自由講場

跳至

首頁

尾頁
   0


大宅

積分: 3931


1#
發表於 10-3-10 01:55 |只看該作者



'Queenie樣靚有錢算係筍盤, Queenie話:「其實我食大排檔都冇所謂,錢唔係最重要,溝通到就得啦!」 caption_pure: "Queenie樣靚有錢算係筍盤, Queenie話:「其實我食大排檔都冇所謂,錢唔係最重要,溝通到就得啦!」"





上週《星期二檔案》的〈中女告白〉收視 20點有近 130萬人收睇,其中 Queenie(陳莉敏)樣索仲似有啲貨,班港男即想應徵做兵仔。
自稱恨拍拖的 38 Queenie 95年選過港姐,同屆冠軍係楊婉儀。本刊直踩富貴中女 2,500呎西貢香閨, Queenie直認整容:「我冇數過整過幾多次,計埋有 20 30次,我整就唔怕認!」家陣佢只在週刊寫美容專欄,冇正職卻住月租 7萬獨立屋,佢話:「好多人以為我俾人包,我都想,你有冇介紹呀!」
眼大、鼻高、面尖尖嘅 38 Queenie喺《星期二檔案》接受訪問時自稱:「以前我會同朋友講細幾歲,家覺得好幼稚……人生送你三個字『豪畀你』,我覺得豪畀你嘅時候好有型!」電視一出街網友激讚之餘,仲話佢係中女極品爭住要識佢。



上圖:加工前




95 Queenie(前排左一)參加港姐。當時只係箍咗牙未整容,拍埋冠軍楊婉儀(紅圈)唔差好遠啫。《蘋果日報》圖片


「整得容唔怕認」

Queenie
參選 95年港姐輸畀楊婉儀後,曾做過空姐同 model,不過最威係佢喺 Yahoo blog「老娘的內衣」內分享整容心得兼講吓扮靚,長期係熱門搜尋 blog頭幾位, 06年開 blog至今已經有過 500萬人瀏覽,仲帶挈佢上埋《星期二》做訪問,整容整到咁 open Queenie亦老實話:「我整得容就唔怕,我 02年幫報紙寫美容專欄,唔試過又點介紹畀讀者,其實好多人都有整容又唔敢認,我認我貪靚所以整容,我最難受試過俾人話我係整容怪,不過冇所謂,出嚟靚自己開心就得啦!」





人工樣
Queenie
親自試唔同整容技術兼自拍埋,不過 Queenie話:「一定要靚先得 o架!」






雷射瘦腳
除咗打 Botox Queenie仲試過用雷射針插入小腿,將部分神經微爆,令腳肌萎縮,愛靚乜都敢試。
Botox有風險




家庭醫生關嘉美表示:「透明質酸瘦面對身體無害, 6個月後就會被人體吸收要重打,只要跟醫生指示同自己接受就 ok,不過打 Botox(肉毒桿菌)瘦小腿就會有風險,可能令小腿萎縮,令雙腿冇力,所以一定要聽專業醫生意見先得!」

7
萬蚊租屋
不過 Queenie年屆 38仍單身,一個人住市值 2,200萬嘅西貢清水灣 2,500呎獨立屋,每月租金最少 7皮嘢,又要整容又扮靚,單靠寫專欄條數好難計,對於收入與開支唔相稱,拍過 5次拖,試過被自己好友搶仔的 Queenie說:「咁多年我起碼用咗 100萬整容,不過好多係贊助,好多人以為我俾人包,我都想有呀,你有冇介紹呀!係人都想有依靠,我唔想強求,我又唔擔心,反正我有能力照顧自己,主要收入都係投資股票,邊隻就唔好講嘞!」 Queenie講嘢夠直接, open中女確又係冇乜好呃你喎!
針筒變擺設




Queenie將打完透明質酸嘅空針筒做擺設,她說:「大部分係我响整容診所攞番嚟 D.I.Y.做擺設,美容行業太唔環保,我咪廢物利用囉!」
豪晒 2,200萬獨立屋

Queenie
一個人住 2,500呎獨立屋,睇落好似用唔着,不過佢話:「我寫書、寫 blog同拍片都喺間屋度,其實工作咁辛苦都係想有個安樂窩啫!」不過呢種安樂幾奢侈囉!




