吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 有冇媽媽係血少板底架? 點算?

婦女醫護今日: 0|主題: 34365

收藏本版

發帖

返回列表

跳至頁

查看: 3288 | 回覆: 13

有冇媽媽係血少板底架? 點算? [複製鏈接]

aaabbbccc

洋房

積分: 351

1^#

發表於 05-5-1 16:46 |只看該作者

有冇媽媽係血少板底架? 點算?

有冇媽媽驗血時血少板底架? 我得52咋! :-( 點算呀?有d人話煲紅棗花生衣水飲喎, 唔知有冇用呢? 有冇人可以教我點煲? 大肚可唔可以飲呀? 心好煩呀! 好似好多野發生係我身上 :-( 真係好唔開心呀! :-(

私人傳訊

kitty_kitty2004

民房

積分: 53

2^#

發表於 05-5-2 01:52 |只看該作者

Re: 有冇媽媽係血少板底架? 點算?

我有個朋友都係咁,好似好危險架喎,你有冇睇醫生呀,醫生會有藥俾你食,但我朋友食咗藥就肥,不過有辦法.唔好自己煲野食,快d去睇醫生啦!

私人傳訊

joyjoyma

大宅

積分: 1190

3^#

發表於 05-5-2 08:27 |只看該作者

Re: 有冇媽媽係血少板底架? 點算?

How many months of prengancy you are now?

私人傳訊

aaabbbccc

洋房

積分: 351

4^#

發表於 05-5-2 14:08 |只看該作者

Re: 有冇媽媽係血少板底架? 點算?

kitty_kitty2004,

我之前去家計會驗, 個醫生話其實都唔係真係去到咁嚴重, 佢又冇叫我再體醫生喎! 不過之前血有個姑娘就叫我飲多d花生衣湯水...

咁又見有人話佢自己之前血小板得36, 就是飲左一段時間就正常番(不過當時佢係冇bb), 所以咪想試吓law!

joyjoyma,

我有左11週左右!

另外!請問可否飲紅棗水?

私人傳訊

pochaccoBB

複式洋房

積分: 189

5^#

發表於 05-5-2 18:22 |只看該作者

Re: 有冇媽媽係血少板底架? 點算?

aaabbbccc,

我是一名血少板低的病患者, 得知你得52, 你要小心d, 休息多d, 因血少板低會較為容易出血, 請問你是否有了bb才知或是之前? 正常人的血少板是150-400, 所以我認為你應去再看醫生, 直至正常為止.

至於飲花生衣湯水, 我飲過, 成效不大. 因為你有了bb, 我覺得你不要飲, 同時千萬不要食中藥, 特別是人參, 會令血少板更低.

kitty_kitty2004提及的朋友食了藥會肥, 這種藥是類固醇.

希望以上資料可以幫到你, 祝你生個肥肥白白bb.

私人傳訊

aaabbbccc

洋房

積分: 351

6^#

發表於 05-5-2 18:48 |只看該作者

Re: 有冇媽媽係血少板底架? 點算?

pochaccoBB,

你幾多度呀? 而家情況係點?
其實之前已經知道, 因為第一次是身體驗查時知道, 當時有74, 跟住體醫生醫生話唔緊要唔係好底冇比藥我, 過左約一年半去左家計會做懷孕前驗查, 就變左52, 咁當時我問果個醫生有冇問題佢話都唔係好底都係唔緊要喎!

我同佢講之前驗有74而家得52怕唔怕, 跟住佢話如果去到20-30先有問題要輸血, 一係你再驗多次la 我再轉介你去醫院la.

我冇再驗呀, 岩岩先驗完又驗我好怕抽血會暈. 咁我咪信佢冇事law..

私人傳訊

pochaccoBB

複式洋房

積分: 189

7^#

發表於 05-5-2 22:57 |只看該作者

Re: 有冇媽媽係血少板底架? 點算?

aaabbbccc,

我宜家的情況是正常, 約150-200, 但需定期到醫院覆診.

我覺得你最好驗多次血, 如果仍是低, 叫醫生轉介你去政府醫院睇, 因血少板低是慢性疾病, 我初時不知道, 在私家醫院睇了兩年, 花了很多錢, 後來醫生說要做手術, 我說無錢, 才轉介到政府醫院, 那個私家醫生正是無良醫生, 明知是慢性疾病, 就不應"dum症".

