吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 知道老公出軌後的轉變，純分享（超長文） ...

夫婦情感今日: 0|主題: 42796

收藏本版

發帖

返回列表

跳至頁

查看: 16159 | 回覆: 49

知道老公出軌後的轉變，純分享（超長文） [複製鏈接]

12 3

chukamchun

大宅

積分: 3331

1^#

發表於 19-1-8 09:56 |只看該作者 |倒序瀏覽 |打印

同老公拍拖四年後結婚，到今天已結婚二十二年，有一個十九歲女兒。
婚後一直恩愛，亞女小學中學時期都會keep住一年去一兩次旅行，而性生活方面咁多年來一星期會有一至兩次，生活平穩安定，雖然間中有爭執但不會嬲對方超過一天，感覺平靜穩定。

直到上年九月中，在一次爭執中，老公突然向我和女兒説出對我不忠，對方是他一個相識多年嘅同事，而那個女我亦知道是誰，老公向我和女兒説他四年多前第一次與對方上床，地點是在那個女的屋企，而老公上那個女屋企是因為那個女要求老公上去佢屋企整野，整完野之後那個女就攬住老公......老公受不住引誘就做錯事！

老公之後同我講，那時貪新鮮而做錯事，同對方上了兩次床之後便感到不想繼續，而且老公從來無鍾意過對方！其實那個女沒有樣貎沒有身材，可以講係醜樣，老公話一路以來同佢只是傾得埋的同事，是一種友情，而錯誤地做出超越友情的關係！係果四年多以黎，老公多次同對方講唔想繼續落去，但對方就以搵我黎要脅老公話要搵我，話比我同個女知佢地曾經上過床！老公就是害怕就拖拖拉拉左四年幾！而佢解釋佢果時唔講一來係害怕無左頭家，二來係唔想影響女兒考大學，因為個女係佢命根！

其實係呢幾年，我真的未能察覺老公對我不忠的事，可能我警覺性唔夠！咁多年來，我地每年都會去三、四次旅行，任何節日，任何時候我叫佢去邊都永無拒絕，從來沒有係出面過夜唔番屋企瞓。老公講佢呢幾年不斷找藉口唔同佢見面，到頂唔到先上去佢屋企，所以佢話呢幾年期間同佢一年只會上四、五次床，因為那個女不斷要求老公同佢上床，當然呢樣野唔能夠證實老公有無講大話！而我只可以講老公同我嘅性生活是很美滿，作為一個女人，係真心感到老公係一種愛嘅表現！

知道事情後，我當然好傷心同失望，女兒亦都感到憤怒，那天老公對我同女兒坦白，女兒同我都問老公要唔要我地兩母女同這個家，老公亦即時話唔可以無左我地兩母女，做錯得好緊要，求我地原諒，之後女兒要求老公即時打比那個女，我老公就同那個女講老婆同個女已經知道件事了，仲話唔駛再比佢要脅！係電話當中那個女係咁問點解我地兩母女會知，老公就話知咪知唔需要問點解，但那個女還死纏不休話想同我老公做番普通朋友，係工作上有問題想搵我老公教同幫忙，我老公即刻一口拒絕話以後不相往來、不拖不欠同永不見面永不聯絡！之後那個女就話咁好啦！叫我老公保重！

係呢幾個月，老公同我都喊左好多次，老公自己亦主動搵社工求助，我亦講過要離婚⋯⋯最後我選擇左比機會老公。直到今天，老公對我同女兒呵護備至，去邊做乜都會同我講，樣樣都以我為先！現在嘅生活真的比以前拍拖更相愛！

我想大家分享自己嘅經歷，係想比大家知有些女人係好不知羞恥，明知個男人有屋企有老婆仔女都會作出引誘，會用盡一切方法去糾纏！當然我老公都係衰格，唔理後果去做出破壞家庭破壞婚姻嘅事，就算老公之後幾悔不當初，我同佢都已經被破壞！

最後希望大家有幸福的家！有個愛錫自己老婆/老公，作為老婆/老公要好好維繫家庭，不要做出傷害對方同子女的事

共勉之

0 0 0

私人傳訊

PTMCYS

伯爵府

積分: 17284

馬年勳章

2^#

發表於 19-1-8 11:23 |只看該作者

本帖最後由 PTMCYS 於 19-1-8 11:44 編輯

chukamchun 發表於 19-1-8 09:56
同老公拍拖四年後結婚，到今天已結婚二十二年，有一個十九歲女兒。
婚後一直恩愛，亞女小學中學時期都會kee ...

謝謝分享~

開始睇時, 覺得好奇怪, 為何要跟女兒一起表白, 因為之前另一位C9的先生都是一樣.... 睇左一半, 估到點解, 一定比人威脅, 要聯同家人的力量來坑敵. 如果沒前科, 估計妳先生已經怕怕, 不敢再亂來. 做女人有時真係無得選擇, 因為妳先生已經令妳好滿足, 如過跳出大海, 又要花時間認識, 考驗, 和面對很多的問題, 所以比一次機會是可以理解的.