Queenie衣帽間有過千條飾物,雖然佢年屆 38,不過扮 80後擺 cutie甫士一樣唔難頂喎!




勁晒冷
Queenie
睡房喺二樓,佢將部分化妝及護膚用品大晒冷放上床,不過佢話只係佔佢收藏一半都冇,女人貪靚都幾得人驚。






[ 本帖最後由 minicat 於 10-3-10 02:32 編輯 ]


大宅

積分: 3931


2#
發表於 10-3-10 02:00 |只看該作者


扮靚竇
超級貪靚嘅 Queenie,將佢個浴室變成扮靚竇,佢個 3呎櫃桶擺滿化妝品同護膚用品,仲要多到即時送咗幾塊 mask畀女攝記,氹到佢鬼咁歡喜!




潮大廳
近千呎白色大廳,最搶眼係中間張 Phatom Chair(箭嘴)。據潮鋪 Aluminum老闆 Danny表示:「呢張凳係 80年代至潮產品,當時都要 3,000幾蚊,家仲停埋產,算係古董啦,好值得收藏。」




DJ
Queenie
於大廳旁邊放滿打碟機,佢話:「我唔去 disco,又鍾意 disco音樂,得閒會玩捽碟過吓癮!」


鋼廚房
除咗美容, Queenie最愛煮兩味,所以佢將廚房包晒不銹鋼好鬼型,淨係個廚房已經有 300 400呎,大過好多公屋。




地產女 Yoko:多男仔想識我



節目中另一位受訪者 33歲、做地產 sales Yoko雖然個樣冇 Queenie咁索,不過佢自稱有三層樓揸手,兼一句:「我會令下一個男朋友成為世界上最幸福嘅男人。」令到班網友狂加分,不過 Yoko好低調,佢只肯透過電話話:「總之我喺施生(中原地產及利嘉閣老闆施永青)旗下打工啦,自從節目播出後,真係多咗男仔想識我,其實我唔係想做宣傳 o架,只係想分享中女對愛情嘅睇法,唔想大家誤會。」

..片尾曲係罐頭

〈中女告白〉片尾曲唔少網友狂話好聽,其實係英國音樂製作公司 Carlin創作嘅〈 Something's in the way of our love〉,已經俾無綫買斷咗版權,所以出面搵唔到 o架!

星期二檔案《中女告白》成為城中熱話,並受世界關注。( 該節目版權由 TVB 所有 )

中女風雲

[size=100%]星期二檔案《中女告白》火速成為城中熱話,該節目備受社會各界關注,回顧2009年兩集名為「港女講男」和「港男講女」,以走對了港式家長路線月入三萬元的小學補習女導師(坊間稱「黎三萬」) ,來與一位平凡戇直沒有明星級外型月入八千元的小小電腦維修員比較,在女導師面前即時變成「廢柴」,當時也成為城中話題,但以影片受關注程度和觀看率來看,似乎「中女告白」有過之而無不及,反映了港女問題 (其實也直接和港男有關) 已步入新紀元,在政局不穩民生不濟的今天,港女也無法逃避時空巨輪,少女變中女。長生不老是中國古代秦始皇畢生致力尋求的養生目標,但到高科技的今天,生命定律仍無法打破。

