吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 希望大家幫手分析下, 感覺好似做左水魚,我都唔知真定假 ...

自由講場今日: 1702|主題: 1359111

收藏本版

發帖

返回列表

跳至頁

查看: 38518 | 回覆: 1196

希望大家幫手分析下, 感覺好似做左水魚,我都唔知真定假啦~

12 3 4 5...60

積分: 497

1^#

發表於 13-1-1 01:13 |只看該作者 |倒序瀏覽 |打印

12月1日同個賣家確認左4號荃灣2點pm交收，賣家系交收前一晚11點幾話想改約6點，佢話因為唔記得左阿仔聽日要返學，個晚我訓左，第二日我回覆6點唔得; 後來系電話度改6號晚7：30；到6號晚我提前1個鐘call佢，佢話佢忘記左，於是我地又約好左11號荃灣下午2點交收，但賣家系交收前一晚10號又話約早d，又話約遲d，我話要湊完個仔返校，先再過荃灣，只可以個個時間，佢話佢又唔記得左阿仔聽日要返學；但我plan好嗮行程噶嘛，甘我叫佢俾個合理理由我，佢話：（可能我同你本來唔識所以你唔知，但識我既人都知道我生完阿仔之後好無記性，加上最近我忙緊搬屋所以更加…真係十分抱歉）

甘大家都系做媽媽我都體諒佢米話：即係再約幾多次，你都可能會記錯或唔記得，咁不如你郵寄俾我啦。甘佢都話好，我11號就匯錢俾佢後，佢就一直無回覆我寄左未，甘14號晚我問佢寄左未，佢先覆我話今日寄左，之後到21號我仲系未收到，甘我話: 我明天唔係HK啦，要下星期三先返尼，如果到時都仲係未收到，我希望你可以退返錢俾我囉，因為郵局要退件最快都要兩至四星期，再等你收到退件再寄既話，實在太耐啦~

甘我26號返到hk,佢留言話: (貨已經寄了，如果我收不到回郵咁點算，就算有回郵地址都會有寄失時侯，郵費已經係我比，如寄失了仲要我退錢比你咁我咪渣都無)甘我話: (我地本來都係約出尼交收，但係你次次都係臨時話唔記得尼樣個樣，又話你生完冇記性，咁我都一就再就你先話寄，仲要係我星期二已經過數，你星期五先寄，我都冇出聲啦！宜家成十幾日都未收到，你又有寫回郵地址係一定會收到退貨囉，但係我$係俾咗你喎！而且本來我係可以面交，係萬無一失𠺢，係你一而再再而三既疏忽，令到我要冒尼個風險，宜家你仲要我自己承擔哂，有冇搞錯呀！你生過仔冇記性，人地都一樣生過仔，記性都係冇以前咁好囉！)

之後賣家話: (最多比返一半錢你，萬一你收左扮無收咁我點, 次次都係要我就你時間地點，你要湊仔唔通我唔洗咩！問你可唔可以早啲又唔得，遲啲又唔得，我認我有過失，所以你話郵費係我比我ok!但無理由你宜家收唔到就要我揹晒) 我話:( 係你自己一開頭問我想邊度交收，而你個貼選擇交收地點又有荃灣，咁我先特登就你荃灣喎，由頭到尾交收既時間地點，你都話ok喎，宜家又話我要求你就我呀？！同埋我約你係交收前幾日就約好𠺢，而你係交收前一晚好夜先改時間，我都訓咗啦，我第二朝起身出門口前先睇到，點改得切D booking呀！一而再再而三都係咁，到底係我就你定你就我呀！如果要騙你就唔會約你幾次都係你失約啦！同埋唔該你自己忘記左自己講過既說話，都可以睇返自己之前寫既留言啦！請你全數退回！)

