婦女醫護 今日: 0 | 主題: 34373

積分: 19

1^#

發表於 05-1-17 22:27 |只看該作者

如何是好？？？有ivf+纖線維瘤媽媽在嗎？傾傾呀？

12月初人工流產，剛一個月才停了流血，其間因纖維瘤的問題看了3個私家醫生，全部都建議先處理瘤的問題8x9cm才再懷孕。
因要接受人工授孕治療，政府主診醫生兩度緊持不須理會纖維廇，並安排3月份再放蛋。
我很擔心，不知如何決定。 :-( :-( :-(
私家醫生也希望我快點做手術。
但我連第一次經期都未正常番喎？

私人傳訊

積分: 703

2^#

發表於 05-1-18 01:42 |只看該作者

Re: 如何是好？？？有ivf+纖線維瘤媽媽在嗎？傾傾呀？

如果係我，我就唔放蛋住，我之前個瘤都成6cm，我又係心急想要BB，但我個私人醫生就叫我做o左手術先，因為如果當時有o左BB的話，個瘤會同BB爭食。你食咩營養o野，個瘤都會吸收埋，BB就可能發育得唔好。

我發現個瘤時才1.5cm，短短大半年就大得好快，所以都係做手術先，再有BB，之前又係一年多都無BB，我去看醫生才發現有瘤，手術係開刀（因位置問題不能用腹腔鏡），手術好好（響法國醫院做）唔痛。出院後兩星期已經去游水。醫生話半年後可以有BB，半年後我真係有o左。雖然醫生強調之前無BB唔關個瘤事，但我都覺得關事，之前未做手術，次次m都痛到要吃藥打針，但做完生埋仔就一點也不痛啦。。。

記住現在唔好食補o野，個瘤會大得好快，醫生話大得快可能會病變，特別係燕窩。我o個時以為要食好o的，就係食o左好多好野。
我個醫生好專業嘎，做顧問嘎，好多大肚婆去“體"。要不要話你知呀？
不過他是男人。

私人傳訊

積分: 19

3^#

發表於 05-1-18 21:59 |只看該作者

Re: 如何是好？？？有ivf+纖線維瘤媽媽在嗎？傾傾呀？

G5,

我也想知道幫你做手術的醫生名稱，方便在這裏介紹嗎？
做手術要幾耐時間及要請很耐假休養嗎？！
Thanks！

私人傳訊

積分: 703

4^#

發表於 05-1-19 01:37 |只看該作者

Re: 如何是好？？？有ivf+纖線維瘤媽媽在嗎？傾傾呀？

醫生資料我寄去你收件箱啦，
做手術好快嘎，我共住o左四日醫院，頭一晚響醫院訓，唔比食o野，o個晚係好驚，因為我怕黑，但醫生好心安排我去o左產科訓，一個人訓間三人房，好驚好驚，所以你都係日頭去好。
第二日一早就開刀，打全身麻藥，打完都無兩分鐘我就訓著，入手術室前姑娘會幫你插尿喉，我好醒，叫姑娘等我麻醉o左先插。因為我個瘤的位置響子宮後面，仲貼著大血管，所以屬中難度手術。所以用左兩小時才做完，我仲叫醫生幫我影張相比我"體"番我個肚。
做完即日我完全昏睡，因為怕會好痛，所以不停訓，訓著就一點也不痛，又可能醫生幫我響鹽水度落o左o的麻藥等我無錦痛。第二日我就落床，不過就住行，好似蟻錦慢，但感覺係驚多過痛，第三日好o的我就洗頭，不過你唔好洗，因為洗完馬上頭痛，我o念要好似坐月錦。
當時我好忙，我係響屋企工作，出院第四日我就要趕稿做到三四點，但都無咩無舒服。
出院一星期後我便可以自己去買“送“煮飯，因為我好中意煮飯，第二星期我就落樓下泳池游水。

