一上BK, 就收到一個朋友的慰問, 覆佢之餘, 應該都可以POST喺度, 等關心我的朋友, 都知多DD吖........
而家比起之前, 飲少咗一半的啤酒了, 有時會多DD, 有時又少DD. 但係都算係多架!
其實, 我有時都會好唔開心, 好懶, 乜都唔想做; 不過就可以控制到, 冇乜大問題. 可能係經歷過好多好多嘢, 所以而家冇乜嘢可以吸引到我, 係會好悶下就真......
在心裡面, 一直都好感激仔仔的媽咪, 將仔仔帶到呢個世上......係一份最好最好的禮物, 而且, 佢越來越大, 我地就越玩越癲.....
我諗有一樣嘢好得意......喺咁多經歷裡面, 好多人令到我'家散人亡', 冇晒朋友, 冇晒誠信, (誇張D, 前前後後, 冇咗三層供緊的樓), 有D人更加迫到我將近發癲......不過, 我冇恨到任何人, 反而, 自己諗返下, 我都有對佢地唔住的地方, 而且, 可能係好多好多.....仲好多時, 好多時, 會回憶翻D開心的片斷添!
你話, 咁樣的生活, 咁的心態, 係開心, 定係無奈?
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何PM