「中女」的迷思

「中女」一詞,套用在現今高科技和知識型社會,看來相當奇怪,大學教育全面普及,少年17-18歲讀預科,大學起碼讀三年,還未計有些人中五或中七重讀,大學畢業一般來講好歹也22-24歲,如果讀醫科更達七年,讀法律也要兩年實習,出得來社會做事已有26歲(一般情況下而言) ,但「中女」竟然是指年過三十的女性,有位從事地產的被訪者只有33歲,最「年長的中女」只有38歲,奇詭的是,港女和道德港男經常數臭少女o靚模,說妹妹仔賣風騷無腦,但現在看到的是,脫離少女時代但絕對談不上風燭殘年的女人,竟然今天的我打倒昨日的我,說這個年華已經是「中女」,真的比科幻小說還要離奇。雖然幾位被訪者未必能代表香港所有女性,但觀察所見,本港不少年過三十的女人頗擔心「中女化」現象。

歲月之路

節目中被訪的幾位女士,我不會刻意強調她們的名字,因為我不想營造針對性的評論,基本上看完這集節目,我沒什麼很大的感受,覺得只是講了現實問題,男女也好,面對年華老去的事實不值得驚訝,中女的處境是預計中的。曾幾何時,社會上各式港女、包括老、中、青、少年港女、事業沖天或基層港女、傳媒輿論、半桶水學者、以及想搏上位的潮女廉價作家等等,無不費盡心思用盡各種言詞嘲罵港男,為討好少壯派港女市場之同時,認為只要罵到港男一文不值,就會曲線引發男士們努力向上,還有港女姊妹八婆團和廉價低俗的傳媒言論,再加上電視台(注意:並無指明是哪個電視台) 的低級瘋癲八婆洗腦式垃圾劇集影響,集體意識斷定了港男都是垃圾。但同時間,也希望自己在垃圾港男當中找到金龜婿,而「名媛幻想」也在本港女性傾斜的消費文化中漫延,地產商因應港女浮誇的心態和港女父母的暴發狂想,只推出「偽豪宅」,一切吹捧虛幻浮誇,特區政府又不停鼓吹「金融港、超英趕美你老味」的思潮,香港社會出現嚴重貧富懸殊,但港女從來不願意思索問題核心,不認同港男就業困境、不面對男人搵不到錢(或搵不到港女期望中的極級富豪才俊的財力) 是因為社會失衡而形成。

為何港男不「達標」?

根據張慧慈所言:「現在社會是講求軟溝通技巧嘛,所以適合女性o架啦...」,香港就是賣弄花言巧語的吹水城市,所有事情都是「得把口講」,不求實務,只喜歡「講就凶狠做就含能」。因此,港男想腳踏實地討生活,無可能達到港女眼中的「才俊」水平,既要有錢有事業、又要像小弟弟的天真無牙,同時又要俊美如明星男模,思考聰明得來又要看似小傻瓜、有運動健將體魄又要瘦弱小白臉,對自己如軍隊死命效忠,力求身邊男伴齊備在電影和小說裡一切男性優點,港女認為是理所當然,讀者看到這段,會否想起一個深層次問題?

就是港女埋怨找不到優質港男「筍盤」,港男真無用,但為何港男始終在她們眼中「未能達標」?

答案其實很簡單,就是社會不公義、財團官商勾結、政府施政失當、社會上人力資源和教育不善,港男面對極度貧富差距和就業困局下,根本很難做到「搵大錢」,有工做已偷笑,政府不承認政策失敗,連特首曾蔭權也夠膽在公開場合打瞌睡,當局莫視社會問題,社會言論一面倒向女性絕對利益傾斜,港女哈哈哈就銷量誇啦啦,男性變得像過街老鼠,撫心一問,在這樣變態扭曲的社會下,港男要做到港女期望中的「才俊」談何容易?我明白以上都是很多香港人尤其港女不喜歡聽的事實,但的確是事實。

港女常認為實而不華肯做肯捱的乖乖仔是「老土」;愛情專一的男人是「無趣味」;做不到中環大班就是「低級華人」;友善男人又被嘲為「戇鳩」,港女埋怨港男不上進,但「何謂上進」,港女通常以見報率高的千億富豪來作基準,男人買樓必須要豪宅,搭地鐵返工是無能,駕名車才是王道,老實講,我實在不想用「痴撚線」來形容港女,因為「痴撚線」已不足以形容港女心態,香港人醒字派精神,也不喜歡聽好言相勸,對嗎?

