吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有小朋友後先發覺夫妻感情不再，好痛苦 ...

夫婦情感今日: 3|主題: 42780

收藏本版

發帖

返回列表

跳至頁

查看: 12665 | 回覆: 16

有小朋友後先發覺夫妻感情不再，好痛苦 [複製鏈接]

LittleSnail88

大宅

積分: 1194

1^#

發表於 24-8-11 01:51 |只看該作者 |倒序瀏覽 |打印

本帖最後由 LittleSnail88 於 24-8-21 02:16 編輯

拍拖十幾年，諗住有咗小朋友可以有返啲寄託，雙方可以有共同目標而唔係晚晚各自各煲劇，然後前後腳入睡。點知生咗第一個之後先發覺對方嘅種種唔好，唔係不良嗜好嗰種，而係佢變咗。
未有小朋友之前佢都算就得吓人，唔事事計較又算愛錫我。但自從有了小朋友之後，大家關係差咗。
雙方好易發生磨擦，幾年前開始已經唔再有關心、真誠溝通、發自內心嘅開心、心事分享、噓寒問暖一概欠奉。剩低嘅係只有「共同撫養小孩嘅責任」，而互相忍讓。一旦發生小事或踩到對方觸到痛點，就會互相攻擊，關係差過殺父仇人。
每次嘈完大交我都回想返當初點解會嫁比佢？點解會咁有眼無珠，令自己今日過得咁唔開心？好想一切都係一場夢，返回廿年前未識到佢嘅時候。
以前父母離婚，我同自己講，唔好行佢哋舊路，點都有解決問題嘅方法，唔好分開影響到小朋友。但呢一刻我終於明白，離婚都需要好大勇氣，同埋唔係單方面嘅事，話解決就解決到。根本雙方由相愛到不愛就已經無法一齊解決問題。
我好想大哭，好想話比父母朋友知，但唔得。因為佢哋實話我：「條路自己揀」。
我好唔開心，唔明白點解會變成咁。好無奈。

0 0 0

私人傳訊

bella啤拿

大宅

積分: 1555

2^#

發表於 24-8-11 04:06 |只看該作者

本帖最後由 bella啤拿於 24-8-11 04:08 編輯

LittleSnail88 發表於 24-8-11 01:51
拍拖十幾年，諗住有咗小朋友可以有返啲寄託，雙方可以有共同目標而唔係晚晚各自各煲劇，然後前後腳入睡。點 ...

你咁非人生活. 唔好作賤自己。人地唔離婚都可能有點價值而去維持。你果件係一點留低價值都冇。你離開佢一定會開心過而家。女人要對自己好要高貴點。男人先唔會待薄你。我覺得佢只係比飯你食就算，而家你係人係佢老婆，唔係動物呀。點可以咁樣刻薄你，就算你離婚你一點都不可惜。你放心佢會對細路好好。但不會對你好。一係堅強d 同佢講清楚。傾唔掂數就叫佢食屎啦。

私人傳訊

redapple_pie

複式洋房

積分: 377

3^#

發表於 24-8-11 10:39 |只看該作者

LittleSnail88 發表於 24-8-11 01:51
拍拖十幾年，諗住有咗小朋友可以有返啲寄託，雙方可以有共同目標而唔係晚晚各自各煲劇，然後前後腳入睡。點 ...

如果繼續忍，你衹會越黎越難受。
如果有可以，建議你返工，兼職也好。
慢慢來，行出第一步，就會行出條新路。
加油！

私人傳訊

zitamamama

伯爵府

積分: 18134

4^#

發表於 24-8-11 12:53 |只看該作者

做ftm做到咁，出來工作啦。

私人傳訊

kwhkwh

公爵府

積分: 29867

2026勳章 2025勳章蛇年勳章 2024年龍年勳章牛年勳章

5^#

發表於 24-8-11 19:20 |只看該作者

本帖最後由 kwhkwh 於 24-8-11 20:39 編輯

男方day 1 刻薄你果刻就要fTＭ夢醒，第一時間番返工啦。

ｂｔｗ，　生小朋友 family planing，不是「有咗小朋友可以有返啲寄託」，你憑乜覺得會令「雙方可以有共同目標而唔係晚晚各自各煲劇」？你同男方事先其實有冇傾過? :donutwonder:

