婦女醫護 今日: 0 | 主題: 34337

積分: 15699

1^#

發表於 12-8-10 17:46 |只看該作者 |倒序瀏覽 |打印

開呢個po 係因為隔離夫妻版阿selina講開PMS, 我一向有m痛問題, 搞左20+年, 最近呢幾個月終於可以唔洗靠藥物(中,西)同M小姐和平共處(有輕微痛但起碼唔洗食止痛藥), 雖然情況未穩定, 但都好想同大家分享下, 好希望幫到其他人!

先發洩下! m 痛真係慘絕人寰!!!!! 我唔明耶穌點解要咁罰我地d女人, 夏娃偷食之嘛, 我又冇偷食

,WHY ME???????

我m 痛始於中學時期, 開始時唔識, 只識食必利痛。諗番起, 自己都抵死嘅, 細個時唔識保養自己, 阿媽叫我唔好飲凍野, 我當佢唱歌不特止, 好多時仲冰凍西瓜當早餐食, 唔痛屎就假。個時我嘅解藥, 就只有必利痛同沖熱水涼, 沖到滾個隻! 後尾必利痛都食到純, 要開始食特效添。

自此, 食藥當食生菜。

後來我去左外國, 落雪起上黎, 真係凍到腳指冇朋友。個時我嘅工作成日都要出街, 份工冇得偷懶冇得hea, 壓力大不特止仲有deadline, 如果止痛藥唔work, 我就真係死得。個時冇阿媽係身邊哦我, 但我都開始自己煲當歸紅棗雞湯調理下。

當歸紅棗雞湯真係好燥, 唔係人人飲得, 有次我煲完, 比埋隔離屋個friend飲(女仔), 佢又比佢bf飲喎, 結果佢兩個喉嚨痛左2日, 而我, 冇事, 我覺得d 當歸比我索晒! 當歸湯當時幫左我少少, 但我唔係成日得閒煲湯, 所以繼續要食藥渡日, m痛繼續都係有時好痛, 有時OK痛, 但so far 食藥+熱水涼, 我就ok, 而且自己都開始戒口, 唔飲凍野。

又過左幾年, 覺得咁樣落去唔係辦法, 唔知睇咩資訊, 發現原來食避孕藥, 可以減輕M痛, 雖然有好多副作用, 但衡量過之後, 決定試下。

食避孕藥原來有好多副作用, 有D人會變肥, 有D人會心跳加速好唔舒服, 我有D朋友同我差唔多時間開始食避孕藥, 佢地中晒招。但我好好彩, touchwood我真係乜野副作用都冇, 而且冇埋m痛......

0 1 0

私人傳訊

積分: 15699

2^#

發表於 12-8-10 18:28 |只看該作者

食左避孕藥, 大約2年。年紀開始大, 開始識得照顧自己, 呢個時候我已經番左香港, 係朋友介紹之下, 我就去睇中醫調理下。個時我仲食緊避孕藥, 醫師一聽, 搖晒頭, 話我唔應該用西藥去控制自己生理, 我覺得佢講得都合理, 加埋其他因素, 我就停左避孕藥, 乖乖每個星期去睇中醫, 食中藥。

開始時, 大約每2個星期去睇一次, 乖乖日日飲藥。去睇中醫期間, 佢叫我戒乜, 我就盡量戒。首先, 醫師話食壽司死梗!(後尾我figure out佢個意思應該係魚生only) 其次係,所有瓜菜煲嘅老火湯。凍飲、西瓜個d更加唔洗講啦,但原來有d你估佢唔到嘅野,都係寒涼,例如綠茶、豆漿、香蕉。

其次係濕熱嘅食物, 如果個人脾虛濕熱，都好影響m痛。

我通常係day 1-2最痛, 睇左中醫後,m痛真係好左好多。有時ok痛, 但沖個熱水涼就冇事。有時只係輕微痛, 撞正個日唔洗番工係屋企hea,我係可以唔洗食止痛藥嘅,但呢d神奇嘅日子唔係成日有。可能因為戒口唔清(我好鍾意食壽司,尤其是夏天,真係戒唔到,已經盡量唔食魚生),又或者有d野係寒涼嘅我唔知,所以久唔久ok痛嘅日子都仲係有。穩定左之後, 我就每個1-2個月先去睇一次, 再後來就幾個月、真係好痛先睇一次。有一個月,最神奇嘅一次, 我係亳無先兆下黎m, 冇痛冇盛,冇谷住嘅感覺, 我先發現,原來黎m唔一定要谷要痛!