所以，你唔使驚嘎，我做手術前係完全o念唔到會一o的都唔痛，比起平時m痛係小兒科，都要多得我個醫生，真係好手世，所以我好感激！

私人傳訊

積分: 19

5^#

發表於 05-1-19 23:19 |只看該作者

Re: 如何是好？？？有ivf+纖線維瘤媽媽在嗎？傾傾呀？

G5,

巳經收到你的資料，Thanks a lot.
請問這位醫生是甚麼年紀，檢查連照超聲波約幾多錢呢？
咁之後會唔會因曾經子宮做過手術而不能自然分娩呢？

嘩！你都好大膽喎，做手術o的相都敢o弟。

私人傳訊

積分: 703

6^#

發表於 05-1-20 10:50 |只看該作者

Re: 如何是好？？？有ivf+纖線維瘤媽媽在嗎？傾傾呀？

我個醫生大約50歲啦，如果係第一次去“體“，頭一次會貴少少，五百左右，因為要check清你有咩問題，B超不另收費，收的是細胞檢查，（約百多元）另加三百幾診金。
不過第二次或之後的跟進就次次都係三百幾。
我大肚去“體“時，所有鈣片，惟它命丸幾鐵丸都無收錢，仲加埋每次的B超檢查。算係錦啦。
我之前亂打亂撞，“體“過的都好貴，有個收我成八百一次。

不過隨帶一提，佢都幾串嘎，有時我問埋o的未發生但擔心的問題，佢就會講一大論話我，不過都好，唔使我亂o念。但關於個病的情況,佢會好專業同好詳細解析。

曾經子宮做過手術當然可以自然分娩可以啦，我米係囉。
不過要“體“下你個瘤的位置生響邊？要切去子宮的多少才能定復完時間，如果在子宮裡面肌肉就煩o的，我個雖然都算大，但係生響宮肌外面，只係切去肌理的三分一沒有的肉，所以可以半年後有BB。這些都係響醫生度知番o黎。
手術相我敢“體“！可惜我讀書唔好，要不真想學醫。

私人傳訊

燁媽媽

積分: 362

7^#

發表於 05-1-20 16:15 |只看該作者

Re: 如何是好？？？有ivf+纖線維瘤媽媽在嗎？傾傾呀？

我都想知個醫生資料,可否pm給我.
謝謝!

私人傳訊

積分: 908

8^#

發表於 05-1-22 15:45 |只看該作者

Re: 如何是好？？？有ivf+纖線維瘤媽媽在嗎？傾傾呀？

bearlcl：
我都係有纖維瘤做ivf，不過我個瘤得2-3cm，醫生都話無問題，可以做ivf，但你個瘤好大喎，成個橙咁大，再打ivf d 針有機會再大，你平時d m 咪黎到好犀利囉？咪會貧血囉？你個瘤咁大係會影響子宮擴大，萬一bb o係子宮著床時係o係個瘤度都無咁好，你上次小產陀到幾大？會唔會有咁可能呢？

Rosa

私人傳訊

積分: 19

9^#

發表於 05-1-22 23:00 |只看該作者

Re: 如何是好？？？有ivf+纖線維瘤媽媽在嗎？傾傾呀？

yyRosa,

其實有纖維瘤巳經3年，不過由最初check到時的3cm到每年續增至5cm，其實仲有1粒細既。但平時又唔會流得好多血，不過有經痛及腰酸背痛(可能我已經慣了)。
私家醫生轉介我做ivf前亦建議我生埋bb先處理。

我放蛋前係6x7cm+1.5x2cm，ivf醫生也說有孕會大。
點知第一次放蛋就中了。但有了1個月就因胚胎沒長要做人工流產。但因打針size大了很多。

事後覆診，醫生說這次小產與纖維瘤完沒有關係。
仲話我咁本沒有處理瘤的須要，他有小小嚇我話這個瘤不一定是纖維瘤，有机會係肌線瘤，佢話超聲波係照唔到邊類。話開刀止唔到血就要成副子宮切除。
當時我唔敢出聲，他便叫我3月份再放蛋。

