＋
Baby Kingdom - 親子王國 香港 討論區 › 首頁 › 懷孕前後› 早期妊娠糖尿好灰心

懷孕前後

收藏本版
發帖
返回列表
跳至頁

首頁
1

尾頁
   3
CNCCHAN`


複式洋房

積分: 472


1#
發表於 22-4-17 13:13 |只看該作者
本帖最後由 CNCCHAN` 於 22-4-17 13:17 編輯

15週發現有糖尿
跟住份餐單食早餐剩係食兩塊麥包 夾兩隻煎蛋
2個鐘後血糖都8.8
可以點 呢家先18週
私人傳訊

Tinny


伯爵府

積分: 18536


2#
發表於 22-4-17 15:51 |只看該作者
CNCCHAN` 發表於 22-4-17 13:13
15週發現有糖尿
跟住份餐單食早餐剩係食兩塊麥包 夾兩隻煎蛋
2個鐘後血糖都8.8

我又係中左妊娠糖尿病，我第一次篤手指，果朝都係淨係食左2片麥包咋，2個鐘頭後居然9.4囉，嚇到我眼都凸埋呀⋯⋯

跟住果次之後我就唔再食果間買嘅麥包，好彩打後到而家都無再超標喇:donutsweat:
私人傳訊

CNCCHAN`


複式洋房

積分: 472


3#
發表於 22-4-17 16:08 |只看該作者
回覆 Tinny 的帖子

真係… 食個出前一丁好過…仲低d又飽d
私人傳訊

astroboy31


大宅

積分: 1204


4#
發表於 22-4-17 23:30 |只看該作者
CNCCHAN` 發表於 22-4-17 13:13
15週發現有糖尿
跟住份餐單食早餐剩係食兩塊麥包 夾兩隻煎蛋
2個鐘後血糖都8.8

我第一胎都中左，要見營養師，及拮手指，自己控制住

私人傳訊

Candymabb


大宅

積分: 1584


5#
發表於 22-4-18 09:37 |只看該作者
CNCCHAN` 發表於 22-4-17 13:13
15週發現有糖尿
跟住份餐單食早餐剩係食兩塊麥包 夾兩隻煎蛋
2個鐘後血糖都8.8

我都中左吖.係瑪麗驗查.
而家16週.
一星期篤兩日手指.每日七次.
我個日聽報告.我空腹係8 ， 兩小時後係13.

食左幾日營養餐. 數字一般去返單位數.

希望唔駛比醫生捉打針啦
私人傳訊

cpycpyhelen


男爵府

積分: 7103


6#
發表於 22-4-18 19:12 |只看該作者
CNCCHAN` 發表於 22-4-17 13:13
15週發現有糖尿
跟住份餐單食早餐剩係食兩塊麥包 夾兩隻煎蛋
2個鐘後血糖都8.8

我都試過，咁食過左兩小時超標，
日日都灰到爆，（我有打針，有餐後散步）
私人傳訊

miffytsoi


大宅

積分: 1520


7#
發表於 22-4-19 00:32 |只看該作者
CNCCHAN` 發表於 22-4-17 13:13
15週發現有糖尿
跟住份餐單食早餐剩係食兩塊麥包 夾兩隻煎蛋
2個鐘後血糖都8.8

本帖最後由 miffytsoi 於 22-4-19 00:34 編輯

我今次二胎都係15w發現有妊娠糖尿，
飲糖水係空腹血糖超標，
糖水後兩小時反而無問題，
第一胎妊娠糖尿，反而係空腹無事，2h後超咗，
宜家都係要篤手指，跟營養師講既計份量食嘢，
朝早食燕麥片加一隻雞蛋，2h之後篤都係5點幾
私人傳訊

tracysex0123


別墅

積分: 546


8#
發表於 22-4-19 06:49 |只看該作者
本帖最後由 tracysex0123 於 22-4-19 07:10 編輯

我都有妊娠糖尿，空腹正常，飲完糖水兩小時去到 8.4，每星期兩日三餐兩小時後要拮手指。

我覺得想 keep 得好就要改變下生活習慣，我本身好大食下，要食一大碗飯先飽，冬天就食兩碗飯，有左反而細食左一半。同埋成日要記住唔可以比自己食得太飽，keep 到兩個鐘唔餓就得，唔好食熱既白飯同加工澱粉質，微暖白飯三四湯匙就好，食到糙米，十穀米，小米，溝紅米都好好。