不老的傳說

在2010 的今天,就算港女變中女,中女幾年後變老女、再發展到「收皮」,其實都是預料之中,何解?時間定律,人皆生物,年華過去,一切已不重要,一個社會,關鍵在乎公義得到伸展,市民在較公平的環境下謀生,紛爭自然減退,不論男女,財富和就業都有較妥善的攤分,人人開心地生活,港男港女問題不是靠罵臭男人或反擊女人就可解決,港男至今已叫做肯向現實認命,很多港男努力向上,被港女罵到怕,不如上大陸聚新式的國內城市女孩,不求做觀音兵,但港女呢?就是概嘆年華逝去,懼怕過了三十歲變中女了,心裡極度不安,又要無奈接受自然定律,即使每天化妝化到像個麵粉公仔,也不敵時空的吞噬。

中國人喜內鬥,港男港女內鬥,何其壯觀,何其詭異,偉為世界奇景,很富有中國人特色,現在歲月不留人,不如來個事後孔明,或自憐安慰,中國人生態,筆墨豈能形容。



[ 本帖最後由 minicat 於 10-3-10 02:27 編輯 ]


大宅

積分: 3931


3#
發表於 10-3-10 02:23 |只看該作者
[size=100%]星期二檔案《中女告白》48小時內成為全球熱播影片
[size=100%]【轉貼自陳 大 文 部 落】:我很少轉載其他博客和作家談港女港男的文章,本部落相關題目都是我自己寫的,但港女在生命定律發展到現在的「中女」,看過星期二檔案《中女告白》,我個人感覺很平淡,節目拍攝手法、配樂、鏡頭剪接以至被訪者的精靈表述,很好看,作為一個節目,可觀性很強,上載到 Youtube後,一天之內觀看率已達過萬人次,兩天內成為全港觀看率排名最高,同一天下午,即上載後不足48 小時,由全港觀看率最高,爆升至「全球觀看率排名第 16」,請注意,Youtube 是全球影片網站,「全球觀看率排第 16」,是非常令人驚訝的事,幾乎所有國際級如 Discovery Channel、National Geographic、著名新聞機構及電視台的當紅劇集,印象中應該很少(可能有,但真的很少)錄得如此驚人的觀看率。


一個半小時不夠(扣除廣告其實只有 22分鐘)的時事特輯,竟可以這麼極速被全球關注,驚訝之餘,我反而看到一個悲哀的背後,就是「港女」、「港女變中女」的話題,原來不止香港,最低限度,有理由相信全球華人都密切關注,西人沒有英文字幕應該看不明,所以我說是全球華人都爭相觀看。


這代表了什麼?代表了香港一個結構性而且持久並且可見未來都不見得會解決的悲情困局。


港女成為全球以香港為唯一會發生的男女矛盾畸型現象,少壯派港女經過時日洗禮,變成中女,被訪的幾位中女雖不能代表整體「港中女」意見,有人批評節目流於片面,但我不同意,被訪者或者有某些心事隱瞞不出奇,但在節目公開的言論,我會覺得有參考價值,她們道盡港式女性步入中年的心理和生活屈結。時光倒流,少壯派港女由於大學教育普及,80-90年代本港經濟飛騰,她們普遍都舒適地成長,香港主權回交後,小圈子特區政府要香港經濟精神分裂地轉型,假大空施政理念、失衡偏向女性的教育政策、就業市場人力資源嚴重錯配等等,綜合這些社會因素,很多港女在這個瘋狂的時代變成人上人。就業好、學歷高、一味吹捧虛榮的消費文化、電視劇物慾洗腦;還有很多港男觀音兵團團轉、更有很多「冷手執個熱港女」為搏情慾發洩的既得利益港男,潮女文章涂毒等等,港女成為天之驕子,其他想務實的港男就苦不堪言,港男港女成為社會鬥爭,政府常說超英趕美,香港男女內鬥成為世界奇景,達到了。