請勿轉載。搬字過紙不是記者的工作，未經同意, 即屬抄襲。

私人傳訊

Goodday22

別墅

積分: 547

6^#

發表於 24-8-11 19:41 |只看該作者

LittleSnail88 發表於 24-8-11 01:51
拍拖十幾年，諗住有咗小朋友可以有返啲寄託，雙方可以有共同目標而唔係晚晚各自各煲劇，然後前後腳入睡。點 ...

好明白你既感受，其實系一個惡性循環，你盡力做既野，佢返到黎吾讚賞都算，仲要踩你，然後你會好嬲，會不停囉嗦佢，發洩怨氣，佢又吾順氣話返你！避免女人囉嗦，只要男人吾好咩都分對與錯，tum掂老婆，家庭會和睦好多。FTM吾易做，湊小朋友同家務跟本全年無休，老公只會覺得你喺屋企嘆世界，佢就喺出邊受氣。老公一開始系ok,但耐咗佢會覺得自己係老細款，所以會挑三挑四，家庭地位不平等。所以只可以出返嚟做嘢，大家平起平坐，想買嘅嘢自己賺錢買，想去旅行自己俾錢去，小朋友開支平分，賺到錢就搵返份面子返黎。

私人傳訊

ARabbit

珍珠宮

積分: 32048

7^#

發表於 24-8-11 20:48 |只看該作者

回覆樓主:

出來工作靠自己吧
有返D錢傍身，有自己的生活同朋友比較好

私人傳訊

wholemilk

大宅

積分: 3383

8^#

發表於 24-8-11 22:45 |只看該作者

你應該要求增加家用，但增加咗嘅金額其實係撥出嚟做私人消費，唔好每隔幾日想買少少私人嘢都另外向佢申請，咁樣令人好煩，增加咗大家拗撬機會。

私人傳訊

babykiko221

大宅

積分: 2890

9^#

發表於 24-8-11 23:49 |只看該作者

樓主我發覺我的經歷同你好相似，我無時無刻都好想離婚，但係小朋友又唔知點算好，生活上咩事都要靠自己，湊小朋友，照顧日常起居飲食，一個月都係比果幾千蚊家用比我，我好討厭現在既自己，變的好可悲！

私人傳訊

chanlouisa

大宅

積分: 1350

10^#

發表於 24-8-12 00:20 |只看該作者

回覆樓主:

我都有相同經歷，都係FTM，所以我決定9月開學後就搵份Part time，唔可以事事靠男人，女人要自強，唔可以委屈自己！

私人傳訊

kaman06

男爵府

積分: 7265

11^#

發表於 24-8-12 09:43 |只看該作者

LittleSnail88 發表於 24-8-11 01:51
拍拖十幾年，諗住有咗小朋友可以有返啲寄託，雙方可以有共同目標而唔係晚晚各自各煲劇，然後前後腳入睡。點 ...

建議揾社工傾傾先，明白你好辛苦，亦無人支持，可以揾下社工傾傾

我覺得你的故事有好多的問題要慢慢了解，例如幾年都係咁，但睇你舊post， 22年先生，你地中間有冇咩爭拗發生左，仲有c6經濟，工作壓力如何？

仲有，你係單親成長，婚姻觀會受單親影響，唔係話好唔好，會唔會令你對關係睇錯左？因為我身邊幾多朋友係重覆佢哋父母的事，唔係指離婚，例如父母語言暴力，到佢哋大個一樣會有，只係平日無發現，當然亦唔係話你有，只係好多時大家觀點唔同就有磨擦