甘本來佢就唔肯,但後來就話: (要我退全數都得,如果你收到件會唔會比返我先？) 我話: 一定會，同埋影埋相，同你面交點話。佢話:(你話我有寫回郵一定收到，咁如果我收唔到係咪代表你收左件呀？咁我等多兩星期，我都收唔到件既話即係代表你拎左啦！) 我話:(如你好耐都收唔到，你可以去你寄既個間郵局，問佢地拎，D寄唔出既郵件，佢地會放係郵局等人認領，但點認領我唔太清楚,因為寄出個個係你，個郵件個樣點既，咩色咩樣同係邊間郵局寄，都係你先知道,所以我都代唔到你拎𠺢) 佢話:( 你咁講已經代表我入左錢比你，收唔收到已經係我既事，同你無關，對嗎？！就算你收到真係會比返我嗎？)

我話:( 我都話咗一定會寄返俾你啦，如果我要騙你，都唔會自己入$俾你先咁笨啦！仲要係我地之前一直都約面交𠺢,係你搞到咁麻煩，先話寄,我由頭到尾，真係咩都配合哂你喎，我又冇做錯，疏忽個個又唔係我，又應承你如收到一定會俾返你) 佢話:( 算，我入比你，希望你收到真係會比返我！如果你收到要再寄比我，唔好寄回郵，我要搬屋，你到時話我知我再比地址你！我之前幫媽媽會開團訂貨都未發生這種事，規則我清楚的，但我聽日入唔到比你住，要後日，因為我要落荃灣先有銀行)寫到呢度個日系星期二26號晚~

到星期六晚12點賣家話: (我叫左我媽媽幫我入比你，佢入左我話你知)甘我有小小覺得佢拖時間,萬一佢媽媽又好耐先過數,可能又話過左,我又收唔到,又好多藉口甘點,甘我話:(好，但盡快啦，唔好入錢D咁小事都搞幾日啦)好啦,點知件事就又呢度爆起~

佢話: (你估我真係好得閒咩，我啱啱搬屋好多野搞，你話你收唔到，我無法証實都照入比你，我宜家錢又倒貼貨又無！你仲想點呀？！好坦白講，我唔信你收唔到囉！我話一人一半你唔肯，你要你有公平，但你有對我公平嗎？！你連荃灣都無出到呀！我真係完全唔知我欠你咩！大不了可再約時間，係你話要郵寄咋！郵費仲已經係我比！我唔係等百幾蚊開飯，但我唔忿氣囉！郵費我比就已經補常左我過失，宜家仲要我比返全數你，仲要無左啲貨，咩道理呀！我夠真係真係有寄到啦)

我話:( 我澄清下，我真係真係到宜家都冇收到，仲有，2次我都係有去到荃灣~你話星期五會過數，到現在都未過，我都冇出聲，我都係覺得好少事用埋可以好快姐，講掂咗守信用噶，真係唔想再為尼件事再嘈，好冇？起碼你可以同郵局搵返，但我唔可以，我只有等)

佢話:( 我都唔想嘈，但你又無諗到我本來兩盒野唔止值60蚊，我宜家就當60蚊計，我入埋全數比你我損失係240蚊！我去郵局問左喇，佢話所有件都有寄出架，唔會擺係郵局架,所以我係無得係郵局拎返)
我話:( 㸃會呀？！之前佢地係講過喎，我唔係唔信你，我星期一都再問多次郵局，但請你都遵守你話過返全數既說話)

佢話:(好，因為郵局會拎去分地區再派，所以唔會係郵局！仲有，有回郵係唔一定會打回頭，因為郵差有機會寄錯屋，點解我會知，因為我之前有幫媽媽會開團團購，所以我咁清楚！好咁我係賣物谷到揾人評理，睇下我係咪應該賠全數比你，定對半)
我話:(你意思姐係想反口？)
佢話:(我唔會反口，但一定要揾人評理囉！點解我要損失240，開頭我信你話可以係郵局拎返，好彩我問問姐,郵差同我講，我無正明份件係我，所以一定唔會比返我)

