論盡家傭今日: 1|主題: 134088

收藏本版

回覆發帖

返回列表

跳至頁

查看: 729 | 回覆: 1

工人博炒唔知係我要求高，定佢真係唔想做… [複製鏈接]

camusfans

複式洋房

積分: 471

1^#

發表於 4 天前 |只看該作者 |倒序瀏覽 |打印

想八下大家意見，唔知有冇 jm 見過咁嘅情況，真係分唔清係我太敏感，定係個工人真係博炒。

我而家呢個工人嚟咗大概 4 個幾月，初初嚟頭一兩個月其實都 ok，手腳唔算特別快，但肯學，叫佢寫低 steps，佢又照做。到近期開始，我就覺得啲嘢有啲「唔對路」，啲位好似專登揀啲我踩界位嚟做。

例子：

同佢講過幾次，仔女啲功課／書包唔好亂摷，結果有日放學阿仔同我講，工人姐姐喺佢房度「搵嘢」，仲攤開晒啲作業簿喺張床度。問佢點解，佢只係笑笑口話「整理」。

明明講到口臭晒，生熟食要分開砧板、刀、抹布，佢又係會隔幾日畀你見一次：切完雞即刻切生果，抹布一條打天下。提佢就話「唔記得」，但同一樣嘢、唔同版本的「唔記得」已經嚟咗幾 round。

有一次最火滾：我哋大人衫同工人自己衫一向分開洗，底底一定手洗，呢啲都係開工前講清楚。結果有日我見到佢晾衫，自己啲底底同我哋啲 T-shirt 一齊喺架度，仲要用我哋嗰格洗衣網。問佢點解又係嗰句：「以為你冇所謂。」

老實講，我係嗰啲唔鍾意鬧人嗰種人，心底度會不停同自己講「可能溝通問題」「可能文化唔同」，但呢幾個禮拜真係忍無可忍，但話佢又驚佢唔開心、驚佢話我難服侍，之後博炒走人。