另外, 我計劃生bb, 我問醫生, 如果有bb會不會遺傳此病, 他說不會. 他說頭三個月要特別小心, 因有50%血少板會低, 不可食藥, 要放棄bb, 過了三個月就不怕, 可以食藥. (因我是較為嚴重)

以上是我的經歷, 希望你最好驗多次血la.

私人傳訊

yswong

大宅

積分: 3470

8^#

發表於 05-5-3 01:50 |只看該作者

Re: 有冇媽媽係血少板底架? 點算?

pochaccoBB

你好! 我妹妺也是血少板低,已經大約十年了,現在血少板數大約在50-60之間,但她已沒有食肥仔丸,身體比較弱,容易疲倦及時常感冒.

你說你現在情況正常,約150-200,想請問你是什樣醫好的?可否告知?謝謝.

aaabbbccc,

你要聽pochaccoBB的advice, check清楚, 特別是你有了BB, 要特別小心.

yswong

私人傳訊

aaabbbccc

洋房

積分: 351

9^#

發表於 05-5-3 10:39 |只看該作者

Re: 有冇媽媽係血少板底架? 點算?

pochaccoBB,

我會再驗多次血la, 請問你以前嚴重時幾多度? 你體醫生時怎樣醫好? 又冇話邊間醫院好?

yswong ,

雖然我得52度, 但係我好小病架喎! 只有起風難和鼻敏感.

私人傳訊

pochaccoBB

複式洋房

積分: 189

10^#

發表於 05-5-3 21:22 |只看該作者

Re: 有冇媽媽係血少板底架? 點算?

aaabbbccc & yswong,

我患了血少板低已經二十多年, 由幼稚園到現在. 在發病的頭幾年, 我時常出入醫院, 因血少板偏低, 導致我時常流鼻血, 試過多次流血不止, 需要到醫院止血, 以及身體出滿紅點和周身瘀. 直到小二, 血少板只剩1度, 醫生說已到達危險地步, 要做手術才有希望, 他說做了手術可能會完全正常番(較大機會), 或是維持原狀(較小機會), 可惜我是後者. 經過二十年, 直至這幾年才正常下來.

至於你們問我怎樣醫好? 我只是按時食藥(肥仔丸和盤尼西林,食了二十年, 現在不需食藥), 以及定期覆診. 這幾年突然間正常番, 我都不知點解???

但我的身體狀況像yswong妹妺一樣, 比較弱, 容易疲倦及時常感冒, 差不多個個月都要睇醫生.

yswong,
請問你的妹妹血少板低是不是"後天發現"? 她現在需不需要定期覆診?

aaabbbccc,
妳問我去邊間醫院睇最好? 我認為到政府醫院睇最好, 因我在私家醫院睇了個無良醫生, 花了很多錢, 同埋此病"手尾"可能很長, 留番d錢買多d BB用品la.

私人傳訊

aaabbbccc

洋房

積分: 351

11^#

發表於 05-5-3 21:37 |只看該作者

Re: 有冇媽媽係血少板底架? 點算?

pochaccoBB,
我今日去左政府到體醫生帶埋兩份報告去, 想攞轉介信同埋問吓對bb有冇影響及有冇其它問題, 醫生淨係識講有好多原因叫我自己問專科醫生,

咁我咪走去醫院排期law, 點知要排到2006年6月19日, 我咪同姑娘講我有bb先體, 2006年我都生左la, 咁體黎做乜? 佢話過多兩個星期醫生會望吓的轉介信如果佢覺得有需要早d體, 就會比電話我喎.. 到時蛇都死la.

我又要番工今日已經請左半日假, 13號又要去做唐氏, 19號又要做產驗(第一次). 都唔知重去唔去診所再體多次醫生? 點好呀?

私人傳訊

yswong

大宅

積分: 3470

12^#

發表於 05-5-5 19:58 |只看該作者

Re: 有冇媽媽係血少板底架? 點算?

pochaccoBB

你說這幾年血少板突然回復正常,又不知點解,好神奇呀!我妹妹血少板低是"後天發現"的,初期血少板只有十度以下,在醫院用藥(忘記了藥名)將血少板度數吊高才可出院,那些藥好貴,如果你唔問,公立醫院只會用肥仔丸.她現在都會經常驗血及定期覆診的.希望她和aaabbbccc如你一樣,血少板突然回復正常.

yswong