本帖最後由 choyki 於 21-2-25 14:26 編輯
我供咗基金超過 20 年，慶幸我當初有決定供基金。
我開始供之前出席過唔少基金講座，最初出席只係想聽佢哋對個市嘅睇法，之後自己買股票。期間我亦有比較各基金公司。兩三年後，股市跌得比較多，我也虧損不少，深刻思考，覺得長此以往亂炒唔係辦法，不如試下供基金，於是就喺富達開始月供基金。
當時市面未有 101 計劃（現時沒有再出 101 計劃，現時出嘅係 105 計劃），所以我無誤墮 101 計劃嘅陷阱。101 計劃係保險，有年期限制，收費高，還有很多限制，上面 2#、7#、8#、9# 都應該係買咗保險而唔係買咗基金。我喺富達買嘅係基金，唔係保險，無年期限制，無保險費，可增減供款額，可隨時贖回、停供。
過多幾年，我再喺摩根（當時叫怡富）開始供基金，實行分散風險。而家一樣仍然繼續供緊，平均成本法 / 袋鼠投資法適合我。
我係明白晒基金係咩、點玩法，先開始供嘅，唔係矇查查，畀代理遊說幾句就買。事實上我喺 80 年代已經有研究過基金買唔買得過，結果係買唔過，所以無買，直到 90 年代基金嚟個大革新先買得過。
我係 XX 牌月供股票系統嘅代理。 講笑。 不是。
有人肯月供股票才需要月供股票系統，有月供股票系統才可讓人月供股票。
呢個係有雞先定有蛋先嘅問題。券商話有蛋先，代理話有雞先。
發表於 
返回列表