其實男人跟女方單獨一室, 就真係要避忌, 就算男的不落搭, 女的都可以話妳非禮, 真係好易找屎, 其實幫同事朋友, 可以借機叫多位去. 女人都係麻煩, 除非自己真係好爛, 不然對方留戀自己, 都不易甩身的, 最初說什麼都不要, 最後可以連命仔都無埋..... 我自己未試過, 但新聞真係不段重複...

現今社會, 出軌真係唔難, 有人寂寞難耐, 有人要集郵刺激, 有人要展示魅力, 真係要睇自己要 D 咩野, 但不論男女最後都想要一個安定的家, 如果已有一個很好的家庭, 是否值得拿出來博? 自己挑人的同時, 可以把自己的另一半推出去給人呢? 做事要將心比己.....

私人傳訊

20150618bb

珊瑚宮

積分: 109189

2026勳章 2024年龍年勳章虎到金來勳章牛年勳章 2018復活節勳章開心吸收勳章

3^#

發表於 19-1-8 11:29 |只看該作者

chukamchun 發表於 19-1-8 09:56
同老公拍拖四年後結婚，到今天已結婚二十二年，有一個十九歲女兒。
婚後一直恩愛，亞女小學中學時期都會kee ...

私人傳訊

20091223

大宅

積分: 4682

4^#

發表於 19-1-8 12:29 |只看該作者

如能原諒，而他能決意改過當然好事.最好請他轉工

私人傳訊

mimiNbaby

男爵府

積分: 5888

陪月勳章

5^#

發表於 19-1-8 13:04 |只看該作者

你老公肯同你地交代又主動修補好好呀, 我老公雖然知我知道左佢啲野, 佢從來冇面對過冇道歉無求我原諒, 只係表面扮哂冇野對個家好番就當冇事發生過咁, 我過唔到自己果關, 錯左就錯左, 我好心痛, 我要為自己既將來打算.

私人傳訊

Bob_Lennon

男爵府

積分: 5203

熱血金章

6^#

發表於 19-1-8 13:29 |只看該作者

任何一個人都會犯錯，敢於認錯是對自己和家人負責任的行為，他選擇了這個家更應給他一個改過的機會。能夠寬恕別人是一種氣量和愛。要好好向妳學習呢！

無論遇上任何大大少少的風浪，一家人只要有愛，齊心去跨越障礙，未來依然充滿光明。您們一定會比以前更多愛，更幸福！

願您們平安健康，幸福快樂！

私人傳訊

backtohome2005

大宅

積分: 1395

7^#

發表於 19-1-8 14:38 |只看該作者

回覆 Bob_Lennon 的帖子

説得對！樓主加油，感受到你們一家人的努力，祝幸福！

私人傳訊

mingmama

子爵府

積分: 11324

8^#

發表於 19-1-8 14:56 |只看該作者

PTMCYS 發表於 19-1-8 11:23
謝謝分享~

開始睇時, 覺得好奇怪, 為何要跟女兒一起表白, 因為之前另一位C9的先生都是一樣.... 睇左一半, ...

非常同意最後那句～做事要將心比己

私人傳訊

soso1227

珍珠宮

積分: 37380

醒目開學勳章畀面勳章

9^#

發表於 19-1-8 15:01 |只看該作者

樓主加油。
女同事投懷送抱，
AV情節係好多男人幻想，
你老公一時受不住引誘，
亦係人之常情，
但你咁耐不發現，
相信佢對你好好，
值得俾一次機會，
個賤女人條件一定極差才死纏，
有咁恐佈嘅經驗，
你老公應該以後都唔敢亂嚟。

私人傳訊

chukamchun

大宅

積分: 3331

10^#

發表於 19-1-8 15:03 |只看該作者

回覆 PTMCYS 的帖子

老公向我同女兒坦白，是因為佢太錫個女，佢覺得對我唔住之餘亦都對唔住個女，佢求我原諒之餘亦都求個女原諒。呢一刻我同個女都感受到佢真心想保住個家，所以我同個女比左次機會佢，老公話好感激我地兩母女肯比機會佢，佢必定會好好珍惜！

私人傳訊

chukamchun

大宅

積分: 3331

11^#

發表於 19-1-8 15:05 |只看該作者

回覆 20091223 的帖子

老公同個女之前係同一寫字樓番工，但而家佢地已經係不同區域番工，係不會見到對方

私人傳訊

koalamaggie

複式洋房

積分: 500

12^#

發表於 19-1-8 15:11 |只看該作者

祝你們幸福走下去。
宜家好多女人好OPEN。

私人傳訊

chukamchun

大宅

積分: 3331

13^#

發表於 19-1-8 15:49 |只看該作者

Bob_Lennon 發表於 19-1-8 13:29
任何一個人都會犯錯，敢於認錯是對自己和家人負責任的行為，他選擇了這個家更應給他一個改過的機會。能夠寬 ...