近年m痛已經穩定左好多。但近呢一年, 唔知點解, 有幾次我沖極熱水涼都冇用, 我好驚, 因為食藥冇效我試過, 但一向熱水涼都係萬試萬寧嘅, 係我最後嘅救星! 。而且近呢幾年都睇好多關於食療、中藥嘅文章,知道中藥其實「是藥三分毒」,再加上我可能有遺傳性嘅腎問題,我唔想比個腎咁重負擔，所以我唔想再靠中藥咁多......

私人傳訊

積分: 15699

3^#

發表於 12-8-10 18:47 |只看該作者

神奇嘅事又發生

上2個月, 我煲左一次海馬湯, 月初飲,大約飲左3-4日。月中冇咩煲野飲。我又睇左嚴浩專欄, 月尾煲左一次桑寄生圓肉茶, 大約飲左2,3日, 每次一細杯, 幾日之後黎m, 其實都谷谷地知道就快黎, 但day1冇痛, day 2要番工嘅, 有少少痛, 但係完全唔洗食藥都頂得住。(我之前就算少少痛,但如果要番工,都要食止痛藥, 因為少少m痛都會好分心,做唔到野)

其實我都唔知係海馬湯嘅關係, 定係桑寄生茶嘅功效大d?!

當初我買海馬, 係因為以為自己有痰火核, 後尾上網睇, 原來海馬都溫腎, 幫助到子宮, 所以就繼續煲黎飲。有D人好唔鐘意陣味, 覺得好腥好咸, 我就十分OK, 覺得似海水味。我嘅份量:

海馬6至8隻(去西環買平好多;越大隻越貴;買灰黑色個D好,白色係漂白左)
20蚊豬展(個人覺得豬展好過瘦肉好多,啖湯甜D,怕肥可以唔要根)
紅蘿蔔2條(煲紅蘿蔔好味D易入口, 用蘋果都可以)
南北杏(北杏比小d, 因為小毒)
密棗3-4粒

不過環保團體話, 海馬就快比人食到絕種, 所以我都好矛盾。sorry 呀海馬

私人傳訊

積分: 15699

4^#

發表於 12-8-10 18:57 |只看該作者

至於桑寄生圓肉茶, 詳細可以參考嚴浩:

桑寄生圓肉治經痛
http://www.yimho.com/1327.html

桑寄生我都係跟佢係華潤堂買, 份量跟文章小d,2個飯碗嘅桑寄生, 我煲完唔止3至4碗, 多d, 圓肉我落得好少, 大約8至10粒, 個茶唔甜嘅, 而且真係好甘, 我飲咁多年中藥, 係就係頂得順, 但都唔係幾想頂。(雪凍左之後再叮熱會冇咁甘)

呢個月我大約day 9至12飲過海馬湯, 遲D煲多次桑寄生茶, 做完實驗有咩衣郁會再報告!

私人傳訊

積分: 709

5^#

發表於 12-8-10 20:09 |只看該作者

其實都真係好慘...痛O既全部都係女仔!!!

我都係之前食過避孕藥「調理」經期
食ｏ個陣都真係會準＆唔痛
不過可能西藥都始終係燥，借長期都有幾粒暗瘡ｏ係面（但皮膚係滑左！）
直到有次感冒去睇中醫，醫師一睇說話的內分泌失調
清左感冒就要返去再睇、調理一下先得
唔乖、懶又唔想戒口ｏ既我...到而家都冇去睇
（但已停藥...之後ｏ個個月痛死左）

