吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› （新手媽媽）6日人仔，埋身+補粉2安，只有6-7餐？（文長 ...

母乳餵哺今日: 0|主題: 85706

收藏本版

回覆發帖

返回列表

跳至頁

查看: 3221 | 回覆: 7

（新手媽媽）6日人仔，埋身+補粉2安，只有6-7餐？（文長） [複製鏈接]

XX煩人一個

大宅

積分: 1363

1^#

發表於 17-1-4 04:36 |只看該作者 |倒序瀏覽 |打印

6日人仔，醫院姑娘話佢吸食能力ok，不過太用力，有時停得耐（10-20秒/1次）
餵奶技巧ok(但人仔太有性格，姑娘要佢食曬成個乳雲，佢明明食岩都唔食，係要自己黎+可能部分食唔到（乳雲太大））
原本全人奶，係醫院頭2日都係每2-3小時，食1-1個半小時（但因為未上奶，經常食完15分鐘即喊要奶，完全瞓唔到，要推出去俾姑娘搞，又試過不停要食2小時，俾阿姨鬧要放低+推出去俾姑娘搞）
（醫院沒要求一日10-12餐，只係話佢想食就餵多陣）(48小時後出院99開始話要谷我奶，個孫無奶到肚唔得，惡夢再開始.....）

番屋企頭2日，keep住醫院咁食法，但都係未上奶/只係得第4日開始有奶白色奶水，食左幾餐又係叫到拆天+不停申利+食衫食手，結果被C6提出補粉，每餐食完兩邊（共1-1個半小時/只有少量奶黃色人奶）+奶粉由第3日10ml補到第六日60ml
時間大約平均2小時1次，凌晨3點左右個餐會隔長d（跟醫院個陣）一日6-8餐，有6-7塊濕片，有最少1-2塊尿片（比較水）

第6日去健康院，但個度姑娘話我咁樣餵唔岩，又話要每日10-12餐，每2小時/1次30分鐘，單邊30分鐘（只食一邊，另一邊唔食），最多補多10分鐘，番屋企試左第一餐，叫到拆天，俾多10分鐘都唔得，結果C6番黎話不如都係補奶粉，話唔知佢吸個30分鐘到底有無後乳，最少奶粉補充到。

咁到底我係keep番係醫院食法+補粉，定健康院食法，人仔出世到宜家都係中/細B，如果佢一直都係食奶白水狀母乳？唔夠飽+唔夠營養，咁我唔補粉，咪仲跌出生長線？
C6話安慰我餵唔到咪餵唔到囉，俾佢都有食過，咁吸唔到/吸唔夠都無辦法，咪最多轉全奶粉，但我當然想可以俾佢食到幾餐母乳，真係有心無力，又受99每日2call壓力。

0 0 0

私人傳訊回覆引用

tiffanychak123

複式洋房

積分: 129

2^#

發表於 17-1-4 07:09 |只看該作者

XX煩人一個發表於 17-1-4 04:36
6日人仔，醫院姑娘話佢吸食能力ok，不過太用力，有時停得耐（10-20秒/1次）
餵奶技巧ok(但人仔太有性格，姑 ...

完全同你一樣，7日人仔岀世都依家姑娘都話啜得好好，但每次都埋身食一個鐘一邊，一放底就拆天，最後姑娘教補奶粉，補2安士奶粉就即刻訓得好好，凌晨個兩餐夜奶我會俾全奶粉佢食，（不過唔係晚晚都咁順利），自己再泵岀黎，日抖當作補奶用，可惜每次泵兩邊40分鐘先得2安士，真係辛苦，又窮媽媽，又想盡量俾佢食人奶

私人傳訊回覆引用

XX煩人一個

大宅

積分: 1363

3^#

發表於 17-1-4 11:57 |只看該作者

tiffanychak123 發表於 17-1-4 07:09
完全同你一樣，7日人仔岀世都依家姑娘都話啜得好好，但每次都埋身食一個鐘一邊，一放底就拆天，最後姑娘教 ...