我大大話話試左十幾二十間麥包，只有聖安娜食完個口無好似食味精個種感覺 (我太鹹太甜都會係咁)，我就知個隻麵包唔啱我食。

早餐我只食一塊麥包 + 炒蛋 (唔落任何調味料) / 廚師腸 (我成包放落熱水出水兩分鐘先放涼放回冰箱，可以去除過多鹽份)，當然唔建議成日食，耐唔耐一餐無咁掛嘛 / 午餐肉我都切成薄薄一片有時替換下。原味乳酪 + 小量生果 + 奇亞子 + 南瓜子個類比較健康既 nuts / 原片麥皮 (加原片麥皮要前一晚同乳酪溝好放雪櫃第二朝先好食唔係口感唔好)。食麥皮既話只可以食原片麥皮唔好簡即食果類，我屎忽痕試過一次即超去到 7.4。麥皮 + 無糖豆漿 / 無糖杏仁奶煮滾三四分鐘都 ok，牛奶唔建議煮過啲營養都走失左好多。烚 “蛋白” 兩隻 + 一小碗麥皮。蕃茄 + 低脂芝士 + 一塊麥包。蒸淨腸粉三條或以下 + 小量醬汁。

ps: 唔好食饅頭，蝦餃/燒賣唔好多過三粒，糯米唔好掂，呢啲我試過晒都一定超。

兩個鐘後我食幾塊餅餅 (推薦 gullon 呢個牌子既瑪利餅唔錯，無糖之外都幾好食，食四五塊唔餓等晏啲食午餐過渡下) / 小橙一個 / 特細蘋果 + 高鈣低脂奶 / 無糖鈣思寶

午餐得我一個食，唔想煮得太複雜，我食半個出前一丁 + 菜 + 魚肉 / 雞絲。
或者用昆布堅魚湯包煮湯底，或者再有心機可以買多啲雜魚煲個魚濃縮湯，煎熟晒啲魚再整爛佢加熱滾水煲滾轉中小火煲佢半個鐘，濃縮個湯隔渣放涼入冰格雪硬佢，用一兩粒 + 菜 + 半個烏冬 / 米粉 / 蕎麥麵 + 魚 / 雞絲 / 肉類。

晚餐：早期因為我成日嘔，嘔到牙肉發炎都唔想煮，兩個人食所以外賣居多，但只要飯唔食多過五湯匙，有多餘既汁盡量唔掂，食到六/七分飽就停，基本都唔超。
後期煮到我係屋企都食過烤肉 + 甘荀 + 磨菇 + 洋蔥 + 泡菜 + 包水耕菜食，大約五舊停手都 keep 到 6.4。

夠兩個鐘我先食生果同飲高鈣低脂奶，如果真係好肚餓就加半塊麥包，生果就相對減返半個， 高糖生果士多啤梨， 香蕉，菠蘿呢啲唔好食。

基本長胎既我妊娠糖尿都唔會食，例如花膠，滴雞精，榴槤，華田 (唉.. 我後期先知，已經飲過三四杯)

偷食就梗有既，薯片我都有食，但兩塊就停，試過飲華田，隔離個件一食朱古力我就 high 小小食一小啖，不過而家孕期近全部都暫停，驚驚！比大家作個小參考。

前兩星期我發現原來坊間都有懷孕糖尿餐可選，但半個月要成 $7,800 一個月成 $12,800 好那貴，平均要 $4xx 一日仲係得我自己食，晚餐我即係仲要整比另一半，所以無幫襯到，如果有多餘錢既都可以試下既。

而家 31週 重左3kg，但胎水多 bb 肚圍一直都大了三週，基本唔拮手指我都知到底有冇超標，一超標個肚就賬，根住就撐到爆咁濟，行一行都要用手抬住個肚，唔係會扯到痛，所以托腹帶我建議大家胎水多都買黎用下。

呢幾個月除咗睇醫生都係屋企過，係早兩日諗住出去睇 bb 野先去行下，點知唔夠兩個鐘已經頂唔順，腰又痛，肚又扯住，要即刻上車抖，叫我隻佬買外賣，根手我仲瞓著埋。所以大家都係有時間唔太辛苦分段出去睇下 bb 同自己既物品格下價，有需要差唔多時候可以一擊即中。
私人傳訊

christyfungfung


大宅

積分: 1940


9#
發表於 22-4-19 12:22 |只看該作者
我上一胎都係妊娠糖尿，當時我每日要飲好多水，同不停行下，去散步先無事
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy