本帖最後由 circlestop 於 26-2-26 16:58 編輯
中伏陪月、黑心陪月
邱靜X 麗姨 / Cherry 5x歲
身形肥胖 長髮 +852 9800 44xx
經常吹噓自己去美國新加坡陪月🙂↔️
坐月幾日，我地決定立即解僱陪月。原因係佢對BB完全欠缺愛心，手法非常粗暴。
每日佢幫BB換片時，BB都喊得崩潰，全身紅曬、流眼淚；但我、老公同工人姐姐幫佢換片，BB都冇試過咁。我覺得奇怪，於是check咗CCTV，發現陪月換片時動作好粗暴。更離譜嘅係，有一段片見到佢抽起得幾日大嘅BB的單腳，成個上半身離開尿片枱，仲有拖拉動作。
嗰刻我睇到真係心痛到喊出嚟，仲忍唔住懷疑佢喺無cctv既廁所幫BB沖涼時關埋門，會唔會更加粗暴。成晚都瞓唔著😠
除咗照顧BB嘅問題，佢嘅人品都好差：
1️⃣ 貪得無厭
即使我哋仲未過試用期，我哋都照出足六日人工、紅日仲比足雙糧、而且都有派利是。點知佢仲嫌少，話我哋計錯錢。其實合同根本無寫紅日雙糧。
其次，陪月買餸打斧頭都預咗，初初都諗住算數，越諗越覺得離譜，買一日餸接近$300 ，真係以為我哋唔知價錢。
2️⃣ 虛情假意
喺我哋面前裝得好有愛心——成日聞BB隻腳、同BB講嘢、讚BB可愛；但原來閂埋門就另一個樣，冇耐性、冇溫柔。根本就係老屎忽。
3️⃣ 欺善怕惡
佢成日擺出一副上司樣，鬧我工人姐姐，又逼佢食有頭髮嘅餸，甚至同我講佢壞話話佢做嘢慢。不過我哋一直對呢位姐姐好滿意，無相信垃圾陪月片面之詞。
可能因為我哋係新手爸媽，佢就諗住好恰。明明主要工作係照顧BB，但好多時見到我老公喺廳，就扮忙唔幫手餵奶，一日餵得一次。
真係好心痛。原本諗住請陪月係幫手照顧BB、照顧我坐月，點知變成一場噩夢。
解雇佢時，我地仲發現佢應該有返夜間陪月！痴線架！！絕不可靠！！佢本來做一個半月，宜家突然比我地炒左一定心急如焚，好想快啲搵另一個僱主，希望大家唔好中伏！！所以我坐緊月都要打出黎。
希望大家請陪月時，一定要小心選人，避雷！😭
發表於 
返回列表