健康院姑娘鬧唔可以俾佢食咁耐，補粉最多夜晚個幾餐，屋企個奶泵好似唔夠力，想試泵但唔ok(emoji)(emoji)又唔想因爲食單邊，結果另一邊收奶，99俾好大壓力，早晚2call驚我唔夠，但佢既鄉下坐月係全日食咸魚，我怕鹽份超標+影響人奶，C6幫手但食極唔完....
今朝好似可以食半個鐘就瞓，無特別要補粉，諗住再試多幾餐先，密密食

私人傳訊回覆引用

lemonstar28

大宅

積分: 1422

4^#

發表於 17-1-4 13:52 |只看該作者

回覆樓主:

咁不如你試下泵出來睇下自己兩小時內有幾多奶作個參考，起碼你知道自己有幾多奶。埋身奶量應該多啲嘅，飲多啲上奶湯水，食飯，炒米茶喇, 就會多奶，唔夠先補奶粉，最緊要BB食得訓得。

私人傳訊回覆引用

mpigpig

大宅

積分: 1261

5^#

發表於 17-1-4 14:04 |只看該作者

我個時係日頭兩個鐘頭一餐..夜晚三個鐘一餐...每邊都餵半個鐘...佢仲喊就補粉...
大D 就唔駛兩邊.....因為我小朋友黃...所以係我叫醒佢食..

健康院同醫院個個姑娘講既野都唔同...搵個你OK既方法啦...我搵個好多次母乳姑娘, 醫院既姑娘...個個都講唔同既野...都冇乜STANDARD...

RELAX.....最緊要你有埋身...等你身體做多D 奶....遲D就唔駛補咁多..

私人傳訊回覆引用

kayla.shan

別墅

積分: 540

6^#

發表於 17-1-4 14:23 |只看該作者

回覆樓主:

我都同你差唔多情況，之前feed on demand 完全休息唔到，無論食了幾耐總之一放低就係喊，食的時候食食下就睡。日日喊，壓力大到不得了，好想快d 多奶。而家泵出來，起碼知道佢食幾多，只少bb 一喊唔會俾人覺得佢餓先
我由好抗拒奶粉到而家接受補奶粉，希望個人輕鬆d，會多奶d

私人傳訊回覆引用

kkk23

別墅

積分: 984

7^#

發表於 17-1-4 18:29 |只看該作者

XX煩人一個發表於 17-1-4 04:36
6日人仔，醫院姑娘話佢吸食能力ok，不過太用力，有時停得耐（10-20秒/1次）
餵奶技巧ok(但人仔太有性格，姑 ...

我都分享小小自己經驗比妳參考下，但首先唔好比壓力自己，會影響奶量，食奶粉都一樣

我10月生完，系醫院頭兩日都系2個鐘餵一次，但其實得幾滴奶奶，主要都系比bb餟幫助上奶，第三日都未上奶，加埋我乳頭短平，bb好難餟，開始肚餓喊到拆天，姑娘就幫佢補奶粉，出院個日呢個3日人仔一餐可以飲到差不多2安，但我系醫院泵極都系得幾ml, 瓶底都唔滿，個陣時勁難過，完全無諗過餵唔到，奶粉都無準備，都係出院個日返到屋企，C6先落街買左罐奶粉

由於實在埋唔到身，於是決定用泵，一日泵8次，第四日開始上奶，好谷，但開始都泵得好少，一日泵得加埋先夠bb一餐，其他7餐都食奶粉。幾日後開始多d, C6見我辛苦要求我只泵7次，半夜唔泵，訓多d，又估唔到有幫助哦！因為半夜個餐C6餵奶粉，我就訓，慢慢開始越來越多，追到bb只食一餐奶粉就夠，而家已經完全夠佢食了，佢而家一日食5餐，我就只泵5次

個人覺得雖然無得埋身，多左洗泵，奶樽等工夫，但相對比較容易掌控bb食幾多，調節佢食奶嘅時間