0-6個月今日: 0|主題: 37505

收藏本版

發帖

返回列表

跳至頁

查看: 8467 | 回覆: 2

【分享】BB第一次打針, 發燒, 餵退燒藥. [複製鏈接]

jellywonghk

大宅

積分: 4970

1^#

發表於 11-3-8 12:48 |只看該作者 |倒序瀏覽 |打印

BB第一次返健康院打針, 事前我已經係網上面搵左好多資料, 一般都話BB打針時會大哭大鬧, 事後會發燒等情況, 所以去打針前我已經做左一D心理準備.

*** BB打針時 ***
在解開BB褲腳前, 我有一點點兒緊張, 已經準備好紗巾及奶嘴, 以備BB哭鬧時會用到的.
姑娘幫BB大腿消毒時, BB都無咩反應, 依舊係眼仔lOOK LOOK好精靈.
到姑娘將支針插入BB大腿時, BB"呀"一聲, 我當時心諗, 死啦, BB一陣有排哭鬧喇......係我介諗緊時, 姑娘已經好快手咁打完支針, 而我BB呢?
係頭先個"呀"一聲後, 跟住無左下文...完全無哭無鬧, 好安靜咁繼續周圍望. 眼水都無一滴...真係估佢唔到囉...
之前我仲鬼死咁緊張添...

*** 攞退消藥水 ***
姑娘打針後, 話BB一般會有發燒的狀況, 所以要去藥房部攞定D退燒藥, 等左好耐終於都攞到, 走之前仲好醒咁問D藥劑師攞定膠匙羹. 點知返到屋企先發現, 原來D膠匙羹好難餵BB飲藥水架. >.<
跟住即刻叫老公去藥房問下人有無工具可以幫手餵BB飲藥, 之後先發現, 原來有一D好似針筒的工具可以餵藥的, 當時係度諗, 點解健康院D人唔提下我地尼D新手媽媽喎.

*** BB發燒 ***
BB中午回家後, 預計會有發燒情況的, 所以一離開健康院, 邊度都唔敢去, 即刻返屋企.
回家後即刻將耳探呀, 江探呀, 退熱貼等, 通通攞晒出黎. 仲同老公一齊試左好幾次.
之後隔一陣就摸下BB額頭, 一個鐘就探一次熱.
玩左成個下午都無發燒, 以為無事啦, 可以放鬆啦, 點知.....
原來到夜晚先精彩呀, BB由9:00左右開始發燒, 輕微的 38度, 一發現即有理無理, 死都貼張退熱貼係BB額頭度, 你知啦, BB發燒可大可小的. 貼左放心D.
之後, 成晚同老公係度輪班咁睇住BB.
仲好似好專業咁, 搵紙寫底BB探熱後的溫度.
成晚, 我同老公跟本都無訓過, 太緊張喇, 又驚BB會由輕微發燒變成高燒.
仲準備晒BB入院的野, 一發現高燒即飛的士去急症室.
不過好彩, BB一路都只係微燒, 第二日早已經退晒燒, 而且成個發燒過程中, BB都無咩扭針&哭鬧...真係好感恩.

事後, 都同老公有傾過, 覺得我地太緊張, 下次可以放鬆D, 加上有第一次的經驗, 下次再打針時, 我地可以處理得更好.

** 希望BB可以健健康康, 快快樂樂咁長大生活!