但同姊妹傾開呢個問題，
之前幾個都係ｍ痛得好厲害，會痛到面青口唇白，半條人命咁請ｍ假
但係飲ｏ左「桂圓紅棗杞子茶」之後（一個月日日飲）
最近ｍ到都冇痛、黎得順左暢通左！面色都好埋～
最好係熱水焗就得！
有幾個朋友試過都話有效～～
而家試ｏ左半個月，面色係紅潤左（亦有可能係熱得滯 xd）
之後再報告我ｏ既經驗～
網上的BLOG分享：找點事幹：紅棗圓肉杞子茶
中醫網站分享：Dr.鄭的中醫視界

（前同事有分享過，佢每日一杯紅棗水，
（一年之後...冬天唔怕凍, 隻手仲係熱架!!）

另外，朋友推介...如果谷ｍ可以飲玫瑰花茶～

私人傳訊

oguh

子爵府

積分: 11575

6^#

發表於 12-8-10 20:16 |只看該作者

回覆：20+年M痛大作戰!

多謝你呀！等我試下圓肉茶先，好似容易接受啲

私人傳訊

積分: 15699

7^#

發表於 12-8-10 22:03 |只看該作者

kari12 發表於 12-8-10 20:09
其實都真係好慘...痛O既全部都係女仔!!!

我都係之前食過避孕藥「調理」經期

但你有冇覺得好燥熱？因為我成日怕紅棗好燥（even去左核），而且我體質變左，而家飲瓜菜湯冇問題，仲好易生非滋。

私人傳訊

積分: 15699

8^#

發表於 12-8-10 22:04 |只看該作者

oguh 發表於 12-8-10 20:16
多謝你呀！等我試下圓肉茶先，好似容易接受啲

希望幫到你啦！

私人傳訊

VioletCC

子爵府

積分: 10769

畀面勳章 BK Milk勳章

9^#

發表於 12-8-11 13:07 |只看該作者

回覆：20+年M痛大作戰!

多謝你的分享！

呢個問題都困擾左我n年，希望有效啦！

私人傳訊

mky456

大宅

積分: 1999

10^#

發表於 12-8-12 16:37 |只看該作者

回覆：20+年M痛大作戰!

多謝你的詳盡分享

私人傳訊

積分: 15699

11^#

發表於 12-8-12 18:35 |只看該作者

mky456 發表於 12-8-12 16:37
多謝你的詳盡分享

唔洗多謝！我都希望幫到人

私人傳訊

積分: 15699

12^#

發表於 12-8-12 18:36 |只看該作者

VioletCC 發表於 12-8-11 13:07
多謝你的分享！
呢個問題都困擾左我n年，希望有效啦！

記得戒凍飲呀！

私人傳訊

freshgreentea

子爵府

積分: 13230

13^#

發表於 12-8-12 22:19 |只看該作者

回覆：20+年M痛大作戰!

我而家正接受折磨，大家有咩方法建議黎經期間可舒緩下？

私人傳訊

tttlll

大宅

積分: 2488

BK Milk勳章

14^#

發表於 12-8-12 23:00 |只看該作者

kari12 發表於 12-8-10 20:09
其實都真係好慘...痛O既全部都係女仔!!!

我都係之前食過避孕藥「調理」經期

桂圓紅棗杞子真係work嘅，我飲左3個月，m痛情況明顯改善左，有時加d玫瑰花落去or 如果燥熱o個排會有小小菊花中和下，我堅持每日飲一大杯，面色都好d

私人傳訊

積分: 709

15^#

發表於 12-8-13 01:56 |只看該作者

引用：我而家正接受折磨，大家有咩方法建議黎經期

原帖由 freshgreentea 於 12-08-12 發表
我而家正接受折磨，大家有咩方法建議黎經期間可舒緩下？

之前買咗本保健書「女性自我按摩」
有講到經痛應該按咩穴位
之前試過痛緊按氣海&關元，真係無咁痛
不過懶惰無恆心keep住按…
希望幫到你啦~

私人傳訊

積分: 709

16^#

發表於 12-8-13 01:59 |只看該作者

回覆：20+年M痛大作戰!

咦~ 一次淨係可以po一張相架咩@@
補返前兩頁

第一頁

私人傳訊

積分: 709

17^#

發表於 12-8-13 02:01 |只看該作者

回覆：20+年M痛大作戰!

第二頁（痛經）

私人傳訊