美容扮靚今日: 19|主題: 137951

收藏本版

回覆發帖

返回列表

跳至頁

查看: 4953 | 回覆: 4

深圳陶瓷牙貼片全過程分享 [複製鏈接]

wingki20

大宅

積分: 1914

1^#

發表於 25-5-30 06:23 |只看該作者 |倒序瀏覽 |打印

本帖最後由 wingki20 於 25-5-30 06:27 編輯

純分享，今年第二個新嘗試，十幾歲果陣因為仆崩左門牙，當時門牙直頭鬆鬆地，後來雖然冇事但變左門牙大細不一，以前勁鐘意飲咖啡，時間長左整到棚牙偏黃，加埋每年洗牙，牙縫越來越疏，睇左好多陶瓷牙貼片資料後，決定去深圳一間口腔診所面診免費咨詢，過關後單程車費可以報銷，打算徹底改善牙齒顏色同其它問題，一共分兩次完成，5月頭第一次過去做初診評估，去到登記完填簡單個人資料表格，等叫名，等約10分鐘，姑娘會提醒除低所有耳環，然後照3D全口數位掃描，照完後出去坐左大約10分鐘就見醫生，醫生會講返掃描出黎既牙齒健康狀況，評估係咪適合做牙貼片，其間問左好多疑問，確定牙齒冇大問題可以做，然後就會問返想選擇什麼貼片材質，有板可以睇，唔同材質唔同價格，即場選擇，因為原本係打算做e-max最平果種，9800包16隻，但最後揀左薄啲輕巧啲，牙貼片紋路更自然，色澤各方面更好既藍瓷價格15800都係包16隻，寧願比多幾千人仔，正常使用係10-15年先需要更換第二次，保養5年，5年內如果牙貼片整片脫落，可以免費重新更換，5年之後萬一整片脫落，都係免費更換，每隻比500蚊人仔醫生操作費，雖然講得難聽D第日會唔會執左都係未知數，不過咨詢過深圳其它牙醫診所價錢後，最後都係揀左呢間，因為我笑起上黎露既牙齒比較多，原本預算整16隻，最後決定整20隻，免得大笑果陣會好奇怪兩截色，貼片顏色揀左二號，一號覺得太白，我膚色偏黃想自然D，因為我有五隻牙齒嘅琺瑯質有破損，醫生話要補牙先可以做牙貼片，我真係做漏咗功課，完全唔知會咁，好在只係補5隻牙，因為平日刷牙太大力同埋打橫刷牙用錯方法，所以損害左牙齒琺瑯質，補牙揀左最平果種就ok，因為之後都會用牙貼片既原故，醫生都唔會建議你選擇太貴既補牙物料，補牙每隻400人仔，加埋2千人仔，另加多四隻牙做貼片一共20隻，所以要比多三千幾人仔，最後總數係19250人仔，因為做果陣有優惠價，所以感覺可以接受，雖然比預期貴左一萬，分兩次付款，先比左一半，到第二次整完再找埋尾數，當日咨詢完後，就等叫名洗牙、補牙同埋牙齒輕微磨除，磨除牙齒表面約 0.3~0.7mm和取模（傳統印模或數位掃描），問過唔需要臨時貼片，磨完後牙齒細左同埋第一日牙齒特別敏感，大約幾日後食野先冇咁痺痛敏感，開頭會唔習慣要時間適應，食野要用左右兩邊大牙咬合，第一次去要預算三小時，十日後再去第二次，第二次過去首先係試戴睇下有冇問題，照鏡檢查貼片顏色、形狀是否自然，冇問題醫生就開始進行黏合，全程約兩個鐘，所以個口都會幾攰，黏合完成後醫生會叫你試下咬合，突然牙齒大隻左會唔習慣，要一直咬合慢慢感受一下，因為部份位置需要再調整，直到咬合自然，如果真係之後出現咬合問題就要再約時間返去整，所以我都試左幾耐，醫生幫我調整左3次，第一日整完真係好唔習慣同埋好唔自然，點知第二日訓醒已經適應左一半，第三日已經冇大感覺，牙貼片已經同自己既牙齒融為一體，完全適應了，慶幸自己適應力算快，最後比埋尾數，竟然仲有份小禮物送，影埋相就走得，咨詢係女醫生，而幫我整果位係男醫生，手勢還好，好比心機幫我洗千年牙漬，係香港洗牙都冇試過洗得咁乾淨，雖然過程少不免有點痛和攰，術後避免24小時內食用深色食物（如咖啡、咖哩）要避免咬硬物（如冰塊、堅果等），日常清潔早晚刷牙，我習慣每日用牙線，所以開始頭幾日都比較難用，牙缝特別緊，而家買左隻扁形牙線，希望冇咁難用啦，整體比想像中順利，係過關後車程要半小時，有點遙遠不過辛苦都值得，牙齒美觀好重要，笑起上黎人都自信D，雖然唔可以咬太硬既蟹殼類，不過好在本身好少食好硬既食物，所以問題都不大。分享整之前同之後，牙齒形狀冇特別更改，所以睇落分別在於白左同埋牙缝冇咁大。
attach0/tmp/phpoNIh7W