本帖最後由 my005 於 26-2-12 20:09 編輯
奇蹟﹗
我早排認識左一個朋友又係有奇蹟發生於佢姐身上。
不過詳細情形等我問得再清楚啲先。
總之，佢姐當年3X歲美國放工時，坐公司車撞車，頸部以下全癱，响美國醫左幾年都唔得，佢家姐講笑咁話佢自己名副其實係死剩把口，因為得把口郁得講得。
有次，坐的士去醫院途中，遇到個同鄉，大家本唔識架，他鄉遇故知咁，的士司機見佢咁既情形，介紹左一個內地赤腳醫生俾佢，問佢敢唔敢試﹗
俾左咭片佢，咁佢老公打長途電話同嗰個所謂醫生傾過，醫生話若病者黎內地，叫佢預30萬人仔醫藥費，當年係2000年。朋友家姐當年收左保險賠償，等於150萬港幣。(我記錯左，更正：係賠左150萬美金。)
我朋友當時响香港既，咁佢就做先頭部隊，去睇下嗰個係咩醫生，有無呃人？按地部去到，佢話當日清楚係落微雨天黎，見嗰個所謂既醫生，竟然係著住簑衣，種緊田。
咁佢二話不說，就即返香港，打電話俾佢家姐姐夫，話咁咁咁情形，邊有醫生係咁啫，九成黃綠黎，叫姐夫唔好帶家姐返內地醫，呃左錢都唔緊要，要佢家姐咁折騰，若醫壞左，就慘喇。
唔知當初的士司機同過佢姐夫家姐講過咩野啦，佢姐夫堅持要用30萬去試。我朋友亦用30萬同佢賭，話個醫生一定係呃人，唔會醫好佢家姐。美國醫學咁昌明醫左幾年都無法令佢家姐郁返多啲，一個咁既非正式醫生，無証書無剩會醫得好？咁好醫術又會無咩人知？ 咁得閒耕田？
佢姐夫家姐仍堅持去試，佢地話咩都試過醫過，都無結果，使呢30萬就係佢地既希望。
最後，都有返內地。
又真係唔到我朋友唔信，結果唔使一年，佢家姐行得走得。而個醫生當初估計要30萬醫，但結果結算係用左15萬，無收多佢錢。
佢地返到美國，同醫開佢幾年成左朋友咁既醫生見面，連個醫生都唔信，話係奇蹟、神蹟﹗﹗﹗
我知道後，梗係即刻問醫生名、地址啦，朋友話佢家姐之後一年送左一面錦旗俾佢，見都有幾個人送左錦旗掛响度，再之後幾年亦有回鄉探佢，至201X年，醫生就死左喇。
我再問佢有無徒弟呀？有無後人呀，朋友就話唔清楚喇。
下次再見到呢個朋友，我一定要再問清楚詳情，因為當初佢唔信個醫生，有偷影佢啲藥渣，睇下佢用咩中藥既。
佢睇完藥渣後，仍然覺得個醫生係呃人，因為佢話啲中藥並唔係咩特別中藥黎，係其中一味點睇都睇唔出係咩黎。
早啲識佢就好，我另一朋友個女腰以下癱左既，好年青，好想幫到佢。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