我對被訪的幾位中女,是有些觀點,但思量過後,我認為不太方便太直接地寫出來,市井地說,是「唔想篤爆妳」,當中有個別被訪者的觀點我很認同,但也有被訪者說及和有婦之夫分手的事,我很有保留,她們的說話語氣、眼神、字裡行間,就算經過精心剪接,我看出有很多事被隱瞞,可能連被訪者自己也不想在節目上公開,或說出來太露骨,節目監制認為不便公開而刪掉。無論如何,我看得出被訪者說的話並非完全真實,這也難怪,作為女性,應該不想自我踢爆,尤其被訪者當中,有電台主持、專欄作家、事業成功的地產代理,節目出了街,說得太白會影響自身聲譽,我是明白的。所以我也不想說太多意見,不如不說或者好些。


中女又如何,港女又怎樣,港男怎麼辦;時間巨輪不留人,我說過,一切已不重要,做人處世是一門哲學,「哲學」其實並非想象的高不可測,很多時候,只是生活和個人的修養,明白多一點,紛爭少一點,但港女不明白和不願意接受待人處世的道理,所以我說中國人喜內鬥,港女得到社會優勢,如搶包山要贏到盡。異性相吸本來是生物定律,但港女和社會各界,無不用盡心力踩港男下地獄,大家拍手叫好港女誇啦啦過後,港女不再少壯,美貌消逝了,時空定律令身體機能逐漸衰退,每天用千百種美容品再加電腦軟件美化容顏,也要面對明日黃花之愁。


這是悲哀,這是現實,驕傲的掌聲消失了,做第三者但有婦之夫離開了,美容品犀利過化工廠,識飛車的靚仔型人也走了,事業成功有幾層樓但孤單的小富婆也做了,這就是時代巨輪,在某一個地區某一時空上的一小片記憶,港女變中女,和「阿媽係女人」一樣簡單得不解自明,港女是否明白男女矛盾為社會帶來的損害,不重要,時代會作出審判,請注意,我並無註明這個審判是什麼審判,沒有說好與不好,只是審判,看倌可以咀嚼一下。


連香港也興起了少女模特兒,泛指「o靚模 / 靚模」,少女力量的崛起,像我們祖國新發采的大國崛起很類同,港女在事業上面對巨大壓力,中產港女實不易為,少點拼搏隨時被「叮走」,港女的最大問題,就是要全盤取得像西方社會的女性機會之同時,又要符合中國人小農生活習性「男人必須擔起頭家」的文化,這就奇怪,男性就業機會在女性傾斜下日漸收窄,男人連搵工都難,政府不認為有問題,港女更認定是男人不濟,搵不到錢是你(港男)的事,但你(港男)還要擔起頭家,這個荒謬邏輯在港女世界視之為理所當然,到今時今日,少壯港女變中女,論魄力又有強大後起之秀,論青春又不能匹敵靚模,得到的是什麼,要大家從中領悟了。




水晶宮

積分: 58741

2018復活節勳章 醒目開學勳章 環保接龍勳章


4#
發表於 10-3-10 08:08 |只看該作者
佢遲早走火入魔 , 變成下一個黃x蕙


男爵府

積分: 9737


5#
發表於 10-3-10 08:41 |只看該作者
Her face looks like plastics!


水晶宮

積分: 72703


6#
發表於 10-3-10 08:48 |只看該作者
我反而好欣賞佢整左容都大方直認, 唔似d明星次次否應!


