心聲留言今日: 0|主題: 17517

收藏本版

發帖

返回列表

跳至頁

查看: 22660 | 回覆: 5

一個好錯嘅決定 [複製鏈接]

worthy

珍珠宮

積分: 43620

1^#

發表於 23-5-9 17:27 |只看該作者 |倒序瀏覽 |打印

本帖最後由 worthy 於 23-5-9 17:28 編輯

事源4月尾我有幾個堂家姐從外地嚟香港探我地, 疫情發生已3年無返過, 約好某一日食飯見下面. 點知食飯前一星期我中咗COVID都知道麻煩喇! 事關我兩個仔好介意呢個病, 我心知講俾佢地聽佢地會攪到好大件事, 更加唔使旨意會出席飯局, 甚至就算到嗰日我已經好返都唔俾我地兩個去, 我就諗住搏一搏. 如果我好快好返又無傳染其他人就當我感冒算. 因為另一邊廂如果我地成家都缺席又會俾人話. 好可惜我搏輸咗, 成家中晒.
兩個仔知道後非常嬲, 係咁鬧我. 我都覺得自己唔啱, 所以任佢地鬧. 我轉返陰性後第一晚一坐埋枱食飯佢地即刻起身, 夾D餸就走晒. 我明佢地係保護自己, 但我實在覺得難過.

之後我盡量留喺房因為C6仍然陽性. 雖然同一間屋, 但我兩公婆同兩個仔已無交流好幾日.

嚟緊母親節, 以往年年細佬妹都會call飯局 (雖然我唔想), 今年都唔例外. 唔去又唔好, 都唔知揾咩藉口, 因為佢地知我兩個仔係從來唔同我地慶祝父母親節嘅, 我當日根本唔會有節目. 如果答應去, 咁嘅關係佢兩個一定唔肯去, 母親節只有我呢個阿媽出席, 兩個仔唔去, 有意思嗎? 點解釋俾人知?

其實全部人已經轉陰性, 無晒事.

錯誤嘅決定造成非常困窘嘅情況, 點解做人咁煩????