我是在瑪麗做ivf的,你呢？
其實，我好覺得那醫生想快快清o的case,唔知若我堅持延期放蛋，佢會唔會留難我。

:-( :-( :-(

私人傳訊

積分: 908

10^#

發表於 05-1-23 00:02 |只看該作者

Re: 如何是好？？？有ivf+纖線維瘤媽媽在嗎？傾傾呀？

bearlcl：
我o係廣華做ivf，其實只要你唔報經期日子咪唔做住囉，廣華係女醫生做，我覺得好似易講野d

，我就可以就老公無咁忙先報經期，廣華就無問題，因為你唔做大把人做丫麻，反而係我想做，但我其他瘤大，佢唔俾我做咋。
你下次係放雪旦？

Rosa

私人傳訊

ellayu

積分: 320

11^#

發表於 05-1-23 18:15 |只看該作者

Re: 如何是好？？？有ivf+纖線維瘤媽媽在嗎？傾傾呀？

yyRosa,

好開心可以在這裏遇反你，你近來好嗎？你上次10月做的ivf 有否進行，有沒有結果？
我現在在廣華進行緊治療，現在打緊第10天的hcg 針及嘖鼻，真係好辛苦 :cry: :cry: 心情很低落，pat pat 都開花！！　　唔知總要打到幾時呀，上次醫生照超聲波話總味夠成熟。希望快ｄ可以完啦。
EllaYU

私人傳訊

積分: 908

12^#

發表於 05-1-23 20:52 |只看該作者

Re: 如何是好？？？有ivf+纖線維瘤媽媽在嗎？傾傾呀？

HI ELLA：
我上次失敗左，其實放果日醫生都話多數唔得，不過即管放喎，點知我宮頸唔開，成個鐘先開，做完我已喊到豬頭咁
咦!我都係剛放完旦，我地可能有見過都唔奇喎!我17號最後一針HCG，19號抽，21號放。
你第一次係會緊張D ，針口痛就用熱水袋敷住訓會好好多架，我就打13日HCG先抽，得9粒旦咋，受精就得7粒，靚O既得幾粒，點知放時有阻滯，唔見左粒最有機O既

只放到兩粒，唉~~~~我諗都係無機架喇

不過今次我就為自己，抽果日就成日無返工，放果日就下午無返工，費時影響心情。放果日你記住返去訓喎，仲有係而架就食多D花膠，D人話膠質多D個胎會易D黐住喎。
你放鬆D啦，(不過我都明講就易) 祝你一擊即中

Rosa

私人傳訊

積分: 19

13^#

發表於 05-1-23 21:30 |只看該作者

Re: 如何是好？？？有ivf+纖線維瘤媽媽在嗎？傾傾呀？

yyRosa, Ellayu,

Hello。你o地係咪都係放雪蛋o架？
我上次第一次抽蛋都覺得幾辛苦，入手術室前姑娘咪在手背上插針咀o既，個仲感覺我很驚。不過抽蛋的過程很快。我未
上張手術床個人巳暈o左大半。
點解yyRosa係話宮頸未開?乜唔係好似平時婦檢一樣，放了輔助器，醫生便放蛋的嗎？
廣華那邊有幾多個醫生負責放蛋及話事o架？
瑪麗公家隊及私家隊都係同一個咋。
請問你o地知唔知，放雪蛋前仲駛唔駛抽血同打針o架。
不過我知我問得太早。若我要割o左個瘤，調理完而個醫生又幸延期都年尾啦。
:-( :-( :-(

祝你們倆都早日成功啦。

私人傳訊

ellayu

積分: 320

14^#

發表於 05-1-23 22:48 |只看該作者

Re: 如何是好？？？有ivf+纖線維瘤媽媽在嗎？傾傾呀？

yyRosa,

我們可能真的碰過面，我12月17日是打第三日針。我去了這麼多日，日日到有人比安排入院抽egg.
知道你上次失敗咗都不開心 :-( :-( :-( 希望你可以快d養好身體再做下一次，我會幫你加油