選擇原諒是更需要勇氣！見佢痛極後悔自己做錯事，就比次機會吧

私人傳訊

Bob_Lennon

男爵府

積分: 5203

熱血金章

14^#

發表於 19-1-8 15:56 |只看該作者

的確是需要無比勇氣。

chukamchun 發表於 19-1-8 15:49
選擇原諒是更需要勇氣！見佢痛極後悔自己做錯事，就比次機會吧

私人傳訊

chukamchun

大宅

積分: 3331

15^#

發表於 19-1-8 15:58 |只看該作者

soso1227 發表於 19-1-8 15:01
樓主加油。
女同事投懷送抱，
AV情節係好多男人幻想，

咁多年黎老公對我同個女真係好好，好錫我地！當日佢講件事出黎亞女同我都相當驚訝！
難以置信！老公話悔不當初，過左幾年非人生活，見過鬼都怕黑！同埋亞女同我比左機會佢，個家失而復得，
佢話會好好珍惜，會更愛頭家同我地兩母女！

私人傳訊

chukamchun

大宅

積分: 3331

16^#

發表於 19-1-8 16:20 |只看該作者

多謝大家的祝福

私人傳訊

PTMCYS

伯爵府

積分: 17284

馬年勳章

17^#

發表於 19-1-8 16:35 |只看該作者

本帖最後由 PTMCYS 於 19-1-8 16:38 編輯

chukamchun 發表於 19-1-8 15:03
回覆 PTMCYS 的帖子

老公向我同女兒坦白，是因為佢太錫個女，佢覺得對我唔住之餘亦都對唔住個女，佢求我原 ...

我用男人的角度看, 很多男人都會說, 請願呃一世.

如果比我可以瀟洒離開這個女同事, 我未必會講出來, 更不會給女兒知. 因為爸爸從來無欠她的父愛, 跟本不用對她負責任, 反而令她覺得世上最好的男人"爸爸" 都出軌, 對婚姻憧憬有所改變.

應該很大機會被威脅, 反正都穿煲, 避免人滋擾太太和女兒, 更不想他們在這時才知, 干趣直接自爆.

但相信佢係真心認錯的, 不過就因為這次的出軌, 自己都要警覺一下, 有時D 野唔會無端端的發生, 可以單獨跟女性朋友在家, 心魔唔多唔少已在他心中很久, 只不過他自己唔承認, 唔知真係可以咁爽, 妳要提他妳的底線和避忌.

私人傳訊

chukamchun

大宅

積分: 3331

18^#

發表於 19-1-8 17:31 |只看該作者

PTMCYS 發表於 19-1-8 16:35
我用男人的角度看, 很多男人都會說, 請願呃一世.

如果比我可以瀟洒離開這個女同事, 我未必會講出來, 更不 ...

老公自己向我同個女坦白，佢話就是因為佢呢幾年過得好痛苦，過著不似人嘅生活，每當見到亞女同我內心痛到不得了！佢仲話試過好多次想向我地兩母女説出來，但很害怕無左個家同影響個女考大學！呢幾年，那個女一有甚麼唔喜歡就要脅老公話搵我地兩母女，所以我老公拖拖拉拉左四年多！事件穿左後，每次提起那個女我老公都喊，好幾次仲嘔左出黎！佢都話件事穿左後佢可以重生，但將佢嘅痛苦轉移左去我度，而佢見到我喊唔開心佢都同我一齊喊！見到佢咁，我選擇相信佢！

結婚咁多年黎，老公對我地兩母女好好，樣樣野都會遷就我地，個女對爸爸亦非常痴身，所以老公當個女係心肝寶貝！而佢那個女是一種友情，結識多年嘅同事，佢話從來無諗過發生呢d事，仲要泥足深陷，不能脫身！亦覺得自己咎由自取，痛恨自己當日受不住一時嘅引誘！

亞女同我已經好清楚同佢講，機會只得一次，再有下次佢一定會無左頭家，我地兩母女係唔會再原諒佢，佢亦清楚知道，話打死都唔會再犯！

私人傳訊

chu媽

大宅

積分: 3530

19^#

發表於 19-1-8 21:52 |只看該作者

[b]回覆 [url=forum.php?mod=redirect&goto=findpost&pid=335330989&ptid=22215474][color=Olive]chukamchun[/color] 的帖子[/url][/b]

我都有問過c6，你有冇諗過同小三有冇將來？今次係我同對仔女比左一次機會你姐，如果唔係你就為左所謂嘅貪玩，而冇左頭家，冇左老婆，仔女，你覺得係值得咩