大宅

積分: 4860


7#
發表於 10-3-10 08:58 |只看該作者


男爵府

積分: 7720

好媽媽勳章 醒目開學勳章 BK Milk勳章


8#
發表於 10-3-10 08:59 |只看該作者
唔整都唔差啦,自然d咪重好。


伯爵府

積分: 18397

熱血勳章


9#
發表於 10-3-10 09:03 |只看該作者
老實講我真係唔信佢無比人照顧咯, 靠投資? 個個月可以頂到七萬幾租? 都未計生活費喎, 我都想打跛腳投資咯, 咁樣無人需要攞綜援啦!


翡翠宮

積分: 92280

好媽媽勳章 醒目開學勳章


10#
發表於 10-3-10 09:11 |只看該作者
我睇過佢youtube, but 佢一啲都唔似80後, 我仲諗佢起碼34, 5歲, 不過, 佢唔講, 我唔知佢整過容, 暫時尚算講嘢面部肌肉自然, 不過youtube唔算清, 如果見真人就唔知喇.

從申, 佢一啲都唔似80後, 一睇就知佢係70年代出世啦.


翡翠宮

積分: 92280

好媽媽勳章 醒目開學勳章


11#
發表於 10-3-10 09:18 |只看該作者
原帖由 wcandtt 於 10-3-10 08:48 發表
我反而好欣賞佢整左容都大方直認, 唔似d明星次次否應!


吓? 我諗法係丟轉.

我只係覺得佢唔講整容, 鬼識佢咩, 就係講咗, 先有人識.

如果佢係明星, 就未必會認啦!

睇佢前科都知佢為出名而出名.


水晶宮

積分: 55644


12#
發表於 10-3-10 09:20 |只看該作者
唔怪得甘多女仔想做空姐/選美。。。
少奶奶的身份,丫頭的命...


禁止訪問

積分: 67964


13#
發表於 10-3-10 09:24 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


男爵府

積分: 6331


14#
發表於 10-3-10 09:27 |只看該作者
佢之前係「不打」客串過,做 gary 老豆個第二個老婆。

我覺得佢個下巴整得好唔自然,反而未整之前仲好d。


子爵府

積分: 14598


15#
發表於 10-3-10 09:28 |只看該作者
無錯, 有同感. 點睇佢都係起碼35... 80後? 唔好玩la!
原帖由 kc_01k 於 10-3-10 09:11 發表
我睇過佢youtube, but 佢一啲都唔似80後, 我仲諗佢起碼34, 5歲, 不過, 佢唔講, 我唔知佢整過容, 暫時尚算講嘢面部肌肉自然, 不過youtube唔算清, 如果見真人就唔知喇.

從申, 佢一啲都唔似80後, 一睇就知佢係70年代出 ...


禁止訪問

積分: 19394


16#
發表於 10-3-10 09:39 |只看該作者
提示: 作者被禁止或刪除 內容自動屏蔽


禁止訪問

積分: 19394


17#
發表於 10-3-10 09:43 |只看該作者
提示: 作者被禁止或刪除 內容自動屏蔽


子爵府

積分: 11600

育兒性格勳章 大廚勳章 好媽媽勳章 醒目開學勳章


18#
發表於 10-3-10 09:46 |只看該作者
但係我都幾鐘意佢
為自己活
只要自己開心快樂
而又不傷害人
何況

勇敢快樂地生活
講真,我很羨慕


子爵府

積分: 14654

畀面勳章


19#
發表於 10-3-10 09:49 |只看該作者
買咁多化妝品及護膚品....
用唔用得曬架???


伯爵府

積分: 17328

畀面勳章


20#
發表於 10-3-10 10:05 |只看該作者
其實我又覺得無咩所謂,佢整容又唔影響人,係影響佢自己啫,因為第時變硬膠人嗰個係佢,與我無關既...
其實,我反而同情佢地...至少, 佢地想要揾一個可以施守終生的人都仲未揾到...even你話係咪佢地太叻,要求太高都好,遇唔到就係遇唔到...而家仲要全世界都知...出街都會比人眼望望啦...

首頁

尾頁

跳至