本帖最後由 choyki 於 21-4-23 08:49 編輯
傻仔魚 發表於 21-4-22 12:45 
本人已50歲，對股票投資零認識，多謝賜教！ thx
強積金可扣稅自願性供款可減稅，可優先考慮。
年齡唔係最重要，最重要的是筆錢幾時要用，如果 65 歲後先要用，強積金可扣稅自願性供款可考慮，如果未夠 65 歲就要用，則不可考慮強積金可扣稅自願性供款。投資年期愈長（即筆錢愈遲要用），愈可選擇高風險，愈短（即筆錢愈早要用）則愈要選擇低風險，皆因升完會跌，跌完會升，投資年期長的話，愈有時間等升回（要多少時間是無人會知的），投資年期短則未必有足夠時間等升回。對股票零認識的未必會明，交過學費才會明。
我買賣股票已超過 20 年，窩輪也買過，雖然學費交咗唔少，但至今仍基本上是亂咁買，博買得中。
我幾年前月供過股票（是我唯一一次月供股票），供咗 3 年後停供，等升回。
雖然我唔係好識喺股票度賺錢，但慶幸我識得供基金，我供基金亦已超過 20 年（係股票玩唔掂先試下基金），係直接係基金公司供，唔係保險公司嘅投資相連壽險，二者差別很大，前者無限年期，後者有限年期，前者只有基金層面的收費，後者既有基金層面的收費，也有保險層面的收費，sell 基金所賺有限，sell 投資相連壽險肥過肥仔水，有腦嘅都 sell 投資相連壽險。千祈千祈千祈唔好掂投資相連壽險呀！
月供股票嘅玩法可能唔同銀行 / 證券行會唔同，我只玩過一次，只知中銀、南商嘅玩法—— 6 千元可供幾隻股票 / ETF，每次供款收 $50 手續費（首年或首兩年先收後回，其後才收後不回），不收存倉費、代收股息手續費，用中銀信用卡（南商出嘅都係叫中銀信用卡而唔係叫南商信用卡）供可賺積分。
我係 XX 牌月供股票系統嘅代理。 講笑。 不是。
有人肯月供股票才需要月供股票系統，有月供股票系統才可讓人月供股票。
呢個係有雞先定有蛋先嘅問題。券商話有蛋先，代理話有雞先。
發表於 
返回列表
