可以只係齋講，而係真係要去搵資料，因為對冇乜方向嘅細路嚟講，其實呢一個因素佢哋反而係最唔清楚嘅，如果家長真係想重旁協助仔女選科，反而呢個因素係最需要家長幫忙同佢哋一齊搵資料。

如果家長真係想從旁協助仔女選科，亦都緊張仔女選科，唔好淨係得把聲又或者只係身邊不停依依哦哦，反而試下有系統啲同仔女分析，咁樣得出嚟嘅結果可能大家都會滿意，而仔女亦都感覺到家長真正了解同埋幫助自己。如果仔女讀中三，剛剛考完期中試，好開始同仔女慢慢傾下，亦都要留心下佢哋嘅成績同興趣，咁親子之間先至真正做到有得傾有得商量，將來揀錯科嘅機會都會大大降低。