心聲留言 今日: 0|主題: 17546

【前言：點解要寫呢封信？】

面對至親離世，通常身邊既人都會叫我地「節哀順變」、「要 Move on」，但100 個入面有 100 個都只係將思念同遺憾收埋係心底，未必能真正Move on。

一個主要原因係，雖然佢既肉體已經離開左，但以前相處入面積落左好多野，仲等緊我地去做、去表達、去完成。

例如：
• 我地做錯事，想向佢道歉但已經無機會講；
• 佢做錯事，令我地受傷，但我地仲未原諒到（甚至會嬲佢點解咁早走，丟低我地）；
• 佢幫助過我地，而我地好感激，想再好好同佢講次多謝；
• 我地仲有好多心底話想講，而呢D事就仲未去做；
• 過去有好多未能實現既願望（例如想同佢去旅行、想佢見證我就業/結婚），但隨住佢既離開，呢D願望變成左永久既遺憾；
• 相處之中亦產生好多感受，仲屈係我地個心度，例如開心、傷心、無奈、焦慮、後悔、憤怒、懷念... 呢D感覺未好好咁一樣一樣梳理同表達俾佢知。

所以，我地就要去「完成」番呢段關係入面要做既野。
係已經無辦法同佢面對面坦誠對話既大前提下，我地透過寫呢封信：

• 將這段關係入面未道既歉道左佢；
• 未原諒既原諒左佢；
• 未多謝既多謝番對方；
• 未鬧既（如果有怨氣）鬧番出黎；
• 未讚既讚番對方；
• 將未能改變既遺憾、未能實現既願望/期待，同埋谷係心度既感受，講番哂俾天上面既佢知道。。。

當一段關係入面要講/要做既野做左，要表達既感受表達左，呢段關係入面我地無野需要再去完成、再去表達，就可以話我地已**「完成」**哂所有事情。
只有咁樣，我地先可以同以往既不愉快經歷、遺憾、未能完成既事、未能實現既將來… 正式道別。

準備一支筆，找一個能獨處的空間，寫一封給天上他/她的信，按順序完成以下幾件事(可隨意加減；請注意：內容越具體越好，例如不要只寫『對不起』，要寫『對不起，那一晚我...』。)：

• 道歉：為你做錯、後悔或未盡責的事，說出「對不起」。
• 遺憾(Hope for a better and different past)：承認那些讓你感到「如果當初…」或「我多麼希望…」的時刻。
• 原諒與釋懷：對他/她曾讓你受傷的事，選擇「我原諒」或「我還需要時間」。這裡的原諒，意味著(1.放棄希望擁有一個不同及更好的過去，2.你不必彌補你對我的傷害及3.我不必因你傷害我而傷害你)
• 未能實現的願望(Lost hopes, dreams and expectations)：對你們曾共同憧憬但未能到達的未來，正式說再見。
• 彙報與承諾：跟他說說你最近的樣子，並承諾「我會好好生活」。
• 愛與感謝：告訴他/她「謝謝你」和「我永遠記得…」。
  

寫完後，請找一個信任的人（或對著空氣），大聲將這封信讀出來；或者send俾AI, 叫佢做聆聽者唔好俾意見。

詳細可以看後文（後文的分類會更仔細），但只看這篇前言，已經足夠你完成這場重要的告別。

現在，你可以開始了。稱呼他/她的名字，寫下第一句：「我一直想告訴你…」。

咁樣，我地先可能帶住完整既愛，真正釋懷，繼續好好生活落去。