一次非常失望的訂購體驗！@fairytale.cakeart
原訂9月7日取餅，店主答應8/23交圖，但最後拖至9月2仍然未能提供蛋糕構思圖。多番提醒下，店主終於係9月3日交出蛋糕構思圖，但同原有構思有好大出入，到9月6日晚上9點亦未能交出蛋糕構思圖（重申：取餅日係9月7日）店主回覆原因，係話手上有好多訂單要處理，同時話我當初無比具體資料佢，同埋話一向都係客比構思圖，而唔係佢地提供構思圖。最後提我交收時間不設時限，結果取餅日足足遲左10分鐘先交收到蛋糕。
因為今次蛋糕係訂比爸爸60壽辰，所以我比較著緊，我原以為自己提供左蛋糕構思，有經驗既店主會幫我處理好（因為當初係店主話會畫圖比我），如果當初佢講明叫我提供構思圖比佢，我會先做好準備，並唔係到交收前幾日都出唔到構思圖時，先話我當初無比具體資料佢。另外，我慶幸取餅日只白等左10分鐘，而唔係一個鐘。因為店主強調佢好多單，好忙，所以我都預計到蛋糕水準去到邊，唔計佢個硬度十足既海棉蛋糕外，蛋糕根本無味道，而最簡單貼上去既Happy Birthday 都係凌亂既，完全明白咩叫圖片只作參考。
我只係想訂購一個靚蛋糕同爸爸慶生，估唔到換黎一個唔愉快既經驗，或者店主下次接訂單時，先考慮可唔可以係多訂單之下還能保持蛋糕應有既水準，好過令滿懷期望既客人大失所落。
發表於 
返回列表