不知是否自己身體弱，這幾日傷風同埋咳，也有發燒，我念今次ivf 都係機會微啦。有時覺得好累好辛苦，好想放棄。我嚐試放鬆，返工其實可以比我唔念ivf 但在工作上又有太多事要理。其實我boss好好，給我好多支持，但因為自己家人不在香港，好想有佢地在身邊。 :cry: :cry:

私人傳訊

積分: 908

15^#

發表於 05-1-23 23:00 |只看該作者

Re: 如何是好？？？有ivf+纖線維瘤媽媽在嗎？傾傾呀？

bearlcl：
我太差，所以無雪旦。
我係訓上床先打手架，無一分鐘就乜都唔知，第一次就醒翻乜都無印象，但我老公話我有痛到叫，不過我就唔知。剛剛呢次，醒翻後就有d 印象，知我有話痛。
放旦係放了輔助器，放支幼管咁o既儀器由宮口入子宮，睇住超聲波放旦，我就唔知乜解鐘意開就開，唔開就唔開。
廣華都係得一個醫生話事。
放雪胎好似要抽血驗同超下幾時排卵，針就唔駛打。有d 就話會食排卵丸，等身體準備受孕狀態。
好似手術後一個月就可以做ivf，果時我做手術個私家醫生就咁講，不過都要睇醫院個醫生肯唔肯。
多謝你，大家都好運啦。

Rosa

私人傳訊

積分: 908

16^#

發表於 05-1-23 23:15 |只看該作者

Re: 如何是好？？？有ivf+纖線維瘤媽媽在嗎？傾傾呀？

ELLA：
我今次反而平靜D，仲好低調，連我家人都唔知，放完胎先同呀姨講，仲要係咁

Rosa

私人傳訊

ellayu

積分: 320

17^#

發表於 05-1-24 20:42 |只看該作者

Re: 如何是好？？？有ivf+纖線維瘤媽媽在嗎？傾傾呀？

yyRosa,

你今日不需要打針嗎? 我今日好唔開心 :-( :-( 醫生做超聲波照egg時話我知我只得很少egg. 明天仲要繼續打針，星期三再照過。真的不知點算好呀

我可以點做呀？
我老公話橫掂得甘少，不如同醫生講不再繼續，免得失去一次機會。下次再做。我真係想cry，經過甘多日打針，日日早起身，甘辛苦。他這麼容易就不給我機會，他不是打針個個，說得真容易！ :evil: :evil:
我想問你上次遇到這情況，醫生有沒有比你選擇呀？
ELLAYU :-| :-|

私人傳訊

積分: 908

18^#

發表於 05-1-24 23:15 |只看該作者

Re: 如何是好？？？有ivf+纖線維瘤媽媽在嗎？傾傾呀？

ELLA：
我放完胎就幾日先打一針，聽日就要打。
你老公咁講係佢理智諗法，不過聽O係你耳就好心痛係咪？我明你心情，等如我而家睇你CASE咁，我都會好似你老公咁講，明知唔得當然唔想浪費一次啦。不過始終話事係醫生。我都有發我老公脾四架，我話乜野痛苦都係我受，你只係多D 關心我都唔得!!!!!!
我上次係一個泡咋，但我係自己俾$買貴針打，平時D人買7600蚊就起到好多旦，但我買到過萬蚊都唔起呀，連醫生都肉痛喇，叫我唔好再買，費事浪費$$$$$，係佢話唔計果次，我當然話好喇，都未上床就計一次咪好慘!!!!
不過今次做佢已唔記得，當我係第3次，我咪堅持話係佢話架，佢先話是但啦。

Rosa

私人傳訊

積分: 19

19^#

發表於 05-1-24 23:45 |只看該作者

Re: 如何是好？？？有ivf+纖線維瘤媽媽在嗎？傾傾呀？

yyRosa,

嘩！好貴呀！

你係咪排私家隊做o架？咁平均每1個cycle要用幾多$o架？
包唔包實驗室雪蛋同入手術室放蛋的費用在內呢？
等我問定萬一公家隊唔理我，走去排私家隊都好呀。

私人傳訊