我話:(評理我冇問題，但公平起見，我都要參與，同埋我都係之前聽佢地講，係有咁拎返郵件既方法，我先提供尼個辨法，我又唔係做郵局)
佢話:(佢話掛號就有得追，平郵無得追, 好，大家一齊參與，我唔會唱人咁無品！)
我話:(如果你覺得要搵人評理，我完全冇問題，但希望評完哂之後，大家都唔好咁勞氣啦，好冇？)

佢話:(我話對半你唔肯，對半我都仲損失180呀,我都唔想攪到要人平理咁嚴重，係你唔肯一人退一步,如果你真係收唔到，對半你都係損失60，但我損失180呀！本來我可以唔洗負責架，就係我記錯阿仔上堂時間，我認我有過失我先承擔一半！但你又唔心足)

我話:(我之前都講咗，我本來唔洗冒尼個險𠺢，我都會覺得係你冇寄𠺢，都係大家唔信大家姐，都唔想再嘈啦，我行得正企得正，評理我冇怕，宜家好夜我都要訓啦，你邊度開貼評理就加我入去啦)……..
佢話:(本來我一心諗住唔想煩比返你就算，就係果句入錢甘少事都搞幾日，我先唔忿氣) 個時好夜啦,我都唔想同佢再傾:(我都冇其他意思，咁個句我唔啱，say 個Sorry囉)

12月30號,佢:( 你睇下有無需要我幫你去郵局查或你自己去查，又或者可以考慮報警，我覺得我已經處理唔到呢件事！我同家人商量過，連評理都唔評喇！既然大家都唔想有損失，不如交比警方處理，因為實在太多網上騙案喇！)
我話:(個郵件係點既樣你先知，我點查呀？如果你真係再處理唔到，交比警方處理我都冇問題𠺢，但我估都只係備案囉)

31號,我:( 今日去郵局問，佢地問我有冇個郵件相、咩色同size，我話冇唔知，所以我只可以留地址俾佢地查，佢之後都覆咗我話確定無我地址既郵件，佢話D「死件」有回郵地址既話就會係十四日後退回~我估你可能寫錯我地址，但應該唔會寫錯自己地址掛。尼排應該會收到喎，你回郵地址係寫新屋企定舊屋企呀？我講咗係平郵，佢都話有寫回郵，係會退𠺢)我再問：（請問你媽媽過咗數未？)

佢話：（叫得你報警就唔會入比你啦）（如果你係有收到，我入完數比你我又點會收到回郵呀）
我話:(叫我報警？我咪話報咗都冇用，只係備案囉！你話講咗會守信用，現在你又反口！)
佢話：（因為你比我個感覺你已經收左）

我話:(你係咁話我收咗，我都覺得你冇寄啦，我一直想大家都和平解決件事先唔講到咁白咁難聽！我都會覺得，由一開始你三次都以冇記性為由，臨時交收唔到，如我真係好需要你件貨，我就會提出郵寄，之後都唔知你有冇寄，因為我問你你先話當日寄咗，又冇影相為證明，你話之前有開媽媽團，咁無理由寄件前要影相俾買家確定地址冇寫錯都唔知要做掛！到我一直話無收到，你再話一人一半，再講唔掂，$就拖住先，又話要開貼評理，我話唔怕，你又再話唔評啦，叫我自己報警，你都知只係備案，我係追唔返你D$，你又反口唔俾返我，由頭到尾都似係一個局！你由頭到尾冇一件事係守信用做咗! 咁你咪好好賺？！我之前說話唔講到咁難聽，我都係盼住你有可能真係地址寫唔清楚，你等返回郵都好，但我咩都冇呀！我本來可以面交，萬無一失噶！我由到尾，連今日去郵局問，我每一樣都有講到做到噶！)

佢話：（你唔係想和不解決，你一直都只係想我賠嘗你損失，我有影相，但我要返到屋企先send到比你睇）
我話：（好，你今晚必須send俾我！）（如果你尼幾日收到回郵，希望你都要坦白話我知。）
佢話：（好……我唔入錢比你係有原因，回郵我未收到，就要我比返全數你，到時你既損失我賠左，我既損失邊個賠呀！）
我話：（咁你當初又應承我？唔好一時一樣，要有口齒！）

