少年成長今日: 0|主題: 16108

收藏本版

發帖

返回列表

跳至頁

查看: 836 | 回覆: 4

要小朋友執玩具真係咁難？！ [複製鏈接]

ohmykids

大宅

積分: 1492

畀面勳章

1^#

發表於 12-3-30 19:05 |只看該作者 |倒序瀏覽 |打印

本帖最後由 ohmykids 於 12-3-30 19:33 編輯

我由阿囡坐得穩就開始教佢執玩具，由初時要捉住佢隻手仔放玩具落箱，每放一件都讚吓，到而家歲半已經好有意識自己去執，當然唔係每次都自動自覺，但我哋陪住佢好快會執晒。

關於點叫小朋友執玩具其實有d小節要注意:

- 玩具任佢點玩
包括攞幾多出嚟，用咩方法玩，(當然嚴重破壞或會整傷人就要話佢~) 放喺邊度玩都唔駛管佢，只要最後佢會執番晒就得，你要俾佢知因果，可能佢覺得攞晒d玩具出嚟就開心，就算最後要執餐死都值得，咪由得佢囉，願意承擔後果就ok。

- 倒數將會執玩具
好多小朋友每每你一提出一d佢唔願意嘅請求就會喊叫扭計, 先小人後君子俾定心理準備係令佢哋情緒無咁易波動嘅方法，由最後五、三、一分鐘、十秒咁提吓佢，雖然兩歲未知咩係時間，但佢會明白你嘅意思係就嚟要執玩具。如果知要出街或趕時間就要提早叫佢開始執，盡量唔好草草了事，變咗你執晒就無意思。

- 你幫佢一齊執
一開頭一人放一件或小朋友負責呢箱，媽媽幫你執另一箱係可行嘅，但記住唔好講或覺得："唔該你幫媽媽執好d玩具啦~~" 唔可以俾佢覺得佢幫緊你做嘢，掉番轉係你幫緊佢分擔責任，你應該以越幫越少，最後由佢一個人搞掂為目標，咁先有完全放手嘅一日。仲有就係無借口，就算幾攰幾無心情都要執，媽媽最多幫多少少手，因為心軟一次後患無窮。

- 行動重要過鬧
執到一半走咗去係常見嘅事，遇到咁嘅情況千祈唔好鬧，佢會覺得執親玩具就好易俾人鬧而避開，只須要用肯定而簡單嘅說話俾佢知道佢而家唯一要做嘅嘢係執玩具，我每次都只會同阿囡講：擺、嗰度仲有(+指俾佢睇)、thankyou. 多餘說話唔講咁多，每當佢走咗去就捉佢番原位，十次一百次都照捉，喊就由佢，停咗就再叫佢執，等佢知道點都走唔甩。

- 做得到就讚
初時係要放一件讚一次，之後你可以喺其他親朋好友面前提佢玩完玩具會自己執真係好乖，大家又會讚吓佢，佢記得又心情好嘅會自動自覺執晒都唔出奇。

而其實教小朋友任何嘢最緊要係耐性同清晰，由於我同阿囡都係處女座，我由第一日教佢放好d嘢已經要四四正正，搞到佢而家就算放張櫈都一定要同一個位加方向，無人要求佢佢自己都會移一輪移到啱為止，可能處女座真係麻煩d，hahahaaha~~~