佢話：（我唔係啲咁狗既人，我一話你知，我由頭到尾都只係想公平姐，我本來係會入全數比你，諗住多一事不如小一事！但你咁寸叫我唔好入錢咁小事都要搞幾日，我覺得唔直囉！）

我話：（公平係基於守信用而講，我都見唔到你有誠信，成日講一套做一套，係我怕你冇口齒，拖住先，我先咁講，都唔係有心激你，而且我都say咗Sorry啦）

點知佢話：（我次次都早一晚同你改時間架，面交係咁架啦，時間就唔啱就要再約架啦，係你要郵寄唔係我要你郵寄架，有乜理由有風險要我負責呀！一開始面交唔成你唔滿意可以取消交易，唔該你唔好講到我呃你咁！你say左sorry唔代表我要原諒你！）

我話：（我好心就同你講句Sorry姐！我當時覺得你想拖錢，會咁講都唔過份姐，你會懷疑我，我一樣會𠺢，個句又唔係鬧人既說話，我大可以唔需要同你道歉！）

佢話：（你如果有交易過，你應該知道風險一切由買家負責，而吾係我呢個賣家囉，而我確實自己肯定有寄出而又肯同你對半，甘你仲想我點呢？）

我：（我都話咗好多次，本來我唔需要冒險，真係唔想係咁重覆D說話！你今晚send咗相俾我先再講！）我個時真系好火，有d群組系有甘既規定，但唔系個個群組都有甘既規定囖！感覺好似一步一步入左佢既局，就算佢真系有寄，但睇佢d脾氣，會唔會收到回郵都特登唔話我知呢！甘佢米袋袋平安，又爭到啖氣？佢點都話自己收唔到，又唔俾錢，我無佢辦法噶喔！

佢：（好，甘我依家決定一日收吾到回郵，我都吾會退錢！你覺得你吾需要道歉，我都覺得我無需要同你負責任何寄失左既風險！講完！最後一句，有收到回郵就寄番，無收到，我都幫你吾到！無人叫你冒險，可以再約架）

點評

20022009 既大前題下. 所有證供對你有利.睇你搞唔搞大件事. 發表於 13-1-2 14:23

20022009 你無證明無收到件貨.佢又無證明佢寄咗件貨啫~但你真金白銀比咗錢(有單據) 發表於 13-1-2 14:22

0 0 0

私人傳訊

bing-jing

珊瑚宮

積分: 111578

2^#

發表於 13-1-1 01:24 |只看該作者

樓主 .....里篇嘢有四千幾字，我諗我要睇幾日 .....

anyway... 可以幫里 up 咗先

點評

k_lego x2 發表於 13-1-4 00:48

講州人

發表於 13-1-3 19:50

kekka

發表於 13-1-3 00:57

gloryglory13

x2 發表於 13-1-2 15:54

imlook

發表於 13-1-2 05:36

wongjoetabo

發表於 13-1-1 01:49

私人傳訊

amber-darling

侯爵府

積分: 22317

3^#

發表於 13-1-1 01:26 |只看該作者

引用：+樓主+.....里篇嘢有四千幾字，我諗我要睇

原帖由 bing-jing 於 13-01-01 發表
樓主 .....里篇嘢有四千幾字，我諗我要睇幾日 .....

X 2 呢一刻未有精神時間心機分析住，但你用心打字，幫你輕輕一推

私人傳訊

birdy09

翡翠宮

積分: 86809

牛年勳章 2018父親節勳章 2018母親節勳章 2018復活節勳章 15週年勳章親子王國15週年勳章熱血勳章玩具勳章畀面勳章好媽媽勳章醒目開學勳章環保接龍勳章大廚勳章親子達人勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章 DHA勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章美好大世界2017勳章開心吸收勳章瞓得好勳章